أسئلة الباب الخامس ،،،،،

[a_el7attab_n]

المشاركة الأصلية كتبت بواسطة twilight2011

عاوزين نغير البداية بقه

ناخد شوية حسنات .... كل واحد يرد ويقول لا إله إلا الله ويقول إجابته
ربنا يباركلنا فيك يا مستر محمد والله

السؤال الأول :-
الكتاب بيقول إن حالة التأكسد +3 للكروم هي الأكثر ثباتاً ؟؟؟ هي دي معلومة صحيحة ؟ العنصر بيكون أكثر ثباتاً لما يكون المستوى الفرعي d خالى تماماً أو نصف مكتمل أو تام الاكتمال ,, هو هنا ولا واحدة فيهم ؟؟ 4s0 , 3d3
نفس الجدول برضه بيقول ان عناصر ( النيكل ، الكوبلت ) أكثر ثباتاً لما بيكون تأكسدها +2 .... ازاى برضه

فكرت فى الموضوع دا كتير بس ملقتش اجابة مقنعة

بس هو تقريبا الاكثر انتشارا فعلا

السؤال الثاني :-
ترتيب العناصر حسب الاستقرار : المستوى الفرعي d خالى تماماً ، نصف مكتمل ، تام الاكتمال ؟؟؟؟ أيهما أكثر استقرار

مش عارف والله بس هو تقريبا اقلهم نصف مكتمل
ممكن اكثر العناصر استقرارا لما يبقى خالى مش عارف بصراحة

السؤال الثالث :-
ما المقصود بالعزم المغناطيسي ؟

عدد الالكترونات المفردة الموجودة بالمستوى الفرعى d و هى خاصية توضح مدى قدرة المادة ع الجذب المغناطيسى(من تأليفى

السؤال الرابع :-
هو فى احتمال ان يكون العنصر الانتقالى دايا مغناطيسي و ملون ولا لأ ؟؟؟ لأن الكتاب لما اتكلم عن خاصية الألوان قال انها بتتلون عشان الالكترونات فى المستوى الفرعي d سهل إثارتها بطاقة الضوء المرئي وخاصة الالكترونات المفردة ...

i dont think so

السؤال الخامس :-
بالنسبة لدور بطانة الدولوميت فى الفرن :
نقول تنحل بالحرارة لأكاسيد قاعدية وأكاسيد حامضية تتفاعل مع الشوائب مكونة الخبث ؟؟؟ ولا هي بتتفاعل مع الشوائب وهي كده علطول .... يعنى فى سؤال بيقول : ما دور بطانة المحول فى صناعة الصلب ؟؟؟ مع توضيح حلك بالمعادلات
لا بتنحل بالحرارة
caco3=cao+co2
mgco3=mgo+co2
دى اجابة السوال بعدين تشرح

السؤال السادس :-
سبيكة الفرو منجنيز بتمنع تكون فقاعات أكسجينيه فقط ... صح
يعني سؤال دليل التقويم بتاع اختر : تزيد من القساوة و الصلابة دي تعتبر خطأ ... وتمنع تكوين الفقاعات هي بس اللى صح

هى بتزيد من القساوة ع فكرة فعلا بس لازم نلتزم بالمنهج
تمنع تكوين الفقاعات فقط

السؤال السابع :-
* النحاس الأصفر ( مكون من نحاس + خارصين ) دي سبيكة نوعها ايه ؟؟؟ هي ناتجة من ترسيب كهربي لمحلول يحتوي على كاتيونات النحاس والخارصين على المقابض الحديدية ....

مش عندنا تقريبا

* سبيكة الصلب الكربوني دي هي سبيكة السيمنتيت ولا خام .....

