آى حد يعطينا أمل للتعين بيحصلة إيه............+تم أضافة خبر جديد آخر

[ايهاب بدر الدين]

لا حول ولا قوة لا بالله

[امجد7007]

ياجماعه انا قولتلكم ان كلام الراجل فى خبر ال 25 الف كأنه بيستنكر اللى بتعمله الوزاره فينا والراجل بيقولها صريحه انه مش معقول نستنى لغايه ما كله يقدم الاى سى دى ال عشان نتثبت مع بعض
يعنى الراجل خلص زمته وقال اللى يرضى ربنا قبل مايمشى وبعدين الراجل استقال لأن مدته خلاص تقريبا انتهت وهو عارف ان الوزاره مش هتجدد له بسبب موقفه اللى كان فى السر واخيرا قالها صريحه فى العلن
بس انا عن نفسى اشهد ان الراجل ده قمة فى الذوق والادب والاحترام ولو عاوزين الدليل شوفوا مراسلات الراجل لمديرى الاكاديميات فى محافظات مصر وحسبى الله ونعم الوكيل لما نشوف شهر 8 هيحصل ايه
(لك الله يا مصـــــــــــــــــــــــــــــر)

[إيهاب النجار]

نفول صبراَ حتى يتبين لنا الأمر وما سيحدث معنا وبعدها نحكم ونقرر ما سنفعله معا

[المليح]

حسبي الله ونعم الوكيل كدة الوقفة واجبه و مفروض علشان الوزير ده يصح من النوم و يعرف ان العقد خلاص علي وشك انه يخلص

[البرئ0]

اعتقد ان الاستقالة دية عشان التصريحات التى اصدرها وبكدة الامل فى التثبيت بقى ضئيل جدا

[teacher120]

مع الف سلامه عمل لنا ايه خلاص يعنى بقا حبيبنا اوى الوقتى

دا امتداد ليسرى الجمل وصديقه احنا كنا المفروض نتعين من سنه واكتر دا الى معطلنا ومزهقنا مع السلامه ويارب ييجى مكانه واحد بيفهم
وكده كده هنتعين ان شاء الله دا قانون وهيتنفذ بس هو حب يطلع حلو فراح مصرح بكلمتين

[hishamhassan]

حسبي الله ونعم الوكيل

[vip_ame]

دكتور محمود عابدين من الشخصيات المحترمة جدا جدا والفاهمة

واللى بياخد باراء الناس اللى حوالية

الراجل ده كان عميد كلية التربية فى الاسماعيلية وكان بيدرسلنا قبلها اصول التربية فى سنة اولى

راجل قمة فى الادب والاحترام

وكان ليا معاه اكتر من موقف ظهر فيها انه بيفهم وبيقدر كلام المنطق كويس

ربنا يخلف مكانة الاصلح ان شاء الله

او يرجع عن الاستقالة واحمد نظيف يجددله

[امجد7007]

المشاركة الأصلية كتبت بواسطة teacher120

مع الف سلامه عمل لنا ايه خلاص يعنى بقا حبيبنا اوى الوقتى

دا امتداد ليسرى الجمل وصديقه احنا كنا المفروض نتعين من سنه واكتر دا الى معطلنا ومزهقنا مع السلامه ويارب ييجى مكانه واحد بيفهم
وكده كده هنتعين ان شاء الله دا قانون وهيتنفذ بس هو حب يطلع حلو فراح مصرح بكلمتين

صدقتى لو يسرى الجمل موجود لغايه دلوقتى كان زمانا متعينين من زمان
انت مش عرفت ان ذكى بدر موقف قرار التعيين من شهر 4 وهو موجود عند سيادته فى درج المكتب مستنى بسلامته الاى سى دى ال

[mo1112]

يا رب سترك

[صلاح العربي]

المشاركة الأصلية كتبت بواسطة البرئ0

اعتقد ان الاستقالة دية عشان التصريحات التى اصدرها وبكدة الامل فى التثبيت بقى ضئيل جدا

الأخوه الافاضل .... نفس اللي حصل مع تصريحات الوزير السابق يسري الجمل لجريدة الجمهوريه قبل اقالته بيومين لما صرح بتعيين حكومي لجميع المتعاقدين وطبعا عارفين ايه اللي حصل بعد كده ......

