بهــــــــــــــــدوء .... الحقيقة كاملة إن شاء الله

[msrahmedseef]

الى الاخ الكريم كاتب المقال انت بتتكلم بلسان الحكومة اللى ما شوفناش منها مصداقية فى اى كلام يعنى جابو لنا الحيط وقالولنا اطلع على الحيط طلعنا وعملنا اللى ما يتعملش معلش فى الكلام دخلونا امتحان كادر المعلمين لية اية السبب علشان يتأكدو ان احنا تربويين امال ال 4 سنين اللى اتهرسنا فيهم فى كلية تربية دول بتوع ايه وهايقرنو امتحان الكادر المزعوم بتاعهم بامتحان مادة واحدة فى الكلية طيب ال icdl على العين وعلى الراس ما شى على اعتبار انها مهمة طيب بيختبرنى فى مهاراتى التربوية فكرنى بنكتة انت اسمك ايه ياعم اسماعيل وبعدين التثبيت متأخر لية ما احنا خلصنا كل حاجة من 9 شهور فاتوا وبعدين القانون بتاعهم بينص على التعين على درجة معلم بعد اجتياز الكادر طيب القانون ما اتنفذش لية لحد الوقت وبعدين لو حسبناها على معادلة يوم الحكومة بسنة يبقى احنا خسرانين لو انتظرنا ومعملناش الوقفة لابد من عمل الوقفة ولو هايتم حبسنا او اعتقالنا احد الحكماء قال له عمه تهاون ياابن اخى مع السلطان قال له والله يا عم ان السجن مثل بيتى وبيتى مثل السجن والحكومة بتحولنا الوقتى الى وجهة مظلمة ان الفرد من الشعب ما يخافش من السجن ولا التعذيب لانه بره السجن متعذب برضة ويمكن عذاب السجن ارحم من العذاب اللى براه

[mratwa7]

لو تلاحظوا يا جماعه ان نقابة المعلمين المستقله كان لها دور مع اخونا فى الشرقيه
عن طريق زميل قدرت اوصل لمدير موقع النقابه المستقله على الفيس بوك و احد المؤسسين ليها وظهرعدة مرات على شاشات التليفزيون و كلمته عن الوقفه الاحتجاجيه يوم 15 - 8 و ابدى استعداده بتقديم دعم و مساعده غير مشروطه و قال انه مستعد يساعد فى تنسيق الوقفه هو و زملائه و توفير اكبر تغطيه اعلاميه من خلال علاقة النقابه الجديده بالاعلام
و النقابه ذى ما فهمت منه ليها ناس و اعضاء فى جميع انحاء الجمهوريه هيرتبوا العمل بين المحافظات
و دية نمرة تليفونه 0142556747
و ممكن التواصل معاه من خلال
Misrteachers.com
و هو اسمه الاستاذ خالد وفاء ابو النصر
يا ريت الناس تكلمه و تشوف ممكن النقابه دى نستفيد منها ازاى فى وقفتنا و مننساش انهم ليهم محامين فى حالة رفع قواضى
لا قدر الله للحصول على حقوقنا لو لم تنجح الوقفه الاحتجاجيه

************************************************** *******

و قالى ممكن الناس تكلم الاستاذ ايمن البيلى على موقع النقابه على الفس بوك
و قال لو حتى عاوزين نعملكوا اليفط هنعملها لكم
اللهم بلغت اللهم فاشهد
لقد عرضت على حضراتكم وسيله فعاله لتنظيم الوقفه الاحتجاجيه - دعم النقابه المستقله بعدد اعضائها الذى يقارب 40 الف مدرس و خبرتهم السابقه فى تنظيم وقفات احتجاجيه - انا شفت بعينى كروت ونمر تليفونات لصحفيين و قنوات المحور وغيرها
و الناس قالوا لو عاوزين ننظم لكم كل حاجه و ما يظهروش فى الصوره ماشى
وهم على وشك اصدار جريده خاصه بالنقابة ووعدونى ان المطالبه بتثبيت المتعاقدين هتكون فى الصفحه الاولى فى اول عدد
لحد دلوقتى ماشفتش تنسيق واضح من حد - الوقت بيسرقنا
و كل واحد يقف مع نفسه وقفه و يراجع حساباته!!!!!!!!!

