دعوة الي معلمين مصر لمسيرة مليونية يوم الجمعة 25/3/2011

[mr loooool]

ياعم سلمية ولا مش هيه نقصه خراب مش كفاية كده ولا أنت عندك اللى بيجيبلك المم حراااااااااااااااام عليكوا بأه

[الرعب3250]

انا معاكم واللي خايف يطلع خلية جنب ماما لان فئة المدرسين اجبن فئة والناس اللي مش بتطلع الدروس مكفياهم وزيادة هيطلعوا لية

[صفاء محمد شلبى]

انا موافقة جدا محدش قال خربوا البلد احنا عايزين حقنا الصحة رفعت راتب التمريض 1100جنية وانت بتقول فئوية ومش عارف اية احنا الفئة الوحيدة المهانة فى مصر ولو سمعنا كلامك انت واللى زيك حنفضل كدة

[همسات القلوب]

حراااااااااام ارحمونا بقي البلد هتضيع المفروض نكون قدوة نصبر شويه لحد ما الظروف تتحسن ونطالب بحقوقنا ولو مفيش استجابة يبقي تعتصم براحتك

[مني 22]

والله يا جماعة هما السبب فى القهر اللى احنا فيه احنا عايزين العدل يعنى ايه الصحة يبقى الدبلوم فيها 800جنيه والمؤهل العالى 1100 وغيره طيب واحنا اللى بنعلم الاجيال احنا مستعدين نتحمل لكن لما نلاقى الظلم ده يبقى بجد حرام والله هما اللى بيستفذونا حسبى الله ونعم الوكيل

[moha_5500]

لالالالالالالالالالالالالالالالالالالالالالالالالا لالالالالالالالا
اولا اصبروا شويه حرام عليكوا البلد مش ناقصه
ثانيا مليونيه ازاى دا احنا كلنا على بعض ما نجبشى اتنين مليون و طبعا جزأ مننا كبار ف السن و مالهمش ف المظاهرات و جزأ تانى مستريح للوضع دا و جزأ تالت ما لوش فى المظاهرات و يبقى مجموعه الثوار اللى مش هيكملوا خمسين ألف يلموا بقى بعضهم و ياخدوا جيرانهم و يصلوا الجمعه و على التحرير طوالى .

[تامر عطاالله]

اولا اناأرى ان هذا ليس وقته وعلينا الصبر لان الامور لا تحتمل ذلك الان اطلاقا وثانيا الدولة مشغولة الان بالإستفتاء على التعديلات الدستورية فنود للجميع المشاركة فيها

[ايهاب2323]

اذا كان موظفى البنوك بيطلبوا زياده فى المرتبات سيقى احنا نقعد ساكتين واحنا مش بناخد فلسوس اصلا

[مصطفى العبادى]

كفاية خنوع ومهانة واستكانة وجبن الممرض مرتبه ارتفع 1200 جنيه والموظفين بالبنوك عاوزيين يرفعوا مرتباتهم ل7000 و8000 جنيه احنا افر فئة واجبن فئة عاااااااااااااااااااااااااااار عليكم يا معلمين مصر اين النخوة اين الرجولة اين الشهامة وعدم الرضا بالظلم احنا بنقول سلمية مش معركة حربية فى كل الدول المحترمة والمتحضرة بتقوم مظاهرات سلمية واحنا المعلمين متفشى فينا مرض الجهل والخوف والاستكانة والخنووووووووووووووووع ليه حرام عليكم ضيعتونا؟

[البروفيسير ابو اياد]

اتعجب الي كل من يردد كلام فاضي كالببغاء ولا يفهم شئ مالضرر من وقفة او مسيرة امام ماسبيرو يوم الجمعة هاتجنن من الاراء الغريبة اللي بتتكلم وخلاص
يا جماعة الوزير المحترم لسي ما وعدتش برفع المرتبات ويوم بقرر يتكلم عن زيادة المرتبات قال هتبقي 600 جنية
يالها من كارثة ان يكون مرتب الممرضة ضعف مرتبي
ارجوكم من لن يقف في المسيرة لا يتكلم يخلية بخبتوا ومبادئة المزيفة

[السعدونى]

ربنا يسترها على المدرسين

[mohammed ahmed25]

طب اللى يعرف صفحة التربيه والتعليم على الفيس بوك , يحاول يكتب الكلام ده او يبعت فاكس بحيث انه ممكن يحس و يتحرك ,

[alaa20022003]

اليوم ذهبت للمديرية بالمنصورة ما وجدت غير الاهانه للمعلمين المنتظرين التعاقد والمراجعين
الباشا وكيل الوزارة غير موجود لأنه أصبح المشرف على الامتحانات
القائم بالأعمال عدو المعلمين نجيب باشا الذي وقف صرف الشهر للمعلمين وجعله للاداريين فقط
والمعامله تحت الصفر والمديرية لايوجد بها اماكن لانتظار المعلمين أو المراجعين

الرجا التوحد والمطالبه بحقوقنا كامله وليس تأشيرات سياسية شبعنا منها والرجل المناسب في المكان المناسب
ماذا يعرف الشئون الادارية والماليه في التعليم حتى يقوم بدور وكيل الوزارة
ارحمونا من الدخلاء على العملية التعليمية
اليس الوزير الهمام خريج كلية الحقوق


ارحموا من في الأرض يرحمكم من في السماء

[محمدمدبولي1]

الممرضات ام دبومات الي مش بيروحوا المستشفيات اصلا رفعوا مرتباتهم واحنا في الحضيض لازم وقفة بس منظمة ومدروسة ومعروف مطالبها في حدود امكانات البلد
او ندخل في اعتصام مفتوح بالمدارس

[عصفور حائر]

ممرضات دبلوماااااااااااات بيأخدا كدا دا انا اروح اموت بقى احسن
والله مهزله ايه الذل دا ولسه طول ما احنا سلبين هيتعمل فينا اكتر من كدا
كفايه لما الوزير يطلع فى برنامج مصر انهارده ميجبش حتى سيرتنا خالص ولا كأن فيه ناس بتتكلم
وكفايه ان التليفزيون مش جايب مظاهراتنا ولا بيعرضها على الشاشه حتى وبيعرض لكل الناس التانيه مظاهراتهم وكأننا شئ فى الدوله لا يذكر
حسبى الله ونعم الوكيل فيهم