هل ترضى بهذا!!

[NazeeH]

Sally82

[amin_mubarak]

الأخ/ الأخت sally82
أوافقك الرأى تماما يجب على كل مصرى أن يضع المصلحه العامه لمصر قبل أى مصلحه فرديه أو فئويه
حتى تستقر الإمور وينتعش الإقتصاد
أى شخص يشارك فى مظاهرات أو اعتصامات تعطل العمل فى هذا الوقت يكون أداه فى الثوره المضاده دون أن يدرى
لأنه بهذا العمل يدمر الإقتصاد و يكون سببا فى إفشال الثوره المباركه ويكون خائنا لدماء الشهداء الأبرار
الأمر فقط يحتاج الى صبر عام واحد فقط حتى يتولى البلاد رئيسا منتخبا و يتكون مجلس شعب منتخب وتهدأ الامور ويعود الأمن
اللهم احفظ مصر والمصريين

[ايادممدوح]

و كمان انتي بنت

و هو ده تشبيه يليق ببنت مصرية صاحبة حضارة معرفش كام الف سنة " تجوع الحرة و لا تأكل بثدييها..."

اولا ما فيش اي علاقة بين مظاهرات المعلمين وبين عجز الموازنة

لان احنا مطالبنا شرعية وقانونية ولم نطلب تحقيقها فورا

ثانيا دي مش مشكلتنا ان الحكومة فشلت انها تحل مشاكل الشعب وغلبت انها توجد حلول غير القروض

ثالثا : هي الحكومة دي أو اللي بعدها حتعرف من فين مشاكل الناس الا اذا الناس طالبت فتعرف الحكومة المشاكل الملحة والمهمة كانها دكتور وبيشخص المرض من الام المرضي ... وما تقوليليش انه فيه ادارات للشكاوي ... انسي

رابعا : اتحنا خلاص مصر انطلقت ما حدش حيقدر يملي علينا اي املاءات ولا امريكا ولا غيرها دول دلوقتي بعد الثورة حيطلبوا ودنا و يتمسحوا فينا .....

.... و انا رأيي ان المظاهرات الوطنية ( اللي بتقولي عليها فئوية ) هي وقود الثورة وقائدتها بلا منازع

[احمد عبك]

إخواني وأخواتي استوصوا ببعضكم خيرا
أسأل الله العظيم رب العرش العظيم أن يحقق أمانيكم في كل خير وأن يسعدكم دنيا وآخرة وأن يصلح حال بلدنا وحال أمتنا

[ابو مريومة]

فضفضة

اولا اذا كان على شيخ الازهر الراجل بفضل الله حالته مرتاحة وربنا سبحانه وتعالى يزيده ويزيدنا بالحلال
ثانيا الدولة مش عاوزة اضرابات وهى اللى بتجبر الناس عليها
ثالثا الليونة والهوان اللى عند الحكومة والجيش هيدفعو تمنها غالي
رابعا المفروض على شيخ الازهر يصلح اللى جوه الاول يعنى يصلح من حال الازهر وينضفه من القازورات اللى فيه الاول ساعتها عندما يتكلم الازهر الكل هينصت وعندما يطلب هيكون طلباته اوامر واجبة التنفيذ
انت تعرف او انتى تعرفي مش عارف بالضبط يا sally ان فيه 2000موظف الواحد فيهم بياخد مليون وربع شهريا الناس دي خبيرة في ايه ده اسمه قلة ادب والله المفروض الناس دى تروح وتدفع كل اللى فات ده غير الصناديق اللى تكفي دولتين زى مصر
فيه حجات كتير غلط والحكومة ساكته ومصهينه عليها واعتقد ان فيه تواطؤ
والله انا كنت متفائل جدا دلوقتى حزين على مصر ودايما بفتكر كلمة سعد زغلول " مفيش فايدة" مصر هتبقى كدة على طول
الشرطة يا اما تتعالى وتتكبر وتدعك الناس بالجزمة يا اما متشتغلش
السجون بقيت مكيفة لناس معينة الناس دي مفيش ذرة شك انها مدانة والمساجين التانيين اللى فيه منهم مظاليم بيخدموهم سبحان الله
تفتكروا يا ناس حال البلد هيتصلح
سمعت ان ماما سوزان الاول معاها 6 مليار ودلوقتى رمت 24 مليون جرينا عليهم ناخدهم
انا عندي كلب كل يوم افضل فيه ضرب واخر اليوم ارميله لقمة ياكلها وكاني معملتش فيه حاجة
انا تعبت من الكلام حسبنا الله ونعم الوكيل في كل واحد يقدريشتغل وميشتغلش في كل واحد بيوقف ضد مصلحة البلد والغلابة في كل واحد بيخرب في البلد دي

[مستر/ عبدالكريم على عبدالنعيم]

بصراحة يا استاذه سالي

دى حاجة ودى حاجة

والسياسات الدولية لا تعتف بهذا الكلام


احنا مش لاقيين ناكل ونتعزز

لازم نبنى جيل قاد على الابتكار

النووى السلاح القمح الحديد والصلب الثوة السمكية المنسوجات .................و...............و...........و.... ........


