مناقشه الامور الفيزيائيه والكميائيه

[THE CodeR]

باين عليا وقعت مع اتنين تقال اوي في الفيزياء...بصوا يمكن انا سبقتكوا لكده لكن ادركت اني بدون الرياضيات ﻻ شيء عشان كده بإذن الله هنزل شروحات في علمي التفاضل و التكامل في اﻻجازة
لعلمكم استعمال التفاضل في المعادلات ده لحساب نسب التغير مثل السرعة و العجلة و كان اشتقاق تحويلات لورنتز باستخدام معادلات تفاضلية اي بعمل تكامل للمعادلات التي تستعمل فيها نسب تغير كذلك معادلة شرودنجر
و بالنسبة للنسبية انا كنت بدأت استنتج معادلاتها من خلال استنتاجات مبسطة مبتعداً عن التفاضل و الي حد ما انجزت شوية في الخاصة
و بإذن الله نعمل احلي شغل سوا في اﻻجازة

[einstien]

دكتور فهمى ابراهيم ميخائيل فى احد المحاضرات للنسبيه وهو احد كبار اساتذة النسبيه قال ان اينشتاين لما جم يناقشوه فى النسبيه كان كل سؤال يسالوهوله يجاوب عليه لحد ماخلصوا المحاضرة واقتنعوا بيها جه هو بقى كاتب لهم معادلة وقاللهم حلوها والمثير فى الموضوع انه مات قبل ما اى عالم يحل المعادلة دى ومتحلتش الا بعد وفاته بس معرفش على ايد مين الحقيقة بالنسبة للتفاضل لما تنزل شروحات التفاضل هنزل انا بعض النهايات تقريبا مستحيلة الحل ولكن بفضل الله توصلت الى حلها وسوف اعرضها لكم

[THE CodeR]

نهايات؟؟
علي حد علمي النهايات سهلة خاصةً لو بلوبيتال
لو في صعب ورينا
كلها يومين بالنسبالي و اتحرر من تانية ثانوي و افضي للرياضيات و الفيزياء
مع ان عندي شغل كتير غيرهم في علوم تانية يعني بس الحاجة اللي الواحد يحبها ميحسش انها صعبة عليه
و عايزكوا تفيدوني بعلمكم يا شباب
في علي المنتدي تلاتة تانيين معايا ليهم خبرات واسعة بالنسبية و ميكانيكا الكم و الجسيمات
و باﻻضافة ليكم هنقدر نعمل حلقات علمية رائعة
و اتمني بما انكوا خلصتوا دراستكوا كده تفرجوني علي احلي شغل منكم
و انا طلبت من اﻻدارة انشاء قسم علمي و جاري دراسة الطلب