احنا بنساعدهم يبقو كدة على فكرة

[LoOoLy El Treikawya]

المشاركة الأصلية كتبت بواسطة THE CodeR

المواقف دي شفتها كتير
زي الشحات اللي قاعد بيشحت علي الارض و فجأة
موبايله يرن
معلش
انا في الشغل دلوقت
مش هعلق اكتر من كده
لكن اني اشتغل عامل نظافة بميت جنيه احسن عندي ما اشتغل متسول بألف جنيه
و ربنا يبارك في الرزق الحلال
تقبل مروري السريع

ههههههههه حلو موقف الشحات دة ههههههههه

طبعا مع حضرتك حق

مرور جميل the coder نورت

[LoOoLy El Treikawya]

المشاركة الأصلية كتبت بواسطة Mohamed.Helmy

موضوع جميل بجد يا د. آلاء ^^

بجد و الله مواقف كتير بتحصلي زي كده..

مرة كان معايا واحد صاحبي و راجل وقفني و قالي (( هات 5 جنيه )) .. هو شكله شحات اه بس انا استغربت ..ده (( بيحدد )) هو عاوز كام .. فصاحبي آخدني و مشينا و طنشناه .. و بعد ما سيبناه صاحبي بيقولي (( ده بيشحت علشان يجيب سجــــاير ))

لاء دا فى طريقة جديدة دلوقتى انهم يقولو انهم مش من البلد ومش عارفين حد ومش معاهم فلوس و.. و ... المهم يعنى عاوزين فلوس يروحو بلدهم وانا اضحك عليا مرة واللى بعدها قلت هى الناس بتنام وتصحى تلاقى نفسها فى بلد تانى ولا اى

و مرة كنت واقف قدام محل عصير كبير كده و المحل ده مشهور و قدامه ناس كتير بتشرب و كده

و كنت انا و اتنين اصحابي .. المهم جبنا العصير (( في كوباية بلاستيك ^^ )) و وقفنا قدام المحل علشان نشرب و نرمي الكوباية فى الباسكت و نمشي ... و احنا بنشرب لقيت بنت صغيرة بتشحت و كده و هي شكلها صعب عليا و المهم اخدت و كده و لقينا بقي صاحبتها التانية جاية .. فبنقولها مع زميلتك او صاحبتك و التانية جريت

و البنت تقولنا طيب شوية عصير. .. و انا الموقف ده بيستفزني جدا .. اللى يبقى معاك حاجة و تلاقي حد عاوزها .. الواحد بيقي مضطر و هم غلابة بس بيمسكوا فيك و كده ^^

و لقيت اصحابي الاتنين مشوا البنت و جت مسكت فيا انا و انا خايف امشيها او اكسفها و اديتلها
و بعدين اصحابي قعدوا يتريقوا عليا

يقولولي خايف على مشاعرها ؟؟

ههههههه احنا بقى آخر يوم فى الامتحانات انا واصحابى قلنا نخرج وكدة
المهم واشترينا غدا من المطعم وبتاع وخرجنا

والواد جاى لصحبتى يقوللها انا عاوز السندوتش دة قالتله لاء مانا جعانة هههه المهم راح خطفه منها بالعافية واصلا تدى واحد يجيلك اخوه يقول اشمعنى ادتيه ومش تدينى

والله روحنا وملحقناش نخرج بسببهم

ياعم دول مش بيخلصوا .. و الكلام ده

و مواقف كتير اوي

و لا اللى تلاقيه شوية تانية و يشيل عربية و يمشي بيها و قاعد يشحت .. طب ده عنده صحه و قوة الحمد لله ..طيب ما يشتغل اي حاجة ..

سبحان الله ..

و ربنا يستر المسلمين جميعا ..

تقبلي مروري يا آلاء ^^

مع حضرتك حق بردو انا بيغيظنى جدا واحد بصحته وشبابه وبيشحت
اصلا بجد كدة حرام

حضرتك نورت يا باش فنان شكرا على المرور الرائع

[LoOoLy El Treikawya]

المشاركة الأصلية كتبت بواسطة عاشق البلانكو الابيض

عندك حق والله انا بشوف عائلات فى القطر
وانا رايح وانا جاى الاب والام والاولاد وكلهم كويسين
بس خلاص اخدوها مهنة
فعلا يا ريت ندى الفلوس للناس اللى تستاهل بجد
ومحتاجة فعلا
شكررا على الموضوع الجميل

