أوافق على عمل زوجتي لكن بشروط ادخل وهتعرف الشروط

[مرموور]

المشاركة الأصلية كتبت بواسطة مدرس اللغة

لالالالالالالا والله مش غريبة ولا حاجة بس كل ما في الأمر إنه الموضوع قناعات شخصية فأنا مقتنع باللي قلته ومش عايز افرضه على حد لكن بس بتناقش يمكن أأثر فيكم أو تؤثرون فيني
طيب وعشان حضرتك مستغربة انه الواحدة ممكن تشتغل في مكان فيه جنس آخر ومتتكلمش والله كان معاي في المدرسة اللي كنت بشتغل فيها واحدة مسيحية كمان كانت عمرها ما تكلمني ولا أنا أكلمها إلا صباح الخير وصباح النور وازيك وبس ولا في عمري حكيت معاها اي حاجة بس طبعا كانت مخطوبة وخطيبها كان شغال معانا في نفس المدرسة وعلى فكرة أنا اجتماعي جدا يعني أحب أتكلم مع أي حد حتى لو يهودي أو صهيوني أو يكرهني برضو أحب أتكلم معاه بس هي مرة واحدة بس قالت يا أستاذ أحمد احنا هنعمل بسبوسة الكلام ده في المدرسة ايه رأيك هتشترك معانا (ملحوظة كل المدرسة كانوا مسيحيين إلا أنا)طبعا قلتلها أيوه أكيد هشترك معاكم مش في العميل طبعا قصدها في الفلوس ههههه والأكل المهم دفعت نصيبي في التكاليف وجابت لي نصيبي في البسبوسة بس بصراحة تسلم يدها بسبوسة كانت عسل

لا اله الا الله
طب ماهو حصل كلام اهوه وبسبوسه وحاجات حلوه
وطبعا مستحيل انك تكون بتعمل فى مكان فيه جنسين ومش هتتكلم
يعنى صباح الخير دى مش كلام ماهى كلام
وصباح الخير جرت البسبوسه
وكمان خطيبها معاكوا فى المدرسه امال لو مكنش معاكوا كانت عملت ايه
ان شاء الله احنا اللى هنقنع حضرتك

[tmatem2]

المشاركة الأصلية كتبت بواسطة هبه محمود25

3-أن تكون هي راغبة في العمل ومقتنعة به وتريد أن تعمل في بناء وطنها ومشاركته ويكون هدفها الأول مشاركتها في بناء المجتمع ولايكون هدفها ماديا بحتا لكي تساعد زوجها في مصروفات البيت أو غيره.
انا مع حضرتك ف كل اللى قلته بس ف زوجات للاسف بتكون متزوجه من رجل محتاج لمساعده طبعا هو مش هيقلها او هيطلب بس هى اكيد كل زوجه بتحس بزوجها فهضطر انها تشتغل عشان تعوض دخل الاسره
النقطه التانيه مع احترامى لكلامك ف موضوع الشغل عامه بيقلولك
صاحب بالين كداااب يعنى مينفعش تنزل تشتغل وف نفس الوقت ربه منزل خلينا واقعين استحاله توفق بين الاتنين حتى لو التاثير نسبه قليله انشالله 1% وتسلم ايدك الموضوع بيعالج قضيه مهمه جدا ف مجتمعنا

ردك بجد رائع وجميل


لكل الناس البتقول ان مينفعش متكلمش رجاله في ناس كتير بتشتغل ومش بتكلم مع رجاله وانا شفت بعيني
وفي طالبات في الجامعه مش بتتكلم مع اي حد حتي الدكتور بس لو احتاجت سوال او هو سالها حسب الشخصيه وتقبلها للامر وتربيتها

يعني انا انسانه افضل مشتغلش لاني مبحبش التعامل مع الاخرين

[Sofia El-behairy]

هههههههههه ده اول شرط من شروط الجواز انه مش يدخل فى شغلى الشخصى و مستقبلى خالص ..

يعنى ايه مافيش اختلاط فى العمل ؟؟معلش يعنى هىحتحكى له قصه حياتها و تفضض معاه و لا كلام فى حدود الحاجه الشغل و بس و باحترام

لازم يكون فى ثقه فى زوجتك او الى حتبقى زوجتك ...تثق فيها اكتر من كدا

لا اله الا الله ...

