خبر جديد للمعلمين

[sherif_shemy]

المشاركة الأصلية كتبت بواسطة hesham63

السلام عليكم
=====
اعتقد انه لا زياده " ليس بالامكان افضل من الان "
بكل صراحة انا مثلا اعمل معلم من عام 86 بعنى تقريبا 25 عام ومرتبى لم ولن يتجاوز 1500 جنيه لانى بصراحة مش ناوى اكمل فى الدنيا دى اكتر من كده . " حظ ما فيش "
سافرت الى السعودية عام 2000 ولم اتحمل الذل هناك فى المدارس الاهلية عملت بلاوى علشان اكرهم فيا ويرحلونى مصر فى الاخر قالولى انت ادفعلك 2000 ريال " فيزا" ادفعهم وتوكل على الله دفعتهم وتوكلت على الله وقلت فى بالى " اعيش فى بلدى بعيش ودقة احسن" على امل ان الحال يتحسن . لكن للاسف حتى العيش مش بعرف اجيبه من الفرن علشان الزحمة
يا معلمى مصر " اكتئبوا واحزنوا " ما فيش حد ها يقدر يعمل حاجة ولا انا ولا غيرى كله كلام اعتقد الان المفروض كل واحد فينا يبحث عن عقد ذل لاحد الدول العربية ويتحمل ما يستطيع . اما انا فقد اصبح سنى لا يسمح بالسفر ومش بمزاجى دى شروط
سيبكم بقى من الاضرابات والاعتصامات لان لو حتى اعتصمنا وحتى لو عملنا عصيان ما حدش ها يعبرنا ويمكن كمان يجيبولنا الجيش يطرقعنا على ..........

يا استاذى عشت 25 سنة فى الوظيفة بتحلم تأخد مرتب انسان من حقه يعيش عيشة كريمة
ولما جت 25 يناير وشوفنا اللى اصعب من كده بيتحقق
جاى دلوقتى وتقولى اكتئبوا ياراجل لو التحرير فكروا زيك كده كنا عيشنا 30 سنة كمان فى حكم جمال مبارك

طالما حاسس انك مظلوم طالب بحقك
طالما فيه موظف الحكومة اللى بياخد اعلى منك طالب بحقك

عاوزين يقربوا بين المرتبات للغلابة وسايبنها فوق طايرة
فين الصناديق الخاصة وفين العدل فى الاجور ياسيدى لفئات اللى فوق ولا العدل يكون تحت واللى فوق لسة فوق
هما دايما ما بيجوش عند اللى فوق ليه علشان دى عقدة قديمة لازم يفهموا ان الشعب تساوى
ومبارك دخل القفص يعنى اللى فوق نزل تحت

[مصطفى جابر راشد]

اللع مادمها نعمة وإحفظها من الزوال كفاية 25 فى المائة مش لازم كل واحد يبص للثانى

[العقبى1010]

لف ودوران
واضح أن البية الوزير لا يستطيع إلغاء قانون ا لكادر لأنه قرار مجلس الشعب
فبدأ بطريقة اللف والدوران إسلوب حقير لا يخرج إلا من إنسان من تلاميذ مبارك

[العقبى1010]

المشاركة الأصلية كتبت بواسطة مصطفى جابر راشد

اللع مادمها نعمة وإحفظها من الزوال كفاية 25 فى المائة مش لازم كل واحد يبص للثانى

روح نام وهصحيك بعد ما تخلص المظاهرات

[صبحي 66]

والله ده اهانه بكرامه المعلم اين الوعود بتحسين دخل المعلم احنا عابزبن دخل زاي باقي الوزارات مش اكتر واخر كلام اقول حسبي الله ونعم الوكيل

[غنجو1]

كلكم عملين وزرة وخبراء
فين الميزانيات
الصبر

[محمد أحمد كمال بسيوني]

يا جماعة يجب أن يكون التفكير عقلاني شوية

الآن لو معرفناش يبقى الحد الأدنى لينا مثل الأطباء والصيادلة وماسبيرو وقطاع البترول والاتصالات وقناة السويس والداخلية والجيش و النيابة

يبقى أولا: تخفيض ساعات العمل بمعنى الغاء اليوم الدراسي الكامل ويبقى من الساعة 8 حتى الساعة 12
جواز للمدرسين قانونا: الالتحقاء بعمل ثاني مع تأمين شامل.

