كنز عند السد العالي نصيب كل مصري منه 40 مليون جنيه… بجد

[سعد مشعل]

يعلم الله ياريت يكون كده

[سمير السراح]

يعنى لو ده صحيح فتجربة خير مثال (نجرب فى بعض الاماكن خلف السد يمكن ده صحيح دهب بلاتين مرجان أحمدك يارب

[Arkenine]

هييييييييييييييييييييييييييييييه .
دهب ، بلاتين ، مرجان !!!!!! أحمدك يارب .
يا جماعة إرحمونا بقى من الكلام الرخم ده ، وكفاية لعب بمشاعر الناس البسطاء اللى أقصى ما يتمنوه هو الستر .

[محمدشومان]

خبرلايصدق لهول المفاجأة

[seefeldeen66]

عايز حقى من الدهب والبلاتين

[شريف منير]

كده بقى محدش هيشتغل وهنعيش تنابلة على حس الذهب .. ! ! !

[egyprince2]

انت فعلا شمعة تحترق ويظهر ان الحريق بدأ عندك من نفوخك وخلاك تهوي على الاخر دي اولا
ثانيا اعذرني على اسلوبي اللاذع الذي لم استطع منع نفسي عن التكلم به لانه اذا كان المتكلم مجنون فالمفروض ان المستمع يكون عاقل وناقل الخبر المفروض يكون اعقل الاثنين فلا تستخف بالقراء هنا في هذا الموقع بالذات لأنهم أهل العلم والعقل
ثالثا الخبر ده كوكتيل جنان على بتنجان اقولك ليه.....
1-ما فيش سفينه سويسرية تقدر تروح خلف السد الا اذا كانت وصلت هناك بطياره (يا مثبت العقل في الدماغ يارب)
2-القدماء المصريين ماكنش ناقصهم ذهب علشان يحطوا فروة خروف على خشبة ثم ان الخشبه ها تعوم والذهب المفروض ما يعومش ولا يطفو على السطح ماشي يا عم شمعة!!!!!
3- لو جمعت كل الذهب اللي في االعالم وبعته مش ها يكمل نصيب الفرد في مصر المبلغ اللي انت قلت عليه
4- لو كان حسني مبارك بس شم خبر ان هناك ذهب خلف السد لكان السد الان في خبر كان باي حجة وهاتك يا بحث عن الذهب
5- ثم ايه حكاية الرقم 40 معاك انت مش حافظ الا هوه والا تعليمك وقف لغاية اربعين؟
6-ثم مين احمد ده اللي شغال دكتور في جامعة الكويت في خبر يجيب اسم باحث ويقول الدكتور احمد اللي في جامعة الكويت
7- وهي الاهم اللي ها يقرب من السد (اللي انت تاعب نفسك وحاطط صورته علشان الخبر يبقى متقن )ها نذبحة ويا حبيبي يا شمعة الحق نفسك واتعالج لاحسن تصحى الصبح تلاقي نفسك سحت على الاخر وما يلقوش منك حاجة و خذ بنصيحتي سمي نفسك شعرة احسن عارق ليه ؟ لان الشعرة ساعة تروح وساعة تيجي ساعة تروح وساعة تيجي هييييييييييييع
ولا اقولك !!!فيه منتدى جديد اسمه منتدى العباسية انا من رأيي تاخد الموضوع ده وتعرضه هناك وهايستقبلوك كويس وها يفرحوا بيك على الاخر

[alaa20022003]

لو كان حسني مبارك بس شم خبر ان هناك ذهب خلف السد لكان السد الان في خبر كان باي حجة وهاتك يا بحث عن الذهب

[Nabila]

تقسيم مصر الى ثلاث دول هذا ما قرأت حديثا ............هى مؤامرة واضحه

[مستر ايمن]

ياريت يا جماعه ومش اي موضوع يتنقل بحذافيره بدون التاكد منه منعا للفتن
نشر الاخبار دي مقصود منه الفتنه والمشاكل خدوا بالكم ارجوكم وبعدين هو لو بصحيح الخبر ده كان مبارك سابه لكم ؟ كان ح ياخده زي ما اخد كتير من البلد ولا يمكن مكنش معاه فاس يحفر ههههههههه اعقلوا بقي