منهم لله بيجاملوا غيرنا على حسابنا

[baher111]

المشاركة الأصلية كتبت بواسطة عاشقه الجنه 29

بجد ياستاذنا المحترم دى مهزله بكل المقايس وانا عند كلمتى لان احنا عندنا مخدناش العقد ده غير لما طلعت روحنا بعد 11سنه عمل بالحصه وتربوين ووخدين icdlاللى حضرتك بتقول منعرفهاش دى فى عام0 200 من قبل حضرتك متتخرج اصلا وبعدين عذاب فى الكادر وغيرة وماجستير ودبلومات وغيرة يعنى موصلناش غير بعد غلب ويجى امثال حضرتك يتكلم بالطريقه السخيفه دى عنا اعرف الاول وبعدين عمم كلام سيادتك وانا لسه عند كلامى دى مدريه اخر تهريج يبقى ايه لازمه الامتحان اللى الوزارة المحترمه بتعتنا تعمل امتحان طلما هتعين كل اللى تعب واللى متعبشى بجد مهزله يبقى الناس تستنى بقى ومتدخلشى الامتحان طلما كدة كدة هتتعين

انا كلامى على الناس اللى اشتغلت بعدينا بسنين والعقد المميز مضوه قبلينا وامتحنوا قبلينا عشان المعارف والكوسه والحبايب انهم ياخدوا العقد المميز قبلينا رغم انى تربوى ومعايا icdl من زمان وناس من اللى مضت قبلينا كانت لسه بتعمل الدبلومه التربوى ومعملتش icdl غير بعدين فين العدل بقه حضرتك ان ناس تشتغل سنه او سنتين عقد عادى ويمضوا المميز على طول وناس تشتغل اكتر من 7 سنين عقد عادى وميمضوش العقد المميز غير فى الاخر عشان الكوسة ،وكمان حضرتك محدش طلب منك دبلومات ولا ماجستير ولا دكتوراه المطلوب تربوى و icdl وهو حضرتك بس اللى تعبتى مهو اى حد اجبارى يعمل التربوى وال icdl ولا هو مطلوب منك انتى لوحدك ، الحل الوحيد للمشكلة دى هى المساواه فى الظلم عدل يعنى الناس كلها تتعين فى وقت واحد

[baher111]

المشاركة الأصلية كتبت بواسطة alomran

الراجل عنده حق انا شغال منذ 8 سنوات متواصل ولم احصل على العقد المميز الا فى 2009وعينوا الاحدث مننا وبعد كده زعلانين
انا من محافظة سوهاج مركز جهينة

ربنا على الظالم انا نفس وضعك يا استاذ

[baher111]

المشاركة الأصلية كتبت بواسطة soha_teacher

لاء طبعا تبقى وزارة مش محترمة وحضرتك يا استاذ باهر اذا كان ليك حق لية ما اشتكتش العقد المميز نزل فى كل المحافظات ومكنش لية شروط ولا حاجة غير انة يكون على رأس العمل واى مخالفة لكدة تبقى حالة فردية
انا معايا مدرس فى المدرسة بقالة مدة كبيرة بالحصة ومدة تانية بالعقد وعلشان معملش الدبلومة ممتحنش ومش مفترض انة يمتحن وبجد بيصعب على الواحد ان الناس كلها تتعين وهو لاء بس بردة من جهة الحق هو قصر ومن حيث المساواة شوفوا اللى متخرجين من تربية بتقديرات عالية وقاعدين فى البيت علشان معرفوش يجيبوا واسطة
وانت يا استاذ زياد لو دة صحيح كفاية سلبية انت وزمايلك ومترضاش بكدة علشان زمايلك فى المحافظات التانية هيسبقوك وكمان المرتب هيفرق ولما تتعين دلوقتى افضل من بعدين بكتير

استاذه انا حضرتك مش قصرت وكل الشروط تنطبق عليا من تربوى والicdl ومش خت المميز غير فى اخر دفعه للميز وناس اشتغلوا بعدى بسنين خدوا المميز قبلى انا يا استاذه كنت شغال ايام مكنت بقبض 75 جنيه فى الشهر وناس تانية جات بعدى بكام سنه اشتغلوا بالعقد العادى حوالى 8 شهور ومضوا المميز بعدها على طول وانا قالولى خليك للأخر والكلام ده بينطبق على ناس كتير فى محافظات تانية ده مش عدل ربنا ، احنا عندنا واحد بقاله 15 سنة بالعقد العادى واهو تربوى ومعاه الIcdl ده مفروض بقه يفرح ان الناس اللى اشتغلوه بعديه بسنين اتعينت وهو لسه حته مخدش المميز ، الحل الوحيد التعيين فى وقت واحد قرار بالتعيين للكل والشروط دى تكون بعدين بقه

[miss_emy]

الله يحرق المسؤلين فى البلد دى بجاز

[baher111]

المشاركة الأصلية كتبت بواسطة tatateto

حسبنا الله ونعم الوكيل في الظلمة ما هو لما قالوا اشتغل بالحصة قالوا ومالوا اهو اسمة شغل وخلاص لكن تقول ايه في النفسنهومحدش يقولي كلنا نفرح لبعض كانوا فين دول واحنا بنمضي عقد معلم مساعد ما طلبوش بعقد زينا ليه ولا علشان اسمه عقد انما التعيين لا يا فيها يا أخفيها حسبنا الله ونعم الوكيل

