للمعلمين المتعاقدين والراغبين في السفر للخارج(عبدالرحيم رجب - اسمو العروس )

[ABDOURAGAB]

الف شكر يا جارة الوداي على مرورك الكريم وكلامك السليم ووحشتني تعليقاتك الجميلة

[عمر مصطفى احمد]

والله كلامك مظبوط ومنطقى 100% يا استاذ ابو رجب
وانا متفق معاك فيه 1000% فعلا لو اى حد سافر قبل ميتثبت هيندم
يا جماعة نتثبت وبعدين نعمل حفظ وظيفة ونعمل اللى عايزينه بعد كده

[m.medhat ramadan]

أشكرك اخي الفاضل علي هذه النصائح الجميلة ولكن لى سؤال أرجو من حضرتك افادتني به هل هناك فرص لمدرسي اللغة الفرنسية فى الكويت وهل الفرص دي متوافرة فى المدارس الخاصة فقط أم فى التربية أيضاً وجزاكم الله خيرا

[منار على]

طيب لو حد لقى وظيفه فى مدرسه حكوميه مش خاص والسكن عليهم وهنا بياخد 350 جنيه بيصرف نصهم مواصلات والباقى يادوب بيكفوا مصاريفه الشخصيه بالعافيه ومش بيدى دروس ولا حاجه يبقى يسيب البلد دى ويشوف مصلحته ولا لا
خاصه ان من الواضح اننا هنستنى كتير جدا على مانتثبت

كمان يوم مانتثبت هناخد كام يعنى ؟؟؟؟؟؟؟؟؟؟؟؟؟؟

[ABDOURAGAB]

اولا بالنسبة لموضوع اللغة الفرنسية هنا للأسف الشديد مطلوبة باعداد تكاد تكون معدومة مشكلة كبيرة هذا التخصص
أما بالنسبة للاخت منار على اللي بتقول فيه فرصة في التربية هنا لمدرس متعاقد طبعا الافضل هنا ولكن تاكدي من المعلومة لان هنا لابد من شرط الخبرة للتربويين 3 سنوات وغير التربويين 5 سنوات ويعفى من الخبرة مدرسي الموسيقي والتربية الفنية على حد معلوماتي وجزاكم الله خيرا على مرروركم

[جارةالوادى]

المشاركة الأصلية كتبت بواسطة abdouragab

الف شكر يا جارة الوداي على مرورك الكريم وكلامك السليم ووحشتني تعليقاتك الجميلة

الله يخليك يااستاذ عبدة كلك زوق وبينى وبينك كدة لو لقيت لى عقد بس انا عايزة عقد جواز عندك ابقى قولى وتشكر مقدما ههههههههه

[منار على]

اوك شكرا ليك ردك رفعلى معنوياتى لان كل لما كنت اقول لحد يقولى لما تتثبتى وبقالى 4 سنين ومش باينلها حاجه وبصراحه كنت اتمنى يبقالى شغل ثابت هنا لكن للاسف من الواضح ان مفيش نصيب

[رائحه الورد]

المشاركة الأصلية كتبت بواسطة جارةالوادى

الله يخليك يااستاذ عبدة كلك زوق وبينى وبينك كدة لو لقيت لى عقد بس انا عايزة عقد جواز عندك ابقى قولى وتشكر مقدما ههههههههه

واضح بجد ان دمك خفيف وزى العسل يا جاره الوادى ربنا يكرمك بانسان محترم وعلى خلق يتق الله فيك وتفرحينا قريب بخطوبتك

[محمد ابوصلاح]

ربنا يوفقك يارب وتقبل في التربية ومتشكرين علي النصيحة الغالية دي

[ABDOURAGAB]

المشاركة الأصلية كتبت بواسطة جارةالوادى

الله يخليك يااستاذ عبدة كلك زوق وبينى وبينك كدة لو لقيت لى عقد بس انا عايزة عقد جواز عندك ابقى قولى وتشكر مقدما ههههههههه

هو حد يطول انسانة مثقفة زيك بس باذن الله بعدما تتثبتوا والله لو فيه فرصة تعاقد هنا ان شاء الله انا موجود بس نصيحة التثبيت اولا وانا كفاية بتعرف لى ناس محترمة زي حضراتكم ومثقفين اكيد وربنا يارب يكرمكم والفرجقريب والتثبيت قادم

[منار على]

على فكره انا لسه مقدمتش فعليا بس انا بجهز ورقى عشان ابعته لواحد قريبى فى الكويت وطلعت شهاده خبره ب3 سنين

فياريت تقولى ايه الاوراق المطلوبه للتقديم عشان ابعتهاله

وايه الشروط اللى بيطلبوها فى المسابقات اللى بتنزل فى التربيه

لانى سمعت من اتنين اصحابى ان المسابقات فى الكويت بتنزل على شهر 2 او 3

[ABDOURAGAB]

الاوارق لو هتقدمي من مصر
الشهادة الدراسية
شهادة الخبرة
شهادة الليسانس او البكالوريوس اللي موجود فيها التقدير والدرجات
الاي سي دي ال
سيرة ذاتية
لو تربوي 3 سنين خبرة غير تربوي 5 سنين

[منار على]

ولو هقدم من الكويت

يبقى نفس الورق

وهقدم الاصول ولا صور

وياريت حضرتك تقولى السيره الذاتيه تبقى ازاى

[ABDOURAGAB]

الاخت منار عشان تقدمي من هنا (الكويت) لازم تكوني موجودة داخل الكويت اسمه تعيين الوافدين يعني لازم تكوني داحل البلاد اما من مصر اسمه تعيين التعاقد الخارجي وده المفروض انه الماح ليكي في الوقت الراهن شكرا لمرورك

[منار على]

يعنى مينفعش حد قريبى يقدملى عايش فى الكويت
وان كان فيه مقابله اسافر اعملها