وبعد كده نقول احنا مش محتاجين حاجة من حد

[Sally82]

[quote=ايادممدوح;3430569]و كمان انتي بنت

و هو ده تشبيه يليق ببنت مصرية صاحبة حضارة معرفش كام الف سنة " تجوع الحرة و لا تأكل بثدييها..."

ده مثل عربي شهير فلو لا تعرفه هذه ليست مشكلتي

اولا ما فيش اي علاقة بين مظاهرات المعلمين وبين عجز الموازنة

التثبيت هيرفع مرتبات المعلمين..و ده بيشكل ضغط على الميزانية

لان احنا مطالبنا شرعية وقانونية ولم نطلب تحقيقها فورا

امال ايه كل شوية اعتصامات و اضرابات و فاكسات للمشيخة بدل ما تشتغلوا و تحاولوا تؤدوا دوركم في حل مشاكل الازهر زي الغش في الامتحانات عايزين بس تثبيت و كآفات و منح

ثانيا دي مش مشكلتنا ان الحكومة فشلت انها تحل مشاكل الشعب وغلبت انها توجد حلول غير القروض
هي لسة الحكومة عملت حاجة دي مجرد حكومة تسيير اعمااااااااااااااااال يعني مؤقته و اللي بتطلبوه منها ده خارج عن نطاق طاقتها
ثالثا : هي الحكومة دي أو اللي بعدها حتعرف من فين مشاكل الناس الا اذا الناس طالبت فتعرف الحكومة المشاكل الملحة والمهمة كانها دكتور وبيشخص المرض من الام المرضي ... وما تقوليليش انه فيه ادارات للشكاوي ... انسي
مطالبك مررها للمرشحين في الانتخابات يعملوا على حلها في برامجهم الانتخابية مش تطالب حكومة مؤقته انها تنفذها!!
رابعا : اتحنا خلاص مصر انطلقت ما حدش حيقدر يملي علينا اي املاءات ولا امريكا ولا غيرها دول دلوقتي بعد الثورة حيطلبوا ودنا و يتمسحوا فينا .....
دي في احلامك و الا ايه!!! السياسة الدولية مش بتمشي كدة..فوق بقى...الامريكيين معروفين انهم نفعيين بالدرجة الاولى يعني ناس بتوع مصلحتهم و هم مسيطرين على العالم عن طريق سيطرتهم على اقتصاد الدول بالمنح و المساعدات و القروض
.... و انا رأيي ان المظاهرات الوطنية ( اللي بتقولي عليها فئوية ) هي وقود الثورة وقائدتها بلا منازع.

[Sally82]

المشاركة الأصلية كتبت بواسطة ابو مريومة

انت تعرف او انتى تعرفي مش عارف بالضبط يا sally ان فيه 2000موظف الواحد فيهم بياخد مليون وربع شهريا

ده في الازهر مش كده!!
احنا عارفين ان شيخ الازهر اول ما مسك منصبه وقف مهزلة الرواتب الفلكية دي حتى مخصصاته كشيخ للازهر لم يأخذها و اكتفى بالراتب

[ابو مريومة]

المشاركة الأصلية كتبت بواسطة ابو مريومة
انت تعرف او انتى تعرفي مش عارف بالضبط يا sally ان فيه 2000موظف الواحد فيهم بياخد مليون وربع شهريا
ده في الازهر مش كده!!
احنا عارفين ان شيخ الازهر اول ما مسك منصبه وقف مهزلة الرواتب الفلكية دي حتى مخصصاته كشيخ للازهر لم يأخذها و اكتفى بالراتب
انا بقصد في الدولة وبالنسبة لبتوع الازهر انا عارف الشيخ عمل فيهم ايه وعارف كمان الحرب اللى مقومينها عليه
بتوع الازهر يتعدوا على الصوابع

[Sally82]

المشاركة الأصلية كتبت بواسطة مستر/ عبدالكريم على عبدالنعيم

بصراحة يا استاذه سالي

دى حاجة ودى حاجة

والسياسات الدولية لا تعتف بهذا الكلام


احنا مش لاقيين ناكل ونتعزز

لازم نبنى جيل قاد على الابتكار

النووى السلاح القمح الحديد والصلب الثوة السمكية المنسوجات .................و...............و...........و.... ........


