مادة الكمبيوتر وتكنولوجيا المعلومات.. بين التخطيط والتخبيط

[عاطف جوده]

طيب ما السبيل
- هل نحمل المعلم كل القصور الموجود
- هل نحمل الطالب المسئولية
- هل العيب عند الكمبيوتر التعليمي
ام العيب عند الوزير اللي بيألف

[الأستاذة / أم أمل]

أخى العزيز الخطأ فى الوزارة فى الميزانيه البسيطة اللى بتضعها للاجهزة واللى بيتآكل أكثر من نصفها فى العمولات

الجهاز اللى لايساوى 1000 جنيه موجود بسجلات العهدة 3600 الخطأ فى عدم معرفة التكنولوجيا الحديثة وان تعليم البرمجيات

عندنا تساوى العاب جيم يعنى

والكمبيوتر التعليمى اللى محسسنا انه متفضل علينا أوجد لنا فرصة عمل ونحمد ربنا ولا نطالب أكثر من ذلك

يجامل الوزارة على حساب المادة انظر يا أخى هل يوجد كتاب للمرحلة الإبتدائية للحاسب الألى فى يد الطالب

الإجابه لا لانها مادة نشاط يجب ان تهمل مدارس كثيرة ابتدائى ليس لها مدرس كمبيوتر

انظر هل الصف الثالث الأعدادى منهجه أكثر من ثلت المنهج ملغى هل يوجد هذا فى المواد الأخرى

والمرحله الثانويه حدث ولا حرج

فى الصف الأول مجرد ملزمه من فصلين تمثل خمس المنهج والباقى أعتمد ايها المدرس على نفسك

دور على النت عن مذكرات أو لا تشرح سيان ليه لانه لا يوجد مراقبه لان الموجهه لا يعرف اللى التوجيه الإدارى

اما توجيه المادة لا يدرك عنها شيء بالأضافه ان المادة لا تضاف للمجموع

ومدير المدرسة يبصلك بستغراب لان لجنه الجدول تضع حصص الحاسب الحصة 7 ,8 والطلبه بتمشى

يا أستاذة المادة لا تضاف للمجموع يعنى مش مهمه خلى العيال تمشى وروحى لأولادك


تعالى وشوف الصف الثانى تقريبا خلاص أوشك على انه يتلغى

كان ما شاء الله له كتابان واحد عملى والثانى نظرى

والمادة لها أعمال سنه وامتحان عملى ونظرى

تقلص الكتابان الى كتاب واتحذف أكثر من نصف المنهج

واتلغى الأمتحان النظرى واما العملى اقتصر على مرس المادة هو اللى يمتحن وتوضع الدرجات فى المدرسه

ثم الى اقرب سله مهملات


دور التوجيه

الموجه خاصة ثانوى كان فى الأصل بيدرس مادة تانيه ولما احتاجو مدرسين كمبيوتر لان المادة جديدة فكل مدرس مش مرتاح فى

مادة راح وبقى مدرس مع فترة تدريب شهرين وبس

ولانه غير متمكن من المادة لكن اترقى بالأقدميه أصبح موجه وهذا لا يمنع ان فيه ناس اجتهدت فى المادة وعرفتها حق معرفه وهم عدد قليل

ولو تلاحظ ان معظم امتحانات المحافظات تافهه لانه الموجه شايف ان المادة كتير على الطالب كفايه عليه ياخد القشور منها

ولو تلاحظ ان المادة تكاد تكون الوحيدة اللى بيأتى منها أخطاء فنيه (لانه مش عارف المنهج كويس)

المدرس

لى عودة بالنسبه للمدرس

[venuse_love2000]

تسلم على اعمالك الجميلة وجهدك البارز
شكرا جزيلا

[mohammudalshater]

موضوع رائع ويمس المشكلة في الصميم، وقد تناولتم معظم جوانبه الشائكة، ومن خلال خبرتي القليلة التي لا تتعدى الأيام كمدرس لمادة الحاسب الآلي في المرحلة الابتدائية، أرى أن محتوى المناهج عقيم وقد عفى عليه الزمن، ناهيك عن التركيز الغريب على منتجات مايكروسوفت كأنها الوحيدة في هذا المجال.مقتراحاتي لتطوير مادة الكمبيوتر

1. أن تصبح مادة أساسية مثلها مثل الفيزياء والرياضة.
2. أن يركز محتوى المناهج على البرمجيات مفتوحة المصدر فهي المستقبل ومعظم دول العالم تتجه لها الآن.
3. تدرج المناهج في المراحل المختلفة من السهل والعام إلى الأكثر صعوبة والأكثر تخصصاً.
4. تحديث سنوي للمنهج لما يتميز به هذا المجال من سرعة التطوير.
5. تجهيز المعامل بالإمكانيات اللازمة لتمكين الطلاب من التطبيق العملي.