بجد منطق غريب جدا جدا و انا فعلا مصدوووووووووووووووووووووووووووووومه و مش عارفه ارد اقول ايه


بغض نظر عن رايك الى مش مقتنعه بيه و مستحيل اقتنع بيه اصلا عشان انا مامتى بتشغل و خالتى و كل الى اعرفهم حتى جدتى كانت بتشتغل و اخت جدتى

يعنى نساء العائله كلهم من ايام جمال عبد ناص بيشتغلوا

اجى انا فى 2012 و اقعد فى البيت اقشر البصل

بعد 18 سنه تعليم لغات و تعب سنين و مصاريف ..اقعد فى البيت !!!!!


لازم اطبق الى دارسته و اتميز فيه كمان و اثبت شخصيتى زى الراجل و قدرتى على العمل حتى لو وصلت انى اسافر اشتغل برا و فى نفس الوقت اكمل دراسات عليا ..اصل العلم و الشغل و نجاح و تميز ليس له حدود ..لازم افتخر انى مسلمه و عربيه و ناجحه

بدل ما ان شغلى مش حيتعارض مع بيتى و اولادى و زوجى يبقى ايه مشكله ؟؟

24 ساعه فى اليوم ..شغل 7 ساعات ده من حقى و حيكون زوجى برا بيشتغل و ولادى فى المدرسه ....نرجع من الشغل و المدرسه سوا و نقضى باقى الوقت مع بعض

و ادى شغلى حقه و دراستى حقها و ادى زوجى و ولادى حقهم

افتخر انى ناجحه و مسلمه و اثبت نفسي فى مجال عمل و دراسه و افدت نفسي و غيرى و المجتمع و افتخر باولادى الى حربيهم على ثقافتى و تعليمى و حفتخر انى سعيده مع زوجى

انا مش حعمل حاجه عيب او حرام

انا حشتغل و حدرس و فى نفس وقت ححافظ على شرفى مش عشان زوجى لا لا لا

عشان ربنا ..مش حتجاوز فى كلام مع اى رجل و لا حتكلم معاه فى اى حاجه برا الشغل و فيه حدود و الاحترام ..برده عشان زوجى

عشان انا انسانه عارفه دينى و اخلاقى و بحترم نفسي قبل اى شئ و عشان واثقه من نفسي و لازم زوجى كمان يكون واثق من ده

ارجوك حاول تفكر تانى ...


اسفه لو بعض كلام يكون ضايقك و بعتذر بس اختلاف الراى لا يفسد للود قضيه و انا بحترم رايك بس مش مقتنعه بيه بتاتا

ربنا يهديك للصواب

شكرا على موضوع و بمعرفه حضرتك

[راغب السيد رويه]

موضوع رائع جزاك الله خيرا

[مدرس اللغة]

المشاركة الأصلية كتبت بواسطة نووونا

الشروط دي محطوطة ليه ماحضرتك تقول انك ضد عمل المراه وخلاص
بس عايزه اسال حضرتك سؤال بس يلريت تجاوبني بصراحه
حضرتك في شغلك مابتكلمش ستات نهائيا؟

لالالالالالالالالا مش ضد العمل بتاتا ازاي ضد العمل والنبي صلى الله عليه وسلم مفرقش في العمل بين الرجل والمرأة وكذلك ربنا أوصانا جميعا بالعمل حيث قال (وقل اعملوا فسيرى الله عملكم ورسوله والمؤمنون)وإنما جاءت الآية للمذكر على سبيل التغليب أي تغليب جنس الذكر على المرأة
وحتى لو الآية لم تدل على جواز عمل المرأة فلم يرد في القران ولا في السنة مايحرم عملها والأصل في الأشياء الحل وليس الحرمة ولا يحرم من الأشياء إلا ماورد به دليل في القران أو السنة فالعمل جائز متى توافرت ضوابطه
حتى عمل الرجل أيضا له ضوابط فكيف أنا أقول ضد عمل المرأة
لالالالا أنا مؤيد لعمل المرأةبس برضو متمسك بشروطيوشكرا لحضرتك على التفاعل

[مدرس اللغة]

المشاركة الأصلية كتبت بواسطة BaNZeR

u must be kidding

حضرتك ان كنت متزوج فحتماً زوجتك لا تعمل
وان لم تكن متزوجاً فربنا يكون في عون اللى حتكون ^^

لا والله لسة محصليش شرف الزواج
بس هفكر إن شاء الله بعد سنتين
ليه يعني يكون في عون اللي هتـكون ...
هو عشان أنا يعني قلت على شروطي الخاصة في حكاية عمل المرأة
امال لو قلت مش عايزها تشتغل خالص كنت هبقى ايه؟

[مدرس اللغة]

