كنت فى الاكاديمية اليوم 27/7

[momo44055]

يا جماعة الكل لازم نتحد ونكون ايد واحدة علشان شكل الحكومة حتلعب بينا

[جارةالوادى]

عملتى زيى انا برضو رحت اتاكد من بياناتى بس الساعة كانت قربت على 2 الضهر مطلعتش الحاسب لان قالو لى قفل والموظف اللى استلم منى قبل كدة شفته على السلم قالى روحى عند الاداريين وسالتها قالت لى عملناهم وهتسمو اخبار جديدة او حلوة مش فاكرة للامانة فى اول 8 بس انا وديت الافادة قبل كدة 3 مرات مرتين افادة وواحدة ريبورت وشهادة تامة من النت وقلت للموظف كدة النهاردة قالى احنا ملناش مصلحة نضيع ورقكم واكيد عملناه
انا بقول ياجماة نبطل قلق واهى كلها 3 او 4 ايام وتبان ونشوف حصل ايه وان شاء الله اللى ليه نصيب فى حاجة هياخدها توكلو لى الله

[AHMED TEACH]

كل تعاقد وانتوا طيبيين وعقبال عقد 3010 ان شاء الله
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!

[إيهاب النجار]

المشاركة الأصلية كتبت بواسطة اييمى

ذهبت الى الاكاديمية بفرع القاهرة لاتاكد ان اوراقى كاملة على الكمبيوتر طبعا سالت موظفة ردت باسلوب وحش جدا وقالت ان ده شغلهم وهما ادرى بيه وان يعنى ايه اتاكد من ورقى وان هما شايفين شغلهم صح ومحدش يراجع وراهم طبعا حاولت افهمها انى عايزة اطلع على بياناتى للاطمئنان لكن اسلوبها كان رخم ولما انا رخمت معاها ورديت باسلوب انى ممكن اشتكى بدا كلامها يتغير وتقول ان كل الموظفين فى اجازات مصايف وان مفيش غير موظف واحد بس بيستلم الورق
تحيلوا اكاديمية القاهرة موظف واحد بس
المهم سالتها ايه الى هيحصل بعد كده قالت انهم ولا يعرفوا حاجة خالص وان ممكن بعد العيد يبقى يبان اى حاجة لان دلوقتى وقت ملاحق الثانوية قربت والكل مشغول طبعا
وسالتها مين بيمد فى ميعاد استلام icdl قالت مدير الاكاديمية وقالتلها ان ده اخر ميعاد قالت لا ممكن يتمد تانى

وطبعا انا لسه راجعة ودمى محروق ومخنوقة لانى ما شفتش اوراقى كاملة والا لا والا حتى ايه هيحصل لينا

على العموم ربنا معانا

والله الموضوع ده كنت عايز اكتبه لأنه حصل معايا ومع اثنين من زملائى وحصل مشادات بينى وبين موظف الاكاديمية وكذلك زملائى حدث معهم ذلك الله معانا

[mak2007]

بجد يا جماعة لو هما مدوا ميعاد icdl يبقى فعلاً هما عاوزيين وقفة بجد بس مش 1000 ولكن الاربعين ألف كلهم ومش حنسكت بعد أول يوم فى شهر أغسطس

[مدرسة الانجلش]

وايه الجديد في كده
طول عمرنا بنتعامل وحش من اقل موظف

[عاصم حمزة]

والله الوحد مش عارف يعمل ايه مع موظفين الحكومة
وربنا يسهل إن شاء الله

[امجد7007]

كل موظف من موظفين الحكومه عايز يمشى وراه موظف من الرقابه الاداريه عشان يتلم ويعامل الناس باحترام

[العروبة2]

ما زال النيل يجري
ولا حياة لمن تنادي

[smsm_eslam15]

ده الطبيعى انتى زعلانه ليه
احنا فى عصر الديمقراطية

[ابراهيم سالم]

عارفه الست الاموجوده في القاهرة انسانة لاتطاق قبلتها انهارده برده ومفهمتش منها اي حاجة منها لله

[أ/شعبان]

احنا اللى عملنا فى نفسنا كدة
لازم نعمل وقفة إحتجاجية أمام المقر الرئيسى للوزارة
لأن البلد دى متجيش الا كدة

[mahmoud20002010]

ربنا يستر هو لسه فيها عيد

[mrkimoo]

الموضوع محتاج وقفة بعد شهر اغسطس

ونشوف العام الجديد هيبدأ ازاى من غير مدرسين

يمكن يستوردوا مدرسين من الصين

[hossam_azazi]

يجب على الاكاديمية ان تظهر الاوراق الخاصة بنا على النت يعنى الاوراق الكاملة تعلم صح والغير موجودة لا فيتأكد كل متعاقد من اوراقه بعيدا عن الموظفين لان احيانا عندهم حق لما كل شوية واحد يجي يقول ورينا كدا دا مش مبرر لان هما اللي خلقوا عدم الثقة دى وحسبى الله ونعم الوكيل فى البهدلة