|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
20-01-2011, 12:45 AM
|
|||
|
|||
الموضوع مش مظاهرة, هو الناس ناوية تعمل مظاهرات واعتصامات مستمرة لاكثر من يوم لتحقيق اكثر من مطلب:
أولا: رفع الحد الأدنى من الأجور لـ 1200 جنيه عملا بأحكام القضاء وصرف إعانات للعاطلين عن العمل ثانيا: إلغاء العمل بحالة الطوارئ وإقالة وزير الداخلية وإخراج كل المعتقلين بدون أحكام قضائية ثالثا: حل مجلس الشعب وإعادة الانتخابات مع ضمان نزاهتها وتعديل الدستور لمنع ترشح أي رئيس لأكثر من فترتين رئاسيتين الموضوع شعبي و من يدعو للموضوع هم الشباب و ليس له علاقة بفلان او علان. كون ان يشارك فيه سياسين فهذا شيء طبيعي. رجاء الا يقف الناس موقف المتفرج كالعادة |
|
#2
20-01-2011, 09:00 PM
|
|||
|
|||
|
الجيش بيحمى الحكومة ومرتباته الضخمة علشان مايعملش انقلاب عسكرى فاذا الشعب عمل مظاهرات شغل الجيش الوحيد هو التصدى لها بعكس ما حدث فى تونس
الجيش شبعاااااااااااااااااااااااااااان جداااااااااااااااااااااااااااا ودى سياسة اللى بيأمن نفسه. الحل ياجماعة حيجى من عند ربنا
__________________
|
|
#3
22-01-2011, 02:22 AM
|
|||
|
|||
|
اقتباس:
عندما نتناول الجيش وبهذه الطريقة ( والتى تبدو مقبوله لدي البعض) فليس هذا بالجيد فدعونا نلعب المباراة داخل حدود المقبول ولكن دون تطاول على شرفاء هذا الوطن والذين يقضون حياتهم من أجل كل حبة رمل على هذا الوطن العزيز وأمنه ومن يجهل إنجاز هذا الجيش فليسأل أهله -- ومن يتجاهله فلن يفلح فى كل ما يرمى إليه الجيوش العربية والتى وضع الجيش المصرى فى مقارنة معهم ما أقيمت إلا لحماية عروش الملوك والرؤساء فى الخليج والمغرب العربى وإن كنت أدافع عن هذا الجيش فليس مدخلا فى مدح النظام الحاكم وحكومته ولكن لأن كل مصرى وكل عربى يفتخر بهذا العملاق إلا القلة والتى تتربح من إشعال الفتنه بين العباد فى كل البلاد وشكرا
__________________
الحمد لله |
|
#6
21-01-2011, 01:34 PM
|
|||
|
|||
 ميدان لاظوغلي هو كلمة السر يوم 25 يناير ، هذا الميدان سوف يشهد أكبر تجمع للحركات الاحتجاجية في تاريخ مصر، بعد دعوة الحركات بالاحتفال بعيد الشرطة المصري الموافق 25 يناير من كل عام ولكن بطريقة مختلفة هذا العام حيث قررت هذه الحركات إعلان رفضها للامن المصري والشرطة المصرية وذلك على بعد أمتار من مقر جهاز أمن الدولة ، لكن السؤال .. ماذا ستفعل هذه الحركات الاحتجاجية في هذا اليوم وهل ستتمكن أصلا من التظاهر خاصة أن الأمن استعد جيدا لإجهاض اي حركات إحتجاجية . يقول مصطفي شوقي من شباب العدالة والحرية ،بأن يوم 25 يناير سيكون يوما مشهودا في تاريخ الحركات الاحتجاجية في مصر والعالم ، وهذا لوجود الكثير من الوقفات الاحتجاجية التى سوف تشهدها جميع مناطق العاصمة والمحافظات ايضا.واضاف أنه سوف يتم البدء من المناطق الشعبية في جماعات متفرقة حتى لا يستطيع الامن السيطرة على كافة النشطاء ،وفي شكل مسيرات وصولا الى ميدان لاظوغلي. وعن اسباب اختيار هذا الميدان تحديدا ،قال شوقي لانه يعتبر مقر أحد أهم أجهزة وزارة الداخلية وأكد أن موقع الفيس بوك لعب دورا كبيرا في تجميع الكثير من النشطاء والمواطنين الذين سوف ينزلوا الشارع للاحتجاج. وهذا من خلال ''جروب كلنا خالد سعيد'' الذى أكد نزول أكثر من 40 الف مواطن مصري للاحتجاج . واضاف أن الوقفة لن تكون صامتة بل ستشهد العديد من الشعارات منها''اقالة العادلي ده واجب