قرار شيخ الازهر رقم (151) لسنه 2011

[_sara_]

يعني خلاص هيا دي اخرتها طيب العيب مش في شيخ الازهر العيب فينا احنا فلا نلوم الا انفسنا وياريت محدش يتكلم بخصوص الموضوع ده تاني الازهر ده مؤسسه فاشله جدا

[Mr.Ahmed Raslan]

كلنا ندخل على الفيس ونشترك فى جروب كلنا متعاقدين نطالب بالتثبيت بالازهر
وهذا الجروب جاد لعمل اعتصام حقيقى امام مشيخة الازهر يوم الاحد القادم ودى رابط الجروب
http://www.facebook.com/group.php?gid=384735435013

[abu mohammed]

المشاركة الأصلية كتبت بواسطة _sara_

يعني خلاص هيا دي اخرتها طيب العيب مش في شيخ الازهر العيب فينا احنا فلا نلوم الا انفسنا وياريت محدش يتكلم بخصوص الموضوع ده تاني الازهر ده مؤسسه فاشله جدا

الازهر ليس مؤسسة فاشلة مع احترامي لسيادتك
انا لست خريج ازهر ولكني اعمل به وانا فخور اني اعمل بالازهر وتحت قيادة شيخ مثل الطيب
واحنا اخدنا لحد دلوقتي كام شهر منحة من شيخ الازهر والتربية والتعليم هو شهر واحد بس بتاع رئيس الوزراء
والازهر قال هثبت الناس الي مر عليهم 3 سنوات دون شروط
الصبر لحد شهر 7

[المؤمنه بالله]

المشاركة الأصلية كتبت بواسطة ابواروى555

يا اخوانات ارجو قراءة القرار جيدا هذا بخصوص المتعاقدين الموسمين للعاملين بالصناديق وليسوا على الباب الاول اما المدرسين المتعاقدين فهم على الباب الاول ويتمتعو بهذه الحقوق بالفعل وموجوده فى عقدهم ارجو القراءه الجيده للقرار والتفسير القانوتى الصحيح لها

ياجماعه احنا عندنا فى الازهر ناس بتشتغل بعقود موسميه مثلا 9شهور الناس دى مالهاش تثبيت كما قال وزير الماليه وطبعا شيخ الازهر بيحاول يعمل لهم حاجه تضمن لهم حقوق زى المتعاقدين على الباب الاول امثالنا فقط ده توضيح

[NazeeH]

الصبر الصبر الصبر
ان شاء الله سيتم التثبيت
وبعدين يعني اللي بيسافر الخارج بيلاقي جنة رضوان
اسأل مجرب .. والله نار مصر ولا جنة الغربة


وبعدين ماتقول حاجة يا أستاذ /مكرم
بلاش الصمت الرهيب ده

أنا عارفك بتقرأ في الموضوع


تحياتي

[معلم متعاقد]

ياجماعه انتوا فاكرين رد الازهر فى ديوان المظالم على العقود الموسميه ومساواتها بالعقود المميزه فى الاجازات وغيره كان رد الديوان بانه شيخ الازهر سيصدر لهم قرارات خلال 10 ايام وهو ده القرار اما بالنسبه لنا ورقنا فى التنظيم والاداره والتأخير منهم ياريت كلنا نبعت فاكسات على التنظيم والاداره

[zyad2006]

بجد انتوا بترضوا بقليلكوا واحد ب يقول خدنا كام شهر منحه ومش عارف الاستاذ انه مخصوم منه اكتر من 1200 جنيه من سنتين وهو ولا هنا وكمان هما التربيه والتعليم احسن منك في ايه و يااستاذ اللي مامعهمش تربوي ولا امتحنوا كادر اتثبتوا والدرجات خلصت بح خلاص وناس تانيه هاتدخل في متاهت باب واحد وباب اتنين في التربيه والتعليم مافيش العك ده هما خدوا اماكن بتاعتنا واثبتوهم فيها عندي صاحبي شغال من سنه ونص ومامعهوش كادر ومش تربوي وكمان ازهري واتثبت في التربيه والتعليم