شكرا عاشق البلانكو مرورك اجمل

نورت استاذ محمود

[LoOoLy El Treikawya]

المشاركة الأصلية كتبت بواسطة mr.reader

لاء دة أنتى تلمى كل اللى قلتيه دة فى كتاب واحد وسميه قصةشحاتة

هههههه والله فكرة
ويبقى اول كتاب يتم نشره ليا
بس كدة هضطر اعصر الذاكرة شوية كمان
والناس تحكى كل يوم قصة شحاتة كحدوتة قبل النوم

الموضوع مميز جداً يادكتورة وفعلاً الواحد لما بيشوف حد شكله تعبان بيصعب عليا أى نعم بخاف منه برده بس بأديله لو معايا فلوس

والله الواحد ميعرفش يعمل إيه فى الزمن اللى إحنا فيه دة

لكن أحب أقول لك يادكتورة أن ربنا لما يكون مقدر رزق لحد لازم بيجيله لكن الإنسان هو اللى بيختار الطريقة المناسبة للحصول على الرزق دة

فعلا بس يا ريت نكون حريصين اننا ندى للى محتاج فعلا
اكتر حاجتين بيكترو فى رمضان الشحاتة والسرقة
الحرامية بقى عارفين الناس نازلة بمرتباتهم لبس ومشتريات تانى وكدة فبيتقلشوا

شكراً جداً ع الموضوع الرائع دة يادكتورة

الشكر لله مرورك الاروع

حضرتك نورت مستر ريدر

[LoOoLy El Treikawya]

المشاركة الأصلية كتبت بواسطة نقاء الروح

فعلا والله يابنتي
الشحاتة بقت منتشرة اوي
ومش كل الناس تستاهل
انا لمانزلت قبل رمضان بشوية
كل خطوتين نلاقي شحات او شحاتة
والمشكلة احنا مش عارفين هما يستاهلوا او لاء
وال بيغيظني ساعات انها تحلفك بالله تديها

الواحد لو كل ما هيشوف شحات هيديله هيفلس فى اول خروجة

لكن انا لو كنت وحدي مش بدي لحد
ولا ببص ااساسا ، بخاف منهم اوي
ومن المواقف ال ارعبتني مرة كنا انا وزملتي فالمكتبة قدام الكلية ،
والدنيا كانت لسة الصبح وهدوء
وييجي اتنين اولاد صغيرين كدا
واقفين برا ولما شافوني انا وزملتي هندفع الفلوس للكتب
بدأو ، عملنا نفسنا مش واخدين بالنا
بس صاحبة المكتبة شكلها عارفاهم قالتلهم يلا امشوا والا
شكلها متعودة عليهم
بس العيال مش مشت راحت رامية طوبة جوا ووقعت الكتب
وبعدين جريت ، ولما خرجنا لقيناهم مستنيين على اول الشارع مصرين
روحنا انا وصحبتي جرينا فالاخر

وفمرة عند نفس المكان لقينا ايد بتتمد من ورا فجأة
كنا هنصوت من الخضة
ربنا يهدي الناس ويسامحنا لو هما محتاجين فعلا ..

موضوع جميل ياقمر
تسلم ايديكِ

تسلمى يا نقاء نووورتى

[LoOoLy El Treikawya]

المشاركة الأصلية كتبت بواسطة كورتى البعبع

السلام عليكم

معاكى حق فعلا

مرة وانا لسة فى الجامعة من 3 سنين كدة كنت انا وصاحبى نازلين رايحين للمترو بتاع محطة الجامعه

المهم واحدة كبيرة كدة واقفة عن السلم قعدت تقولة الله يخليك والدعاء دة راح مطلعلها فلوس فبتقولة

اية دة !!!!!!!!!!!!!!!

