اذا مكنتش طلعت مدرس كنت تتمنى تطلع ايه؟؟

[مـــــلك]

كنت أتمنى أن أصبح طبيبة اطفال لأنى بعشق الأطفال

[أخصائى مكتبات]

معلش يا جماعة ليس كل ما يتمناه المرء يدركه..

[heba abd elhamid]

كان نفسى ابقى سفيرة النواية الحسنة واصلح اللى خسروه فى البلد اللى ما يتسمو

[eslamic]

المشاركة الأصلية كتبت بواسطة أخصائى مكتبات

معلش يا جماعة ليس كل ما يتمناه المرء يدركه..

تأتي المجاميع بما لا يشتهي مكتب التنسيق

[أخصائى مكتبات]

أحلى أمنية يا هبة..
ربنا يستر على البلد فعلا..

[ريهمسة]

كان نفسي اكون دكتورة صيدلانيه
لكن منها لله الفيزياء والاحياء
كانت مجاميعنا عاليه اوووي في تانيه لكن كلنا انضربنا في تالته
الحمد لله
عمري ما فكرت ان ابقي معلمه لكن هو التنسيق اللي وداني بعد ربنا ونصيبي وبحاول اجتهد علشان افيد غيري واستفيد من الناس الخبرة
بس ساعات باملل من العيال ومن المدرسه ومن اولياء الامور
الحمد لله
موضوع رائع
تسلم

[الأستاذ أحمد راشد]

كنت عاوز اكون فى الاصل مدرس وكمان لغة عربية

وهذا من زمن طووووويل

تشبها بمدرس عندى فى المرحله الابتدائية

ولكن راودنى شعور بان اكون مفتى او مٌشرع ولكن عرفت انى سأضل

لانى كنت فى الماض عندى قدره باقناعك بما أريد وان كان باطلا

الا انى عدلت عن هذا باعترافى بالحق

اشكر صاحب الموضوع

[حِلــــﮱـم العُمـﮱـرَ]

كلكم بتقولوا كانْ نفسي كان نفسي
اما اللي زيي قدامه الفرصه
يحقق هدفه ..
والل بيتمناه ..
انا عن نفسي عايز اطلع دكتور
والله واعلم بقي بعد سنتين اكون ايه بقي
ربنا يستر ...

[heba abd elhamid]

المشاركة الأصلية كتبت بواسطة heba abd elhamid

كان نفسى ابقى سفيرة النواية الحسنة واصلح اللى خسروه فى البلد اللى ما يتسمو

بالاضافة الى عملى فى السفارة كنت حقيقى نفسى بجد اطلع مهندسة كمبيوتر قسم جرافيك

[المريسي]

اولا : الموضوع جميل
ثانيا: انا تخليت اني اكون اي حاجة في الدنيا الا اني اكون مدرس ( بس الحمد لله علي كل حال )
ثالثا : اخوكم ( اللي هو انا يعني) جبت مجموع اكتر من التربية في ثانوي ومع ذلك مرديتش ادخلها ودخلت تجارة بس علشان مبقاش مدرس ولكن انت تريد وانا اريد والله يفعل ما يريد
رابعا : انا كان نفسي ابقي محاسب ( والحمد لله بقيت برضوا بس في القطاع الخاص ولفترة من الزمن )

[أخصائى مكتبات]

حلوة الأمنيات اللى أنا شايفها دى..
ربنا يكرمكم جميعا..