شهر مكافاة

[ابن الأكرمين]

ثلاث يعز الصبر عند حلولهـا *ويذهل عنها عقل كل لبيب
خروج اضطرار من بلاد يحبها * وفرقة إخـوان وفقد حبيب


أنا حاسس بما كتبتوا فتقريباً أعيش نفس المشكلة وأن اختلفت الظروف لنا الله

اللهم فرج هم المهمومين من المسلمين ونفث كرب المكروبين
اللهم آمين

[Le Samurai]

المشاركة الأصلية كتبت بواسطة اميمة طه

على فكرة مشكلة حضرتك حصلت معايا بس انا :
1- اسمى نزل مع المميز اول ما نزل وبعدين فجاة ملقتهوش الادارة شالته
2- روحت الادارة (اول المميز ما نزل ) وسالت اسمى اتشال ليه طالما انا كنت من اول 150 عقد مؤقت اتعمل فى محافظتى... قالوا لى اصل الموجه العام قال متستحقش عشان خريجة جديدة وبتعمل ماجستير ومش هتبقى فاضية طيب نديه لواحد قديم
3- قدمت طلب لمدير الادارة
4- روحت مديرية التربية والتعليم وقدمت تظلم وشرحت الوضع
5- قدمت طلب لوكيل الوزارة وفعلا دخلتله واتكلمت معاه قالى يا اميمة مفيش حاجة ايه يعنى عقد ما انتى هتاخدى فى الدفعة اللى جاية خلصى بس الماجستير بتاعك
6- طلبت الوزارة فى مصر بالخط الساخن قالت تابعى
7- فاكس
الحمد لله الموضوع اتلحق من الاول والحق مضعش

هو دا الكلام الصح
إنما تسكت فى الأول..
ياله الحمد لله(كل شئ عنده بمقدار)

[اميمة طه]

المشاركة الأصلية كتبت بواسطة le samurai

هو دا الكلام الصح
إنما تسكت فى الأول..
ياله الحمد لله(كل شئ عنده بمقدار)

على فكرة انا اهنئك على موضوعك كان جميل والله بس النت عندى كان تقيل مقدرتش اشارك

[جارةالوادى]

الشهر المكافأة ده مش جديد الازهر خدوه عندنا فى البحيرة زى كل مناسبة يعنى واحنا لاء ولو مااخدنهوش برضو مش هنتكلم عشان ده العادى
انما اللى فعلا مش عادى لغاية دلوقتى الغموض الكبير فى كلام وزير المالية واحنا هنتثبت تبع ايه بالظبط قانون الكادر اللى احنا شغالين عليه ولاوظيفة عامة لازم نلاقى اجابة السؤال ده عشان نعرف راسنا من رجلنا وربنا يوفق الجميع

[أم هيما]

انتوا عار فين مشكلة سكوتنا ايه ان خريجى كلية التربية للأسف كتير اوى اوى كان مفيش كلية غيرها وكمان خريجها مبيشتغلشي غير فى التعليم يعنى لو اضربنا على العمل وقلنا مش رايحين غيرنا كتير واقفين مستنين ياخدوا مكانا دا بالنسبة لوجهة نظرى وعلى قد تفكيرى ياريت لو حد عنده رأي تانى يقول
انا بقول نصبر كمان شوية اهو نقدر اللى البلد فيه دلوقتى واكيد ان شاء الله تفرج

[الراجي رضا الله]

مرة اخري اقول...........
الثبيت وغير ة من اصلاحات مرتبط بنجاح الثورة
الامر اصبح معقد والجيش للاسف ........؟

ياشباب النظام الحالي نظام مبارك ....الي الان الثورة = 0

[عصام الطواب]

المشاركة الأصلية كتبت بواسطة أم هيما

انتوا عار فين مشكلة سكوتنا ايه ان خريجى كلية التربية للأسف كتير اوى اوى كان مفيش كلية غيرها وكمان خريجها مبيشتغلشي غير فى التعليم يعنى لو اضربنا على العمل وقلنا مش رايحين غيرنا كتير واقفين مستنين ياخدوا مكانا دا بالنسبة لوجهة نظرى وعلى قد تفكيرى ياريت لو حد عنده رأي تانى يقول
انا بقول نصبر كمان شوية اهو نقدر اللى البلد فيه دلوقتى واكيد ان شاء الله تفرج

اسف
هذا رايكي
ولكن يجب ان يكون لنا موقف
انا ليسانس تربية
دفعة ( 2000)
تعاقد بمرتبي لا يكفي عيش حاف
الاساسي احسن مني
ليه لانه تعيين
وانا تعاقد
احنا مش احسن من شهداء الثورة

[marsho]

على فكرة يا جماعة انا مش فى الازهر انا فى مدرسة حكومى عادى اللى مش عادى اننا ينصرف لينا شهر مكافاة وناس زمايلنا قالوا هتتصرف بكرة دة كلام بجد

[هريدي هريدي]

هل في احد صرف شهر المكافأة

[elmahla22]

علي جميع المعلمين المطالبه بحق المعلم المساعد في التعيين والتثبيت من دخل الامتحان الكادر ومن لم يدخل الكادر من قضي ثلاث سنوات اواقل من ذلك حتي لوقضي شهر واحد بالاجر فهو له حق لانه مصري ويجب تعيينه وتثبيته لانه انسان ويريد ان يحي حياه كريمه

[teacher_2]

هو الشهر ده فين ؟
مجالناش حاجه

[ايهاب2323]

نداء الى المتعاقدين بمحافظة القاهره والمحافظات القريبه منها للتظاهر امام الوزاره للمطالبه بالتثبيت

[أحمد قلانه]

توكلنا على الله


موعدنا الاربعاء

أمام وزارة التربية والتعليم الساعة 10 صباحاً

صفحتنا على الفيس بوك

معلمون معتصمون




16 فباير
يوم كرامة المعلم المصرى
............

[هريدي هريدي]

هل صرفت الشهر المكافأة يا استاذmarsho

[بحراوية من دمنهور]

كان عندنا النهاردة اجتماع لجنة عمومية يعنى المدير قال الكلمتين اللى متعود يقولهم كل اجتماع فى اى ظرف بيطرق على المدرسة المهم انا سألت السكرتير النهاردة عن شهر المكافأة رد عليا مش لو ضمنا نقبض الشهر ده تبقى تدورى على المكافأت يا جماعة انا ليا زميلة مدرسة فرنساوى متعينة من 99 مرتبها 560 جنيه وبتقولى احمدى ربنا على مرتبك (380جنيه) لانها كانت بتاخد 134 جنيه فى بداية تعيينها وفضلت كدة لحد مبدأ الكادر من حوالى 3 سنين تفتكرو احنا كدة طماعيين ؟؟؟