مش عارف بس يمكن خام
كبر دماغك

السؤال الثامن :-
هل يصلح تفاعل أكسيد الحديد الثنائي مع الصودا الكاوية مباشرة عشان احصل على هيدروكسيد حديد ثنائي
ولا لازم احول الاكسيد الثنائي لكلوريد ثنائي وبعدها اعمله تفاعل مع الصودا الكاوية .... عشان الأول ده يعتبر تفاعل قاعدة مع قاعدة فمينفعش

حول احسن

السؤال التاسع :-
* علل : تشابه خواص الحديد والنيكل والكوبلت ... ده علشان هما فى مجموعة واحدة ( المجموعة الثامنة ) ولا لسبب تاني ؟؟
بسبب تماثلهم فى نصف القطر

* أى من هذان العنصران الأسهل عند تأكسده :
الحديد ولا النحاس ..... انا اظن انه الحديد عشان كلما اتجهنا من اليسار لليمين يصعب تأكسد العنصر
بس احنا عندنا اقل قيمة تأكسد للحديد +2 بينما اقل قيمة تأكسد للنحاس +1 .... فالحتة دي لغبطتني

حديد اسهل

السؤال العاشر والأخير :-
عاوز تكملة الشكل رقم (3) الموجود فى صفحة 84 فى دليل التقويم الخاص بعمليات الأكسدة والاختزال للحديد والمجنتيت والهيماتيت واكسيد الحديد الثنائي .... لأني زهقت بسببه وضيع وقتي

وشكراً مرة تانية يا مستر محمد

الله ينور يا معلم اسئلة زى الفل يارب اكون قدرت اساعدك

[د / الشيماء]

المشاركة الأصلية كتبت بواسطة روحاء هندسه

انا أختلف معاكي ياشيماء في اجابة كل ماسبق


لان احنا ماذكرش لينا في الكتاب اي اهمية لسبيكة الفرو منجنيز غير انها بتمنع تكون فقاعات وانا مااعرفش كطالبه غير كدة


والمستر بتاعي قال لينا لو حاجة مش عندنا في المنهج وفيه جميع ماسبق مانختارش جميع ماسبق لكن نلتزم بمنهجنا



بصى يا قمر المعلومة دى زيادة مستر اديهلنا عشان السؤال اللى موجود فى الدليل دا

وطالما احنا علينا مكونات السبيكة نقدر كمان نجيبها بالفقاقة يعنى ان الحديد اكيد اللى فيها هيزيد الصلابة والكربون هيزيد القساوة .

دليل التقويم فى اسئلة كتير اجاباتها مش فى الكتاب ...

لو مش مقتعة بيها مش تأخديها منى
وان شاء الله مش هتيجى فى الامتحان

وبعدين انتى مش متفقة معايا فى أى اجابة من كل دا ؟ ولاالسؤال دا بس...

سؤال العزم المغاطيسى دا ان مش عارفة اعبر عن مفهومه مستر محمد يجاوبه بقا
عشان مش ألف كتيييييييير

[محمد عبد السلام عواد]

السؤال الأول :-
الكتاب بيقول إن حالة التأكسد +3 للكروم هي الأكثر ثباتاً ؟؟؟ هي دي معلومة صحيحة ؟ العنصر بيكون أكثر ثباتاً لما يكون المستوى الفرعي d خالى تماماً أو نصف مكتمل أو تام الاكتمال ,, هو هنا ولا واحدة فيهم ؟؟ 4s0 , 3d3
نفس الجدول برضه بيقول ان عناصر ( النيكل ، الكوبلت ) أكثر ثباتاً لما بيكون تأكسدها +2 .... ازاى برضه

المعلومة صحيحة ومش وقته الكلام فيها الإمتحان بكرة

السؤال الثاني :-
ترتيب العناصر حسب الاستقرار : المستوى الفرعي d خالى تماماً ، نصف مكتمل ، تام الاكتمال ؟؟؟؟ أيهما أكثر استقرار

زي بعض يا محمود
القاعدة الكيميائية بتقول الأستقرار في حالتين
جميع الكترونات المستوى الفرعي مزدوجة(ممتلئ)
جميع الكترونات المستوى الفرعي فرادى (نصف ممتلئة)
وطبعا لو المستوى الفرعي فارغ فيكون المستوى الفرعي قبله ممتلئ

السؤال الثالث :-
ما المقصود بالعزم المغناطيسي ؟

ان شاء الله في الفيزياء

السؤال الرابع :-
هو فى احتمال ان يكون العنصر الانتقالى دايا مغناطيسي و ملون ولا لأ ؟؟؟ لأن الكتاب لما اتكلم عن خاصية الألوان قال انها بتتلون عشان الالكترونات فى المستوى الفرعي d سهل إثارتها بطاقة الضوء المرئي وخاصة الالكترونات المفردة ...