[MUSTAFAEGYPT]

المشاركة الأصلية كتبت بواسطة جارةالوادى

وطبعا ده يدل على شىء واحد ان الوقفة من قبل ماتتعمل وهى مخوفاهم وقلقاهم اصل كلمة الحق بتقف فى الزور
عموما ده يحمسنا اكتر اننا نعملها مش نتراخى ونكسل نسمع كل يوم حاجة جديدة

اتمنى ان شاء الله اشوف حضرتك يوم الوقفه عشان نتحمى فيكى

[جارةالوادى]

المشاركة الأصلية كتبت بواسطة محمدطعيمة

الأخ الفاضل حضرتك شرفتنا
ولكنك تتكلم بلغة هادئة واثقة لم يعهدها المنتدي من قبل
فمن أين لك بتلك الثقة ؟
كذلك هل حضرتك معلم مساعد أم ماذا ؟
كذلك ما العلاقة بين تأخير التثبيت وفساد الأكاديمية والذي أحلتنا عليه في روز اليوسف
هل هو السبب في تأخير الإجراءات
نرجو ا الوضوح أكثر من فضلك حتي يستفيد الأعضاء من موضوعك هذا ويقتنعون بكلام حضرتك فلا يلجئون للوقفات والاحتجاجات والاعتصامات وما أشبه
ولن يتم كل هذا إلا وعندما يقتنعون وبالدليل العملي المقنع
فما الذي يضر الوزير في أن يخرج بتصريح صغير من سطر واحد ويقول فيه سيتم تثبيت الناس ولو حته بعد سنة مثلا
أما أن يترك الناس هكذا صدقني سيكونون حقلا خصبا للإشاعات ولكل ما يخشاه الجميع من وقفات واعتصامات .......... إلخ

اهو ده اللى انا بقول عليه يااستاذ محمد هو بس حد يعبرنا ويدينا ميعاد نهائى بس حد مسئول مش كلام موظفين ونشرات مضروبة وانا بقول ان الوقفة هتخليهم غصب عنهم يضطروا يردو علينا ونلفت انتباههم مرة من نفسنا نسمعهم مهتمين بمشاكلنا وعارفين ان احنا عارفين حقنا اللى فى القانون كويس ومش هنسيبه
وده رايى بلاش مسكنات وهيا حى على الكفاح وهلمو للوقفة 15/8

[ABDOURAGAB]

المشاركة الأصلية كتبت بواسطة mmeegypt

اتمنى ان شاء الله اشوف حضرتك يوم الوقفه عشان نتحمى فيكى

يلا جمعوا بعض بس انا مش فاهم هتكون في القاهرة ولا كل محافظة لوحدهل ولا ايه انتو مش مبينين

[Samar Essam]

أكيد لو مفيش داعي صحيح للوقفة زي ما بيقول صاحب الموضوع كان ظهر أي شيء
و أكيد لو فيه أسماء هتنزل 15/8 كان الوزير طلع بنفسه في التلفزيون و أعلن في أي برنامج من اللي بيستضيفوه عن التعيين و لو بدون أسماء لكن الدنيا كلها مقلوبة و ناس تطلع بكل هدوء و كأن شيئا لم يكن ...؟؟؟؟؟؟؟؟؟؟؟؟
مع شكر خاص للأستاذ محمد طعيمة لحماسه و رده عننا جميعا في أول الموضوع لأني حسيت ان مشرفي المنتدي من المنتدي و للمنتدي و أعضاؤه.

[dumyat]

يارب تكونوا صدقتم!!!!1 عموماً مليون مبروك.
وتوقعات بترقية "الدسوقى" مديراً للأكاديمية.. وإلغاء منصب "منيب"..

"التعليم" تطمئن المعلمين: استقالة "عابدين" لن تؤجل التعيينات

الثلاثاء، 17 أغسطس 2010 - 20:23


أحمد زكى بدر وزير التعليم
كتب حاتم سالم

أكد مصدر مسئول بوزارة التربية والتعليم بأن استقالة الدكتور محمود عابدين، مدير الأكاديمية المهنية للمعلمين المسئولة عن اختبارات الكادر، من منصبه لن تؤجل إجراءات تعيين المعلمين الناجحين فى اختبارات "المعلم المساعد" على درجاتهم الوظيفية الجديدة.

وكانت استقالة مدير الأكاديمية قد أثارت مخاوف بين الناجحين من إمكانية تأخر صدور قرارات تعيينهم لرحيل حلقة الوصل بينهم وبين الوزارة، وهو تخوف زاد منه تصريحات لـ "عابدين" نفسه أكد فيها أنه خاطب مسئولى "التعليم" والمحافظين قبل رحيله طالباً منهم الإسراع فى توفيق أوضاع المعلمين بعد استشعاره تعطلها.