انا اتصطدمت

روحت قايلة خد الفلوس منها وصممت انة ياخد الفلوس منها

دووووووووووووول نصابين فعلا

وموقف تانى فى الجامعه عند سنتر كدة فى الجامعه لابس احسن منى اصلا 100 مرة وقالى معلش يا كابتن انا من الهرم وبجد الفلوس بتاعتى نسيتها وانا عاوز 2 جنية اروح فطلعت 5 جنية واديتهالو
المهم بقى الصدمة لقيتة راح داخل جوة السنتر وقضاها والسنتر دة انا مش بدخلة غير فى المناسبات اصلا لان حاجاتة غالية

اية الناس دية ؟
انا بحزن لان النصابين دول بيضيعوا حق ناس فعلا محتاجة

فعلا
ايوة والله كتير الشحاتين بيعترضوا على الفلوس اللى تديهالهم

دخل السنتر؟ انا هروح اشحت منه

وطبعا منهم يشحت عشان يشرب سججاير دى حاجات تشل

وعشان كدة ربنا هدانى لحل كويس اوى ان الواحد يشوف اللى حولية من الناس العفيفة اللى على قد حالها ويساعدهم باستمرار او يحط فى الجامع والجامع بقى يصرفها بمعرفتة وربنا هو الموفق

اسف للاطالة

فعلا انا كمان رأيي اننا نعمل كدة واكتر ناس تستحق المساعدة الناس اللى عندها عزة نفس ومحتاجة
والمساجد طبعا
والحل الكبير عند الحكومة الجديدة ان شاء الله

شرا لحضرتك

مرور رائع

[LoOoLy El Treikawya]

المشاركة الأصلية كتبت بواسطة lina - the sad angel

اولا موضوع حضرتك جميييل جدااا
وكلامك اللي فالاخر سليم تماما

بس هعلق علي حاجه صغيرة
هما اه بيصعبوا علينا عشان بيبقوا اصحاب اعاقة او معاهم طفل
بس
اللي اعرفه ان في كتير منهم بيبقي هو اللي عامل الاعاقة دي لنفسه
_ وده مش كلام افلام ده بيحصل فعلاا_
الحاجه التانية حد جرب يركز مع اي شحات فأيده طفل ؟؟
عمركم شوفتوا البيبي بيعيط ؟؟او بيتحرك حتي ؟
كنا فندوة قبل كده ودكتور قالنا انهم بيبقوا عاطينهم مخدر
وبيشحتوا بيهم وغالبا بيبقي الاطفال دول مخطوفين
اكيد طبعااا دول لا يستحقوا ربع جنيه حتي

تقبلي مروري وميرسي علي موضوعك يا قمر

اساسا بجد اللى بيشيلو الاطفال دول انا فعلا بكرههم جدا

انا عارفة ان دول مش اولاده

اكيد خاطفهم او اى حاجة ومشغلهم متسولين والفلوس اللى بياخدها ولا بيستفادو منها حاجة الاطفال

موضوع اطفال الشوارع دة موضوع تانى لوحده بجد بيصعبوا عليا اووى

مرور طيب

حضرتك نورت

[LoOoLy El Treikawya]

المشاركة الأصلية كتبت بواسطة zozza love

موضوع جميل اوى
تسلم ايدك يا دكتور
الحاته دى بقت حاجه استغفر الله العظيم
بقى كل مكانه تروحيه تلاقي شحات
انا من يومين وده بيبقى نادرآ لما بشترى كيس شبسى وأكله فى الشارع
ةحظى بقى كنت شاريه من ابو 2 جنيه
لسه بفتح الكيس وبمد ايدى فيه
ل***ك واحد شكله شيك وابن ناس بس كبير شويه طالع من محل قدامى وبيقول لى ممكن وحده يابنتى ؟
انا اتكسفت له وقولت له اتفضل ياعمو الكيس
قال لالا حاخد واحده او اتنين بس
قولت له لا اتفضل
اخده ومشى يا لولى وانا مااكلتش منه حاجه اهئ اهئ اهئ
ولا الست اللى كانت بتقف قدام المدرسه
والله كانت تحفه كانت بتدعى لنا بحاجات غريبه اوى
مره بقى وده الموقف اللى ضحكنى اوى
كنت ماشيه انا واخويا
مع العلم انه اخويا بقاله 10 سنين شغال فى الدوا
المهم شفنا شحات ماسك رشته وعايز يجيب العلاج ومش معه فلوس
لما شفنه عادى
لكن اخويا رجع تانى وبص فى الروشته اللى كانت معه
وبعد ما مشينا قولت له انت بصت فيها ليه؟
قال انه الرشته دى من عند دكتور مشهور اوى ومش مصرى كمان والحجز عنده غالى جدآ وصعب اوى
والعلاج اللى مكتوب فى الروشته بتاع مرض غريب كده والمرض ده غالبآ بيسبب الوفأه
يعنى صاحب الرشته مات واهله رموه الرشته فى الزباله والاخ اخدها وبيشحت بيها
يالهوى