وبعد كده نقول احنا مش محتاجين حاجة من حد

و ما له لو نتعزز...نتعزز شوية لغاية ما نعدي عنق الزجاجة و نعيش احرار للابد بعد كدة ..امال هي الناس فاكرة الثورة شوية هتاف و بس!!
الثورة يعني عمل....العمل هو الحل زي ما قال الدكتور الباز ...بس عمل ايه بقى لما انتاجية العامل المصري 30 دقيقة في اليوم...و احنا كموظفين انتاجيتنا تيجي قد ايه يا حسرة
نفسي نشتغل الاول نشتغل بجد و همة و بعد كدة نطالب بزيادة الاجور و كل الحقوق المالية و غير المالية نطالب بيها و كنا قمنا بالواجب المقابل ليها اولا..انما ان مش شايفة اى اختلاف في القيام بالواجب ده...لسة العمال و الموظفين كسلانين و عندنا احنا في التعليم لسة الناس بتغشش في الامتحانات و لسة المدرسين مش بيبذلوا اى مجهود للطلاب في الفصول و لسة بيفضلوا يدوا دروس خصوصية اولى من الشرح في الفصل..و لسة..و لسة

[Sally82]

المشاركة الأصلية كتبت بواسطة ابو مريومة

انا بقصد في الدولة وبالنسبة لبتوع الازهر انا عارف الشيخ عمل فيهم ايه وعارف كمان الحرب اللى مقومينها عليه
بتوع الازهر يتعدوا على الصوابع

جهاز الكسب غير المشروع نبه على الناس اى حد اى موظف في جهة معينة عنده ملفات فساد مالي و اداري او اموال منهوبة يتوجه بها للجهاز و يقدم بلاغ....محدش له عذر بقى بعد كدة

[ابو مريومة]

انا بسجل اعجابي بالنقاشات دي
ياسلوب عصري يدل على زوق عالي من اصحابها
بس ليه لما الاطباء اعتصمو اتلبت كل مطالبهم
ليه بتوع البريد من غير ما يعتصموا اتثبتوا
وغيرهم واكيد فيه حد تانى انا مش عارف
حد يفهمنى
يعنى ايه اللى هيزيدوة المتعاقدين لما يتثبتوا كام يعنى
وكام كانوا بيتسرقوا من ميزانية الدولة كل سنة والحمد لله دلوقتى مبيتسرقوش مش هيوافوا ولا ايه

[Sally82]

المشاركة الأصلية كتبت بواسطة ابو مريومة

انا بسجل اعجابي بالنقاشات دي
ياسلوب عصري يدل على زوق عالي من اصحابها
بس ليه لما الاطباء اعتصمو اتلبت كل مطالبهم
ليه بتوع البريد من غير ما يعتصموا اتثبتوا
وغيرهم واكيد فيه حد تانى انا مش عارف
حد يفهمنى
يعنى ايه اللى هيزيدوة المتعاقدين لما يتثبتوا كام يعنى
وكام كانوا بيتسرقوا من ميزانية الدولة كل سنة والحمد لله دلوقتى مبيتسرقوش مش هيوافوا ولا ايه

عمال البريد عملوا اعتصامات ايضا..و من ادرانا انهم اتثبتوا فعلا مش يمكن بيصبروهم زينا كده!!
الاطباء طلباتهم مكنتش متعلقة برواتبهم فقط كانوا عايزين يزيدوا ميزانية الصحة ككل و حل نقابة الاطباء لان النقيب من رموز النظام السابق....هل منطقى انك تطلب من حكومة تسيير اعمال انها تزيد لك حصتك من الميزانية!! و مفيش مجلس شعب و لا رئيس...
معروف ان اللي اتسرق كتير بس مش هيرجع بسهولة و بسرعة

[Sally82]

15/5/2011

صندوق النقد الدولي أعلن صندوق النقد الدولي أمس الخميس أن مصر طلبت قرضا تترواح قيمته بين 10 و12 مليار دولار بدءا من الآن وحتى شهر يونيو 2012 لسد العجز في الموازنة يأتي هذا الطلب بعد ان رفضت مصر عرض صندوق النقد و البنك الدوليين مساعدة مصر اعقاب ثورة الخامس و العشرين من يناير و هو ما يعد مؤشرا علي خطورة و صعوبة الوضع الاقتصادي الذي تمر به مصر هذة الأيام في ظل تصاعد عجز الموازنة و نمو النفقات و زيادة تكاليف التوقف الجزئي للانتاج بسبب الانفلات الامني و المطالب الفئوية.

