عاجل المالية: المدرسون يستفيدون من "الأدنى للأجور" ولاضرائب على الأسهم

[mostafa2222]

مبرووووووووووك
وهل سيطبق على المدرس بالاجر والعقد العادى
ولا المثبت فقد
ياريت توضيح اكثر

[أم هيما]

• 
  ‎Om Hima‎
  مـــــــــــــــــــــيدان التـــــــــــــــــــــــــــــــــــــــحرير بينادينااااااااااااااااااااااااااااااااااااااااااا اااااااااااااااااااااااااا
  
  
  5 hours ago · امسح مشاركة
  
  
  
  
• ابراهيم فرج المكتب الفنى
  تطبيق الحد الأدنى للأجور على المعلمين
  أعلن الدكتور أحمد جمال الدين موسي وزير التربية والتعليم أن المعلمين سيدخلون ضمن مشروع الدولة لإعادة هيكلة الأجور، ووضع حد أدنى له .
  وأكد الدكتور أحمد جمال الدين موسي أنه أجرى ظهر اليوم اتصالا هاتفيا بالدكتور سمير رضوان وزير المالية، والذى أكد له أن المعلمين سيكونون أحد الفئات التى ينطبق عليها الحد الأدنى للأجور لأن رواتبهم عند بداية التعيين بالدولة لا تتجاوز 700 جنيه شهريا إلى جانب أن درجاتهم الوظيفية المقررة فى قانون الكادر معادلة للدرجات المنصوص عليها بقانون نظام العاملين المدنيين بالدولة 47 لسنة 1978، ولا يوجد جدول أجور مستقل للمعلمين.
  ولما كان المعلم أبرز عناصر العملية التعليمية التي يرتكز عليها تطوير التعليم، لذلك يتحتم استفادة المعلمين بكافة وظائفهم من الحد الأدني للأجور ومن رفع مرتباتهم مثل باقي العاملين بالدولة.
  
  
  
  
  
  دا رد المكتب الفنى على مشاركتى فى ساحه الحوار بصفحة وزارة التربية والتعليم

[ahmed_2040]

وزارة التربية والتعليم: دخول المعلمين ضمن هيكلة الاجور الجديد

التهديد بردة بيجيب نتيجة

[محمدطعيمة]

http://services.moe.gov.eg/

موقع الوزارة هو الآخر يؤكد الخبر

[فقير الى الله]

فعلا الخبر على موقع الوزارة ودا يؤكد ان الخبر صحيح وليس مسكنات

[سارة الازهرية]

الحمد لله الخبر موجود فى موقع اخبار مصر الالكترونى ولكن الخبر بيقول المعلمين الذين لم يصلوا ال700 جنيه الموضزع محتاج استبيان

[أبراار]

حرام عليهم والله العظيم أعصابنا باظت

إيه الصح وإيه الغلط

ولغاية دلوقت برضه مش فاهمين الأمور هتمشي إزاي

عاوزين ردود ع الأسئلة دي

1- هل هيطبق على اللي ماخدوش الكادر بس ، اللي خدوا الكادر مش هيطبق عليهم ولا هيطبق ع الكل ويلغوا الكادر وده العدل؟؟؟

2- هل هيعاملوا الكل واحد زي ماقالوا هيرفعوا الكل ل700 وخلاص على كدة ويساوي الجاهل اللي لسة هيشتغل بالمؤهل العالي اللي ليه كذا سنة شغال ولا هيعملوا فرق في الدرجات ونتعامل على إننا درجة تالتة وده العدل؟؟؟

3- الناس القديمة اللي بتاخد الكادر أساسا لو إتلغى الكادر هيحاسبوهم إزاي وإزاي هيحسبولهم أقدميتهم؟؟؟

مش كل ده كلام محتاج توضيح

ياناس عاوزين أخبار أكيدة بتفاصيل دقيقة حد يرد علينا حراااااام أعصابنا باظت

[سنوات الانتظار]

والله العظيم الناس دى مش بتيجى غير بالعين الحمرا وفعلا دى اول مرة يظهر فيها غضب المعلمين بالشكل دة

[kholio_]

اللهم أنصر المعلمين الكحيانين في مصر وفي كل بلاد المسلمين

[loddodo]

واذا كان كدة ماشي

[nada1993]

يا جماعه احنا كادر خاص و من حقنا رفع الحد الادنى الى 1200 زى وزارة الصحه

ولازم نتمسك بالكادر الخاص

_______________________________
طبعا هتقولوا الحمد لله على كده

لكن لو ركزنا هنعرف انها مسرحيه كبيره

ليه؟؟

التصريحات معناها ان اللى مرتبه اقل من 700 مهما كانت الدرجه سوف يتم رفعه الى الحد الادنى وانتهى الموضوع على كده

يعنى بلاش تفكروا اننا هناخد مرتب الدرجه الثالثه ونبقى اكثر من 900 جنيه .

يعنى فى الاول قال ان التعليم والصحه كادر خاص
وبعدين الصحه رفعت الحد الادنى
وكان من المفترض التعليم تطالب بكده

لكن محصلش حاجه و الماليه كانت متوقعه اننا نطالب بمساواتنا بكادر الصحه

بعد كده طلعوا قرار صادم اننا لن يطبق علينا الحد الادنى و هو قرار سليم لاننا كادر خاص

طبعا زعلنا و قررنا ننظم اعتصام

الوزاره عرفت وسألت عن اجور المدرسين

صدر تصريح باننا سوف نستفيد من الحد الادنى

وطبعا فرحنا و صدقنا وفاكرين نفسنا عبرنا خط بارليف و الوزاره بتلعب باعصابنا عشان نرضى باى حاجه

[Mrs/Marwa]

يا استاذه ندى نمسك ال 700 ونطمن وساعتها نفكر اذاي ناخد حقنا واحده واحده
احنا معبرناش بارليف في يوم وليله .

[anass_math]

ياجماعة العجيب ان الميزانية تم اعتمادها وفقا للكلام الاول وهو ان المعلمين خارج الحد الادني فبين يوم وليلة دخل مليون ونصف المليون ضمن هذه الخطة فمن اين تمويل هذه المرتبات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!
اشك انه ممكن يكون مسكنات زي اللي اتعودنا عليها

[خالد جادالله]

سؤال بقا بالنسبه للناس الاجر والمتعاقدين الى تم عليهم ثلاث سنوات واكثر هيتم التطبيق عليهم ولا

طب والناس الى عملت وبتعلم عقود حتى الان هيطبق عليهم ولا لا

سؤال اخير هو مش فيه قرار نزل فى الدوله كل من تم عليه فى وظيفته اكير من ثلاث او تم الثلاث سنوات هيتم تثبيته

ليه فى اسماعليه عملو عقود لكله الى تم ولا متمش والى فرق حاجه صغيره خال

اكثر من ثلاث سنوات يكتب على عقده اكثر اقل يكتب اقل حد عنده فكره بقا عن الموضوع ده

[سعيدقصراوى أحمد]

لازم نتمسك بحقنا ونتابع الاخبار عن كثب ويجب ان يظهر الوزير بتاعنا ويؤكد هذا الكلام بالتفصيل دون تلاعب بالالفاظ ....