وطنى''''رفع الحد الادني للاجور الى 1200 جنيه'' وستتم بمشاركة حركة 6 ابريل وحركتى حشد وكفايه والجمعية الوطنية للتغيير. واضاف محمد عادل - شباب 6 ابريل أن الوقفة سوف تكون أمام وزارة الداخلية وسوف يكون هناك نشطاء من محافظات طنطا والسويس،أعلنوا المشاركة في الوقفة وأكد أن هناك عدد من الشعارات القوية ولكن لن يتم الاعلان عنها الآن . من جهته رفض هشام الهواري من حملة البرادعي رئيسا الحديث عن اى تحركات للرابطة في هذا اليوم وقال انها ''مفأجاة'' ولكن اعلن في نفس الوقت مشاركته مع حركة حشد و 6 ابريل . كما اكد عصام الشريف من الجبهة الحرة للتغيير السلمي بأن الحملة بالفعل استهدفت المناطق الشعبية بتوزيع ثلاث الآف ملصق لدعوتهم للمشاركة في يوم التعذيب السنوي احتفالا بأمجاد الشرطة المصرية ،وأن هذه الدعوة شملت الشرابية،حدائق الزيتون،الويلي،عين شمس ومصر الجديدة .حتى نقول ''لا للفقر –لاللبطالة-ونعم لاقالة العادلي''. واضاف انه لا يرغب في ان تكون الوقفة امام وزارة الداخلية ،لان الامن لن يسمح بذلك ولابد ان نستغل المناطق الشعبية لانها''حاجة جديدة خاصة ان الدعوة مقدمة لحقوق الفقراء وليس الاثرياء'' وأضاف قائلا'' يوم 25 يناير تعتبر نقطة البداية وليس النهاية كما يعتقد البعض ''. وقال باسم فتحي من إتحاد شباب الغد أن المطلب الاساسي للوقفة هو اقالة حبيب العادلي وزير الداخلية واذا تم منعهم من التظاهر سوف يتجهون للمناطق الشعبية المحيطة بالميدان منها السيدة زينب وعابدين. ومن الشخصيات العامة التى اعلنت المشاركة أيضا ايمن نور رئيس حزب الغد وحمدين صباحي ودعوة شباب الفيس بوك للوقوف أمام جميع السفارات المصرية ودعوة المواطنين المصرين بالسعودية للوقوف أيضا امام السفارة المصرية بالسعودية ،بالتزامن مع الحركات الاحتجاجية في مصر،والبعض رفع شعار ''تونس عملتها يوم 15 يناير ومصر هتعملها يوم 25 يناير''. وكانت جماعة الاخوان المسلمين قد أعلنت على لسان د.عصام العريان المتحدث باسم الجماعة أنها لن تشارك في التظاهرات التي سوف تتم في هذا اليوم . فيما ردت مروة هدهد - منسقة حملة مبارك أمان مصر- ان الحملة لن تنزل الشارع لتجنب أي احتكاك ،فهى تعد مجرد حملة لتأييد الرئيس مبارك على موقع الفيس بوك والاكتفاء بلصق بوسترات للتأييد في مختلف محافظات مصر . ودى صفحة شباب 6 ابريل http://www.facebook.com/shabab6april ودى صفحه الجروب كلنا خالد سعيد http://www.facebook.com/ElShaheeed2 المصدر من مصراوى عن نفسى هروح المظاهرة دى ان شاء الله واتمنى من الجميع انة يروح المظاهرة |
|
#7
21-01-2011, 02:59 PM
|
||||
|
||||
|
قصيدة جحا لهشام الكخ
شعور سخيف إنك تحس بإن وطنك شيء ضعيف صوتك ضعيف رأيك ضعيف إنك تبيع قلبك وجسمك وإنك تبيع قلمك وإسمك ما يجيبوش حق الرغيف سألوا جحا عن سر ضحكه قالك أصل اتنين وشبكو اللى كان من تحت ميت واللى كان من فوق كفيف دا شعور سخيف وشعور سخيف إنك تكون رمز الشحاتة تبنى مبنى للشحاتة تعمل وزراة للشحاتة يا ساقية دورى ... عدى فوقى ودوسى نصبوا عليا وشحتونى فلوسى ربطونى فيكى .. حتى ما اتغميت هما اللى فرحوا ووحدى أنا اتغميت أنا اللى صاحب البيت عايش بدون لازمة ولما مرة شكيت إدونى بالجزمة أنا اللى زارعك دهب بتأكلينى سباخ إن كان دة تقل ودلع بزيادة دلعك باخ لا شفت فيكى هنا ولا شفت فيكى ترف كل اللى فيكى قرف كرامتنا متهانة واللقمة بإهانة بتخلفينا ليه لما انتى كارهانا يعنى ايه تبقى إنتى هبة النيل يا مزة