تبقى شواذ بسيطة جدا فقط ومش علينا
بالنسبة لينا البارا مغناطيسي دائما ملون
والديا مغناطيسي عديم اللون

السؤال الخامس :-
بالنسبة لدور بطانة الدولوميت فى الفرن :
نقول تنحل بالحرارة لأكاسيد قاعدية وأكاسيد حامضية تتفاعل مع الشوائب مكونة الخبث ؟؟؟ ولا هي بتتفاعل مع الشوائب وهي كده علطول .... يعنى فى سؤال بيقول : ما دور بطانة المحول فى صناعة الصلب ؟؟؟ مع توضيح حلك بالمعادلات

التزم بكتاب المدرسة
تتحد مع الأكاسيد الحامضية والقاعدية لشوائب لتحولها إلى خبث يسهل التخلص منه

السؤال السادس :-
سبيكة الفرو منجنيز بتمنع تكون فقاعات أكسجينيه فقط ... صح
يعني سؤال دليل التقويم بتاع اختر : تزيد من القساوة و الصلابة دي تعتبر خطأ ... وتمنع تكوين الفقاعات هي بس اللى صح

أولا القساوة حاجة والصلابة حاجة تانية خالص
اللي بيزيد القساوة الفاناديوم وألغيت من المنهج
أما سؤال دليل التقويم فأنتم ظلمتوه
سبيكة الفرومنجنيز تمنع تكون فقاعات غازية وتحتوي على كربون يكسب الحديد صلابة والإختيارات ليس بها يكسبه صلابة
أي أن الإجابة (تمنع تكون فقاعات غازية)

السؤال السابع :-
* النحاس الأصفر ( مكون من نحاس + خارصين ) دي سبيكة نوعها ايه ؟؟؟ هي ناتجة من ترسيب كهربي لمحلول يحتوي على كاتيونات النحاس والخارصين على المقابض الحديدية ....

استبدالية

* سبيكة الصلب الكربوني دي هي سبيكة السيمنتيت ولا خام .....

السيمنتيت هو كربيد الحديد ويوجد في الصلب الكربوني

السؤال الثامن :-
هل يصلح تفاعل أكسيد الحديد الثنائي مع الصودا الكاوية مباشرة عشان احصل على هيدروكسيد حديد ثنائي
ولا لازم احول الاكسيد الثنائي لكلوريد ثنائي وبعدها اعمله تفاعل مع الصودا الكاوية .... عشان الأول ده يعتبر تفاعل قاعدة مع قاعدة فمينفعش

الإثنين قواعد ما ينفعش

السؤال التاسع :-
* علل : تشابه خواص الحديد والنيكل والكوبلت ... ده علشان هما فى مجموعة واحدة ( المجموعة الثامنة ) ولا لسبب تاني ؟؟

لتماثل أنصاف أقطار ذراتهم ( أي تماثل الحجم الذري لكل منهم)

* أى من هذان العنصران الأسهل عند تأكسده :
الحديد ولا النحاس ..... انا اظن انه الحديد عشان كلما اتجهنا من اليسار لليمين يصعب تأكسد العنصر

تمام كدة بالضبط

بس احنا عندنا اقل قيمة تأكسد للحديد +2 بينما اقل قيمة تأكسد للنحاس +1 .... فالحتة دي لغبطتني

مالوش علاقة بسهولة وصعوبة الاكسدة

السؤال العاشر والأخير :-
عاوز تكملة الشكل رقم (3) الموجود فى صفحة 84 فى دليل التقويم الخاص بعمليات الأكسدة والاختزال للحديد والمجنتيت والهيماتيت واكسيد الحديد الثنائي .... لأني زهقت بسببه وضيع وقتي

1- أكسيد حديد 11
2- حديد
3- أكسيد حديد مغناطيسي
4- أكسيد حديد111

وشكراً مرة تانية يا مستر محمد

قلنا شكرا يعني 50 من 50

[Twilight2011]

يعنى التزم بأعداد التأكسد المحاطة بالدائرة يا مستر .....
ولو سألنى في سؤال اختر أيهما أكثر ثباتاً أختار اللى كانت فى الدائرة ... وهتكون صح ان شاء الله