معلِّمة تجبر 3 طالبات على خلع ملابسهن داخل مدرسة بأكتوبر

[احمد هشام مجدى]

عندك حق والله

[محمد احمدعطية]

متوصلش للدرجة ديه بدل من هذا الاسلوب العنيف كان يجب توجيه النصح وليس خلع الملابس

[mr salah Osman]

يجب ألا نُصدر الأحكام على الأستاذه المدرّسة قبل أن نعرف التفاصيل لأنه ليس من المنطقي أن تأمر هذه الأستاذه الطالبات بخلع ملابس بصورة فاضحة .. ربما تكون ملابس فوق ملابس المدرسة ومخالفة للزي المدرسي
وإن كان الأمر غير ذلك ... فهو مؤشر خطير يستدعي الردع .

[احمد هشام مجدى]

المشاركة الأصلية كتبت بواسطة mr salah osman

يجب ألا نُصدر الأحكام على الأستاذه المدرّسة قبل أن نعرف التفاصيل لأنه ليس من المنطقي أن تأمر هذه الأستاذه الطالبات بخلع ملابس بصورة فاضحة .. ربما تكون ملابس فوق ملابس المدرسة ومخالفة للزي المدرسي
وإن كان الأمر غير ذلك ... فهو مؤشر خطير يستدعي الردع .

حضرتك ده مش ثانوى ولا اعدادى ده ابتدائى لو تقرأ حضرتك الخبر كويس

[هانى كامل3]

المشاركة الأصلية كتبت بواسطة احمد هشام مجدى

كشف المحضر رقم 7243 بمركز شرطة كرداسة، التابع لمديرية أمن 6 أكتوبر، عن قيام معلِّمة بمدرسة "ناهيا الابتدائية المشتركة"، تُدعَى ميرفت أ.م، بإجبار 3 طالبات على خلع ملابسهن أمام بقية الطلاب داخل الفصل.

وأفادت المعلومات الأوَّلية التى تضمنها المحضر حول الواقعة بأن المعلِّمة اعترفت بما قامت به وبررت ذلك برغبتها فى معاقبة الطالبات الثلاثة لأنهن تواجدن داخل المدرسة بـ"زى مخالف"، وأضافت أنها أجبرتهن على نزع "البنطلونات" عقاباً لهن على عدم ارتدائهن الزى "الموحد"، فيما قامت مديرة المدرسة، عقب علمها بالأمر، بإرسال ملابس الطالبات إلى أولياء أمورهن!

كما أشارت المعلومات إلى أن الجهة الإدارية أمرت بنقل المعلِّمة ومديرة المدرسة من "ناهيا الابتدائية المشتركة" إلى "أبو رواش الابتدائية المشتركة" لحين انتهاء التحقيقات فى نيابة كرداسة.

لا بد من التحقق من صحه الخبر

[mabed]

ياجماعه انتو ناسيين ان المعلم ده انسان ده لو اب في البيت عنده 3 اولاد بيزهق من نفسه فما بالكم بمدرسه بها من 500 الي 1000 طالب وطالبه وبها اعضاء هيئه تدريس 50 معلم يبقي كل معلم تحت سيطرته من 10 الي 20 طالب وطالبه ازاي حيسكتوا ويسكتهم
شكرا

[توفيق رفعت عجيز]

كلام كتير كتب تعليقاً علي الامر فلا ننسي ان الاعلام يقوم بتضخيم اي ثغرة خصوصا في التربية والتعليم ولكن للاخت المدرسة يجب عليها انها تترك الامر للاخصائي والمديرة فليس للمعلم علاقة بمظهر التلاميذ بل الامر متروك للاخصائي والمدير واكيد هناك طابور قبل بدء اليوم الدراسي فاين المتابعة؟

[chimomohamed]

تفتكروا المدرسة حتعمل كده بدون مقدمات
وحتكون سابتهم عرايا
ولا الموضوع تضخيم وتحامل على المدرسين

[أ/رضا عطيه]

أخبار بلا دلائل للتسالى والاستمتاع بإهانة المدرس


أيعقل هذا وكل صغيره وكبيرة صارت تنشر فى الفضائيات والصحف بسرعة البرق !!!!!!!!

شكرا

[abdelrahim666]

السلام عليكم
الخبر ده كان يوم 28/12 والنهارده 22/1 واعتقد يعني التحقيقات اكيد وصلت لشيئ او الحقيقة اتكشفت ولكن للاسف الاخ اللي نزل الخبر لم يذكر شيئ عنه وعما توصلو الية
وطبعا زي الصحافة والاعلام عندنا ما هي متعودة في ثواني تهيج الدنيا بسبب شيئ صغير (مقصدش الخبر الحالي لانها كبيرة ) ولما تظهر الحقيقة محدش يجيب سيرته تاني
واقسم بالله بالرغم من اني لم اري الواقع لكن انا متأكد انه مهما حدث لن يكون الامر كما صورة الخبر لاننا مهما قست قلوب البعض فان المعلمين قبل كل شي اباء وامهات ولن يصل الامر الي ما تم اشاعته بانها تركتهم عراه

[محمد اثير]

انا اقولكوا
المدرسة قالت للعيال اقلعوا هدومكوا يلا وسابت العيال عريانة قدام زملاتهم الولاد والبنات
والعيال كمان روحوا بيوتهم عريانين وبعد كده المدرسة افتكرت ان ليهم هدوم عندهم فرجعوها صح ؟؟؟

عيب اوى اوى اوى نفكر فى ان مدرس عاقل يعمل كده لأن الشكل الوحيد اللى ممكن اتخيله لو ده حصل ان المدرسة تكون هبلة لمؤاخذة

بلاش نحور ونكبر ونضخم فى الكلام عيب ياجماعة دى فى النهاية ام قبل متكون مدرسة


وعلى فكرة انا مدرس وحبيت اكلم بالاسلوب اللى كتير هيفهمه

وبالنسبة لانجيل جيرل انا مقدر انك تتعقدى من مدرس خاصة اذا كان لسانه نجس معلش حظك وحش وسوء اختيار للمدرس
لكن ده لايعنى ان كل المدرسين كده اكيد فى كتير كويسين

وبالنسبة لهدفك ده ملوش دعوة بالمدرس ابدا هدفك لو متعرفيهوش كويس تبقى مشكلة عندك انتى وليس عند المعلم
والله المستعان