بدايه التقديم لمسابقه الازهر 1/4/2012

[ahmed.www]

لا حول ولا قوة الا بالله

[Mr MohammedHassan]

ياجماعة الخير المسابقة نازلة بالأسلوب ده علشان العقود الموسمية عاملين اضراب وبيطالبوا بالتثبيت
أرجو الصورة تكون وضحت

[ام رهف]

المشاركة الأصلية كتبت بواسطة شريعة وقانون

مسابقة كلها كلام فارغ واستغالات أنا رحت النهاردا أقدم بناء على المنشور دة قابلوني في المنطقة كأني يهودي وقعدت الف على المكاتب مكتب مكتب لغاية ما وصلت للمسؤول عن التعليم النموذجي قالي مجناش حاجة مفيش تعليمات بالمسابقة وكل دول واقفين علشان المسابقة والحمد لله أنا كان معايا الورقة اللي فوق قال لي المسؤول المحترم دي لسد العجز قلت له أه قال افهم الأول المطلوب قلت ليه أية المطلوب قال لي المسابقة لسد االعجز قلت يعني أية قال تروح تلف على المعاهد النموذجية في المحافظة وتقدم لهم ورقك وتسألهم عايزين ناس ولا لا قلت له اية يا باشا الكلام دة هو أنا هروح اشحت قال أنا عندي عيال زيك ((( أنا مش صغير على فكرة ))) قلت له يعني أية قال يعني أنا بدلك على الصح أنت المفروض تلف بالورق دة على المعاهد والمعهد اللي يوافق عليك تعالى وأنا اعينك عليه قلت له هو أنت مش المسؤول عن المعاهد قال أنا بعت لهم ومحدش رد عليا وأنا الصراحة كنت ميت من الضحك لإن المعاملة واضح أنها مش مظبوطة وواضح إن السيد المسؤول مش فاهم أي حاجة عموما أنا من محافظة الدقهلية وأنا خلاصة لفي على المكاتب أدوني رقم السيد المسؤول المحترم التاني وكيل الوزارة وأدوني رقم السنترال قالوا ابقى اتصل اسالنا لو في مسابقة هنقولك تعالى ولو مفيش عوضك على الله

فعلا ده اللي حصل بالضبط عندنا في الشرقية الموضوع كوسة وواسطة على اعلى مستوى
مازالو يستخفونا بنا وبعقولنا

[خالدابوخبازى]

المشاركة الأصلية كتبت بواسطة ام رهف

فعلا ده اللي حصل بالضبط عندنا في الشرقية الموضوع كوسة وواسطة على اعلى مستوى
مازالو يستخفونا بنا وبعقولنا

اذا كلامكم صحيح لابد من وقفغة جادة وحادة امام شيخ الازهر والسادة المشايخ اللى مش فاهمين حاجة

[ام رهف]

المشاركة الأصلية كتبت بواسطة خالدابوخبازى

اذا كلامكم صحيح لابد من وقفغة جادة وحادة امام شيخ الازهر والسادة المشايخ اللى مش فاهمين حاجة

انا رحت المنطقة اليوم مرة تانية ومن وجهة نظري ان الموضوع في الاساس لاصحاب العقود الموسمية والمتعاقدين في المعاهد النموذجية
الفكرة ان شيخ الازهر بدل ماينزل تثبيت او عقود لهم كلهم نزل هذا الاعلان علشان يضع الامر في يد شيوخ المناطق وشيوخ المعاهد النموذجية وبين هذا وذالك تقدر توصل لوكيل الوزارة بالواسطة طبعا ويؤشر على الطلب وده طبعا يتم بالتنسيق مع شيخ المعهد وفي النهاية الاعلان اونطة
اما عن الوقفات فمين هيقف قدام مين في النهاية المناطق الان مشغولة بين حاجتين اما التثبيت واما تعيينات اوائل الخريجين
ولا عزااااء للعاطلين

[بدر عمر]

منطقة اسيوط تقول انه ليس عندها علم بهذا الاعلان من اساسه وترفض استلام اية اوراق

[الساطعو]

عيزين نشتغل ياناس بقالى سنين قاعد

[الساطعو]