دايمآ مامتى واحنا ماشين عايزه تدى فلوس للناس اللى بيصعبوا عليها دول
انا بقول لها لا
ممكن ندى الفلوس دى للمسجد او حد نعرفه فعلا يستحق الفلوس دى
بس الحمد لله مش بسمع كلامى

اتمنى ان طيبه الشعب دى تتغير ونبطل سذاجه بقى

الاء انا عارفه ان الموضوع ده معمول على حسى وانك عايزه تولعى فيا بس بجد موضوع تحفه
تسلم ايدك
رمضان كريم^^

هههههههه هو انا كنت عاوزة اكتب عن الموضوع دة من فتة بس الحكم بتاعك شجعنى

ومن ناحية اولع فيكى فمش تستعجلى (( دة هيبقى حكمى عليكِ ))

شكرا يا عزة على مرورك الجميل والموقف الغريب اللى حكتيه

نورتى

[LoOoLy El Treikawya]

المشاركة الأصلية كتبت بواسطة mohammedhamed22

في البدايه انا مش عايز اقر علي الذاكره بتاعتك
فاكره حاجات من وانتي طفله ده انا مش فاكر اي حاجه عملتها قبل 1اعدادي

ههههههههه ماهى كانت حاجات بارزة
يعنى الشحاتة القديمة دى كانت كل يوم بتصحينى ازاى انساها

عموما
بالنسبه لموضوع الشحاته فالواحد بيتعرض له كل يوم وهي بقت ظاهره منتشره جدا يعني كل منطقه في مصر لازم فيها شحات
انا بقيت بطنشهم غالبا ماعدا الاطفال بصراحه مش بقدر ما اديهمش فلوس مع اني عارف انهم غالبا شغالين مع شحات محترف بس الواحد يعمل ايه بقي

شكرا علي الموضوع الرائع

شكرا على مرورك

حضرتك نورت

[LoOoLy El Treikawya]

المشاركة الأصلية كتبت بواسطة usernamo

يا الاء دول وصلوا للمترو ! و الله يعنى الواحد ابوه درجة اولى حكومى و عميد و مركز عالى جداً فى الدولة و اقسم بالله العلى العظيم كان فيه متسولة بتيجى تاخد فلوس قدام الجامع .. و بالله و اقسم بالله لما تحروا عنها لقوها بتعمل 10 الاف جنيه فى الشهر من الشغلانة دى ابويا اتصدم صدمة عمره .. يعنى انا كنت بسهر ع راحة الناس و ماشى بما يرضى الله و بشتغل بقالى 30 سنة و عميد ! و باخد اقل منها قبض فى الشهر !! حاجة تفرس يعنى يسيب شغله و يشتغل متسول احلى و الله .. و زى ما حلمى بيقول .. عندك بقى تروحى ماك او كنتاكى و تخرجى بالبيبسى او اى عصير و كده نهار ابويا بيبقى اسود .. انا نفسى مش ببقى شربت و بيتاخد منى لا و مش بيطلبه بيخطفوا و يجروا ! .. و المشكلة عيال تانية تيجى و تقولى احنا عايزين يعنى وصلت البجاحة انى اشتريلهم كلهم ... و المشكلة ان الكلام ده كان فى ماك الهرم .. لما روحت ماك مدينة نصر و ماك المهندسين لقيت نفس الكلام اروح فين طيب مارينا ! طب ماك و محل غالى شوية اوكى ..

طب جاد و الشبراوى ؟! هناك نفس النظام .. دول وصلوا لعم شعبان اللى عنده عربية فول فى الدقى !

نرجع للمترو ... المترو بيبقى زحمة و موت و تلاقى واحدة طلعت من تحت تخضك و تمسك فى التى شيرت و تبوظه و تقول بنتى عيانه و هو انا دكتور ! يا حاجة الله يسهل .. ربنا ينجحك يبنى .. ارد عليها و اقولها بتدعيلى بقالك سنتين و من ساعة ما دعيتى و انا معجتش ال 90% يا حاجة اسكتى بقى .. تقولى ربنا يخليلك امك لحد ما انزل محطة مش بتاعتى و اهرب منها ....

انا خايف فى مرة اتعصب ع واحد او واحدة منهم امد ايدى عليه اصلاً !!

