هل رياضة 2 صعبة ؟

[emo.katkota]

انا جبت 90 اكمل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[teacher_2]

اللى درجته
فى رياضة 1
اقل من 45 درجة
ما يدخلش رياضة 2

[emo.katkota]

جزاك الله خيرا
الله يطمنك

[almaystrow]

انا جبت 95% و جبت في رياضة 1 50/50 ادخل رياضة 2 ولا ؟؟؟ و هل المجموع ده مناسب للهندسة ولا هيبقي صعب ؟؟؟؟

[teacher_2]

المشاركة الأصلية كتبت بواسطة almaystrow

انا جبت 95% و جبت في رياضة 1 50/50 ادخل رياضة 2 ولا ؟؟؟ و هل المجموع ده مناسب للهندسة ولا هيبقي صعب ؟؟؟؟

توكل على الله
ربنا يوفقك

[احمد الديب ( ابو زياد )]

المشاركة الأصلية كتبت بواسطة elnabawy

انا برضه 97
ومستواى كويس فى الرياضه
بس
ناسى كل النظريات القديمه وكل حاجه خدتها
حتى منهج 2 ثانوى
خلاص اتبخر برضه
وعاوز اكمل رياضه 2
لانى نحلم انى ادخل هندســــــــه

يا اخي ليست المشكله مشكلة نسيان اطلاقا انسي زي ما انت عايز وانسي براحتك خالص بس المهم تكون عارف الدرس او القانون او المعلومه وبعدين تنسي ده مش مشكله خالص



نحن نتكلم عن اللي ميعرفشي اصلا هيه ده المشكله


اما عن النسيان فصدقني لو انت كنت مذاكر قبل كده وعارف الدروس كويس ونسيتها فبمجرد مراجعة الاستاذ في الحصه حتفتكر علطول وحتكون ميه ميه



مجرد تذكرير ليس الا ومفيش مدرس مش بيراجع كل شويه


ادخل وتوكل علي الله وربنا معاكم

[احمد الديب ( ابو زياد )]

المشاركة الأصلية كتبت بواسطة abosalah_crazyboy

أنا 97 نظامي إيه ؟ ..... وبعدين بالنسبة لحوار النظريات القديمة ملهاش تلخيص او اي حاجة نذاكرها ؟

نقول تاني مفيش مدرس ابدا بيشتغل رياضه 2 الا لما يراجع كل فتره كده علي النظريات والقوانين التي تم دراستها في الاعوام السابقه وكمان فيه الكثير جدا من المدرسين لهم مراجعات وورق ( ورقتان او ثلاث ورقات ) بها كل نظريات وقوانين التي تحتاجها مثلا الهندسه الفراغيه يعني لا تحمل اي مشكله بالنسبه للموضوع ده



وبعدين تعالي هنا انت لو من المتابعين لموقعنا هذا متابعه جيدا كنت ستجد الكثير من المراجعات علي الاعوام السابقه قوانين ونظريات


فهي كثيره لكن ابحث واتعب وحتلاقي شكرا

[shymaa kamal]

طب يا جماعة انا بحب الرياضة و شايفة اني الحمد لله كنت كنت كويسة فيها طول عمري بس السنة دي جبت فيها 40 من 50 وانا اساسا مجموعي 90% و شايفة اني اتظلكت في التصحيح لاني شوفت نموزج الاجابة
بس خايفة بقي اكمل رياضة 2 ولا لاء

[احمد هشام مجدى]

المنهج سهل بس محتاجة منك شوية حل علطوووووووووووووووول ماتفارقش المادة اللى انت عايزها

[محمد صبره]

كل اللى شاركو فى هذا الموضوع ما شاء الله عليهم خايفين من إيه
توكلو على الله واعملوا ما عليكم وإدراك النتائج على الله
وسوف نضع هنا بإذن الله كل ما تحتاجونه من معلومات قديمة ونظريات وقواعد سبق دراستها فى الاعوام السابقة
وما عليك إلا أن تضع سؤالك وسوف تجدوا إجاباتها منى ومن زملائى بإذن الله وعونه

[my shabana]

بسم الله الرحمن الرحيم

ابننا العزيز ..

لا يوجد شىء صعب .. ولكن حسب ما تبذل من جهد تحصد من نتيجه
فقطرات الماء تنحت الصخر ليست بقوتها ولكن باستمرارها
والنبوغ 99فى المائه عمل و 1 فى المائه الهام ..

فعلى قدر المشقه والتعب يكون النجاح والمجموع .. فالنبوغ ليس له وطن ولا يحتكره انسان دون غيره ..
تلك حكمة الله فى الكون .. وكل ميسر لما خلق له ..




ومع خالص تمنياتى بالتفوق


أ. محمد شبانه

[sayed mansour]

انا جايب 45 فى رياضة 1 وكات ارخم مادة عندى وجبت 95% وكله بيقلى دخل رياضة 2 فمش عارف عم ايه

[malaskry]

انا جبت 98 وجاين49.5 فى الرياضة ادخل رياضة ولا لا انا نفسى فى هندسة

[Its My Life]

المشاركة الأصلية كتبت بواسطة sayed mansour

انا جايب 45 فى رياضة 1 وكات ارخم مادة عندى وجبت 95% وكله بيقلى دخل رياضة 2 فمش عارف عم ايه

طالما إنت بتحب الرياضه أو يعني بتحل فيها كويس خلاص على بركه الله كمل رياضه وما شاء الله مجموعك السنه دي جميل جدا ومش كتير الي جيبينه فربنا يوفقك
وعلى فكره رياضه 2 أحلى بكتير من رياضه 1 وممتعه جدا فهتحبها اتطمن

المشاركة الأصلية كتبت بواسطة malaskry

انا جبت 98 وجاين49.5 فى الرياضة ادخل رياضة ولا لا انا نفسى فى هندسة

انت بتتكلم في ايه؟
طبعا تدخل رياضه وتتفوق كمان وتجيب هندسه
وان شاء الله تجيب مجموع عدين كمان لو تحب
بس بالله عليكم صلوا صلاه استخاره أولا علشان ربنا يوفقكم

[قطوف دانيه]

رياضه 2 جميله وممتعه زى ما انجى قالت اصعب فرع فيها التفاضل بس مش صعب اوى الباقى بقى لذيذ جدا
ربنا يوفقكم