مبروك معلمى الاسكندرية

[عصام ahm]

المشاركة الأصلية كتبت بواسطة lolly1982

[/color][/b][/size]
ايوه لازم يكون عدى عليك 3 سنوات والاوراق المطلوبة هى الفيش والتشبيه بس ده استنى شوية ماتعملوش دلوقتى عشان مدته 3 شهور بس ومطلوب تعمل كشف طبى تروح النقراشى تجيب استمارة كشف وعليها رقم تليفون تتصل بيهم تحدد ميعاد للكشف ومطلوب 4 دوسيهات واستمارة 103 واستمارة 105 من عند المكتبة اللى قصاد ادارة شرق وجواب اخلاء من المدرسة فى الادارة حتحدد الموظفة تاريخ الاخلاء وبالتوفيق ان شاء اللله

وحضرتك الطلبات موجوده فين يعنى معلقه بالادارة التابع ليها حضرتك ام انها اجتهادات
رجاء الرد للتجهيز وشكرا

[lolly1982]

المشاركة الأصلية كتبت بواسطة عصام ahm

[/color]وحضرتك الطلبات موجوده فين يعنى معلقه بالادارة التابع ليها حضرتك ام انها اجتهادات
رجاء الرد للتجهيز وشكرا

انا الحمد لله اتثبت 1/3/2011 والطلبات دى كانت نازلة فى الادارة بالتوفيق ان شاء الله

[kindmind]

الف مبروووووووووووووووووووك الاسماء وصلت ادارة وسط اسكندرية

[وليد نور]

المشاركة الأصلية كتبت بواسطة lolly1982

[/color][/b][/size]
ايوه لازم يكون عدى عليك 3 سنوات والاوراق المطلوبة هى الفيش والتشبيه بس ده استنى شوية ماتعملوش دلوقتى عشان مدته 3 شهور بس ومطلوب تعمل كشف طبى تروح النقراشى تجيب استمارة كشف وعليها رقم تليفون تتصل بيهم تحدد ميعاد للكشف ومطلوب 4 دوسيهات واستمارة 103 واستمارة 105 من عند المكتبة اللى قصاد ادارة شرق وجواب اخلاء من المدرسة فى الادارة حتحدد الموظفة تاريخ الاخلاء وبالتوفيق ان شاء اللله

هو لسه ان شاء الله العقد بتاعى شهر 12 يكون عدى عليا 3 سنوات و كمان انا عملت كشف طبي لانى مطلع دفتر تأمين صحي ولا هو لازم وانا حضرت الكادر ونجحت الحمد لله هو الواحد يتعشم ولا ينتظر وربنا يسهل

[lolly1982]

المشاركة الأصلية كتبت بواسطة وليد نور

هو لسه ان شاء الله العقد بتاعى شهر 12 يكون عدى عليا 3 سنوات و كمان انا عملت كشف طبي لانى مطلع دفتر تأمين صحي ولا هو لازم وانا حضرت الكادر ونجحت الحمد لله هو الواحد يتعشم ولا ينتظر وربنا يسهل

ما هو انا برده عندى دفتر تامين وكشفت طبى اول ما اشتغت لكن مدام سامية فى ادارة وسط قالت لى لازم كشف طبى تانى خاص بالتعيين كشف عادى ب80 جنيه وكشف مستعجل ب120 حضروا مبلغ كده عشان اوراق التعيين ربنا معاكم والف مبروك

[kaak_2011]

الحمد لله علي نعمه علينا ورمضان كريم

[emadedu2000]

القانون واضح وصريح طالما عدي عليك سنه في وظيفه معلم مساعد ودخلت اختبار التاهيلي ( الكادر ) ونجحت تتعين علي طول منغير اي شرررررررررررررررررررررررررررررررررررررروط

[soma)]

الحمد لله بس انا سمعت انك هتستلم جواب التعين ومعاه جواب النقل وان الاسماء فى التوجيه الان علشان ينقلونا ويشحططونا يارب يكون الخبر ده مش صح...............ز ولا تنسوا الضراب

[اميرة مهران]

مبروك فرحتونى اوى يارب تتم على خير

[soma)]

ياجماعه متخلوش فرحتكم تنسيكم مظاهره يوم الاربعاء

[loddodo]

http://gate.ahram.org.eg/UI/Front/Ne...%A7%D9%85.aspx لا تعليق

[عصام ahm]

يا ترى ممكن نعرف رقم الامر التنفيذى وتاريخه ان كنتم علمتم بامضاء قرار التنفيذ
وشكرا لكم

[سمر سيتى]

بصوا انا مش هصدق اى حاجه الا لما اشوف الجواب وارتاح
بس الف مبروك مقدما

[فتاة مصرية متعاقدة]

مليييون مبروك وربنا يفرح الجميع ان شاء الله

[خير زاد]

الف مليون مبروك للاسكندرانية كلهم وعقبال الى فىالقاهرة