ههههه اعصابك يا امجد

هم فعلا فيه ناس منهم نصابين محترفين وبيكسبو

مرور طيب

نورت

[aleman]

المشاركة الأصلية كتبت بواسطة loooly el treikawya

زمان وانا صغيرة قبل ما نعزل ((لاء دى مش حدوتة ))
المهم كانت فيه واحدة بتقعد تحت البيت ((شحاتة)) صوتها يعنى رغم اننا فى الدور القبل الأخير الا انها كانت بتصحينى بدل المنبه

كانت مشهورة طبعا فى المنطقة وبتثير تعاطف البعض بس انا عن نفسى كنت بخاف منها

بس كان كتير بيديها

فى مرة ماما شافتها من البلاكونة وقفت قدامها عربية آخر شياكة ونزلت منها واحدة بتقوللها (( يا ولية حرام عليكِ مش مكفيكى التلت عمارات اللى عندك انتى مبتحرميش انا هقول لابنك وهو يتصرف معاكِ ))

الشحاتة طلعت اغنى مننا
ومن ساعتها افتقدت حد يصحينى الصبح خايفة

ودة كان موقف

وكان فى نفس المكان قدام المدرسة شحاتة تقول للبنات يا رب اللى مش تدينى تسقط

دة كان موقف تانى

وعلى مستوى المحافظة بقى كان فيه شحاتة مشهورة مش كبيرة فى السن كانت بتحط حديد او حاجة كدة فى رجليها قال يعنى مشلولة

كانت بتعصب عليا كتير

بنت عمى شافتها وهى جاية بتقسم فلوس مع حد تانى فاخد كتير فقامت جريت وراه

ودة كان موقف تالت


لما عزلنا بقى كان فيه شحات هنا بييجى صحته حديد

مكناش نعرف انه شحات بس فوجئنا انه جاى يشحت

ودة الموقف الــ ((تعبت من العد ))

وواحد بقى فكراه يخلى الواحد يعيط من شكله ((دة بس لانى كنت طفلة ومش فاهمة))
ماشى ومعلق كيس دم فى ايده وبيشحت لاء بيزعق كمان والناس كلها تجرى وتطلع كل اللى فى جيبها وتديله ((شعب طيب))
والغريبة ان الراجل كان بيتكرر انه ينزل يشحت مش مرة وعدت
يا عم احمد ربنا غيرك مش لاقى كيس الدم دة وتقريبا انا بسمع ان المستشفيات الحكومى موصلتش لدرجة انها تسرح العيانين للتبرع

واللى بيكشف رجله عشان متعورة

واللى بينيم اطفال على رجله

وانا كنت سمعت شيخ قبل كدة قال ان اللى يظهر اعاقة او عيب فيه عشان يثير اشمئزاز وتعاطف الناس ويدوه فلوس دة كأنه بيشكى ربنا للناس


وعلى صعيد آخر

اعرف عندنا هنا تلت اشخاص عندهم نفس الاعاقة فى الرجلين ((اللى هو بيبقى عنده رجل قصيرة اوووى كأنها مش موجودة والتانية طويلة بس ضعيفة))

المهم الأول: قاعد على كرسى بيبيع مناديل

التانى: مكنش عنده الكرسى بس كان بيسعى وبيذكر الله وعنده عزة نفس غير عادية وانا سبق وكتبت عنه لانه اكتر شخصية اثرت فيا بجد لو حبيته تعرفو التفاصيل هتلاقوها هنا

التالت: بيشحت ومبين رجله طبعا ....

مرة كنت راكبة الاتوبيس قعدت جمب طفل كان شكله هزيل وصغير فاتكلمت معاه
اسمك اى .. انت بتشتغل؟ قاللى اه عندك كام سنة؟ 14 ودى صدمتنى شكله لا يتعدى الـ 8 سنين طيب انت دلوقتى مروح بيتكم لاء انا رايح اشترى طلبات للورشة وراجع
طب انت طبعا مبتروحش المدرسة آه مبروحش
بتشتغل قد اى ؟ من 10 الصبح للفجر وبنام فى الورشة
متخيلين مدى المعاناة .. انا حقيقى مكنتش عارفة ازاى اعرض عليه اديله فلوس من عزة نفسه .. بس دة طبعا أولى بالمساعدة


