كارثة جديدة علينا

[محروسة على]

اشكر الاخت رضاك والجنة على ردها . وفعلا انا عرفت ان نشرة الضرائب وصلت ادارتى . ولكن بقى سؤال مالفرق بين

هذه الضرائب وتلك ؟؟

[Clear soul]

الضرائب دي بتاعة ايه تحديدا .................... هو احنا زاد علينا حاجة .............

دا احنا نقص مننا حاجات ............. الكادر (اللي اتغمست فلوسه بذل الإمتحانات الفاشلة والتي لا تقيس شيء على الإطلاق ) ماكانش زي ما وعدونا
ولا الدرجات اللي اتوقفت علشانها بتتضاف على الأساسي ولا قرار سيادته بإلغاء شهادة 3 ابتدائي علشان يحرم المساكين من فلوس المراقبة والتصحيح
ولا قرار سيادته القادم بالغاء شهادة 6 ابتدائي لنفس الأسباب السابقة

بعد كل ده مش ناقصنا ضرايب كمان

كفوا ايديكم بقى يا ظلمة وارحموا الغلابة وحسوا يا معدومين الاحساس

[محمد حسين الشربينى]

حسبنا الله ونعم الوكيل

[rozandlife]

انا من البحيرة اساسي مرتبي 475 جنية يخصم مني 1-1-2010 حوالي 58 جنية حتي 1-1-2011 ولكن اخذت مرتبي اليوم مخصوم منه حوالي 20 جنية بدلا من 58 جنية - هل هناك لذلك مع الشكر

[rozandlife]

يا معلمين ازاي نحسب تاريخ التسكين علي الكادرعشان انا وجدت في بيان حالة مدرس تم التوظيف لي و زملائي في4-11-2009 مع العلم احنا اول دفعة امتحنت في 2008 ارججججججججججججججججججججججججججججو الرد وشكرا

[hamdy.alnoby]

لاإله إلا الله ربنا يصبرنا

[rashadbaker]

على ما اعرف انا الناظر فيما فوق بيتخصم منهم فعلا ميلغ مالى وده من زمان

انا بقالى 23 سنة ومرتبى الاساسى لم يتجاوز 300 يعنى لما يوصلنى الدور الخصم بكون ربت على المعاش

[miaar aly]

بالأمس مدرسين مدرسة السادات الثانوية قبضوا المرتب وكلهم اشتكوا من الخصم الكبير فى المرتب وماشيين يكلموا بعض على كل الخصوم دى ...............................طيب لما الدولة محتاجة فلوس وبتخصم من الناس تحت أى مسمى مرة كسب عمل ومرة ضرائب مش عارف ايه ومرة أجور متغيرة ................................. بتذلواالمدرس ليه وتقولوا امتحان كادر ومرحلة اولى وتانية وicdl ..................................حرام والله المدرسين اتبهدلوا كفاية كدة ذل ............كل دول الغرب بتقدر المعلم والطبيب ولهم مكانة خاصة بس هنا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!ربنا يرحمنا
حسبى الله ونعم الوكيل
بالله عليكم نفسى أعرف اتصرف كام على امتحنات الكادر واللجان والمراقبين والملاحظين والأوراق والتصحيح وغيره
وicdl....................
ولما مدرس يطلب أجازة بعض الوقت يطلعوا عينة وييبهدلوا لحد ما ياخد الموافقة ومره يقول صالح العمل ومره يقول القانون طيب ماهو سايب فلوس ومتنازل عنها لما انتوا محتاجيين الفلوس ماهى متوفرة من ناحية تانية ولا الهدف ايه بالظبط
ولا الأسعار الى غليت على حس زيادات الرواتب للمدرسين ................هترخصوا الأسعار تانى بعد الخصم ده ولا ايه
حررررررررررررررررررررررررررررررررررررررررررررررررا م عليييييييييييييييييييييييييييييييييييييييييييييكم

[حنان حلوة]

المشاركة الأصلية كتبت بواسطة رضاك الجنة

جاءت نشرة من ثلاث ايام بادارة العامرية بالاسكندريةمن شئون العاملين - ضرائب بشأن كيفية حساب الضرائب على الدخل الصادر بالقانون رقم 91 لسنة 2005 ( حساب ضريبة عن عام 2011 اعتبارا من يناير الحالى وسيتم
الخصم من فبراير باثر رجعى من يناير ويستمر الخصم طوال العام . ويتم الخصم على اساس المرتب كالاتى: اساس المرتب 350 يخصم منه 10 جنية وذلك للحاصلين على كادر ( بدل المعلم وبدل الاعتماد )- الاساسى 400 يخصم منه 20 جنية- اساسى 450يخصم منة 40 جنية - الاساسى 500 يخصم منه 60 جنية - الاساسى 550 يخصم منه 70 جنية - الاساى 600 يخصم منه 90 شهريا ايضا - الاساسى 650 يخصم منة 100 شهريا والاساسى 700 يخصم منه 110 شهريا .........والنشرة اطلعت عليها بنفسى وبكدة الكادر راح مع خصم الاجور المتغيره و التى تخصم من يناير ايضا وكل سنة واحنا طيبين !!!!!!!!!!!!!!!!!!!!!!!!!!!! ارجوكم حد يفسر الكلام دة كانوا فين من 2005 لسة صاحيين دلوقتى ....

ليه هو بدل الاعتماد كان من 2005 ولا أيه

[رجب اسماعيل جاد]

ربنا يأخذ وزير المالية اللي ما بيشبع خصومات كما لو كنا بنأخذ المرتب من جيبه

[الدكتورة سلوى]

http://el-wasat.com/portal/News-55603446.html