طايل: إضراب عام للمعلمين 15 مارس ياريت كلنا نشارك لاننا لازم نتعين بدون شروط

[فاتن ابوعايد]

ارجوكم بلدكم لو كنتوا بتحبوها بجد المفروض اننا قدوة (قدوة في الالتزام ,العمل الجاد ، الصبر )
حرااااااااااااااااااااااااام علينا بلدنا بصراحة انا مجروحة من انحدار مستوى المعلم في معظم حقوقه لكن !!!!!!!!!!!!!!!!!!!
ممكن احنا صبرنا 30 سنة علي الظلم والاستبداد والوساطة والمحسوبية خلاااااااااص مش قادرين نصبر شهرين تلاته لحد البلد ما تقف علي رجليها
اتقوا الله في عملكم
احنا بنطلب من الله مش من بشر اشكو ربك وهو القادر مثلما رأينا لاتستعجل رزقك سيأتى سيأتي سيأتى
انا مش معاكم بصراحة

[الاستاذ محمود حميد]

اتمني ان الناس كلها تبقي ايد وحدة والكل يتعين يااااااااااااااارب

[miss_emy]

لا للأضراب لا للأعتصامات ارجووووووووكم البلد الى خراب لازم نشتغل مش نعمل اخلال بالأمن اكتر من كدا حراااااااااااااااااااااااااام

[هدير هانى]

وانا معاكم فى الاضراب وياريت نتثبت من غير شروط وياريت الناس الى اتثبتوا يبطلوا انانية احنا من حقنا اننا نتثبت زيهم واذا كان على الدبلومة والicdlاحنا هانعملهم بس نتثبت الاول ولا حد عنده راى تانى

[English101]

لأ لأ لأ لأ لأ لأ .. دى هيصة مش اضراب

الاضراب اللى بتقولوا عليه مش وقته ولا مكانه مناسب .. واتعلموا تقولوا الحمد لله

الطمع قل ما جمع

[reem_a]

واللي متخرج من 1999 قسم انجليزي وتقدير جيد ومعاه اي سي دي ال وكلية تربية وواخدة دورات في المحادثة والتويفل وشهادة في الترجمة من الجامعة الامريكية ب3000 جنيه وحاطينها في ابتدائي وهي تربية عام ولسه بالعقد ومطالبينها تستنى كمان
تروح تعمل قي نفسها زي بو عزيزي ولا ايه؟؟؟؟؟

[bolbola2010]

انا كنت بفكر اجمع عدد من عقود المكافأة الشاملة عشان نبعت شكوى لان الوزير لم يصدر اى قرار بالنسبة لنا وميرضي حد اننا نقبض 100 جنية وكمان تنتهى عقودنا فى نهاية الدراسة وكمان ملناش حق لا فى كادر ولا اكاديمية وليه مش نتثبت وفى مننا مستوفى الشروط بس فيه عدى عليه تلات سنين وفيه لا

[ابو عمره]

الاخت ام هايا والتانيه اللى بطالب بعدم الاضراب هوه احنا السبب فى التعطيل حرام عليكى حسوا بالناس ارحمونا دى فلوس اللى بناخدها دى ملاليم بالنسبة لباقى الوزارات شوفى الاتصالات شوفى البترول وليه كل الوزارات ثبتت من غير شروط الا وزارتنا العبيطة ده استهبال احنا كمان مش السبب فى تاجيل المدارس

[احمد محمد عبد المجيد]

مش عارف اللى مش موافق دا بيضحك على نفسه ولا ايه ؟؟؟؟؟؟؟؟؟؟؟

[تامر محمود مراد]

لا للاضراب نحن صفوة المجتمع ولسنا حفنة من الانتهازيين نعم للعمل نعم للاستقرار نعم للانتاج

[elywan24]

تمر مصر خلال هذه الايام بمرحله دقيقه ومعقده للغايه فيجب منا نحن ابناء هذا الوطن ان نعمل بكل جهد ونشاط ونرفض دعوات المغرضين والانتهازيين الذين يدعون الي الاضراب والاعتصام لكي نحصل علي حقوقنا فهذا الوقت وقت عمل لا وقت اعتصام واضراب دلوقتي المدرسين بيعملوا اضراب علشان عايزين حقوقهم اللي طيب انا معاك ممكن تقولي حضرتك لما موظفي وعاملي شركات المياه والكهرباء والمطاحن والمستشفيات واقسام الشرطة وجنود الجيش يضربوا عن العمل ماذا ستكون النتيجة ستكون كارثه حقيقية وساعتها مش هنلاقي كوب ماء ولا رغيف خبز وسيختفي الامن

هل هذا هو المطلوب ارحموا مصر مصر لا تستحق كل هذا يجب ان نكون نحن المعلمون قدوة حسنه لباقي افراد المجتمع فنذهب الي مدراسنا ونوضح للناس خطورة الاضراب والاعتصام في هذا الوقت ونحثهم علي العودة الي اعمالهم ومصانعهم حتي تدور عجله الانتاج فلن نحصل علي حقوقنا و نحن لا نعمل وندمر اقتصادنا فكل من يدعو الي الاضراب والاعتصام هم بقايا النظام البائد ليخلقوا في مصر فوضي ويجعلوا الناس تقول كانت ايامهم افضل وهذا ما يسمي بالثورة المضاده فيجب انا نعاهد انفسنا علي بذل الجهد لكي تتقدم مصر وتزدهر وساعتها سيحصل كل فرد في البلد علي حقوقه من غير ان يطالب بها فلسنما اقل ممن ضحوا بانفسهم لكي نعي في حريه وديمقراطيه ونقضي علي الفساد افيقوا قبل ضياع مصر افيقوا يرحمكم الله

[تامر محمود مراد]

مش عارف ليه معظم العضويات الجديدة في المنتدي هي اللي بتشجع علي الاضرابات والاعتصامات انا حاسس انهم جزء من الثورة المضاده فاكرين بعد اول خطاب للرئيس المخلوع المنتدي اتملي موضوعات تدعو الي التهدئه واعطاء الرئيس المخلوع فرصه لتسليم السلطة بعد 9 شهور وبعد ما حسني اتخلع المنتدي اتملي عضويات جديده تدعو للاضراب والاعتصامات وتعطيل العمل المفروض اكيد دول من بقايا امن الدوله والداخلية والحزب الواطي عايزين البلد تفضل في فوضي وعدم استقرار علشان يلتفوا علي اهداف الثورة يجب عدم الانصات الي دعوات الاعتصام وتعطيل العمل في هذه المرحلة

[طاهر الشاعر]

انا مع الاضراب ويلاش احباط من اللي خايفين من الدروس الخصوصية تضيع
بلاش انانية وبصوا علي مستقبل ووضع المعلم ككل
واذا كنت خايف علي الطلبة فابائهم في الوزارات التانية هم اللي بدأو بالاضرابات

[m.m.m.m]

دي اسمها صيده فى الميه العكرااااا .. اصبحتم اخطر على البلاد من اعدائها الخارجيين .. حسبي الله ونعم الوكيل

[مريم اليكس2011]

لالالالالالالالالالالالالالالالالا بلاش اضراب ولا اعتصامات ودي مش انانيه ولا حاجه اكيد يعني كل الي بعقود عاديه هيثبتو بس علي درجه معلم مساعد ليه بقه الاعتصامات مانتو هتضمنو حقكوم في التعيين والا هوة طمع مادي وخلاص اول ما تستوفو الشروض هتتم الترقيه علي درجه معلم وتصرفو الكادر عاوزين ايه تاني وما ملاء عين ابن ادم الا التراب