الموقف الأخير بقى بس دة اخطرهم لو كان ظنى صحيح والمشكلة مش مجرد شحاتة

من كام شهر وانا راجعة من الدرس صحبتى دخلت مطعم تجيبلنا أكل وانا كنت مستنياها برة

لفت نظرى قدامى عربية جميلة اوى بس مش دة اللى لفت نظرى بل الست اللى كانت جوا هى اللى لفتت نظرى لان شكلها كان يدل على انها من طبقة متدنية يعنى كانت بالجلابية والاشرب وشكلها اللى هو من الناس اللى مبحبش احتك بيهم من الفاظهم

يعنى من الآخر شكلها معلمة

فاستغربت يعنى انها تكون فى العربية دى

وانا بفكر كدة لقيت ولد صغير هدومه مقطعة ومش نضيفة بيطلع فكة من جيبه وبيديها للست دى

اوبااا

لالا

اكيد انا شايفة غلط

يمكن هى اللى بتديله الفلوس

الولد وقع منه جنيه ميل على الارض واداهولها بس اخد ربع جنيه اشترى رغيف فينو اكله قدامى

طيب هى لى الست دى شكلها مبسوط تاخد من الولد اللى شكله شحات بدل ما تديله

ركزت بقى معاهم
الولد راح للعربية اللى قدامها اللى مكنتش واخدة بالى منها فى الاول

كانت بردو بنفس المستوى وفيها رجالة لابسين جلاليب

ومعرفش الولد قاللهم اى بس هو واحد خرج وعمل حاجة اثبتلى انه مش كويس سورى مش هقول عمل اى

وانا مركزة كدة لقيت الست فى العربية اللى ورا بصالى بصة انا قلت اعمل عبيطة ومش واخدة بالى من حاجة

وصحبتى خرجت ولسة جاية احكيلها لقيتها بتقوللى ان الست دى بصيتلها بطريقة غريبة

ما علينا بغض النظر عن انى روحت خايفة ساعتها وعمالة ابص ورايا كل شوية


انا كنت عاوزة اتكلم عن الشحاتة عموما

أين الذين (يحسبهم الجاهل أغنياء من التعفف، تعرفهم بسيماهم لا يسئلون الناس إلحافاً).

موجودين

وهم دول اللى يجب اننا نديهم

يعنى انا مبقولش متدوش بس بجد بيصعب عليا اوووى ان ناس نصابة تاخد فلوس
وناس محتاجة فعلا وعندها عزة نفس متلاقيش حتى نظرة احترام

يا ريت يا جماعة وكويس ان التوبيك صدف فى الشهر دة لما نطلع فلوس نبقى حريصين انها تروح للى فعلا محتاجها

انتو فى الحالتين هتاخدو الثواب فعلا .. لكن احنا عاوزين نساعد المجتمع مش نساعد على آفة فيه اللى دلوقتى البعض بيتتفنن ازاى يشحت

دة كان موضوع كتير بيدايقنى وحبيت انى اتكلم فيه

ويا ريت نكون من الذين ينفقوا مما يحبون حتى ننال البر والذين يؤثرون على انفسهم ولو كان بهم خصاصة

بس يا ريت للى يستاهل فعلا

انتو اى رأيكو بقى؟؟

بالمناسبة صحيح المواقف اللى قلتها كلها حصلت بس هى كتيرة لانى كنت بتذكر من وانا عندى اربع سنين ومع ذلك دة مش كل اللى اتذكرته

والسلام عليكم

موضوع جميل جدا
فعلا
من كثرة من يطلبون المساعدة الايام دى
اصبح الواحد ممكن يساعد واحد مش محتاج وييجى على المحتاج يطنشوا ويظن انه مش محتاج
وناهيكى عن الافلام العربية المصرية اللى وجهت انظار الناس لاحتراف الشحاته كمهنة

انا من رأيى حتى لانساعدهم على ذلك ونهدر حق المحتاجين فعلا
ان نحن نضع الصدقات او التبرعات بالجوامع
كما نعطيها للاقربين الفقراء ولمعارفهم وجيرانهم اللى فعلا يتم التأكد من صدق فقرهم وحاجاتهم الماسه للاموال

وختاما اذكر موقف حدث معى شخصيا
بس مش شحاته وانما عاملة باحدى المدارس اللى اشتغلت بيها
بنتها هتتزوج فوالدتى اعطتنى 100ج ليها كمساعدة
بعد فرح بنتها عرفت بالصدفة انها اجرت بيهم فستان سهرة وطبعا مكياج وكده
ام العروسة بقى
من يومها وانا بسأل هل ربنا هيحسبنا انا وأمى على اللى حصل ده ام هيحاسبنا بنيتنا اننا كنا عاوزين نساعدها؟!

