ليه الانانية دى ياجماعه

[alirahim]

الناس اللى زعلانة تروح يوم السبت وتطالب باللى عيزاة واحنا لسه فيها ومحدش يزعل ابدا يعنى انتوا شفتوهم اتعينوا خلاص ارحمونا بقى من السخافات بتعتكم دى

[mhegazi]

اكيد الخبر ده المرة دي مش زي كل مرة

[احمد محمد عبد المجيد]

انا جمعت ناس وجيت اقرأ ابها المنتدى لقيت الطمع دا فققررت انى مش اروح

نبا نعمل مظاهره احنا با اللى مش امتحنوا


طمع فعلا انا ندمان دلوقت على الناس اللى ودتهيا

[leprince2010]

مبروووووووووووووووووووووووووووووووووووووووووووك

[ayman3body]

العمل المؤقت ظلم لكافة طوائف الشعب المصري
يا رب نتعين كلنا بس في نظام نظيف ( أسف ) شريف ( اسف )
في نظام يامل ربنا فينا

[mmagdy_81]

ياجماعه بلاش الهيصه ده انتوا مش فاهمين البلد كانت واقفه فى كل حاجه انتوا مش عايزين تفهموا طيب ممكن اسال سؤال التعيين للى مر عليه 3 سنوات قبل العقد المعلم المساعد ولا بعده ؟اللى هيعرف يرد هيفهم قصدى ايه .ولو كان فيه تعيين لينا الان كان حضر اجتماع الماليه وزير التربيه والتعليم كل القطاعات حضرت الا التربيه والتعليم. وشكرا

[baher111]

انا معاك استاذ احمد محمد عبدالمجيد الناس اللى امتحنت دول ظهر الطمع والانانية والغباء برده عليهم
احنا مش زنبنا اننا اخدنا العقد بعديهم ولسه مش امتحنا رغم انى شغال بالعقد قبل ناس من اللى امتحنت بس هقول ايه حسبى الله ونعم الوكيل فى السبب اللى خلاه ناس زى دول يمضوا العقد المميز قبلينا ويمتحنوا قبلينا وزى ميكون احنا مش زمايل وباصين لنفسيهم بس وواحد متخلف اسمه adam-mariem يقولك هل يستوى الذين يعملون ولا الذين لايعملون زى ميكون انه عشان امتحن بقه متميز رغم انى الفرق هو ميعاد استلام العقد المميز وده كان بمزاج الوزارة مش عشان متميز وحسبى الله فيه وفى الله امثاله والتعيين للى زيه حرام التعيين يبقه للناس اللى بتحب الخير للناس التانية وايد واحدة مش يقولك ابن امبارج صحيح متخلف

[mmagdy_81]

المشاركة الأصلية كتبت بواسطة baher111

انا معاك استاذ احمد محمد عبدالمجيد الناس اللى امتحنت دول ظهر الطمع والانانية والغباء برده عليهم
احنا مش زنبنا اننا اخدنا العقد بعديهم ولسه مش امتحنا رغم انى شغال بالعقد قبل ناس من اللى امتحنت بس هقول ايه حسبى الله ونعم الوكيل فى السبب اللى خلاه ناس زى دول يمضوا العقد المميز قبلينا ويمتحنوا قبلينا وزى ميكون احنا مش زمايل وباصين لنفسيهم بس وواحد متخلف اسمه adam-mariem يقولك هل يستوى الذين يعملون ولا الذين لايعملون زى ميكون انه عشان امتحن بقه متميز رغم انى الفرق هو ميعاد استلام العقد المميز وده كان بمزاج الوزارة مش عشان متميز وحسبى الله فيه وفى الله امثاله والتعيين للى زيه حرام التعيين يبقه للناس اللى بتحب الخير للناس التانية وايد واحدة مش يقولك ابن امبارج صحيح متخلف

جزاك الله كل الخير وربنا يهديك ويهدينا والف شكر على ردك يااستاذنا

[spidermane23]

اهو امتحان الكادر ده جزء لا يتجزء من النظام الفاشل
عيب اوي ان كل المؤقتين يثبتوهم بسهولة و يجوا عند المعلمين و يقولوا لازم تمتحن
و بعدين اذا كان القانون بيقول ان لازم المعلم المساعد يمتحن و ياخد شهادة الصلاحية ده قانون فاسد في نظام فاسد