المشاركة الأصلية كتبت بواسطة طالب الفردوس

المنزل مملكة الأنثى
والرجل وزير مالية البلاط
فإن عانت خزينة المملكة من عجز صارخ
وضاقت بوزير المالية كل السبل
فهناك أعمال تدار من المنزل
يمكن للملكة أن تؤديها
فإن لم يتوفر لها ذلك
فليس من خروجها للعمل من بد
وما دام وزير المالية سأل الملكة عونها
فعليه أن يطلق لها حرية التصرف
إذ أنه لو توفرت الشكوك بخروجها
لصار الأمر إلى جحيم لايطاق عاقبته الطلاق أو الجريمة
ولا ننسى أن للمرأة ذمة مالية منفصلة
هذا قول الشرع
فلها الحق فى العطاء كما لها الحق فى المنع
وعند عملها سيصبح القرار وفقاً لرضاها عن زوجها أوعدمه
والخلاصة عندى إنه :
سك على أهل بيتك وانتبه للقمة عيشك

أرفع لك القبعة لهذه الكليمات الجميلة التي أبهرتني واستحوزت على قلبي وعقلي
وأخجلت تواضعي وما أجمل هذه الجملة الأخيرة

سك على أهل بيتك وانتبه للقمة عيشك

التي وقفت أمامها كثيرًا ودلت على حسن تعبيرك وجمال حرفك وتفتح عقلك ونور بصيرتك
وجعلتني أفكر كثيرًا لكي أحاول التنقيب في مخيلتي حتى أتوصل لكلام لعله يرقى 1% في الرد على مشاركتك
كل الشكر والتقدير لك كاتبنا المبجل.

[BaNZeR]

المشاركة الأصلية كتبت بواسطة مدرس اللغة

لا والله لسة محصليش شرف الزواج
بس هفكر إن شاء الله بعد سنتين
ليه يعني يكون في عون اللي هتـكون ...
هو عشان أنا يعني قلت على شروطي الخاصة في حكاية عمل المرأة
امال لو قلت مش عايزها تشتغل خالص كنت هبقى ايه؟

مش المشكلة في انك قلت شروطك الخاصة
لكن المشكلة في واقعية الشروط نفسها

لو قلت مش عايزها تشتغل خالص تبقى كدا ريحت وارتحت
وده شيء بيحصل بالفعل واكثر احتراماً وشرفاً للمرأة

لكن مادامت حتنزل للعمل يبقى نفكر بواقعية اكتر

[THE CodeR]

المشاركة الأصلية كتبت بواسطة مدرس اللغة

1-أن يكون العمل غير مختلطا قدر المستطاع،ولايفهم من قولي غير مختلطا أي أن يكون كل شخصيات العمل وكل من فيه هم نساء لالا،هذا لايتوفر في مصر مطلقا حيث كل الأعمال مختلطة ولكن قصدت من عدم الاختلاط عدم تعامل الزوجة مع رجال فمثلا لو كانت تعمل مدرسة فيفضل عملها في مدرسة مديرتها امرأة وليس رجلًا وأن تكون المدرسة ابتدائية يقل فيها عنصر الرجال وعلى ذلك أشترط على زوجتي عدم الكلام مع رجال في العمل.
انا مع هذا الشرط ..... لكني اري ان احتمالية تواجده غاية في الصعوبة لكن يمكن تجاوزه بشرط ات اضمن ان كل من قد يتعامل معها ... و هذا والله اعلم ممكن ام لا
2-أن يكون محل العمل قريب من السكن بحيث لايلزم الركوب في سيارات واختلاط داخل السيارة أو الحافلة أأو أي وسيلة أخرى،أو أكون معي سيارة أوصل زوجتي للعمل بنفسي! أو يوجد حافلة خاصة بتوصيل المدرسات مثلا أو الطبيبات أو أي مجال كان بحيث يبعد الاختلاط في وسيلة المواصلات ،وكذلك مما يعمل على توفير جهد المرأة العاملة أو يحفظها من "البهدلة"في الموصلات.
جميل............اتمني توفر ذلك ...
3-أن تكون هي راغبة في العمل ومقتنعة به وتريد أن تعمل في بناء وطنها ومشاركته ويكون هدفها الأول مشاركتها في بناء المجتمع ولايكون هدفها ماديا بحتا لكي تساعد زوجها في مصروفات البيت أو غيره.
ليس ضروري اطلاقاً....ربما يكون العمل للمساعدة في مصروف البيت فما المانع في ذلك؟!
4-أن يكون العمل الذي تعمله في حاجة ماسة لها ولا يوجد غيرها من الرجال أو العازبات ممن يستطيع القيام بهذا العمل كأن تكون طبيبة نساء مثلا فالمجتمع في حاجة ماسة لها أو تكون مدرسة في معهد فتيات أزهري فالأولى أن تدرس فيه امرأة وليس رجلًا.
هذا ايضاً ليس ضرورياً...فالوظيفة تحتاج من هو ماهر في مجالها ليس الا
5-ألا يتعارض عملها مع خدمة البيت ومسئولية الأسرة من تربية أولاد ومرعاة حقوق الزوج والعمل على الارتقاء بالأسرة أولاً.وكذلك ألا يتعارض مع الدين والشرع والعرف والقانون.فمثلا كثير من السيدات اللاتي يعملن تذهب لتوقع في كشف الحضور والغياب ثم تعود فورًا إلى بيتها وتبرر ذلك بحاجة البيت لها.فهذا يتعارض مع الدين والشرع والقانون.
تماماً.........
6-ألا يؤثر هذا العمل على صحتها نعم صحة الزوجة مهمة جدا حتى تستطيع القيام بمسئوليات الأسرة والأولاد فلو كان العمل متعبًا ومؤثر على صحتها فيجب ترك العمل مطلقا.
اتفق معك
7-أن يتاح لها فرصة الإجازة في أي وقت تريد فمثلا لو في حالة حمل وتريد أن تأخذ إجازة فيكون لها الحق في ذلك أو في حالة طوارئ أسرية أو في أي شيء آخر تحتاج إليه الأسرة .
هذا اكيد ...
8-أن يكون النقاب أو الحجاب رقم 1 عند الزوجة فلا يجوز لا أخلاقيا ولا دينيا ولا عرفيا التخلي عن الحجاب الشرعي المعروف والزي الشرعي.
تحياتي يا اخي