مشكورة للموضوع

[لوجين 3]

فعلا موضوع الشحاتة ده بقي اوفر اوي وبالذات في الفترة اللي فاتت والمشكلة اننا مش بنكون عارفين انهم فعلا يستحقوا الحاجة اللي بنعطيها لهم ولا لأ بس افضل حاجة فعلا بتكون عزة النفس اللي عند الناس اللي علي قد حالهم
وانا حصل لي مواقف مع الشحاتين احكي منهم واحد كنت مرة انا وصاحبتي جاية من الدرس وما كانش معانا فلوس كتير وقبل ما الميكروباص يتملي بالناس لقينا واحد شكله صعب اوي وبيقول يا جماعة مش لاقي فلوس علشان اجيب اكل لولادي فصعب علينا جدا بس اتكسفنا نعطي له لان المبلغ كان صغير فقال اي حاجة يا جماعة ان شالله جنيه واحد فقام الناس اللي في الموقف اعطوه
وفي يوم تاني لقينا نفس الراجل فقام السواق قايله انت لسا دلوقتي واخد فلوس من العربية اللي قبلنا ومن الموقف كله سيبنا بقي ناكل عيش وناخد رزقنا يا....... وراح قايل اسمه
وبجد دي كانت صدمة يعني هو هناك بقي 24 ساعة علي كده وانا وصاحبتي كنا مغفلين مش عاوز غدا لاولاده ولا حاجة ده بيتسول علي طول مع ان اللي بيلمه من ميكروباصين او تلاته يقدر يخليه يجيب الغدا والعشا
ومرة تانية نفس الشخص بيطلب فلوس راحت صاحبتي قايلة والله احنا اللي عاوزين فلوس مش انت
من يومين كده مع واحد تاني بقي مش نفس الشخص جه لبابا وقايله فين فلوس الزكاة والصدقة فاستغرب بابا وقاله ربنا يسهل
فبعدين قاله يعني امتي بالظبط انت اخوك بيديني اول الشهر اشمعني انت راح بابا قاله والله ما انا عاطيك حاجة (طبعا بنرفزة شديدة) قاله صاحبه ما تزعلش ولا تضايق الراجل ده اللي بيسألك المال عنده 3 بيوت بس وكل اخواته عندهم فلوس مش عندك انت شخصيا وناس كتير من اول رمضان تيجي لحد باب الشقة ويقولوا مبروك عليكم الشهر وتقف اقولهم في حاجة يقولوا خلاص هاتي مامتك نكلمها تطلع ليهم طبعا بالفلوس وبعدين يفضلوا بقي يدعوا لها وكده
فقررت ان اكون في المواقف دي عبيطة اوي فقالتلي واحدة شحاتة مرة كل عيد وانتي بخير ومتوقعة اني اعطيها العيدية روحت بكل برود قايلها وانتي طيبة وبصحة وبسلامة

[LoOoLy El Treikawya]

المشاركة الأصلية كتبت بواسطة aleman

موضوع جميل جدا
فعلا
من كثرة من يطلبون المساعدة الايام دى
اصبح الواحد ممكن يساعد واحد مش محتاج وييجى على المحتاج يطنشوا ويظن انه مش محتاج
وناهيكى عن الافلام العربية المصرية اللى وجهت انظار الناس لاحتراف الشحاته كمهنة

انا من رأيى حتى لانساعدهم على ذلك ونهدر حق المحتاجين فعلا
ان نحن نضع الصدقات او التبرعات بالجوامع
كما نعطيها للاقربين الفقراء ولمعارفهم وجيرانهم اللى فعلا يتم التأكد من صدق فقرهم وحاجاتهم الماسه للاموال

وختاما اذكر موقف حدث معى شخصيا
بس مش شحاته وانما عاملة باحدى المدارس اللى اشتغلت بيها
بنتها هتتزوج فوالدتى اعطتنى 100ج ليها كمساعدة
بعد فرح بنتها عرفت بالصدفة انها اجرت بيهم فستان سهرة وطبعا مكياج وكده
ام العروسة بقى
من يومها وانا بسأل هل ربنا هيحسبنا انا وأمى على اللى حصل ده ام هيحاسبنا بنيتنا اننا كنا عاوزين نساعدها؟!

