وقفه لمعلمى الازهر

[استاذ محمود هلال]

السلام عليكم

من الواضح ان في ظلم واقع علي المتعاقدين خاصه الازهريين
المرتب في التربيه والتعليم في فرق عننا حوالي 50 جنيه
ولما سألت الاداري في المعهد قال انا معرفش حاجه
بس كده ظلم

احنا المفروض نبعت فاكسات لشيخ الازهر لانه ممكن ما يكونش عارف

[طارق الشعواطى]

انا فى سوهاج جاهز للفاكسات
وانا على نفسى ها ابعت شكاوى كتير جدا


ومش وحدى فى سوهاج شغال معايه متعاقدين كتييييييييير

[teacher120]

ياريت الى جاهز بصيغه فاكس يكتبها ونبعتها لشيخ الازهر وياريت يجماعه الى يبعت فاكس يوقع عليه بالاسم ومحل العمل ورقم البطاقه حتى يمكنهم الرد مش يبعته وخلاص لان الفاكس الى بيرسل من غير بيانات محدش بينظر اليه

[teacher120]

لكن الى الان مفيش حد من الساده المشرفين رد علينا
احنا طلبنا منهم كارته مرتب عشان نقدر نطالب بالمساواه مع ان المنتدى ما شاء الله فيه عدد لا باس به من الشرفين المتعاقدين

[teacher120]

شكوى مقترحه للامام الاكبر ارجوا ابداء الراى

الابقاء او التعديل حسب راى كل شخص

[أ/ هشام العيسوى]

ياريت يااستاذ محمود تكتبها هنا
او تخليها على اوفيس اكس بى او 2003

[teacher120]

السيد صاحب الفضيله مولانا الامام الاكبر شيخ الازهر

السلام عليكم ورحمه الله وبركاته

نحن ابنائك المتعاقدون بالازهر نشكوا لفضيلتكم الخصم الغير مبرر من راتبنا الضئيل منذ العام المالى الماضى 1-7-2009 وشكونا كثيرا الى المسؤولين فى المنطقه الازهريه فلم نجد جوابا شافيا وتم توحيد راتب جميع المتعاقدين من 2005 مثل متعاقدى 2009 براتب واحد 310 فقط ثلاثمائه وعشر جنيه فقط لا غير وهذا غير منطقى ومخالف بنود العقد المبرم بين المتعاقد والازهر لاننا نستحق كافه العلاوات المضمومه مثلنا مثل زملائنا المعينين ولكنا فوجئنا بخصم 40 جنيه و50 جنيه من راتبنا مع ان زملائنا المتعاقدين فى التربيه والتعليم لم يخصم منهم اى شىء على الاطلاق

لذا نرجوا من فضيلتكم النظر الينا بعين الرافه والرحمه وعوده ما تم خصمه منا حتى نستطيع مواجهه اعباء الحياه

وتفضلو بقبول فائق الاحترام

[تامر سرواح]

اقتراح
عرض المطالب كلها مرة واحدة فى عدة عنا صر
1-التثبيت
2-الخصم الغير المبرر
3-طلب المناطق لا صل شهادة icdl
وبهذا يدرس فضيلته كل هذه النقاط مرة واحدة

[deda_lolo]

يا اساتذة اللى حصل انى الكادر اتصرف للمدرسين المتثتين فى شهر 7 /2009فى نفس الوقت اللى بداوا يخصموا
على راى المثل خد من دقنة وافتله

[pirates]

يا خونا انتم نسين شيء
ومش ملا حظين شيء
ان الدوله تسير في تخبط تام
وهما اصبحوا لا يميزون بين اس شيء
بالله عليكم احنا ها نفضل لحد امتي نحلم ب 3 ----- 4 جنيه

البلد راحه لفين فوقوا بقي
ضرايب وظلم في الحياه
عدم مساواه بين ابناء الوطن الواحد
غلاء رشوه فساد محسوبيه
استحقار واختفاء لفئات
تهميش امراض فقر

هي دي مصر

[فهد122]

للاسف ياجماعه الشكوي كدا تبقي غير صحيحه

اولا انا كاتب بأحد المعاهد الازهريه

يعني احنا عارفين سبب الخصم جه منين وعلي اساس كدا مفروض تكون الشكوي
المرتب الجديد اللي هيكون بتاع شهر 8 هيكون 320 مش 340 زي مع بعض الاخوه بيتمنو