اول مرة من فترة كبيرة اري موضوع حقيقي يستحق الرد في القسم العام
ربما سيثير الجدل
لكن تحياتي يا اخي ........

[د.عبدالله محمود]

المشاركة الأصلية كتبت بواسطة مدرس اللغة

أرفع لك القبعة لهذه الكليمات الجميلة التي أبهرتني واستحوزت على قلبي وعقلي
وأخجلت تواضعي وما أجمل هذه الجملة الأخيرة التي وقفت أمامها كثيرًا ودلت على حسن تعبيرك وجمال حرفك وتفتح عقلك ونور بصيرتك
وجعلتني أفكر كثيرًا لكي أحاول التنقيب في مخيلتي حتى أتوصل لكلام لعله يرقى 1% في الرد على مشاركتك
كل الشكر والتقدير لك كاتبنا المبجل.

أعطينى أكثر من حقى أخى .. بارك الله فيك وأسعدك

[عبد الله الرفاعي]

موضوع رائع
__________________

[scream angle]

هههههههههههههه


دى ايه !!!!!!!!!!!!!!!!!!!


العمل عبادة

والمحترمة محترمة خارج او داخل البيت

[مدحت صال]

بارك الله فيك وأسعدك

[مدرس اللغة]

المشاركة الأصلية كتبت بواسطة لوجين 3

ب
1-أن يكون العمل غير مختلطا قدر المستطاع،ولايفهم من قولي غير مختلطا أي أن يكون كل شخصيات العمل وكل من فيه هم نساء لالا،هذا لايتوفر في مصر مطلقا حيث كل الأعمال مختلطة ولكن قصدت من عدم الاختلاط عدم تعامل الزوجة مع رجال فمثلا لو كانت تعمل مدرسة فيفضل عملها في مدرسة مديرتها امرأة وليس رجلًا وأن تكون المدرسة ابتدائية يقل فيها عنصر الرجال وعلى ذلك أشترط على زوجتي عدم الكلام مع رجال في العمل.
طب لو المدير رجل مش هتشتغل:؟؟؟ وهي برده في المدرسة ممكن تتعامل مع اولياء الامور الرجالة وساعتها مش هينفع تروح مدرسة تانية التعامل مع الرجال اصبح شئ مسلم به لان الكلام في الشغل بس وكمان ممكن ما يكونش في صباح الخير حتي!!!
إذا كان أوليا الأمور رجال فأرفض تعامل زوجتي معهم لو كانت ست فعادي أما بالنسبة لو كان مدير المدرسة راجل فأرفض تعامل زوجتي معاه مهما كان عمره كبير وشعره شايب

2-أن يكون محل العمل قريب من السكن بحيث لايلزم الركوب في سيارات واختلاط داخل السيارة أو الحافلة أأو أي وسيلة أخرى،أو أكون معي سيارة أوصل زوجتي للعمل بنفسي! أو يوجد حافلة خاصة بتوصيل المدرسات مثلا أو الطبيبات أو أي مجال كان بحيث يبعد الاختلاط في وسيلة المواصلات ،وكذلك مما يعمل على توفير جهد المرأة العاملة أو يحفظها من "البهدلة"في الموصلات.