وكل يوم المية تقطع يعنى ايه لما اشتكى غلو الفاتورة يقولو تشكى بس تدفع لما قش الرز ثروة بتتحرق وأما نفط الأمة ثروة بتتسرق وأما جلادك على ولادك بيبطش وأما علمك ما يلاقيش يآكل فيطفش يعنى ايه نرفع ايدينا بالسلام لجل الغزاة ويعنى ايه لما ابقى ماشى فى حالى اتشد اشتباه يعنى ايه لما اتحبس أربع سنين حبس احتياطى يعنى ايه مش حاسة بالعمر وغلاوته بتصبى مر العمر ليه دة انا كنت ح اوهب لك حلاوته أنا عمرى ما أتأمرت ولا حطيت شروطى ومكان ما ترسى مركبك بابنى شطوطى أنا كنت جيشك لما مماليلك باعوكى وكنت يوسف لما عشتى سنين عجاف وضلوعى دى اللى فى معركة قادش حموكى وشفايفى دى اللى ما بطلتش فى يوم هتاف دة انا كل شبر فى أرضك اتمرمغت فيه وكل يوم عشتيه أنا اتغذبت بيه علا صوت أدانك جرس فى الشدة صاحينلك من امتى كانوا الحرس هما اللى باقينلك بعتينى علشانهم وعنيكى معصوبة ياهلترى خاينة ولا زيى مغصوبة علمونا بالعصاية ورضعونا الخوف رضاعة علمونا فى المدارس يعنى ايه كلمة قيام علمونا نخاف من الناظر فيتمنع الكلام علمونا ازاى نخاف وازاى نكش بس نسيوا يعلمونا الاحترام فمتزعلوش لما ابقى مش باسمع كلامكم وماتزعلوش لما ابقى خارج عن النظام مستنى ايه من طفل ربوه بالزعاق غير المشاكل والخناق كل اللى بيقولك بحبك دول نفاق أنا لما قلت لك بحبك ....كان نفاق الحب يعنى اتين بيدوا مش ايد بتبنى وستميت تيت تيت يهدو الحب حالة الحب مش شعر وقوالة الحب يعنى براح فى قلب العاشقين للمعشوقين يعنى الغلابة يناموا فى الليل دفيانين الحب يعنى جواب لكل المسجونين هما ليه بقوا مسجونين يعنى أعيش علشان هدف .....علشان رسالة يعنى احس بقيمتى فيكى إنى مش عايش عوالة يعنى لما اعرق تكافئيى بعدالة الحب حالة الحب مش شعر وقوالة الحب حاجة ما تتوجدش فى وسط ناس بتجيب غداها من صناديق الزبالة بارت مراعينا والبئر قد جفَ والجوع يكوينا والصبر ما كّفى والقلب لا يهدا والجرح لا يشفى ولأننا طوع زنا لهم خفا جاءوا بموكبهم واشتغلت الزفة الدفة مظبوطة وأصلا مافيش دفة والكفة مش مايلة علشان مافيش كفة و جحا اللى جاى بالليل لساه بيتخفى شايف ديدان الغيط سارحة ومارحماشى من جبنه شاف الدود سابه وراح ماشى ولا اتكسف للناس ولا حس على طوله الناس عشمها كبير جريوا بيشكوله ضحك جحا ضحكة مواشى مادام بعيد عن طينى ... ماشى الدود قاعد لك يا جحا ولابد فى طينك بعد ما يمص فى دمانا مش حيحلاله الا طينك احنا اهلك احنا رجالتك أمانك إحنا وقت الشدة سندك إحنا زادك يا جحا احمى ولادك لو كنت عايز تحمى طينك سوف أرحل ربما يلقانى من ارجو لقاه هامشى ويا الشحاتين وابكى على حلمى اللى تاه بس مش هاشحت رغيف هاشحت وطن لله |
|
#9
22-01-2011, 12:47 AM
|
|||
|
|||
|
الاخ الاستاذ/ايمن نور
برجاء تغيير او حذف هذا البيت اللى كان من تحت ميت واللى كان من فوق كفيف لان به اهانة و ايحاءات مش كويسة و شكرا اللى كان من تحت ميت واللى كان من فوق كفيف
__________________
لا للفلول - لا للبلطجية - لا لقتلة الشهداء - لا للحزن الوثنى لا إله إلا أنت سبحانك إنى كنت من الظالمين أ/توفيق عزت عبدالعزيز
|
|
#10
22-01-2011, 01:03 AM
|
||||
|
||||
|
اقتباس:
بارك الله فيك أستاذى الفاضل ، بس الحقيقة لست أنا مؤلف هذه القصيدة حتى أحذف أو أضيف ، كما أننى لا أعرف ماذا تقصد بايحاءات ليست كويسة ، لأنه من المفترض أن هذه القصيدة تنتمى الى الشعر السياسى ، و بما أنك أستاذ فاضل فمن المؤكد أنك تتذوق الشعر و تعرف ماذا يقصد الشاعر من قصيدته ، بارك الله فيك وشكرا على مرورك الكريم