وأرحب بإضافاتكم واقتراحاتكم على ما ذكرت.

[drem.ahmed]

زيادة على كلامك يجب على طلاب المرحلة الاعدادية ان يدرسو مجموعة الاوفس كلها مما يؤهلهم بعد ذالك باخد شهادة الرخصة الدولية ICDl لان الطالب بعد ميخلص المرحلة الاعدادية +ويخش على الثانوية ثنوى بالذات يكون سنو وصل 16 سنة ويمكن انو يطلع بطاقة ويمتحن الICDLوعلى فكرة دة كان اقتراحى من اول يوم اشتغلت فية مدر حاسب الى. ونفسى دة يتحقق
انا الحمد لله كويس فى الفجول بيسك لاحسن تقول دة بيهرم الفجول ومشعاوز يدرسو فى اعدادى

[ehab73]

بارك الله لنا فى زملائنا المخلصين مثل الأخ عبدالقادر وحتى يتحقق ما ننشدة يجب تنظيف المادة من الأساتذة العواطلية مثل من يطلق عليهم المبرمج الصغير بكل ادارة وهم فى الأصل عاطلين بأجر ليس لهم نفع ومن يقول غير ذلك يثبت لنا بالدليل ثم بعد ذلك ننظف الكمبيوتر التعليمي من من يطلقون على أنفسهم بالخبراء ويتقاضون مالا يستحقون لأنهم هم الذين وضعوا مادتنا الجليلية موضع الاهمال ويسعون فى خرابها.

[kholio_]

حسبي الله ونعم الوكيل في كل مسئول عن هذه المادة ولا يعمل على الإصلاح من شأنها من أول الموجهين الى وزير التربية والتعليم
حسبي الله ونعم الوكيل غلى أن ينصلح من حال المادة


رابعة ابتدائي HTML وخامس Exprwssion Web والاعدادي ياخد ماهي مكونات الكمبيوتر

دا حتي في السعودية (انا شغال حاليا في مدرسة ثانوية سعودية تدرس بالنظام المتطور) ومع ذلك نجد أن منهج اول ثانوي هو منهج اول إعداي في مصر ومنهج 3 ث هو البرمجة بالفيجوال بيسك بتاع 3 ع

حسبي الله ونعم الوكيل في كل ظالم مش فاهم أي حاجة في أي حاجة

[asem_fawzy]

يا جماعة انا نفسى المادة يبقى لها فعلا قيمة بين باقى المواد والا يتم الغائها من الاصل ويحولونا مدرسين مواد اخرى

[asem_fawzy]

سبب تدهور المادة هم العاملين بالكمبيوتر التعليمى همهم الاول اعطاء تدريبات وهمية من اجل زيادة الغلة اخر الشهر وتنحرق المادة مش مشكلة

[nevyn]

المادة محتاجة حد يكون بيحبها علشان يدافع عنها المادة استسية في الاعدي ولكن نشاط في الابتدائي والثانوي يعنى مستحيل الطالب بهتم بيها الطلبة يتهتم بالفرنساوي رغم انه مادة غير اساسية ي الاعدادي ولا يهتم بالكمبيوتر في الصف الثالث الاعدادي وكمان مجموع المادة من 20 يعنى هيتعبوا نفسهم ليه ميركزوا في مادة تانية دي كارثة بالمعنى الحقيقي وترتيب المواد ممكن تتخيل ان طالب مبيعرفش يتعامل مع الكمبيوتر اصلا يدرس html وهو مبيعرفش انجليزي اصلا علشان يحفظ أوامر وعلى فكرة المشكلة كمان في المدرسين في مدرسين لا يفقهوا شئ المادة محتاجة دعم قوى في المناهج والدرجات والمدرسين والاهمية يعنى تكون اساسية في جميع المراحل والمناهج تتظبط على مستوى الطلبة الفعليين في مصر والمدرسين يتعلموا كمبيوتر بجد ومجموع المادة يعلى ويتساوى مع باقي المواد الاساسية

[أبو مريم2008]

المشاركة الأصلية كتبت بواسطة عبد القادر69

أستاذ عاطف دعنا نرفع أصواتنا بثقة وعلم ونطالب بأن تكون مادة الكمبيوتر وتكنولوجيا المعلومات مادة كالفيزياء والكيمياء فهي لا تقل أهمية عن هذه المواد بل ربما تزيد في الوقت الراهن

صدقت فى كل كلامك بل هى تزيد عنهم

[العدوى1]

يجماعه انا نفسى نبط كلام مع نفسنا انا بعت مذكرة للعرض على الوزير وعاوز كلنا نعمل كده وكل واحد يبعت عشان نحسسه بالموضوع منكلمش نفسنا وخلاص