هل المنتديات ت*** المواهب؟

[The_Relativistic200]

هقوللك بيتين الفتهم دلوقتى لغاية ما ارد رد انضف نسبيا

واذا ما كتبت موضوعا ....فان الكل علـــيك باصــــق
فخير لك دون البصاق...ان تقص المواضيع و تلصق

:D
ثم انى معترض على التثبيت
في الاستفتاء
تثبيت باطل :P
لى عودة

<div class='quotetop'>إقتباس(The_Relativistic200 @ Mar 15 2007, 11:28 PM) [snapback]283583[/snapback]</div>

:D
ثم انى معترض على التثبيت
في الاستفتاء
تثبيت باطل :P
لى عودة
[/b]

جواز عتريس من فواده باطل باطل باطل :P

[ReceptiveGuy]

<div class='quotetop'>إقتباس(mohamed amar @ Mar 15 2007, 03:49 AM) [snapback]283100[/snapback]</div>

ربنا يخليك وميرسي علي زوقك جدا بجد
[/b]

ولا يهمك يا باشا

<div class='quotetop'>إقتباس(المرشد @ Mar 15 2007, 09:46 AM) [snapback]283162[/snapback]</div>

<div align="center">موضوع متميز كالعادة يأبو صلاح
ربنا يخليك يا سلم
نورت الموضوع

مش عارف يمكن راى غلط يمكن صح يمكن فيه شى من الغلط والصح
هنبدا بقى بطرق الاقناع ديه عشان تاكل بعقلي حلاوة

بس أنا مقتنع بيه لغاية حد ما يجى حد يقنعنى بالعكس
يمكن انا؟

يمكن اللى بيقلل الابداع والمواهب فى المنتدى عمتا
اننا كطلاب صحيح مش رواد المنتدى من اعضاء ومشرفين وبعض الادارين بيكونه طلاب
ممكن اللى بيقلل ابدعهم او يلغيه
انه طالب فاهم يعنى ايه ؟
ايوة فاهم قصدك من غير ما تشرح

يعنى مثلا انا ياعم هوجع دماغى ليه وأفكر اعمل موضوع ما اخد موضوع copy & past
هوجع دماغي ليه؟
يبقى ما فيش دافع أو حافز قوي
نقطة ممتازة يا إسلام :P

واريح دماغى
هو انا هفكر انزل موضوع ولا هفكر فى مستقبلى ودروسى
حجة البليد مسح التختة
مش الخمس دقايق دول هما اللي بيضيعوا المستقبل


الوقت اللى هخده فى التفكير فى عمل بحث فى موضوع
هوه انت محتاج وقت كتير في البداية عشان تفكر هتعمل بحث في ايه؟

طيب منقل واحد جاهز وخلاص
أريح دماغي يعني
بسبب إن ما فيش حافز قوي يخليني أسيب المذاكرة عشان اكتب موضوع
مش بقولك نقطة ممتازة يا سلم :D

والوقت اللى كان هيضيع يضيع جوه كتاب فيزياء ولا كيمياء
متأكد إنه هيضيع في الأماكن المشبوهه ديه؟ <_<

صح ولا انا غلطان يمكن انا غلطان بس دى وجهة نظر
أهم حاجة بجد استنبطتها من ردك هيه عدم وجود دافع قوي
لو فيه نقطة تانية مصمم عليها
وضح أبن أفصح
يا حضرة الزميل :D

على العموم اللى انا شيفه ان قلة الردود فى موضوع او عدم الرد من أساسه لا تقلل من شان موضوع
كده رحنا لموضوع تاني
بتفكرني بيا

لان فيه موضيع متميزه جدااااا لاتجد عليها اى رد
وإن صاحب الموضوع ممكن يصاب بالاحباط من ضياع مجهوده على موضوع لم يقراء ولن يقراء
ديه برضه نقطة تانية متفرعة من النقطة الاصلية
ان من اهم الدوافع المحفزة لكتابة موضوع هي الردود
فلو اختفت بتقلل من الدوافع والمرتب بتاع آخر الشهر