استاذى الفاضل لعلم حضرتك اول العقود فى التربية والتعليم هما اللى اشتغلوا بالحصة وهما برده اخر ناس مضت عقد المعلم المساعد ومنهم مازال بالحصه لحد الان ، وناس كتير جات بعدهم بسنين ومضوا العقد المميز قبليهم لاسباب كتيره اهما طبعا الكوسه والواسطه ، حضرتك بتقول نفسنه وده مع احترامى ليك غلط فين العدل ان واحد يشتغل بعدى بكام سنه ويتعين قبلى رغم انى انا وناس كتير الشروط بتنطبق علينا فى كل حاجة انما اخدنا المميز فى الاخر خالص مع اخر دفعه وفينا ناس مش خدوه اصلا ويجوا ناس بعدينا ياخدوا المميز ويمتحنوا ويتثبوا هو ده العدل يااستاذى انتا شايف ان كده عدل ، الحل هو التعيين للكل فى وقت واحد عشان نمنع اى مشاكل او شكاوى او احساس بالظلم للجميع وتقبل مرورى واحترامى ليك .

[زياد الشلقامى]

المشاركة الأصلية كتبت بواسطة osama12osama

وكنت نايم فى بيتكم ما اخدتش العقد ليه لما انت تربية ومعاك اي سى دى زفت

قله والنبى

[baher111]

المشاركة الأصلية كتبت بواسطة زياد الشلقامى

قله والنبى

استاذ زياد انا رديت على كلامك وياريت تكون فهمت وضعى انا وناس تانية كتير ، انما الاستاذ اللى بيقول نايم ده خد على دماغه منى

[alomran]

اكيد انت انانى وبتحب نفسك والناس اقدم منك ومش عاجبك

[زياد الشلقامى]

المشاركة الأصلية كتبت بواسطة baher111

استاذى الفاضل لعلم حضرتك اول العقود فى التربية والتعليم هما اللى اشتغلوا بالحصة وهما برده اخر ناس مضت عقد المعلم المساعد ومنهم مازال بالحصه لحد الان ، وناس كتير جات بعدهم بسنين ومضوا العقد المميز قبليهم لاسباب كتيره اهما طبعا الكوسه والواسطه ، حضرتك بتقول نفسنه وده مع احترامى ليك غلط فين العدل ان واحد يشتغل بعدى بكام سنه ويتعين قبلى رغم انى انا وناس كتير الشروط بتنطبق علينا فى كل حاجة انما اخدنا المميز فى الاخر خالص مع اخر دفعه وفينا ناس مش خدوه اصلا ويجوا ناس بعدينا ياخدوا المميز ويمتحنوا ويتثبوا هو ده العدل يااستاذى انتا شايف ان كده عدل ، الحل هو التعيين للكل فى وقت واحد عشان نمنع اى مشاكل او شكاوى او احساس بالظلم للجميع وتقبل مرورى واحترامى ليك .

انا لم اقصد اقلل من شان الزملاء الجدد ولا اجحد علهم او اكره لهم الخير لكن ان يكون لى حق وسلب منى فمن حقى ادور عليه واطالب بيه وهذا هو ما حدث لان احنا ميزانيتنا من زمان وقرار تعيينا من زمان وانتم تعلمون ذلك بقى ليه نحرم من حقنا
وللعلم العبد لله خريج 2000 للزميل اللى سالنى وزمايلى الان دخلوا على الدرجة الثانية وانا لسة محصلتش التالتة رغم التعيين (علشان الدرجات موقوفة)
يلا ربنا يدى كل واحد على قد نيته وضميره

[hossammero]

زميلى المعلم :
افتح الكراس واكتب للناس جعلونى معلماً ....... وطالبونى بالابداع .... ولكنهم لم يتركوا فى جسدى ومشاعرى سوى الاوجاع
لقد رأينا أخيراً الطريق وأن كنا نراه الآن ملىء بالضباب لكن وضعنا أخيراً أقدامنا عليه .... هل سنكتفى بتلك المرحلة .... هل سنكتفى ..!!!
ونحدث أنفسنا كالعادة ..
طريق وأن كان بضباب أفضل من لا شىء .....!!!
ونكتفى ونواصل عزفنا على أوتار السلبية التى أدمنا العزف عليها حتى صرنا نبدع فيها أجمل أغانى السلبية .....!!!!
البداية : -
الاتحاد من القلب بين كل فئات المعلمين معينين وبعقود وبالحصة ..
إذا كانت الظروف جعلتنا فرق ....
فلا نزيد التفرقة بنسيان أننا فى النهاية يداً واحدة وفريق واحد ...

لذلك أتمنى منكم جميعا أن تنضموا إلى جروب ( مدرس بالقلم الرصاص )
http://www.facebook.com/#!/home.php?sk=group_128732913864265&ap=1

[عمر العدوى]

المشاركة الأصلية كتبت بواسطة alomran

اكيد انت انانى وبتحب نفسك والناس اقدم منك ومش عاجبك

لا مش اكيد ولا حاجة البلد ماليانة ظلم وكوسة اية اللى خلاه اكيد ؟؟؟؟؟؟؟؟؟؟؟

[الرعب3250]

أنا معاك في كل شي