اوافق حضرتك في دي بس هي ممكن ما تتحققش في مصر حاليا ولوحضرتك هتوصلها يبقي افضل بكتير علي الاقل تكون مطمئن عليها
إن شاء الله ستحقق وإن لم تحقق فأرفض عمل زوجتي علشان متتبهدلش.
3-أن تكون هي راغبة في العمل ومقتنعة به وتريد أن تعمل في بناء وطنها ومشاركته ويكون هدفها الأول مشاركتها في بناء المجتمع ولايكون هدفها ماديا بحتا لكي تساعد زوجها في مصروفات البيت أو غيره.
مش عيب ابدا انها تساعد زوجها في المصاريف ولكن من غير تجريح او اهانة الزوج والحمد لله ده موجود في الاسر المصرية
في وجهة نظري أنا برضو مش عيب لكن عيب إن تفرض نفسها على مصاريف البيت فرض لأن رعاية الأسرة من حيث المصروفات من الرجل وليس الزوجة.
4-أن يكون العمل الذي تعمله في حاجة ماسة لها ولا يوجد غيرها من الرجال أو العازبات ممن يستطيع القيام بهذا العمل كأن تكون طبيبة نساء مثلا فالمجتمع في حاجة ماسة لها أو تكون مدرسة في معهد فتيات أزهري فالأولى أن تدرس فيه امرأة وليس رجلًا.

يعني لو في غيرها ما ينفعش تعمله طب ازاي؟؟؟ يعني طبيبة نسا ما في ملايين من الطبيبات في المجال ده يبقي هي كده تضيع الطب والدراسة علشان خاطر عيون زوجها لان في رجاله بيشتغلوا كتير في المجال ومش هيكون في حاجة ماسة لها
في بعض الاراء بتقول (وده علي حسب كلام بعض الشيوخ في المسجد المقارب لمنزلي) ان المرأة لاتصلح الا في مهنتين طبيبة في مجالين (نسا _اطفال) اما بقية المجالات فلا والمهنة التانية هي المدرسة للبنات فقط او الاطفال الصغار من الجنسين
يعني يمكن اختصار مجالات الطب كلها في مجالين سبحان الله منتهي الانانية من الرجال

باختصار لو مكانش حاجة المجتمع ماسة وتتطلب زوجتي لا أوافق إن كان هناك البديل من الشباب أو البنات العازبات التي يحتاج كل منهم إلى العمل
5-ألا يتعارض عملها مع خدمة البيت ومسئولية الأسرة من تربية أولاد ومرعاة حقوق الزوج والعمل على الارتقاء بالأسرة أولاً.وكذلك ألا يتعارض مع الدين والشرع والعرف والقانون.فمثلا كثير من السيدات اللاتي يعملن تذهب لتوقع في كشف الحضور والغياب ثم تعود فورًا إلى بيتها وتبرر ذلك بحاجة البيت لها.فهذا يتعارض مع الدين والشرع والقانون.
اتفق مع حضرتك تماما

6-ألا يؤثر هذا العمل على صحتها نعم صحة الزوجة مهمة جدا حتى تستطيع القيام بمسئوليات الأسرة والأولاد فلو كان العمل متعبًا ومؤثر على صحتها فيجب ترك العمل مطلقا. منتهي العقل


7-أن يتاح لها فرصة الإجازة في أي وقت تريد فمثلا لو في حالة حمل وتريد أن تأخذ إجازة فيكون لها الحق في ذلك أو في حالة طوارئ أسرية أو في أي شيء آخر تحتاج إليه الأسرة .
8-أن يكون النقاب أو الحجاب رقم 1 عند الزوجة فلا يجوز لا أخلاقيا ولا دينيا ولا عرفيا التخلي عن الحجاب الشرعي المعروف والزي الشرعي.
اوافقك في ذلك
تحياتي لكم جميعا أريد تعليقات حول الموضوع

جازاك الله خيرا[/quote]

شكرا لتعليقات حضرتك ومرورك