مبروك عليكم قرار التعيين رقم 53

[محمد محمد الصفتي]

مفيش اي حاجه عن القرار ده

[محمودعيد]

الاتستاذ اللى طايح وبيشتم ياترى بيشتغل ايه ودخله كام بره التربية والتعليم ادينا ياسيدى نجحنا فى الكادر وخدناicdl من سنه وخدنا دبلومات ايه المطلوب تانى دا حتى حافز الماجستير شالوه ياله افتى انت القرار وصل رسمىانا من ست سنوات باسمع الكلام ده التعين بكره طيب بكره قافلين خليك بعده بقالنا ست سنين على دا الحال والرتب هيكون برضه كام 300

[طارق عبد الحفيظ]

كل دة كلام فاضلى انا عايز تنفيذ مش مجرد كلام

[طه عرب]

اللهم يسر ولا تعسر ...اللهم اكرمنا ولا تهنا .. اللهم كن لنا ولا تكن علينا

[medo50]

طب بس قولنا ايه قرار 53 ده ونسال عليه فين

[جارةالوادى]

كلام صعب جدا يوجه من معلم لزميله المعلم ايا كان المبرر لان سواء كدة او كدة احنا ماشيين فى طريق ان كل الناس هتتساوى ببعض لان مفيش حاجة ملموسة ان كلام حضرتك صحيح لغاية دلوقتى ولو فعلا اخدو المعايير دى ومشيو على قانون الكادر بالظبط يبقو مضطرين يتعاملو مع زملاءنا بنفس الطريقة عند استيفائهم للشروط على اساس ان فعلا الدرجة اللى هنترقى عليها دى محتاجة ناس كتير والخبرة اولى طبعا

وبصرف النظر احنا مش عايزين نتخانق على حاجة لسة مشوفنهاش لان القرار ده مش موجود على بوابة الخدمات الالكترونية فى الوزارة اوع تقولى بقى انهم نسيو يحدثو البيانات ويحطو قرار تاريخى ومهم زى ده خصوصا ان الوزير هانى هلال او القائم باعمال وزارتنا الى جانب وزارته محتاج حاجة تسنده قدام الجمهور لان خلافاته فى وزارة التعليم العالى ومشاكله محدش يقدر يختلف عليها عموما دى وجهة نظر متواضعة ويارب التوفيق للجميع

[nsnsm]

يا اخى الاسلوب غير لائق وكمان فيه ناس شغالة بقالها ست سنين ولكن العقود كانت لتخصصات اللغة العربية فقط وانا بتكلم على مستوى اداراتى ولم يحصل احد على العقد اللى كمل ثلاث سنوات سوى 23 مدرس فقط وبعدين مش ذنب المدرس ان الدولة لم تعقد له امتحان الكادر وفقك الله وهداك

[salama201043]

اللهم يسر ولا تعسر ...اللهم اكرمنا ولا تهنا .. اللهم كن لنا ولا تكن علينا

[مستر/ عبدالكريم على عبدالنعيم]

يا عم متعقدناش قول يا رب لو العجلة مشيت كله فى خلال سنة هيتعين قول يا رب

[امجد7007]

هواريات
كلامك طبعا جارح لكن فيه بعض الحقيقة
يعنى مثلا ومحدش يزعل منى تقاعس بعض زمايلنا اللى امتحنوا الكادر وعملو الدبلوما (لغير خريجى التربيه) وصرفوا نظر عن ال اى سى دى ال خلى الوزاره تتلكك وتأخرنا سنه عن التعيين لأن بسلامتهم عايزين يثبتوا الكل مع بعض يعنى احنا انضرينا من الكسل والامبالاه بتاعتهم وانا اعرف ناس والله العظيم اتدربوا على الكمبيوتر ومش فى دماغهم انهم يخلصو امتحانات ال اى سى دى ال وليهم اكتر من سنه متدربين على الكمبيوتر ده بقى يبقى ايه؟؟ مش كسل
لكن كمان فى نقطه تانيه وهى الناس اللى جاهزه وعملت كل حاجه مستنيين بس الوزاره تحدد ميعاد اختبار الكادر ودول بقى ملهمش ذنب لكن الوزاره بقياده احمد ذكى بدر الله يجازيه هما اللى ظلموهم
وفى فئه تالته هتستغرب اوى عليها انا عندى واحد صاحبى اشتغل بالحصه فقط وهو كلية اداب وعمل الدبلوما وخلصها فى سنه واحده وكمان اخد ال اى سى دى ال شوفت بقى النشاط وهو لسه ما اشتغلش حتى بالعقد المميز بس عمل ده كله عشان يبقى جاهز لما يفتحوا باب التعاقدات
شوفتوا بقى فى ناااااااااس كسلانه لكن مينفعش نجرحهم وياما نصحناهم وفى ناس نشيطة جدااااااااااا انشط مننا كمان
ويارب ربنا يفرحنا كلنا امين يارب

[احمدالفطاطرى]

انا مش فاهم حاجه خالص

[أحمد ياسر ياسر]

يا اخوانى القرار صحيح لان كل سنة لها قرارات خاصة بها فمثلا زميل قرار تعيينة هو 1232 ولكن فى نهاية 2000 وهكذا فارجو منكم جميعا انتفرحوا باتعيين

[111سمسمة]

أحييك على قول الحقيقة الغائبة عن معظم المعلمين

[بطوط55]

انا نااااااااااااااااااااااجح في كله بس ياللي كاتب الموضوع خد بالك ازاي انت مدرس وتقول لزمايل لك يامتخلف
اللي بيغلط في الناس هو اللي مت.............. وبعدين انا ليا زمايلي تخصص عربي واخدت انجليزي هما يمتحنوا انجليزي ليه اصلا عيب نغلط في بعض يبقي انت اكيد بتردح للتلاميذ في الفصل علي كده

[محمودعيد]

ياخوانى اللى ان شايفة من البهوات المسئولين اننا وزاره ليس لها قيمه وليس لها اهميه ومتخوفش لذلك حتى الان الواره الوحيده اللى ملهاش وزير اقل وزاره فى المرتبات حتى بعد الكادر اللى ضحكوا بيه علينا وكمان لما الجيش قال هازود 15 فى اليه فية وزارات زى البترول والكهرباء والبنوك هتزود 15 % من اجمالى المرتب بينما نحن 15% من الاساسى وهم هيصرفوا من شهر 2 ولكن احنا من شهر اربعه يعنى بيزودوا الحقد والتعصب والظلم لان اللى مرتبه ضعيف زينا هيزيد 15 او 20 جنيه فقط بينما الوزارات الاخرى اللى بتقبض 2000 و3000 هيزيدوا 200 و300 فين العدل ياخوان والوزارت الاخرى بدأ التثبيت واحنا لسه لان احنا مسالمين زيادة عن اللازم ومش بنخوف ولازم يكون لنا دور علشان ناخد حقنا