ومن جانبها تقول الدكتورة كريمة كريم أستاذ الاقتصاد بجامعة الأزهر أن الحكومة مضطرة لتقديم هذا الطلب للاقتراض من صندوق النقد الدولي مشيره أن الاقتراض من صندوق النقد بمثابة الحل الجبري و الطريق الاخير للخروج من الأزمة الاقتصادية الحالية مؤكدة أن الحكومة الحالية حاولت اللجوء إلى طرق آخر وكان ذلك واضحا من خلال زياراتها المتتالية لدول الخليخ وأفريقيا والاتحاد الأوروبي و لكن من الواضح أن هذه الدولة – التي وصفتها كريم بالمعذورة – لم تقدم مساعدات نظرا لما يمر به العالم أجمع من ظروف اقتصادية سيئة.

وأضافت كريم قائلة "الحكومة ما كنتش عاوزة تلجا للصندوق من البداية وكون أنها لجأت فهذا يدل علي ان الوضع الاقتصادي سئ جدا ولذا لابد وأن نقبل ما رفضناه في السابق و لكن شطارة الحكومة لابد أن تكمن في التفاوض بشكل قوي و صريح علي شروط الاقتراض من اجل تغيير هذة الشروط التي عمدت طوال فترة النظامك السابق علي تقليص دور الدوله في كل مؤسساتها و التخلي عن الدور الاجتماعي لها مقابل الموافقة علي الاقتراض".

وطالبت كريم الحكومة المصرية بضرورة التأكد من وصول الرسالة التي أفرزتها الثورة المصرية وهي - التغيير- إلى صندوق النقد ذلك التغير الذي يشمل تغيير شروط الاقتراض من البنك.

وفي سياق متصل قال الدكتور عبد العزيز عز العرب استاذ الاقتصاد السياسي بالجامع الأمريكية أن المخاوف من صندوق النقد الدولي في محلها لأن الصندوق دوما ما يربط بين التسهيلات الممنوحة للدول وانسحاب الحكومة من الإدارة الاقتصادية وتخليها عن دورها داخل الوحدات الإنتاجية واستدرك عز العرب ذلك قائلا "أنا في تقديري ان الطلب الذي تقدمت به لصندوق النقد الدولي لن يكون مرتبطا بهذة الشروط لان التجربة اثبتت ان الليبرالية المطلقة لم تكن فكره صائبة لان سلسلة الاقراض بدأت بعد سقوط الكتلة الاشتراكية و التي اعقبها تبنب الصندوق و البنك الدوليين النموذج الليبرالي البحت في الاقتصاد و هذا النموذج ثبت فشله و بالتنالي فان فكرة الليبرالية المطلقة التي هيمنت علي فكر صندوق النقد لسنوات لم تعد موجودة هو الامر الذي قد يشير الي تغير الشروط المقترض بها " و اضاف عز العرب ان اقتراض مصر من الصندوق لم يكن الا لدرء خطر وشيك .

خطرا ينمو مع انخفاض الاحتياطي من النقد الاجنبي ب 13 % و اذا استمر هذا الانخفاض بنفس المعدل سيثل كارثة حقيقية تظهر بعد عدة شهور متمثله في تدهور الجنية امام الدولار و ارتفاع اسعار السلع الغذائية و نقص المعروض منها.

و اكد عز العرب ان البدائل امام الحكومة المصرية لم تكن كثيرة علي الاطلاق اما الصندوق و اما الاقتراض من دول الخليج و السعودية و اعتقد انه كلما ابتعدنا عن هذة المنطقة في الوقت الحالي كلما كان افضل

و طالب عز العرب بضرورة تعميق فكر الثورة الذي يتخطي فكرة خلع رئيس و محاكمته الي ما هو ابعد منذلك ممتدا تغيير الثقافات الاقتصادية للمصريين القائمة علي الاستهلاك لا الانتاج.
المصدر: dostor.org

[خالدابوخبازى]

ابو مريومة فى الاول تكلمت صح وبعد كدة تطرق الحديث الى اياد الذى دائما لايتكلم باادب ولايتكلم بفكر يقنع من امامه فرايته مريضا نفسيا شفاه الله ...............

الجيش هو الذى حمى البلد ..............وفيها ايه لما امريكا تشيل شوية من الديون ماهى فوائد وليست من اصل المبلغ واصل المبلغ فى جيب الفا سدين ...........ومن يستطيع ان يسيطر على مصر ............لا امريكا ولاغيرها هى محفوظة من عند الله