انا اعتقد ايضا ان الاستقاله دي علشان التصريحات الاخيره ليه لانه ليس له الحق في اصدار مثل هذه القرارات فالقرار يرجع في الاول والاخر الي الوزاره والمحافظات ... وياعالم هو اللي قدم الاستقاله ولا اجبـــــــــــــــــــر عليها

[داليا مصطفى ابراهيم]

لو بسبب التصريحات يبقى اكيد اجبر عليها

[AlaaElden]

استقالة مدير الاكاديمية المهنية للمعلمين

فى سلسلة الاستقالات التى تشهدها وزارة التربية والتعليم تقدم امس الدكتور محمود عابدين مدير الاكاديمية المهنية للمعلمين باستقالته من منصبه وارسل مذكرة بالاستقالة للدكتور /أحمد ذكى بدر وزير التربية والتعليم تمهيدا لرفعها الى الدكتور /أحمد نظيف رئيس الوزراء ويذكر أن مدة بقاء الدكتور/محمود عابدين فى المنصب تنتهى 11 اغسطس المقبل وقد بدأ ذكى بدر فى أجراء مقابلات مع بعض اساتذة الجامعات لتولى هذا المنصب ولم يقع الاختيار حتى الان على آى منهم



ياريت نقرا الخبر بالكامل

[AlaaElden]

ولو انتو زى ما بتقولوا ان الوزير اقاله عشان تصريحاته طيب لية مش اقال الدكتور عادل شكري مساعد وزير التربية والتعليم بسبب تصريحاته فى التعيين وكمان هو اللى بدا بالتصريحات التعيين





تعيين‏40‏ ألف معلم خلال أيام
مصدر مسئول‏:‏ قرار التعيين مجمد منذ أبريل الماضي دون إبداء الأسبابكتب ـ سيد مصطفي‏:‏
أكد الدكتور عادل شكري مساعد وزير التربية والتعليم أنه لم يجمد الوزير قرار ترقية‏72‏ ألف معلم مساعد إلي معلم‏,‏ وهو القرار الذي كان من المفترض صدوره منذ أبريل الماضي‏,‏ وأشار إلي أن المشكلة كانت في وجود بعض الأوراق الناقصة الجاري استكمالها‏,‏ حسب رغبة الدكتور أحمد زكي بدر لتحقيق العدالة بين جميع المتقدمين‏.‏
وصرح شكري بأنه سيتم تعيين الدفعة الأولي من هؤلاء المعلمين المساعدين وتضم‏40‏ ألفا في أغسطس المقبل‏,‏ حيث تم إنهاء جميع الإجراءات مع وزارة المالية والجهاز المركزي للتنظيم والإدارة لتوفير الدرجات المالية لكل من تنطبق عليهم الشروط‏,‏ موضحا أن الفرصة متاحة لجميع المعلمين المساعدين البالغ عددهم‏72‏ ألفا للتعيين بشرط توافر الشروط واجتياز كل الدورات المطلوبة قبل الموعد المحدد‏.‏
وكان أكثر من‏70‏ ألف معلم مساعد قد انتهت المدة القانونية للتعاقد معهم لمدة عامين في ديسمبر‏2009,‏ وقام الدكتور يسري الجمل وزير التربية والتعليم السابق بالمد لهم لمدة عام ينتهي في ديسمبر‏2010‏ حتي يتسني لهم الانتهاء من اجراءات الترقية إلي معلم عامل والحصول علي الدورات المطلوبة في الكمبيوتر واللغات حسب شرط القانون رقم‏155‏ لسنة‏2007‏ الخاص بكادر المعلمين‏.‏
وصرح مصدر مسئول بالوزارة بأن‏40‏ ألفا فقط من الـ‏70‏ ألف معلم مساعد حصلوا علي شهادات‏(‏ آي سي دي إل‏)‏ ودورات اللغة الإنجليزية وأنهوا جميع اجراءات الترقية‏,‏ ورغم وجود قرار ترقيتهم في مكتب الوزير منذ أبريل الماضي‏,‏ فإنه لم يوقع عليه دون إبداء للأسباب‏,‏ مؤكدا أن القانون‏155‏ لم ينص علي حصول المعلم المساعد علي الرخصة الدولية لقيادة الكمبيوتر أو اللغة الإنجليزية‏,‏ ولكن ذلك شمله القرار الوزاري واللائحة التنفيذية للقانون لضمان المستوي العلمي والمهني للمعلم لإيجاد جيل جديد يتعامل مع التكنولوجيا الحديثة‏.‏

[داليا مصطفى ابراهيم]

اهى الحكومه كلها استقالت ويبقى بدر الدين وبطرس غالى