المشكله في خصم المرتب انهم بيحسبو العلاوه علي مربوط الدرجه ودي الكارثه اولا ده مخالف لقانون العلاوه

مفروض العلاوه تحثب علي اساسي المرتب
يعني الزياده المره دي 4.8
فعلا الاساسي زاد 30 ج ولاكن علي النقيد العلاوت الخمسه نقصت فرق 30من 4.8 يعني 25.2
عاوزين تتأكدو من كلامي اسألو الكتبه عندكو المشكله هتزيد قوي ونحث بيها السنه اللي بعد اللي جايه لان العام القادم الاساسي هيزيد 36 يعني الاساي هبقي النه اللي بعد اللي جايه 216 بعد كدا هتبقي زياده الاساسي 4.8
يعني مفيش
الكلام مفروض يكون من هذا المنطلق مع فضيلة الامام الاكبر

مرتب هذا العام 320 فقط مش 340

مفروض الكل يتحرك الفجوه بتزيد بين الاساسين والمتعاقدين
كدا مع كل احترامي للساده العمال الاساسين مرتبهم حصلت المدرسين المتعاقدين

[mr mahmoud]

انا موافق الاستاذ فهد لان المرتب الجديد مش هيزيد فعلا غير حوالي 20 جنيه يعني هيوصل 330 جنيه
ودا مالهوش علاقة بزيادة الاساسي لان الاساسي هيزيد 183 جنيه بس المرتب هيكون 330 والاستفادة من زيادة الاساسي في مكافأة السنة الجاية ان شاء الله
اما بالنسبة للخصم من المرتب وفي نفس الوقت زيادة مرتبات المتعاقدين بالتربية والتعليم دا لان المتعاقدن بالازهر بيصرفو ال 50 % بتاعت الكادر من 2007 في حين ان التربية والتعليم لسه صارفينها السنةاللي فاتت 2010 وعشان كده بتخصم من متعاقدي الازهر
واللي مش مصدق يسال وبلاش احلام ع الفاضي

[mratwa7]

اللى قلقنى مش موضوع فرق ال50 جنيه مع التربية و التعليم< مع اهمية الموضوع البالغة>
اللىيقلق فعلا هو تساوى مرتباتنا جميعا=310 دون مراعاة لتاريخ التعاقد او المباشرة "عمال بالاجر"
هل معنى ذلك انه فى حالة التثبيت لن يتم ضم فترة العمل السابقه للخدمة وسيتساوى القديم بالجديد فى المرتب و الدرجة والترقيات....الخ؟

[teacher120]

السيد صاحب الفضيله مولانا الامام الاكبر شيخ الازهر

السلام عليكم ورحمه الله وبركاته

نحن ابنائك المتعاقدون بالازهر نشكوا لفضيلتكم الخصم الغير مبرر من راتبنا الضئيل منذ العام المالى الماضى 1-7-2009 وشكونا كثيرا الى المسؤولين فى المنطقه الازهريه فلم نجد جوابا شافيا وتم توحيد راتب جميع المتعاقدين من 2005 مثل متعاقدى 2009 براتب واحد 310 فقط ثلاثمائه وعشر جنيه فقط لا غير وهذا غير منطقى ومخالف بنود العقد المبرم بين المتعاقد والازهر لاننا نستحق كافه العلاوات المضمومه مثلنا مثل زملائنا المعينين ولكنا فوجئنا بخصم 40 جنيه و50 جنيه من راتبنا حيث يتم احتساب العلاوات على مربوط الدرجه وليس على اساسى المرتب مثل المعينين و زملائنا المتعاقدين فى التربيه والتعليم لم يخصم منهم اى شىء على الاطلاق ويتم احتساب علاواتهم على اساسى المرتب مما اوجد فرقا شاسعا فى الراتب بيننا وبينهم

لذا نرجوا من فضيلتكم النظر الينا بعين الرافه والرحمه وعوده ما تم خصمه منا حتى نستطيع مواجهه اعباء الحياه

وتفضلو بقبول فائق الاحترام

تم التعديل مره اخرى

وادعوا الاستاذ فهد التعديل فى النص المقترح بما يراه صحيح او احد الاخوه الافاضل

[طارق الشعواطى]

الله بجد صيغة ممتازة تنفع جدا