أكاديمية " طنطا " التعيين خلال أيام

[مارك23]

ازاي الكلام دة ....... احنا مضينا عقد جديد .... كل المتعاقدين 4/5 /2008 اللي نجح في الكادر واللي معاة مادة
والعقد الجديد لمدة سنة

[عبدالنبي الحداد]

يارب بالتوفيق
وتنالوا كل ماتتمنوه

[تامر الفاضل]

يا جماعة التعيين مش هيكون قبل 1/7/2011 وده لعدة اسباب اولها قرار الوزير باتاحة الفرصة للناس اللى بدات في امتحانات الرخصة الدولية انها تتم امتحاناتها في خلال سنة من اول امتحان ده غير ان فيه ناس هتعمل الدبلومة التربوية واعتقد ان الدولة هتدي الناس اللى لسه مكمولش ورقهم السنة دى كاملة لاستكمال ورقهم ده غير ان موضوع التعيين هيكون ليه ثقل سياسي مع مرشح الحزب الوطنى لانتخابات الرئاسة 2011 فياريت نريح نفسنا ونصبر .

[zemosat]

المشاركة الأصلية كتبت بواسطة مارك23

ازاي الكلام دة ....... احنا مضينا عقد جديد .... كل المتعاقدين 4/5 /2008 اللي نجح في الكادر واللي معاة مادة
والعقد الجديد لمدة سنة

ده عشان يبقى شغلك تحت سند قانونى عشان يحموا بيه نفسهم وتحمى انت بيه نفسك لحين صدور قرار وده السند القانونى اللى سيادتك بتقبض بيه مرتبك، ومش معنى العقد الجديد إنك لازم تكمله للآخر ممكن تتثبت وانت شغال بالعقد
وخليكوا متفائلين مرة واحدة فى حياتكوا .............جاتكوا 80000 قرار تثبيت

وخليها عالله .....خليها

[أ/محمد على عاشور]

والله ربنا يستر

[سهةخ85]

ليك عندي مكافأه لو الكلام ده صحيح

[العروبة2]

أستغفر الله ..... أستغفر الله ..... أستغفر الله
يا جماعة أنا كنت في الأكاديمية في بني سويف يوم الخميس 27/5/2010
وبالعافية فتحوا الباب ............ والله
المهم فتح الموظف الباب وقال لنا : هه عاوزين حاجة
قولنا : جايين من المنيا عشان الإفادة بالمديولات السبعة
أخد الراجل الورق ودخل والله أعلم راح الورق فين ....
بس أكيد إن شاء الله للموظف المسئول
المهم جه بعد 10 دقايق وقال لنا : كده خلاص رواحوا بقه
سألتاه طيب عاوزين حاجة تاني ؟ قال : لأ لأ مع السلامة

[وليد زكير]

الاكاديمية ولا وزارة التربية والتعليم جهة تعيين

[Azhar Aly]

الاكاديمية جهة ترخيص و ليس تعيين

[Azhar Aly]

بالمناسبة انا كنت ف اكاديمية بنى سويف يوم الاربعاء و قابلت مسئول الاحصاء بتاع المنيا هناك عشان اسلم له صورة شهادة الرخصة الدولية وبيان نجاح الكادر و سألته ايه مطلوب مننا تانى قالى مفيش ورق مطلوب تانى كده بقى لكم 2 ملف اصلى ( مكون من اصول شهادات ) واحد ف الادارة التابعين لها و التانى ف الوزارة و اقسم لى ان ف تثبيت ف اول يوليو القادم و ان قبل اول سبعة الاكاديمية هتبعت شهادات الترخيص للوزارة عشان يتم من خلالها التثبيت بمعرفة الوزارة ع درجة مالية دائمة ( الدرجة الثالثة ) و التسكين الوظيفى ع درجة معلم وسألت عن مدى ارتباط محو الامية بالتثبيت قالى ان محو الامية ده كلام من اختراع المحافظين و ملوش علاقة بالتثبيت و قالى اهم شئ ف كل الموضوع ده ان كل المعلمين المساعدين يسارعوا بالحصول ع الرخصة الدولية والورق ده لازم يكون ف القاهرة يوم الاحد (كان اخر معاد للاستلام ف الاكاديمية الخميس و النهارده هى اجازة)الكلام ده كله ع لسان مسئول الاحصاء بمديرية التربية و التعليم بالمنيا و تفائلوا خير تجدوه ان شاء الله
ربنا يوفق الجميع

[teacher120]

ابشروووووووووووووووا ان شاء الله

[أ/ عمرو عبد الرحمن]

يعني اخر يوم لتقديم الرخصة icdl امتي؟

[mmagdy_81]

كلاك ان شاء الله خير لان فية ناس زمايلنا شافوا قرارات التعيين فى الادارات التعابعين لها بس اهم حاجة الرخصة الدولية دة شوكة فى حلق المعلم المساعد والله اعلم والله المستعان

[adelsadek]

يا جماعه ابشروا خيرا
مجموعه من زملائى كانو فى فرع الاكاديميه فى دمياط بيسلموا إفاده الicdl وقابلوا مدير الاكاديميه اللى اكد لهم الامر انه تعين .
حتى هو قال لهم عرفوا زمايلكم انهم يقدموا الافادات بسرعه علشان التعين هيكون فلى شهر 7

[Mr.Trueman]

الله المستعان