تيجو نفتكر؟

[مسلمة متفائلة]

المشاركة الأصلية كتبت بواسطة أ/رضا عطيه

اتكلم افتكر الحاجات الحلوه وبلاش حكايات الضرب والذى منه

مين هيقول

الفكرة جميلة اوى و لسه شيفاها دلوقتى
و القصص اللى اتقالت دى اجمل

هقول انا بقى::
كنت مرة فى الفصل فى KG2
المهم كنا بناخد حصة عربى تقريبا (( مش فاكرة بالظبط))
و احنا كنا بناخد الحصة دى
كان فى حاجة فى الدرس الفصل كله ماعرفهاش
راحت الاستاذة مقومة كل الفصل
قالت لنا :: قيام ::
و راحت موقفانا شوية كدا
و بعدين خلت الفصل كله يقعد الا انا
خلتنى اقف شوية
بعد ما قعدت الفصل كله
و آخر ما زهقت رحت زعقت للاستاذة دى
و حصلت حاجات بلاش اقولها
(( بجد و الله مش عارفة ايه اللى انا عملته ساعتها و ازاى عملت كدا .....كنت صغيرة بقى بس دلوقتى انا مش كدا ربنا هدانى الحمد لله....))

و بعد ما زعقت لها رحت اخدت الشنطة ومشيت من الفصل
روحت البيت و قلت بابا
راح بيّا للاستاذة دى
و خلانى اتأسف لها
و خلاها هى كمان تقولى معلش علشان و قفتنى من غير ذنب
و كان بابا جايب "" استيكر""
يعنى حاجات كدا بنلصقها فى الكراسات بتاعت الاطفال
و كان جايب واحدة فيها رسومات على شكل "" كلب ""
فقال لى اختارى استيكر من دول و اعتذرى للاستاذة
روحت اديتها
بتاع الكلب
ههههه
بس بجد كنت زعلانة منها
يلا بقى ربنا يسامحها و يسامحنى
بس بجد انا بحبها
بس هو ده الموقف اللى انا فكراه و معلق معايا اوى
و عمرى ما هنساااااااااه
و اتعلمت منه انى ما تسرعش على طوووووووووول
يمكن هى وقفتنى علشان سبب و انا مش فاكرة

و شكرااااااااااااا عل الفكرة الجميلة جدا

[عاشقة الطفولة]

والله الموضوع في قمة الروعة

وانا اكتر واحدة كنت بحب ايام طفولتي والدليل داخلة باسم عاشقة الطفولة

ولو ها حكي على المواقف موش ها خلص

ومعاكم يومين تاني عشان احكي فبلاش

وفعلا والله الموضوع رائع جداااااااااااااااااااااااااااااااااااااااااااااااا اااااااااااا

[samar saad]

والله بجد انا بشكر حضرتك على الموضوع الرائع ده بس انا الحقيقة كنت بحب مدرستى كلها بكل ما فيها لانها كانت خاصة كان اسمها ابن الخطاب الخاصة لو حد يعرفها عشت فيها من روضة لحد تالتة اعدادى لاسف من بعدها حاسه انى مش فاهمه حاجه فى التعليم وكرهت كل المدارس كنت بحس انها اسرتى وبيتى التانى واصحابى كانوا معايا من وانا عندى 5 سنين لحد 15 سنة وبجد بجد نفسى الايام دى ترجع تانى انا بجد حزينة من يوم مادخلت الثانوى لا لقيه مدرسين اعاملهم زى اخواتى الكبار ولا اصحاب انا لحد دلوقتى اصحابى اللى معايا من صغرى وبس اما الباقى فازيك الله يسلمك وبس

[بارا طولوين]

انا افتكر ان كان عندنا ف الإبتدائيه مدرسه دين

صعبه اوي

وكانت بتكره الفصل بتاعنا

لإننا كانت اول ما الحصه الىي قبل حصتها

تخلص كانت فرقه الفصل تشتغل وهاتك يا طبل

المهم ادتنا اوامر بإن اول ما الجرس يضرب واحده من البنات

تكون هي مختاراها تسجل اسماء الل يعمل دوشه

فى الوقت اللى الفصل كله بيسمع اسماء الله الحسني مع بعض

وكان اسلوب جميل جداا



تحياتي علي الموضوع الرائع

[بارا طولوين]

وكان فى برضه أستاذ رياضه كان ملتزم اوي

كان بيحاول يشجعنا على الصلاة وخصوصا

صلاة الفجر


كل لما تيجي حصته

يقولنا اللى صلى الفجر يرفع ايده

كان بيرفع ايده حوالى ٣ أو ٤ من الفصل كل يوم

عمرهم ما بيزيدوا

كنت ف الغالب ببقي منهم

وكان بيدي لكل واحد مصاصه ههههه

وطبعا ده كان بيدي احساس للواحد انه متميز بالمصاصه


وف يوم سأل واحد قاله انت مبتصليش فى المسجد ليه

قاله الغلبان أصل ماما بتخاف عليا

رد الأستاذ برد عجبني جداا

وهي ما بتخافش عليك

وانت رايح المدرسه عربيه تخبطك !!! ليه ؟؟


ربنا يحفظهم جميعا


كانت ايام جميله

[روووووز]

يا سلام الابتدائى اجمل مرحلة فى حياتى
كان كلها لعب وهزار وضحك
وكنت بحب مدرسة التربية الدينية بس نقلت من المدرسة وزعلت اوى
ومدرسة العلوم دى حكاية هى اللى حببتنى فى العلوم
وكانت الدروس سهلة وحلوة
بس الثانوى اعوذ بالله الدروس توقع جبل

بس الابتدائى اجمل ايام حياتى
ليت الطفولة تعود يوما دى بدل الشباب

شكرااااااا على الموضوع المتميز والله الموضوع فكرنى بالايام الحلوه