|
|
#11
22-01-2011, 03:21 AM
|
|||
|
|||
|
على بلاطه ومن ع المصطبه شفت ناس كتيييييييير مستغربه ليه الإنسان ده بيحب البلد دى وبيته مافيه حتى ميه ولا كهربه أكيد مجنون وجنانه مرض ولازم نعزله عن النخب والكوكبه رديت لأن افكارى محليه وكمان مصريه ميه فى الميه لامستورده ولامتهربه وعنيه بتقول قبل لسانى وأعصابى حديد وعمرها ماكانت يوم متعصبه لابرادعى خالى ولاحسنى عمى ولا كل النخب جابوا لى يوم حتى مرتبه بحبك يابلدى لأنك دايما كلك خير و بطمى نيل البركة مطينه ومتروبه اشرح هذا البيت؟ ---------------------------------------- بحبك يابلدى ومرضك لذ يد ومن نسى أصله تاه فى غربته وضاع بحبك يابلدى وأنا إيه ذنبى فى اللى نسى تاريخك وخـلاص باع ونظارته السوده صبحت موضه والفتنه عنده ابتكار وكييف وإبداع بحبك يابلدى وزى ملايين لاعمرهم انخدعوا ببهرجة ولايقدروا ع الوداع بحبك يابلدى وربنا ينتقم م اللى نهبك وم اللى عملوا لنا صـداع والكرسى حلم لدول ودول واحنا فى النص كوره ولعبه وفرش متـاع بحبك يابلدى علشان بلدى ومهدى ولحدى وفرحى وحزنى وكل الأوجاع بحبك يابلدى من ساسى لراسى وهكتب اسمك بالحبل الشوكى والنخاع بحبك يابلدى والفقر ونيسى وكمان حليفى وعمر الكريم مافى يوم جاع والحمد لله ---------------------------------------------- بحبك يابلدى رغم انف الحاقدين- واللى فى خيرك مرفهين ومنعمين- وزى القطط ناكــرين
بحبك يابلدى وفى كتاب الله مذكوره ادخلوها بسلام أمنين( هل هذه شعارات يامسلمين ؟!!!) بحبك يابلدى وحبك للقلوب الصافية نبض ورنين -وشوية أنين (وشوية شعارات كويسين!!) نحب البلد تبقى شعارات !!نسبها ونلعنها يبقى هو الواقع اللعين(فى شرع مين يا مؤمنين؟ !!) وبكدا راضين وبكدا راضين ومفيش أجمل من كدا فى الدنيا و الحمد لله رب العالمين وشكرا بس للمتفائلين ولا شكر للى بفكرهم مثعلبين ولبث اليأس فى نفوسنا مندسين ومصمصمين ------وربناالمنجى والمعين
__________________
الحمد لله |
|
#12
22-01-2011, 06:46 AM
|
|||
|
|||
|
أنا عمرى ما أتأمرت ولا حطيت شروطى
ومكان ما ترسى مركبك بابنى شطوطى أنا كنت جيشك لما مماليلك باعوكى وكنت يوسف لما عشتى سنين عجاف وضلوعى دى اللى فى معركة قادش حموكى وشفايفى دى اللى ما بطلتش فى يوم هتاف دة انا كل شبر فى أرضك اتمرمغت فيه وكل يوم عشتيه أنا اتغذبت بيه
__________________
|
|
#14
24-01-2011, 06:34 PM
|
|||
|
|||
|
اسئله مشروعه تريد اجابة
لماذا تم تقديم موعد احتفالات الشرطة لتكون قبل الاحتجاجات لماذا تم الاعلان عن مرتكبى التفجيرات بهذه الطريفة وكانه فيلم هندى وكانهم يريدون فقط فرقعة اعلامية لالهاء الشعب لماذا لم تقم جهات التحقيق هى بالاعلان وبالادله لماذا يتم وضع قضية التفجيرات الان هى قضية الساعة وشغل الناس بها لماذا يتم اعادة استخدام قضية اتحد الناس عليها لاستغلال مشاعر الناس لاعتقادهم ان ذلك يساعدهم فى غلق موضوع تونس لماذا يظنون ان هذا الشعب بهذه السذاجة التى جعلتهم يتلاعبون به لذا اقول ليس القضية هى حدوث او عدم حدث الاحتجاجات التى يعملون بكل الحركات التافهه على منعها ولكن القضية هى انه اذا قدر الله فانه سينفذ وسيبطل مكرهم والدليل انه قبل تونس كان الشعب يحارب التوريث واصبح الوضع الان ان الرئيس يحارب ليبقى وذلك بدون تدخل احد |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 09:34 PM.