أبسط شيء لو الحكومة معهاش فلوس للمدرسين

[السندباد المصري]

المشاركة الأصلية كتبت بواسطة محمد أحمد كمال بسيوني

يا جماعة يجب أن يكون التفكير عقلاني شوية

الآن لو معرفناش يبقى الحد الأدنى لينا مثل الأطباء والصيادلة وماسبيرو وقطاع البترول والاتصالات وقناة السويس والداخلية والجيش و النيابة

يبقى أولا: تخفيض ساعات العمل بمعنى الغاء اليوم الدراسي الكامل ويبقى من الساعة 8 حتى الساعة 12
جواز للمدرسين قانونا: الالتحقاء بعمل ثاني مع تأمين شامل.

أبسط شيء لو الحكومة معهاش فلوس للمدرسين

انا عن نفسي هاشتغل علي تاكسي بالنفر

[مصطفى جابر راشد]

هو كل واحد عامل نفسه خبير

[patient]

المشاركة الأصلية كتبت بواسطة malakdarsh

بصوا بقى يا معلمى مصر
انتو لو مفقتوش دلوقت ووقفتوا تطالبوا بحقوقكو
البسوا طرح واقعدوا فى بيوتكوا احسن
لان احنا دلوقت ف نظر الحكومة شوية رعاع ملهومش اى قيمة
يلا نطالبوا بوزير الصحة يمسك التعليم
ههههههههههههههههههههههههههه

ياأستاذ الفاظ الأسواق والمساطب هذه لا تليق بك كرجل متعلم ثم ما دخلك بالمعلمين هل طلبوا من حضرتك النصيحة فأنت الناصح الأمين . عيب ياأستاذ هذه الألفاظ السوقية التي لاتصدر الا من شخص تافه . بدليل أنك في نهاية كلامك تقهقه أستهزاء بالمعلمين . فالمعلمين ليسوا بحاجة الى نصيحة حضرتك التي تحمل التحريض والفتنه والأستهزاء . أتقي الله فأنت في رمضان

(( والفتنة أشد من ال*** ))

[كمال درويش]

دائما عندما أرى الببلاوي أتذكر الخمرجي والحرامي عاطف عبيد اللي باع مصر وشركاتها بأرخص الاسعار
كيف يساوي هذا الوزير الملعون المعلمين بمن لا يعملون
أنا لوكان عندي شركة بيشتغل فيها ناس زي الاداريين والمشرفين اللي في المدارس ويأخذوا مرتبات دون تعب وهم جالسون
أستخسرها فيهم ولا أعطي لهم وأفصلهم عن العمل

[عبدالله نصر سيبويه]

إلهي ماعصيتك باختياري اللهم إني صائم

حقيقة نحن نعيش في بلد - دون مجاملة - لاتعرف للعدل طريقاً وحسبنا الله ونعم الوكيل في كل رجال الدولة الكبار الجبناء

بكل ماتحمله الكلمة من أسى وحزن على ما آل إليه هذا البلد الطيب الذي ينظر كباره إلى فقرائه وكأنهم قطعة من الجماد الأصم لاقيمة

لها في هذه الحياة تلقيها الرياح كيفما تشاء هؤلاء الرجال -مع وضع خطوط وعلامات كثيرة تحتهاقد غيرت مدلول الكلمة في عصرنا هذا -

خانوا الأمانة وباعوا ضمائرهم للشياطين وحسبي قوله تعالى ( أليس في جهنم مثوى للمتكبرين ) .

وقوله (ص) إذا وسد الأمر إلى غير أهله فانتظر الساعة .

[مصطفى العبادى]

المعلمين خلاص البقية فى حياتك الله يرحم كرامتنا

[maged_wil]

لا للزل و الاهانه

[احمس_جراند]

ياجماعة انا واحد من شباب التحرير وعشت تجربة الاعتصام وعلشان التجربة تنجح لازم من ترتيب منظم واهداف موحدة فالفترة الاخيرة تشتت الاهداف فاستطاع المجلس العسكرى فض البقية المتبقية اما اذا توحدنا بجد فبامكاننا حل النقابات الفرعية والرئيسية وخلع الوزير وعمل برنامج جديد لاجور المعلمين والذى يضمن للمعلم حياة كريمة وبداية ذلك تجميع الاعداد من جميع انحاء المحافظات والتمركز فى نقطة معينة ثم الانطلاق الى مبنى الوزارة والمطالبة بحقوقنا بطريقة مهذبة من غير استفزاز او تجريح كى يتعلم منا القاصى والدانىونستحق فعلا كلمة معلم فما رايكم؟؟؟؟؟