طب ولا صيدلة

[king57]

طب اسنان هو الحل

[د.محمد شعبان]

انا رأيى الشخصى انك تدخل طب اسنان وهى جميلة جداااااااااااا وكمان دكتور زى البشرى مش صيدلى وكمان 5 سنين وبتتخرج متخصص مش محتاج تخصص ولا حاجة واجمل كلية فى الدنيا وحلمى انى ادخلها ان شاء الرحمن

[العمييد]

الطب يعنى علم و الصيدله يعنى فلوس
الطب يعنى احترام اكثر من الناس و دخل اقل
الصيدلى يعنى احترام اقل من الناس و دخل اكبر
الطب يعنى تعب متواصل .............
الصيدله تعب خفيف
الطبيب غير المشهور يساوى صفر
الصيدلى طريقه سالك
الطبيب ليه برستيج ووضع اجتماعى افضل من الصيدلى بس غالباً جيبه فاضى
هم قله من يجمعوا النجاح مع العلم مع الشهرة مع المال و انا لست منهم

[طالبة الجنة 2012]

المشاركة الأصلية كتبت بواسطة د.محمد شعبان

انا رأيى الشخصى انك تدخل طب اسنان وهى جميلة جداااااااااااا وكمان دكتور زى البشرى مش صيدلى وكمان 5 سنين وبتتخرج متخصص مش محتاج تخصص ولا حاجة واجمل كلية فى الدنيا وحلمى انى ادخلها ان شاء الرحمن

زى ما قولت كليه طب الاسنان جميله جدا بس مش عارفه ليه الطلبه بتهملها مع انها تعتبر من الطب البشرى وخمس سنين بس وتخصص من اول سنه جامعه
انا رايى انك تدخل طب اسنان والراى ليك فى الاخر

[Messii]

طب اسنان مستبعده شويه لانى بكره الاسنان ومش بحب المجال ده وبعدين هافضل طول اعنرى اخلع و اركب واحشى
مش بحب المجال ده وطالما مش بحبه مش هنجح فيه
هى الخيره بين طب بشرى و اسنان

[suzy m]

السلام عليكم احب ارد على موضوعك وهو انك تقوم تصلى ركعتين شكر اولا لربنا وبعدين استخير ربنا هل طب لو صيدله وشوف ميولك انت هل شايف نفسك دكتور ام صيدلى وسيب كله بعد اخيارك على ربنا ومتحسبهاش بالسنين لانك لو مش عاوز طب علشان اسبابه ممكن الواحد يتعطل برده لاسباب اخرى فتوكل على الله وانت الوحيد اللى تقدر على الاختيار لنفسك وليس الاخرين مع احترامى الشديد لكل كم اعطى مشورة او نصيحة تحياتى

[الدمعة الحزينة2]

المشاركة الأصلية كتبت بواسطة Messii

طيب ايه اللى خلككى تاخدى قرار انى تدخلى طب ومش تدخلى صيدله

انا لقيت موضوع السنين ممكن يعدى مافرقتش سنتين
وكمان الدكتور ليه مكانه وبرستيج حاجه حلوة يعنى
وكما ن الصيدلة ممكن مش تلاقى شركة ادويه تشتغل فيها فتلجا الى انك توقف فى صيدليه هى مش وحشة بس انت عارف الواحد ما يعدشى ده كله يتعلم عشان يرجع يوقف فى صيدليه مع احترامى لكل الصيادلة
وبعدين انا بالنسبة لى فى شويه كيميا فى صيدلة تعقد
ودراسه الطب اسهل من الصيدلة دة راى
وكمان فى حاجة عشان ما تشوفش واحد صاحبك كان جايب نفس مجموعك وهو فى طب وانت فى صيدلة وتحس انك اقل منه وتندم على مجموعك
انا طولت عليك
كفايه كدة
وربنا ان شاء الله يهديك الى ما يحبة ويرضاه وان شاء الله يكون فى خير ليك

[الدكتور سنايبر]

على الطالب نفسه أن يحدد إلى أين تذهب رغباته وميوله وإمكانياته وهو أدرى بذلك

وما هي أهدافه من دخوله هذه الكلية دون غيرها ؟

أعتقد إذا كان له هدف واضح

فلن يفكر في عدد السنوات أو مستوى الدراسة أو العمل

أيضاً لا يوجد ما يسمى كلية صعبة أو كلية سهلة على الإطلاق

كما أنه لن ينظر إلى الآخرين و يدخل كلية ما تقليداً لهم

والكلية تختلف عن الثانوية تماماً

فكثير من الطلاب حصلوا على أعلى معدلات في الثانوية

وتجدهم في الكلية يحصدون أقل التقديرات إن لم يكن راسبين في مواد ..

نقطة أخرى أستغرب من النظرة المستشرية حالياً إلى الكليات أو المهن الأخرى

وخصوصاً بين الطيبب والصيدلي لأننا بصدده الآن في الموضوع

كلاهما مكملان لبعضهما ، ولابد أن يعرف كلاهما قيمة غيره

والأرزاق بيد الله لا بيد البشر

لكن إذا كنا سنستمر في التفكير بهذه الطريقة فعلى الدنيا السلام

ولا أريد أن أطيل لأن لدي كلاماً كثيراً في هذا الأمر

[سها نور]

انا معاكي يا الدمعة الحزينة2 ودا الراي الصواب
وطبعا كل مدخلت الكليه الافضل كل مكان احسن

[dr/amera]

القرار الاول والأخير اكيد عندك انت

استعين بالله وصلى استخاره

وعمرك والله مهتندم على القرار

بلاش تسلم بوجهة نظر شخص معين

كمان وانت بتختار الكليه

حط فى اعتباراتك ان

الكليه مش هيا اللى بتعملك.... انت اللى بتعمل نفسك

زى مافى صيدلى فاشل فى صيدلى ناجح

وزى مافى طبيب فاشل فى طبيب ناجح

مش عيب ابدا انك تقضى سنين من عمرك حتى لو عشر سنين

فى انك تدرس طب .. بالعكس دى حاجه تشرفك

وبردو مش عيب ابدا انك تختار الطريق الاقصر ... اذ
كنت بتتعامل مع طول وقصر الطريق بسنوات الدراسه
الجامعيه

نصيحتى ليك لو هتتعامل مع صيدله كشهاده تسمحلك بإنك تفتح صيدليه وفلوس

بلاااش منهااا ... هتتحاسب على كده

انا مش عارفاك ولا عارفه ميولك ايه

بس عندى احساس انك ميال اكتر لطب

و عندك رهبه منه مش اكترر

توكل على الله وفكر كويس مفيش وقت