استغفر الله العلى العظيم عدد ما كان وعدد ما يكون وعدد الحركات والسكون

[شريعة وقانون]

رحت اليوم المنطقة للمرة الثانية بعد أن نشر الإعلان رسمياً ببوابة الحكومة الالكترونية وأصبح رسمي طلعت للموظف المختص أو لمدير التعليم النموذجي اسمه الشيخ ....... الشيخ قلت له يا شيخ عايز اقدم في المسابقة قالي أنا جالي فاكس لكن الغعلان دة مش مضبوط ومش هينفع أخد منك ورق قلت ليه أزاي يا شيخ مش مضبوط قالي الإعلان بيقول أية لسد العجز والسنة أصلاً خلصت يعني إحنا أصلاً مش محتاجين مدرسين علشان يكون في عجز والمفروض المسابقة تنزل السنة الجاية علشان أعرف إذا كان في عجز ولا مفيش لكن دلوقتي غلط قلت له والله كلامك مضبوط طب خد الورق مني ونشوف موضوع الغلط والصح بعد كدة قالي أنت معاك أية قلت له شريعة وقانون قالي مش عيب تكون شريعة وقانون ومش فاهم الكلام راحت واحدة موظفة جنيه حليوه كدة ضحكت وقالت لي عيب يا أستاذ دا أنا مش أزهر وفهمت كلام الشيخ (( أنا كنت عايز أضحك عليهم هما الاتنين اصلهم ربطوا الفهم بالأزهر والتربية والتعليم منتهى الجهل الصراحة )) المهم رحت لمكتب السيد وكيل الوزراة ومعرفتش أدخل له والغريب لقيت موظف أهطل هناك بيقولي يا ابني عليا الطلاق ما في مسابقة قلت له دي منشورة رسمي في موقع الأزهر ونزلت في البوابة الالكترونية قالي يا ابني الإخوان هما اللي عملوا المسابقة دي علشان يوقعوا الدنيا في بعضها (( المهم أنا شفت تخلف مشفتوش قبل كدة أنا سبت الأزهر من 6 سنين وكانت العقول لسة موجودة لكن اعتقد إن كثير من القيادات تحتاج للكشف على قواها العقلية اللهم إلا لو كان تعيين غير المدركين خطة ))) وسلامتها أم حسن
نسيت أقول لكم أني من ساعت ما خرجت من المنطقة لغاية وانا بكتب لكم الخواطر دي بدعي عليهم ربنا ينتقم منهم جميعاً ولا يبارك لهم وحسبي الله ونعم الوكيل

[شريعة وقانون]

ربنا ع الظالم اللهم انتقم من كل المسؤولين الظالمين وخصوصاً الأزهرية وابتليهم بمرض لا يبرأون منه أبد الدهر يا رب العالمين

[الفيلسوف احمد]

إنــــــــــــــــــــــــــــــــــــــــــــــــ ـــــــــــــــــــــــــه الإزهـــــــــــــــــــــــــــــــر ولا عجــــــــــــــــــــــــــــب

[qiz_misrmehalla]

ياسادة ياكرام

استفسرت من المنطقة الازهرية بطنطا وافادت بالاتى

المطلوب هم من سبق لهم التعاقد او المفصولين او الذين انتهت مدة تعاقدهم من قبل

بمعنى لامكان لأى شخص جديد أوحديث التخرج

[مسترh]