[zyad2006]

المشاركة الأصلية كتبت بواسطة nazeeh

الصبر الصبر الصبر

ان شاء الله سيتم التثبيت
وبعدين يعني اللي بيسافر الخارج بيلاقي جنة رضوان
اسأل مجرب .. والله نار مصر ولا جنة الغربة

وبعدين ماتقول حاجة يا أستاذ /مكرم
بلاش الصمت الرهيب ده

أنا عارفك بتقرأ في الموضوع

تحياتي

علي الاقل هاقول اللي بيضربنب وياكل حقي واحد غريب مش بلدي ولا اخوي ولا شيخ الازهر اللي كنا بنقول ان ربنا كرمنا بكل الخير علي ايده يجي هو يفرط في حقنا و والفرق كبير من ضربه بايد اخوك وضربه من حد غريب من ايد اخوك بتموت فيك حاجات تانيه كتير غير الوجع

[albahs]

ياخوانا افهموا احنا
1/ متعاقدين علي الباب الاول
2/ بنعمل في معاهد حكومية وليست نموذجية
3/ القرار لا علاقة له بنا من قريب ولا من بعيد
ده قرار للموظفين علي الحسابات والصناديق الخاصة وارجعوا لكتب الجهاز المركزي 2 و3 هتفهموا بلاش نقعد نفتي بدون علم

[zyad2006]

ممكن ماسمعشي صوت حد هنا تاني بيثبت الناس احنا شبعنا التثبيت من اتلنوع ده ولا اقولكوا ثبتوا ثبتوا تقريبا مافيش تثبيت غيره خده الخبر الحلو ده

http://www.aljazeera.net/NR/exeres/2...GoogleStatID=9

[appass]

قرار شيخ الأزهر رقم 78 لسنة 2011 حرم المدرسين الموسميين من حقوق كثيرة غير مرتباتهم الهزيلة التى ينفقونها فى التنقل ذهابا وايابا فى وسائل المواصلات .
من ذلك ان صاحب العقد الموسمى محروم من حقه فى الإجازات فالقرار يمنحه اجازة فى السنة اعتيادية عشرة ايام وعارضة خمسة أيام دون اجر حتى الإجازات المرضية تخصم من راتبه ولا حق له فى التأمينات ولا الرعاية الطبية ولا غيرها مما يحق للعامل فى اية مؤسسة من مؤسسات الدولة .


القرار 151 تصحيح لهذا القرار السابق و هو خاص بالعمالة الموسيمية و لا علاقة له بالعمالة الدائمة او المؤقتة .

[احمدمصطفى احمد]

أنا والله متفائل ان التثبيت فى شهر 7 ان شاء الله غير كل عام ويكفى ان شيخ الازهر هو الذى وعدا بذلك وانا اصدقها ــــــــــــــــــــ اصبروا ـــــــــــــــ واخير ( اذكروا الله وسبحوه وصلوا على نبيه عليه الصلاةوالسلام هذا اهم شىء ـــــــ مش كده والا ايه

[كابتن محمد فوزى]

ارجوا الصبر ... لايمكن لهذا الرجل ان يصدر قرار فية اذى ومضرة الى المتعاقدين
والرأى بأن المقصود فى الخطاب من هم على الحسابات الخاصة ارجحة
والله اعلم

[رائحه الورد]

الاطباء عملوا اضراب عشان يطالبوا بحقهم لكن احنا يدوب كفايه علينا الجلوس امام النت مع احترامى للجميع الاساتذه اللى زعلانين اوى من عدم التثبيت ليه مش بيطالبوا بحقهم او مجرد حد من المسؤلين يخرج ويطمنا ويقول هنثبت ولا لا ولو هنتثبت هيكون امته ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[لولو222]

اهم حاجة ان شيخ الازهر طلع ماشاء الله بيعرف يصدر قرارات اهو وبيتعمل بيها عقبال مايصدر قرار التثبيت لينا كدة