مشكورة للموضوع

ان شاء الله طبعا هتتحاسبو بنتيتكو

انا شايفة اجمل حاجة اننا ندى للى محتاج ومش بيطلب وعفيف لانه فعلا يستاهل خصوصا لو كان من الاقربين لان فى ناس بتتعفف عن المسألة وبتحس انها مهما كانت ظروفها صعبة متسألش حد وتتحمل

ملقناش يبقى عندنا المساجد

وشكرا على مرورك العطر نورتينى

[LoOoLy El Treikawya]

المشاركة الأصلية كتبت بواسطة لوجين 3

فعلا موضوع الشحاتة ده بقي اوفر اوي وبالذات في الفترة اللي فاتت والمشكلة اننا مش بنكون عارفين انهم فعلا يستحقوا الحاجة اللي بنعطيها لهم ولا لأ بس افضل حاجة فعلا بتكون عزة النفس اللي عند الناس اللي علي قد حالهم
وانا حصل لي مواقف مع الشحاتين احكي منهم واحد كنت مرة انا وصاحبتي جاية من الدرس وما كانش معانا فلوس كتير وقبل ما الميكروباص يتملي بالناس لقينا واحد شكله صعب اوي وبيقول يا جماعة مش لاقي فلوس علشان اجيب اكل لولادي فصعب علينا جدا بس اتكسفنا نعطي له لان المبلغ كان صغير فقال اي حاجة يا جماعة ان شالله جنيه واحد فقام الناس اللي في الموقف اعطوه
وفي يوم تاني لقينا نفس الراجل فقام السواق قايله انت لسا دلوقتي واخد فلوس من العربية اللي قبلنا ومن الموقف كله سيبنا بقي ناكل عيش وناخد رزقنا يا....... وراح قايل اسمه
وبجد دي كانت صدمة يعني هو هناك بقي 24 ساعة علي كده وانا وصاحبتي كنا مغفلين مش عاوز غدا لاولاده ولا حاجة ده بيتسول علي طول مع ان اللي بيلمه من ميكروباصين او تلاته يقدر يخليه يجيب الغدا والعشا
ومرة تانية نفس الشخص بيطلب فلوس راحت صاحبتي قايلة والله احنا اللي عاوزين فلوس مش انت
من يومين كده مع واحد تاني بقي مش نفس الشخص جه لبابا وقايله فين فلوس الزكاة والصدقة فاستغرب بابا وقاله ربنا يسهل
فبعدين قاله يعني امتي بالظبط انت اخوك بيديني اول الشهر اشمعني انت راح بابا قاله والله ما انا عاطيك حاجة (طبعا بنرفزة شديدة) قاله صاحبه ما تزعلش ولا تضايق الراجل ده اللي بيسألك المال عنده 3 بيوت بس وكل اخواته عندهم فلوس مش عندك انت شخصيا وناس كتير من اول رمضان تيجي لحد باب الشقة ويقولوا مبروك عليكم الشهر وتقف اقولهم في حاجة يقولوا خلاص هاتي مامتك نكلمها تطلع ليهم طبعا بالفلوس وبعدين يفضلوا بقي يدعوا لها وكده
فقررت ان اكون في المواقف دي عبيطة اوي فقالتلي واحدة شحاتة مرة كل عيد وانتي بخير ومتوقعة اني اعطيها العيدية روحت بكل برود قايلها وانتي طيبة وبصحة وبسلامة

هم فعلا الشحاتين كتير يحرجو الواحد

مش سهل خالص ان الواحد يرد حد بيشحت منه بس انا من كتر المواقف فعلا كرهتهم وقلت المفروض هم اللى يتحرجوا من نفسهم مش انا

ياللا ربنا يصلح الاحوال

شكرا على مرورك يا لوجين وعلى المواقف اللى حكتيها

نورتى التوبيك

[سيف العدل البتار]

موضوع جميل بس عادى يعنى مش لازم
اكون عارف ده يستحق او لا كفاية اقوى ان طلب ده
بنفسه
و اكتر حاجه بتبقى محرجه فى الموضوع ده لو مراة
مش عجوزه لا متوسط كده وتجى تستهبل عليك كده
دى اكيد لو بتقطع قدمى حتى مش بتستهبل مستحيل
انها تشوف منى غير الكلام الحلو وخلاص
لكن الاطفال عادى مساكين
شكرا موضوع جميل
ولو الصدقه دى لله احسن اكيد من انها تكون لوحد يستهل
او احنا نعتقد ده حتى
موضوع فى وقته المناسب