موضوعك مهم يا ابو صلاح ومن احلى الموضيع اللى قرتها فى اخر اسبوعين
ربنا يخليك يا باشا
شهادة اعتز بيها بجد
اهوه انت كده ادتني حافز
واي حافز
ما فيش علاوات؟ :P

على العموم انا ليا عوده تانيه إن شاء الله داخل الموضوع
مستنيك
واوعى تفتكر ردك على خالد هيه ديه العودة
لأ مستني عودتك

ومتابع
وهنشوف ايه حكاية

</span>
ربنا يستر عليا يا رب
شكلي هتضرب :D

<span style="color:#000099">شكراً لمرورك يا مشرف
أسعدني مرورك واضاف قيمة لموضوعي

سعدت بمناقشة ردك
[/b][/quote]

[ReceptiveGuy]

<div class='quotetop'>إقتباس(صيدلانية @ Mar 15 2007, 02:51 PM) [snapback]283268[/snapback]</div>

جزاك الله خيرا فعلا موضوع مهم
وجزاكي

و الله انا برضة كنت بفكر فى الموضوع دة كتير
هى المنتديات مش بت*** المواهب لا بالعكس دى فعلا بتنمى المواهب وفعلا بنستفيد منها كتير
أو نقدر نعدل الجملة ديه بعد إذنك يعني عشان تبقى
Supposed to
أو المفترض إنها بتنمي المواهب باختلاف أشكالها وأنواعها
لكن هل بتقوم بالدور المنوطة بيه ولا بتأثر بالسل ولا ليس لها تأثير؟
ده موضوع النقاش :D

بس فعلا حكاية نقل المواضيع دى ::
لما تكون زيادة اوى بتبقى فعلا حاجة مملة
فكرتي انه نقل المواضيع من منتدى لآخر لا يكون إلا للضرورة القصوى
واي واحد عاوز يعرض فكرة يكتبها بنفسه
أو يكتفي بالرد
في منتدى من ضمن قوانين وضع المواضيع في المنتدى العام
هذا المنتدى للنقاش فقط
لا يسمح بنقل المواضيع

بس فية ساعات مواضيع بتستحق النقل فعلا
ما نقدرش ننكر نقطة زي ديه
وليه بقى ما نكتبش احنا مواضيع تستحق تنقل؟
ليه ندفن الموهبة جوانا وننقل موهة غيرنا
ويبقى دورنا بس هو النقل؟
ليه ما نضفش؟
ليه ما نبنيش؟

بس فعلا لازم منعتمدش على نقل المواضيع بس
لان لما بتعمل موضوع بنفسك وتلاقى فية تفاعل من الاعضاء او تحس انك افدت حد
بيبقى احسن من مليون موضوع منقول
فعلاً شعور ممتاز أنا عايشه دلوقتي
بعد التفاعل الحقيقي من أعضاء المنتدى لأحد موضوعاتي
الغير منقولة :D
شكراً ع المرور صيدلانية

[/b]

<div class='quotetop'>إقتباس(The_Relativistic200 @ Mar 15 2007, 11:28 PM) [snapback]283583[/snapback]</div>

هقوللك بيتين الفتهم دلوقتى لغاية ما ارد رد انضف نسبيا
خالد باشا :D
فينك؟

واذا ما كتبت موضوعا ....فان الكل علـــيك باصــــق
فخير لك دون البصاق...ان تقص المواضيع و تلصق
بحر ايه ده؟
مفاعلتن مفاعلتن فواعل :D

:D
ثم انى معترض على التثبيت
ومين قال ان من حقك تعترض؟

في الاستفتاء

تثبيت باطل :P
اصمت عليك اللحمة :P
لى عودة
بانتظار المواصلة بعد الفاصل
[/b]

<div class='quotetop'>إقتباس(المرشد @ Mar 16 2007, 02:50 AM) [snapback]283708[/snapback]</div>

