ما هى الطريقة التى تجبر الحكومة على تلبية كل طلبات المعلمين؟

[باهر احمد]

اتمنى من كل المعلمين الصبر على مطالبهم . فلا شيء يتغير بهذه السرعة قفوا مع وطنكم الذي عاد لكم واثبتوا انكم تستحقوا هذا الوطن بان تعلوا مصلحته على مصلحتكم الشخصية . وكفانا اضرابات

[رمضان5]

يا جماعة المشكلة انهم عارفين كويس جدا انة المشكلة فى التعليم اولا هى المرتبات المتدنية وبيلفوا ويدوروا .ولكم الله يا معلمين مصر

[sadq]

المشاركة الأصلية كتبت بواسطة رمضان5

يا جماعة المشكلة انهم عارفين كويس جدا انة المشكلة فى التعليم اولا هى المرتبات المتدنية وبيلفوا ويدوروا .ولكم الله يا معلمين مصر

المشكلة فى التعليم ليست فقط فى المرتبات المتدنية ولكن هناك ما هو أخطر وهو الفساد الإدارى المستشرى فى الإدارات والمديريات والمحسوبية والرشاوى والاحقاد وعدم كفاءة القيادات وقلة الوعى لدى المعلمين وانهماكهم فى الشكليات التى طغت على العملية التعليمية حتى صارت هى الأساس وأصبحت عملية التعليم ذاتها مجرد أمر ثانوى تابع للشكليات والورق.
وقبل كل ذلك نظرة المجتمع للمعلم وهى نظرة كراهية واحتقار وكأن المعلم عبد سوء لدى أولياء الأمور أو لص يبتز أموالهم ولا يحق له كغيره أن يعترض أو يضرب أو يثور أو يطالب بحقوقه وهذه النظرة ساهم فى تشكليلها جهات متعددة منها المعلم نفسه.

[أ/اسلام المنياوى]

انتو عارفين ان الكنترولات مستحوزين عليها مجموعة معينة علشان بياخدوا فيها فلوس كويسة

والمفروض ان كل سنة ياخدوا ناس مختلفة لاعطاء الفرصة لمن لم ينتدب فى الكنترولات ان يتم انتدابه

لكن اللى بيروحوا هما هما كل سنة وبيكتبوا اساميهم بنفسهم للانتداب يعنى كوسة علنى

وبياخدوا الفات كل سنة

ليه بلدنا ماشية ناس فوق مبيشبعوش

وناس تحت حتى ميطلوش من الحب جانب

ليه ميكنش فيه عدالة والكل يعيش مرتاح

باى حق عملوا كده ده ظلم

[madamasry]

انا شايف نسكت لغاية موضوع الحد الادنى والاقصى والامور تستقر وبعدين نتكلم ونشوف مش دلوقتى نطالب بأشياء وبعد كدة نطلع هبل وناخد اللى طلبناه يطلع حاة اى كلام زى الكادر كدة فى الاول هنزيد واتعمل قانون والاخر نزيد 200% على مدار الوظيفة كلها ويجى بعدها ناس فى وزارة تانية تاخد 200% واكتر مرة واحدة الافض نستنى وبعدين نشوف مبدئيا الوزير قال موضوع سنوات الخبرة هيكون لها تعديل علشان الناس اللى اتحرمت من الدرجة وشكله هيرجع التدريب زى زمان قبل الترقية مبدئيا ماشى انما احنا دلوقتى بنعترض على ايه نسمع وزارة مش عارف ايه هتدى كام هو لسه حد خد حاجة وزير المالية بيقول هيعدل هيكل الاجور بالكامل يعنى التفاصيل اللى بنتكلم فيها كلها هتتغير طيب نستنى وبعدين نشوف مش عمال على بطال هنروح نتظاهر نستنى نعرف هترسى على ايه وبعدين نتكلم

[الوردالجميل]

انا شايف نفكر شوية بعقلانية اولا كيف نوحد الصفوف ثانيا الدعوة لانشاء نقابة قوية تحاسب هذا الوزير او بمعنى ادق هى المسيطرةعلى اتخاذ القرارات فى الوزارة ثالثا دعم ترشيح اى معلم فى الانتخابات المقبلة للشعب ليدعم هذه الطلبات المشروعة
رابعا تكوين صفحة دائمة على على الفيس بوك للتواصل المستمرخامسااختيار مناسب ليوم اضراب بحيث يكون قبل امتحانات الثانوية العامة باسبوع وهو وقت مناسب ليحدث بلبة للوزارة ويضع مهلة اذا لم تستجيب الوزارة ولا احد يروح الامتحانات سادسا تكوين لجنة فى كل محافظة لتجميع المعلمين ارجو الرد علىهذة الافكار وتقديم المزيد من كل شخص

[YaserTrboush]

رسالة لوزير التربية والتعليم
لن ينصلح حال التعليم إلا بصلاح جميع مكونات تلك المنظومة المتشابكة وعلى رأسها المعلم ومن بعده الطالب والمناهج والقيادة كبداية لإصلاح المناخ التربوى بشكل عام ننتظر منك الكثير، ونأمل فى أن تبدأ فى اتخاذ قرارات تكون الأكثر جرأة والأكثر فعالية من أجل ثورة جديدة داخل وزارة التربية والتعليم ربما تصلح من الأمر شيئا أرجوك لا تكن الرجل الصح فى التوقيت الخطأ، أبدأ وجميع المعلمون سيكونون معك يدا بيد ومن خلفهم الطلاب وأولياء الأمور وليوفقك الله لما يحب ويرضى.

