اقتباس:
المشاركة الأصلية كتبت بواسطة منار على
انت بتتكلم عن سنين وسنين وزى ماقلتلك انا مقتنعه تماما ان اللى كان بيعمل كدا هيعمل كدا ويفضل على كدا لانه اساسا مكانش بيخاف من ربنا ويراقبه فى افعاله هيخاف من البشر مااعتقدش ابدا اه ممكن يبين انه اتغير لكن ظاهريا بس مجاراه للاحداث واساسا فيه ناس بتنفذ وبس من غير اى تفكير فى عواقب اللى بتعمله واللى يضحك بقى انها بتكون مقتنعه انها كدا بتخدم الطلبه وبتعمل خير وفيه ناس طبعا فاهمه كل حاجه لكن ليها مصالح شخصيه ودول الغالبيه العظمى طبعا ومااعتقدش انهم هيتخلوا عن مصالحهم الشخصيه عشان ثوره بعيد عنهم اللى حصل بس بيساعد اللى كانوا ضد الغش انهم يثبتوا على مبادئهم وان فعلا لسه فينا ناس كويسه وبتحب البلد دى لكن اللى من غير ضمير هيفضل كدا للاسف لان الضمير بيتربى على مدى سنين طويله ومستحيل تغير شىء اتربى جوانا على مدى سنين طويله سنين من المواقف والخبرات والافعال كمان اساسا اللى بيحرض على الغش هما اولااولياء الامور نفسهم هما اللى بيساعدوا ولادهم وبيعلموهم كدا زى مااتعلموا للاسف الخلل فى سنين طويله وطويله وعلى مدى اجيال وعشان نغير محتاجين سنين وسنين من التغيير واسرع الحلول دلوقت صعب جدا لانه فى نظرى تغيير شامل فى كل القطاعات ابتداءا من التعليم احنا صحيح شلنا الرؤوس وشلنا الحكومه الفاسده لكن مغيرناش ولا نقدر نغير الكل من الاصغر منهم واللى لسه موجودين بالفعل واللى كانوا بياخدوا اوامرهم منهم خاصه فى التعليم بلاش اقولك انى كنت باخد معلومات بوضوح من الاكبر منى والمفترض انى بتعلم منهم وباخد تعليمات منهم بالغش وانى انجح طلبه ميستاهلوش وياريتها كانت مجرد تعليمات وبس دى كانت اقرب لتهديدات اما عليا اتحمل العواقب واللى كان بيخلينى اكبر واقول لا هو ان بجد مكانش يفرق معايا ولا يأثر فيا اى شىء يحصلى لانى كنت بشتغل عشان اتسلى وبس لكن غيرى كان مضطر يقول اه حتى لو هو ضد كدا عشان عنده مسؤليات وبيت واسره وعشان دا ميزعلش ودا ميحطوش فى البلاك لست همادول اللى ممكن تجيب معاهم الثوره نتيجه لكن الاغلب طبعا اللى بتدفعهم مصالحهم الشخصيه واللى ضمايرهم الله يرحمها وهما دول فعلا المشكله الحقيقيه بصراحه من يوم مااشتغلت فى التربيه والتعليم وانا شفت مهازل فيه ناس ممكن تغير مبادئها وتقلب 180 درجه عشان عشره جنيه تتحط فى جيبها مره طلعت مراقبه تالته اعدادى اتهددت بشكل صريح ومباشر ومن زميلى اللى معايا بقاله سنين فى نفس المدرسه وهو اللى حاول يعملى مشاكل مع رئيس اللجنه وكمان حاول يتهمنى ان انا اللى بغشش العيال ويعملى مشاكل مع رئيس اللجنه مع العلم انى كنت لسه بالعقد وقتها يعنى لو كان رئيس اللجنه من عينته طبيعى كان فاتنى فى البيت دلوقت عشان رفضت ان الورق يدخل محلول اللجنه كمان بقى تخيل نظره الغضب فى عنيين الاهالى والحمد لله ربنا ستر يومها لان رئيس اللجنه كان فعلا محترم وفاهم الوضع
|
ربنا يبارك فيكى أستاذة منار
وبرغم كل ده نقدر نمنع الغش وهنمنعه إن شاء الله
26-04-2011, 10:36 AM
العرض العادي
