منحه الامام الاكبر لعيد الفطر المبارك

[Observer]

المشاركة الأصلية كتبت بواسطة teacher120

كلنا بندعيله يبو فوزى ان ربنا يوفقه لما فيه صلاح الازهر وخدمه الاسلام والمسلمين

عاوزينك تروحله قريته لما ييجى وتحاول توصله موضوع الخصم من مرتبنا بدون سبب

ربنا يوفقه لما فيه خير الاسلام والمسلمين
والله الواحد نفسيته ارتاحت من يوم ماتولى المشيخة
واتمنى اقدر اوصله تحت اى ظرف من الظروف
وساعتها هيبقى فى كلام كبيييييير

[دوري المظاليم]

[وليد غربية]

المشاركة الأصلية كتبت بواسطة جارةالوادى

ايوة ياعم منحة فى رمضان ومنحة للعيد ولاعزاء للتربية والتعليم نتفرج وخلاص اللهم لاحسد وبتبصو لنا فى شوية الملاليم الزيادة عالمرتب وبكرة برضو تاخدوهم جبابرة معلش بقى شوية حقد عالماشى كدة صراحة كل يوم اكتشف ان قرارى بالتعاقد فى التربية والتعليم وان سيبت فرصة التعاقد فى الازهر دى اكبر غلطة خصوصا انى ازهرية اصلا بس ماشاء الله عليكم مزايا كتير
عموما ماشاء الله لاقوة الابالله ربنا يزيدكم والف الف مبروك تصرفوهم فى الهنا ان شاء الله

جارة الوادى حندل على السلامه أيوى كدة متحرمناش من مشاركتك

[tahataha40]

الخبر تمام وتم التاكد منه فى منطقة اسوان بس الاداريين معملوش اى كشوفات لسه

[بيبونينو]

الخبر صحيح فعلا . المنشور وصل منطقة سوهاج الازهرية و تم ارساله الى المعاهد و جارى تحرير المنحة . و سوف تصرف قبل العيد باذن الله . و ربنا يبارك لنا فى شيخ الازهر و يبعد عننا عيون متعاقدى التربيه و التعليم

[m.a.h.2050]

ا/وليد غربية تقصد حمد لله ع السلامة ومتحرمناش من انفعالاتك وحماسك الشديد

[khaled_A]

والله يا اخواني احنا لم نقبض العشرة ايام الباقية من المكافئة ولا منحة رمضان حتي الان
لنا الله و نسأله العفو و العافية آميييين

[abdoallahm]

شكرا لهذا الخبر الجميل والله يبارك لنا فى شيخ الازهر

[داليا مصطفى ابراهيم]

جزاك الله كل خير


وربنا يوفقك شيخ الازهر لما هو خير

[soher.t.m]

يا وزير النعليم احنا كمان فى التربية والتعليم صائمين فى رمضان وعاوزين نشترى لبس العيد مش بس الازهرين.....لو حتة طبق كحك وبسكويت هانكون راضين ...اهو نقول منحة من التربية والتعليم

[جارةالوادى]

المشاركة الأصلية كتبت بواسطة وليد غربية

جارة الوادى حندل على السلامه أيوى كدة متحرمناش من مشاركتك

الله يسلمك يااستاذ وليد وبعدين ايه حكاية الازهر يعنى كله منح اللهم لاحسد يعنى احنا كدة اللى المفروض ننادى بالمساواة هو العيد عندكم انتو بس ولاايه

[hollowman 19]

ماشى يا سيدى محدش أدكم والف مبروك للجميع

[بحرصافي]

الله يبارك في الجميع وعقبال التربية والتعليم

[السيد خليل القط]

لقد قرر السيد وزير التربية والتعليم تأخير مرتب شهر 8 الى ما بعد العيد في معظم الادارات حتى لا يتم صرفه في العيد ونظل بقية الشهر مفلسين.

[مدرسة الانجلش]

مبرووووووووك ليكم وعقبالنا جميعا