المشاركة الأصلية كتبت بواسطة شريعة وقانون

رحت اليوم المنطقة للمرة الثانية بعد أن نشر الإعلان رسمياً ببوابة الحكومة الالكترونية وأصبح رسمي طلعت للموظف المختص أو لمدير التعليم النموذجي اسمه الشيخ ....... الشيخ قلت له يا شيخ عايز اقدم في المسابقة قالي أنا جالي فاكس لكن الغعلان دة مش مضبوط ومش هينفع أخد منك ورق قلت ليه أزاي يا شيخ مش مضبوط قالي الإعلان بيقول أية لسد العجز والسنة أصلاً خلصت يعني إحنا أصلاً مش محتاجين مدرسين علشان يكون في عجز والمفروض المسابقة تنزل السنة الجاية علشان أعرف إذا كان في عجز ولا مفيش لكن دلوقتي غلط قلت له والله كلامك مضبوط طب خد الورق مني ونشوف موضوع الغلط والصح بعد كدة قالي أنت معاك أية قلت له شريعة وقانون قالي مش عيب تكون شريعة وقانون ومش فاهم الكلام راحت واحدة موظفة جنيه حليوه كدة ضحكت وقالت لي عيب يا أستاذ دا أنا مش أزهر وفهمت كلام الشيخ (( أنا كنت عايز أضحك عليهم هما الاتنين اصلهم ربطوا الفهم بالأزهر والتربية والتعليم منتهى الجهل الصراحة )) المهم رحت لمكتب السيد وكيل الوزراة ومعرفتش أدخل له والغريب لقيت موظف أهطل هناك بيقولي يا ابني عليا الطلاق ما في مسابقة قلت له دي منشورة رسمي في موقع الأزهر ونزلت في البوابة الالكترونية قالي يا ابني الإخوان هما اللي عملوا المسابقة دي علشان يوقعوا الدنيا في بعضها (( المهم أنا شفت تخلف مشفتوش قبل كدة أنا سبت الأزهر من 6 سنين وكانت العقول لسة موجودة لكن اعتقد إن كثير من القيادات تحتاج للكشف على قواها العقلية اللهم إلا لو كان تعيين غير المدركين خطة ))) وسلامتها أم حسن
نسيت أقول لكم أني من ساعت ما خرجت من المنطقة لغاية وانا بكتب لكم الخواطر دي بدعي عليهم ربنا ينتقم منهم جميعاً ولا يبارك لهم وحسبي الله ونعم الوكيل

قبل كده سيادتك قلت على اعضاء فى المنتدى مش بيعرفوا يكتبوا

وان انت العلامه المنقلوطى

ودلوقتى بتوصف الناس فى المنطقه انهم جله ومجانين وعيزين يكشفوا على قواهم العقليه

لما اللى فى الازهر مش عاجبينك

عايز تشتغل معاهم ليه

انت لايق لك الفراخ والمزارع وهى لايقه لك

[شريعة وقانون]

المشاركة الأصلية كتبت بواسطة مسترh

قبل كده سيادتك قلت على اعضاء فى المنتدى مش بيعرفوا يكتبوا

وان انت العلامه المنقلوطى

ودلوقتى بتوصف الناس فى المنطقه انهم جله ومجانين وعيزين يكشفوا على قواهم العقليه

لما اللى فى الازهر مش عاجبينك

عايز تشتغل معاهم ليه

انت لايق لك الفراخ والمزارع وهى لايقه لك

يا باشا بقولك الموظف قالي الإخوان هي اللي عملت المسابقة دي علشان توقع الناس في بعضها عموما أنا عند رأيي وأنا شايف أنه حقيقة الموظف اللي قال لي كدة مجنون ، وأنا مش عايز اشتغل حباً في التدريس ولا حباً في العمل في الأزهر وإن كنت محب للأزهر لكن يا ريس أنا من ساعت ما اتخرجت مش عارف اشتغل في عمل حكومي محترم رغم إني تقديرري جيد جداً تصدق بالله العظيم يا مستر أنا كنت بترفض من الوظائف لأني أزهري علشان كدة مفيش مفر وربنا يكرم بالأزهر وأهي أي حاجة وكنت مستني مسابقة 2011 لكن قامت الثورة واتلغت وقعدت مستني أي حاجة جديدة في الأزهر لكن تصدق بالله يا شيخ بعد ما شفت بعيني وسمعت بوداني كرهت الدنيا كلها وربنا ع الظالم ومبروك عليكم أنتوا يا مستر الأزهر ومبروك على كل اللي لية واسطة واللي هيتعين في المسابقة دي وأنا ليا ربنا يتولاني بقى ما هو اللي خلقني ... لو قدامك مزرعة فراج دل أخوك الغلبان عليها العيشة بقت مرة على الأخر والفراخ معدش حد لقيها

[أ / محمد صالح الاخضر]

انصحك ان تفكر كثيرا قبل العمل بالازهر