[الرعب3250]

العيب فى المعلمين

[faraglxr]

المشاركة الأصلية كتبت بواسطة yasertrboush

رسالة لوزير التربية والتعليم
لن ينصلح حال التعليم إلا بصلاح جميع مكونات تلك المنظومة المتشابكة وعلى رأسها المعلم ومن بعده الطالب والمناهج والقيادة كبداية لإصلاح المناخ التربوى بشكل عام ننتظر منك الكثير، ونأمل فى أن تبدأ فى اتخاذ قرارات تكون الأكثر جرأة والأكثر فعالية من أجل ثورة جديدة داخل وزارة التربية والتعليم ربما تصلح من الأمر شيئا أرجوك لا تكن الرجل الصح فى التوقيت الخطأ، أبدأ وجميع المعلمون سيكونون معك يدا بيد ومن خلفهم الطلاب وأولياء الأمور وليوفقك الله لما يحب ويرضى.

لاتعول على هذا الوزير الهمام أى شيىء أو أى خير يخص المعلم
فهو ينفذ أجندة أخرى غير التى كلف بها أو المفروض أن يعمل بها
ألا وهى النهضة بالتعليم المصرى والمعلمين وتحسين مستواهم
و كأنه فى قطاع خاص به لا ينظر الاّ لنفسه !!!!

[جنةخالد]

الحل فى الوحدة : وحدة الهدف ووحدة الوسيلة . ثانياً الشجاعة والاصرار على عدم التخاذل حتى النصر
انا ارى ان الاضراب لم يفشل بدليل اتكلمت عنه بعض الصحف وبرنامج اون تى فى مع الوزير ولكن هذه الشرارة الاولة لابد من الاستمرار والاصرار على عدم التهاون حتى ناخذ حقنا

[علي النخلة]

عا نع اض هذا هو حال المعلمين مش عارفين نكمل حاجة ( عايزين نعمل اضراب )

[طارق احمد عبد السلام]

المشاركة الأصلية كتبت بواسطة sadq

• الإضراب؟ فاشل
• الاعتصام والمظاهرات؟ يوقف حال البلد.
• الشكاوى؟ انبحوا لن يسمعكم أحد على رأى أبو سريع.
• صحف مجلات فيسبوك بيت بيتك مصر النهاردة 90 دقيقة 90 سنة مافيش فايدة مع أبراج عاجية مصفحة.

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

• لم يبق سوى الحل الوحيد.
• !!!!!!!!!!!!!!!!!!!!!!!!!!!!!!!!!!!!

الدروس

الدروس

الدروس

الدروس الخصوصية .. فإما أن نأخذ حقوقنا عن طريق هذه الدروس وتصبح الدروس جزءا من عملنا ونضيف أجرها إلى رواتبنا وإما أن تلبى الحكومة طلباتنا بطريقة محترمة لنا وترحم أولياء الأمور وترقى بمستوى التعليم ومستوى البلد ..

.

1-هل تعلم ان الدروس الخصوصية لهامافيا داخل المدارس يتزعمهاالمديرون تقوم بتوجيه الطلب نحو المدرس الذى يدفع المعلوم..
2-ولو اننا اجبرنا الطلبة على الدروس فهل المال حلال
3-صدقنى الدروس وصلت لمستوى كبير من الشبهات فهل نقبل مال مشبوه
4-نحن من نطلب بزياد المرتبات اكيد الفئة التى لا تعطى دروس لان المرتب هيحسن حالهم اى زيادة فية
5-كدة لو قلنا الدروس بالاجبار يبقى كده السرقة كمان ليها مبرر
6-انا متأكد انك معلم شريف بس الاحباط خلاك تقول كده ..ربنا يحلها من عنده

[naglaa mahmoud]

انتوا عارفين المدرس هنا فى السعوديه فى المدارس الحكومية بياخد كام 5000 ريال فى الشهر يعنى المدرسين فى مصر غلابة

[Nabila]

هوة كل المدرسين بعطوا دروس خصوصية !!!!!!!!!!!!!!!!!
دى حلول غير منطقية

[منتصر كمال]

من الآخر ......... وبشكل لائق يرتضيه قدر المعلم
الحل الوحيد المحترم واللي يليق بالمعلمين رفع قضية حالا على الوزير ويوكل احد المحامين الذين لهم باع في هذا المجال على ان يتم تفويضه من اكثر قدر من المعلمين و مشاركة كل معلم بمبلغ يسير لرفع القضية فورا . أنتظر عمل جروب حالا .أو نفوض ادارة موقعنا الرشيدة لذلك