اتمني النظر لحال المعلمين بصورة افضل من ذلك
و اتمني اننا كلنا نتثبت اللي امتحن واللي ممتحنش و ده الصح

[احمد محمد عبد المجيد]

نظام تعليمى فاشل

[munich2010]

معلش يا جماعه دي فرحه برده هو ميقصدش // بس في سؤال مجنني ليه احنا بس اللي عايزين يمتتحنوننا هما مشمعترفين بالكليه اللي متخرجين منها ولا كل الكليات كويسه ماعدا كليه التربيه( كليه فشله )بتاع تجاره هيثبتوه في المحكمه وبتاع زراعه هيثبتوه اشمعنا احنا (ولا الامتحان ده هو اللي هيقول اني شهاده الكليه بتعتنا صح مش غلط)ا وبعدين احنا شغلين قبل التعاقد6 سنوات بالحصه وقتها مكنش في تعينات خالص ولا الوزاره مشفهما الكلام ده كويس

[عصام سعد زغلول]

على فكرة يا جماعة انا امتحنت الكادر بس لما الواحد يجى يطالب بالتعيين لازم يطالب لجميع المؤقتين سواء متعاقدين او معلم مساعد
والمطلب الاساسى الغاء قانون الكادر الذى يمثل اهانة للمعلم المصرى يعنى هو امتحان التلات ساعات هو ال هيصلح حال التربية والتعليم
بس بجد وبصراحة
حاسس انى حزين عشان فعلا فيه ريحة طمع زى مايكون مال سايب وال يلحق
يا جماعة يا معلمين مساعدين المفروض عليكم تنادوا بحقوق اخوانكم المتعاقدين مش كل واحد بيدور على نفسه ومصلحته وخلاص ياريت بلاش انانية
لان بكلامكم ده معناه ان دم شداء ثورة الشباب ضاع هدر مش هما يضيعيوا ارواحهم عشانا واحنا فى اول مطب نتخلى عن زمايل لينا عشان قدرهم يبقوا بعدنا فى الامتحانان الظالمة
بجد انا حزين وكرهت التربية والتعليم وكرهت التثبيت عشان الجماعة بتوع مصالحهم ايه ده ياعالم لو التثبيت هيبقا بالمنظر ده والطمع ده والمهنة فيها ناس كده بلاها خالص
ياجماعة قلنا قبل كده لازم يكون مطلبنا واااحد مش كل واحد ومصلحته
الله يخرب بيت الحكومة ال خلت الشباب القدوة المعلم المساعد ال بينتج عقول بشرية يبقوا بالانانية دى
امال تلاميذكم هيبقوا عاملين ازاى
فاقد الشء لا يعطيه يااستاذه يالى بتدوروا على مصالحكم فقط
للعلم انا امتحنت الكادر عشان محدش يزايد ولكن لازم نبص لاخوتنا دول لاننا فى يوم من الايام كنا زيهم ومرينا بنفس ظروفهم وكان نفسنا حد من ال سبقونا يساعدنا ويساندنا
والله العظيم انا حزين
ويعدين هيه بقية الوزارات فيها كادر ولا icdl بجد احنا نستاهل ل الحكومة بتعمله فينا احنا منستهلش ان حد يقدرنا من الحكومة طالما فينا ناس نفوسها مريضة وانانية بالطريقة دى

[baher111]

عفوا ياجميل اى خدمه ده اقل رد على امثالك

[baher111]

برافو استاذ عصام هى فعلا دى الروح اللى مفروض تسود بينا

[عصام سعد زغلول]

المشاركة الأصلية كتبت بواسطة baher111

برافو استاذ عصام هى فعلا دى الروح اللى مفروض تسود بينا

يا اخ باهر لابد وان تسودنا روح الاتحاد فى هذه الايام المظلمة لازم كلنا يبقى قلبنا على قلب بعض ومش احنا بس لأ المصريين كلهم بس طبعا احنا المدرسين بندى نموذج للانانية والناس ممكن تمشى ورانا وكل واحد يدور على مصلحته
لازم الواحد يحب لاخيه ما يحبه لنفسه
فين الايثار ياجماعة فين ده ال هنعلمه لتلاميذنا هنعلمهم الطمع وتغليب المصلحة الشخصية على المصلحة العامة فى الحالة يبقى ربنا يعوض على مصر فى الاجيال القادمة