غير أن المصدر أوضح، فى تصريحات لـ"اليوم السابع"، أن الناجحين فى الاختبارات، التى عقدتها أكاديمية المعلمين، سينتقلون لدرجة "معلم مساعد" بمجرد تقديم ما يفيد حصولهم على رخصة قيادة الحاسب الآلى، المعروفة باسم الـ "icdl"، لفروع الأكاديمية المهنية للمعلمين بالقاهرة والمحافظات، لافتاً إلى عدم وجود رابط بين تأخر تعيين الناجحين واستقالة د. محمود عابدين.

ومن جانب آخر توقعت مصادر مطلعة بـ"التعليم" أن يصدر قرار من "بدر" بتعيين الدكتور محمد إبراهيم الدسوقى، نائب مدير الأكاديمية المهنية للمعلمين وعضو مجلس إدارتها، كمدير لها بعد رحيل "عابدين"، فيما يفيد موظفو الأكاديمية بأن "نرمين الأسيوطى" تدير الشئون الإدارية بها لحين تسمية مدير جديد.

وفى قطاع التعليم الفنى، والذى يخلو من رئيس بعد استقالة الدكتور هانى منيب قبل أيام، تتوقع المصادر أن يلغى وزير التربية والتعليم هذا المنصب على أن يحيل صلاحياته لرئيس الإدارة المركزية للقطاع ويكتفى بمسئول واحد فقط عن "التعليم الفنى".

[الأمير باشا]

الأخ صاحب الموضوع هو السيد الوزير قربيك ؟

[صلاح العربي]

المشاركة الأصلية كتبت بواسطة hassan43

لماذا اخذنا صفر المونديال ؟
حد عارف ليه اخدنا صفر لما كنا عاوزين ننظم مونديال 2010
لأن السادة القائمين على ملف المونديال بدل ما يكلموا الناس اللى برا مصر اللى بتملك اصوات عشان تديها لمصر راحوا يعملوا ايه ؟
راحوا يكلموا الناس اللى هنا و الشعب و يحمسوهم و نسيوا ان اللى هيديهم الاصوات مش اللى فى مصر .. لا اللى برا مصر
و احنا هنا فى طلب تثبيتنا بنوقع فى نفس المطب بنكلم بعضينا و نشجع بعضينا
و ناسيين ان حقنا مع غيرنا .. فلازم نتوجه الى الجهات اللى تقدر تحللنا مشكلتنا مش نقعد نكلم بعض ..

وفاكرين مشكلة مباراة الجزائر و مصر .. ده نفس المطب وقعنا فيه تانى كمصريين الظاهر اننا مش بنتعلم من اللى بيحصلنا .. انتو عارفين طبعا اللى حصل فى مباراة الجزائر الشهيرة فى السودان ..

احنا بسلامتنا عملنا ايه .. قعدنا نشجب و ندين و نطالب بس كنا بنكلم نفسنا فى صحفنا احنا و العالم الخارجى لا يدرى شىء باللى حاصل ..
عارفين الجزائر عملت ايه .. راحت الى الصحف العالمية فى اوربا و اتكلمت و ظهرت كانها مجنى عليها و صاحبة حق .. ليه ؟ عشان اتكلموا مع من يملك السلطة .
اما احنا عشان ملناش صوت .. فبدينا اننا الجانى . و ليس لنا حق

ايها الزملاء : اذا رغبنا فى اخذ حقنا .. فلنبحث عن من معه حقنا و نطلبه منه .. اما و اننا نقعد نكلم بعض و نشجب و ندين و نطالب
فذلك معناه اننا لم نستوعب الدرس و لم نتعلم
ارجو ان الرسالة تكون وصلت ... و يا رب نتعلم الدرس

جزاكم الله خيرا

[احمد الكوامي]

الفتوي الفتوي من كل الجهات

[السفهاء من الناس]

شوكار خيو

ارضي بنس

[semary8]

مؤسسة الفساد قائمة ولا تنتهى

[mratwa7]

يا مسهل اوه حد يكره - ربنا يسهل
لكن المطالبه بحقنا لازم تستمر - و مفيش حد بينجح من اول مره - ان شاء الله بعد العيد لو مصدرش ما يثبت ما يقال عن اقتراب التثبيت هيكون فى كلام تانى و المره دى هتكون فيها شغل تانى خالص سواء داخل المنتديات او خارجها

[prof2007]

سمك ...........لبن.........تمر هندي

[Mr.AI]

يا رب أنعم علينا بالتثبيت و التعيين