متي سيكون امتحان الكادر القادم للمعلم المساعد

[reda_abonar]

ياجماعة معقول الاكاديمية هتفتح فى السنة الواحد 4 مرات
1- استثنائى فى 1 / 4/ 2011
2- للمعلمين الاساسيين فى 15 / 7/ / 2011
3- لمعلمى القاهرة وحلوان النصف الثانى من نفس الشهر
4- كمان فى اكتوبر
خدوها بالعقل
لما الناس معترضة ع الاختبار من اساسه
والوزارة عاوزة تغير أساليب التقييم من اساسه
امتحانان شهر 7
هتخلص تصحيح امتى
وهتظهر النتيجة امتى
وهيسجلوا أوراقكم امتى
وهيمتحنوكم امتى
وتظهر نتيجتكم امتى
والدراسة هتبدأ امتى
والوزارة عندها مشاكل !!!!!!!!!!!!!!!!!!!
طبعا كلنا عارفين كمية المشاكل فى اى مدرسة
طيب حجم المشاكل فى الوزارة بذكاءك هتكون كام
؟؟؟؟؟؟؟؟؟؟؟؟؟؟؟؟؟؟؟؟؟؟؟
ياجماعة
هناك
مصالح متضاربة
ياريت ننظر للامام بدلا من ان ننظر تحت اقدامنا
اعتذر بشدة ان كنت اسأت فى الاسلوب انا زيكم وعشت نفس الايام ومقدرة الظروف

[mohamaha33]

طيب والغلابة بتوع الحصة والمكافاة الشاملة مش هيبقوا معلم مساعد ويمتحنوا فى اكتوبر هما كمان ولا مكتوب علينا ال100 جنية

[ramy500]

المشاركة الأصلية كتبت بواسطة reda_abonar

ياجماعة معقول الاكاديمية هتفتح فى السنة الواحد 4 مرات
1- استثنائى فى 1 / 4/ 2011
2- للمعلمين الاساسيين فى 15 / 7/ / 2011
3- لمعلمى القاهرة وحلوان النصف الثانى من نفس الشهر
4- كمان فى اكتوبر
خدوها بالعقل
لما الناس معترضة ع الاختبار من اساسه
والوزارة عاوزة تغير أساليب التقييم من اساسه
امتحانان شهر 7
هتخلص تصحيح امتى
وهتظهر النتيجة امتى
وهيسجلوا أوراقكم امتى
وهيمتحنوكم امتى
وتظهر نتيجتكم امتى
والدراسة هتبدأ امتى
والوزارة عندها مشاكل !!!!!!!!!!!!!!!!!!!
طبعا كلنا عارفين كمية المشاكل فى اى مدرسة
طيب حجم المشاكل فى الوزارة بذكاءك هتكون كام
؟؟؟؟؟؟؟؟؟؟؟؟؟؟؟؟؟؟؟؟؟؟؟
ياجماعة
هناك
مصالح متضاربة
ياريت ننظر للامام بدلا من ان ننظر تحت اقدامنا
اعتذر بشدة ان كنت اسأت فى الاسلوب انا زيكم وعشت نفس الايام ومقدرة الظروف

مع احترامي الشديد لحضرتك بس انا حسيت من كلامك اننا في القرن الواحد و العشرين قبل الميلاد وان الاكاديمية لا تسطيع ان تستوعب الامتحانات المتلاحقة
بس الموضوع كله انه كان هناك امتحان في 1/4 ويقال ان هناك امتحان في 15/7 وانشاء الله فيه امتحان للمعلم المساعد الذي لم يمتحن حتي الان اذن في هذه السنة ان شاء الله ثلاث امتحانات فقط
هل الاكاديمية لا تسطيع ان تعقد ثلاث امتحانت في العام مع العلم ان في كل امتحان بيكون 80 الف معلم فقط
لو كان الاجابة بنعم اذن هذه كارثة واطالب بإلغائها.
وجزاك الله كل خير

[biba200577]

أنت تريد وأنا أريد والله يفعل مايريد

[ramy500]

المشاركة الأصلية كتبت بواسطة mohamaha33

طيب والغلابة بتوع الحصة والمكافاة الشاملة مش هيبقوا معلم مساعد ويمتحنوا فى اكتوبر هما كمان ولا مكتوب علينا ال100 جنية

ربنايكرم الجميع. بس احنا عايزين شفافية ورد من المسؤلين حتي لو قالوا ان الامتحان بعد سنه بس يكونوا صادقين في كلامهم.

[الدكتور احمد]

بالنسبه للناس اللى امتحنت فى كادر 1/4/2011 ورسبت فى مكون او اكثر هل سيتم عقد اختبار استثنائى ليهم وامتحانهم بالطريقه القديمه
- حيث ان الوزاره تتجه الان لحوسبة اختبارات الكادر وهل اللى امتحن ولم يجتاز فى مكون واحد هيمتحن بالنظام بتاع الحاسب الالى فى المكون ده بس ولا هيمتحن فى كل المكونات
ملحوظه - انا شايف انه الاكاديميه بطريقتها دى فاشله بكل المقاييس وبالتالى فالغائها افضل والا فضل بدل الاختبارات اللى واللهى كلها غش ومش بتزيد المدرسين الا فوضى يدربو المعلمين وياخدو الشروط فقط بدون اختبارات للأكاديميه لانه كلها غش المدرس المتفوق ممكن يسقط والمدرس الغير مؤهل بيغش وينجح ولا حول ولا قوة الا بالله

[nevyn]

المشكلة ان كل امتحان معناه عدد لازم يتعين فهل هم مستعدين لتعيين كلالناس ديه
اذا كان الحد الأدنى مش نافع رغم انهم لو حددو الحد الأقصي للمرتبات هيفيض في الميزانية ما يكفي الجميع

[ramy500]

المشاركة الأصلية كتبت بواسطة nevyn

المشكلة ان كل امتحان معناه عدد لازم يتعين فهل هم مستعدين لتعيين كلالناس ديه
اذا كان الحد الأدنى مش نافع رغم انهم لو حددو الحد الأقصي للمرتبات هيفيض في الميزانية ما يكفي الجميع

جزاك الله كل خير
كلامك صحيح هو اساسا قانون الكادر معمول ليه علشان كده
سنتان _بالكتير_ علي العقد ثم امتحان فنجاح فتثبيت علي درجة مالية وهذا حقنا وليس منحه منهم
والمفروض المعلم يكون كالطبيب تكليف مباشر

[معتز اللمساوى]

الامتحان القادم فى شهر اكتوبر ودا اكيد مع الراسبين فى امتحان 1/4 والله الموفق

[ابراهيم الخليفه]

مفيش حاجه كبيره علي ربنا انت اهتم بيومك وبكره ده بتاع ربنا