أحمد جمال الدين موسي وزيرا للتعليم مرة أخرى

[هبة اسماعيل]

انا اللى اعرفه انه كويس وحكااية انه يبقى وزير التعليم العالى والتربية والتعليم احسن فكرة عشان ميحصلش خلاااافات ما بين الطرفين وحكااية الاخواان ديه فيها ايه يعنى هما مش كلنا اخوااااات احنا كلنا مصريين واول حاجة لازم نفكر فيها عشاان نبقى مصريين بجد ان احنا ميهمناش اخوان ولا اى حاجة احنا اهم حاجة عندنا انه يبقى كويس وينفعنااا ويحط نظااام يغير من مصير مصر مصر هتتغير لو حجتين اتغيروا واحد تفكير الشعب المصرى اتنين ان احنااا نحب مصر بجد مش كلمه بنقولها وخلااااااص ارجوكم يا جماااعة ولا يهمك اخوااان ولا اى حاجة احنا لازم نكوون ايد واحدة كلنا تحت خدمة مصر وبس .....

[أ/ احمد عبد الوارث]

أنا لا أؤيد من يقول ليه نخلط الدين بالسياسة دةكنا بنخاف نقولة أيام الحكم اللى انتو عارفينو
وليس الاخوان من يربون لحيتهم ويقصرون جلبابهم الله أعلم اية فكرهم ولكن الشئ المعروف لنا دائما أنهم معارضين دائما ً للحكومة القديمة لانها كانت كومة مستبدة وظالمة أهم شئ أخوتى فى الوضع الراهن أن يعمل جميع الوزراء ليس وفقط وزير التربية والتعليم ولكن جميع الوزراء الصالح العام لشعبنا وأمتنا كل فى مكانه وأن ينهضو بتلك البلد التى والله ان الخير فيها لكثير وكثير ولكن كان منهوبا عسى الله أن ينفع بهم أأسف للاطالة عليك

[mon_mon]

اهم حاجة يكون مالهوش فى شغل الجوده و الورق اللى بيترص و الكلام الأشائى و متابعات دورات المياه و النظافة و يركز على مستوى الطالب التعليمى و مدى تقدمه و انسوا كلمة اخوان و خلافة اللى يسىء لك ومنك هو الجاهل اللى منتسب اليك فقط
محمد عشرى

[Mr/Mahrous abou bakr]

علي فكرة الراجل ده من أفضل و أنظف الشخصيات اللي تولت الوزارة قبل كدة و علشان كده شالوه لان في بلدنا النظيف مبيقعدش ، كفاية أنه قال أنه مش حنحارب الدروس الخصوصية الا لما يزيد راتب المدرس لحد أدني 1500 جنية و علي طول وزير المالية اتصل بالريس و اتشال في الحال

[هيما هيما]

انا المهم عندى الامور تمشى
ليه الكل هاجمنى اوى كدا بسبب انى قولت اخوان ؟؟؟؟؟؟؟؟؟؟؟؟؟
انا اللى يهمنى ان حالنا يتصلح وحال التعليم يتصلح

[مصطفي جاد الكريم]

ارجوا ان يصلح الله التعليم علي يده

[المشوخي]

خذهوها قاعدة كل مسئول اقاله مبارك بسرعة فهو مسئول كان عنده ضمير وكويس أوي وأسألوا المشير ابو غزالة واحمد رشدي والجنزوري وعمرو موسي اللي كتبت واوصت مادلين أولبرايت وزيرة خارجية امريكان في مذكراتها اقالته فوراً وما ما قام به مبارك فوراً!!!!!

[mohamast234]

المشاركة الأصلية كتبت بواسطة mr/mahrous abou bakr

علي فكرة الراجل ده من أفضل و أنظف الشخصيات اللي تولت الوزارة قبل كدة و علشان كده شالوه لان في بلدنا النظيف مبيقعدش ، كفاية أنه قال أنه مش حنحارب الدروس الخصوصية الا لما يزيد راتب المدرس لحد أدني 1500 جنية و علي طول وزير المالية اتصل بالريس و اتشال في الحال

كلام صحيح 100% ربنا معاه ومعانا

[اشرف الباجورى]

ياجماعة الخير التعليم بصفة عامه يحتاج الى تغيير و اصلاح ولو لى قرار لأصدرت قرار بفرم الكتب الدراسيه واعادة صياغتها بشكل صحيح وما المانع من اننا نستعين بعلماؤنا العظام امثال زويل والباز ونستعين بهم فى صياغة التعليم من اول وجديد الله يصلح حالكم شغلنا بالكادر ومسمياته وانصغنا وراالدروس الخصوصيه واواه منها والضمير اصبح معدوم فهل يفيق القائمين على التعليم وصياغته صياغة يعنى ولاده جديده كما فعلت ثورة شباب 25 يناير ولا....................... لنا الله وعمار يامصر المحروسه.

[السيد احمد اسماعيل]

شكراا جزيلا على ردودكم

[ناصر عبدالله]

الاخوان ناس محترمة معتدلين في اسلامهم وليسوا متطرفين كما شوههم النظام السابق الفاسد
نرجوا تطهير البلاد من النظام الفاسد وفلوله
كما نرجوا النظر الى تقابة المعلمين والفساد الموجود بها في جميع المحافظات

[khaloud]

الدراسه الاسبوع القادم بالمدارس وتاجيل اسبوع للجامعات

[georgenagi]

مصدر الخبر للتاكد لو سمحت

[hamdyyy2001]

المصدر جريدة اليوم السابع

[khaloud]

المصدر التليفزيون المصرى يااستاذ