<div class='quotetop'>إقتباس(The_Relativistic200 @ Mar 15 2007, 11:28 PM) [snapback]283583[/snapback]

:D
ثم انى معترض على التثبيت
في الاستفتاء
تثبيت باطل :P
لى عودة
[/b]

جواز عتريس من فواده باطل باطل باطل :P
مين فؤادة؟ :D

[/b][/quote]

[Miss_CaR!zma]

المنتديات بت*** المواهب وفى نفس الوقت مش بت***ها
يعنى مثلا انا المنتدى ده لما بيتفتح انسى انى اقرا انى اخرج انى اعمل اى حاجه
يعنى بحتل الجهاز 24 ساعه فتركيزى بيتدمر
دى اول جريمه...
ثانيا بالنسبه لكتابه الموضوعات
غالبا اللى بينقل موضوع بيبقى عنده نقص شجاعه ادبيه
او الذوق العام بيبقى طالب حاجه هو مش متمكن اوى منها فبينقل موضوعات
وبعدين هتلاقى شكرا موضوع روعه
يقوللك هذا بعض ما عندكم وانتظرونى فى موضوعات جامده (منقوله طبعا)
واحتمال تلاقى مصيره فى جرس الفسحه ويبنى مستوطنه هناك
وده اسمه ظاهره الاسترخاء زى مادرسنا فى الفيزيا
ولكن انظر للجانب المشرق برده
احيانا اشخاص بتبقى موهبتهم الوحيده نقل المواضيع
فمش نقدر نحرمهم من الموهبه دى والا بكده هنبقى بن***ها

وشكرا على الموضوع

[ReceptiveGuy]

<div class='quotetop'>إقتباس(Dare Angel @ Mar 16 2007, 03:07 PM) [snapback]283915[/snapback]</div>

المنتديات بت*** المواهب وفى نفس الوقت مش بت***ها
قمة التناقض <_<

يعنى مثلا انا المنتدى ده لما بيتفتح انسى انى اقرا انى اخرج انى اعمل اى حاجه
مش الموهبة إني أسيب جهاز الكمبيوتر يعني ممكن المنتديات تحفز المواهب وتطلعها وتنميها
وده المطلوب منها
لكن إحنا مش بنسأل عن الدور المطلوب منها
إحنا بنسأل هل بتؤدي ما عليها ولا بتعمل العكس؟
ومش المنتدى بس أو المنتديات عامة هوه السبب الوحيد إللي بيخلي الواحد يخلل قدام الكمبيوتر
كده رحنا لموضوع بعيد جداً
انا ممكن اخلل قدام الكمبيوتر من غير نت
وممكن اخلل قدام النت من غير منتديات ولا شات
كده فعلياً رحنا لموضوع تاني خالص

يعنى بحتل الجهاز 24 ساعه فتركيزى بيتدمر
دى اول جريمه...
ناقشناها وقلنا مش مكانها

ثانيا بالنسبه لكتابه الموضوعات
غالبا اللى بينقل موضوع بيبقى عنده نقص شجاعه ادبيه
او الذوق العام بيبقى طالب حاجه هو مش متمكن اوى منها فبينقل موضوعات
مش ضروري يكون عنده نقص شجاعة أدبية
في مواضيع فعلاً لو مثلاً واحد صاحبي قالي انا قريت موضوع انما ايه جنان
هزعل معاه عشان ما خلنيش اقرا الموضوع
طبعاً زعل بهذار يعني
المهم فيه موضوعات تستحق النقل
لكن هل الاعتماد التام على النقل هو الغرض من المنتديات ولا بالطريقة ديه المنتيدات بت*** المواهب؟
وعجبتني جداً جزئية الذوق العام
أسلوب العرض والطلب
يعني حاجة مش هقدر أقدمهلكم بأسلوبي فمش هحرمكم منها
بس أعتقد إن ده بي*** الموهبة جواه الناس التانية
من ناحية إن الفراغ تم سده
يعني أنا في بالي حالياًَ موضوع تاني للنقاش
ما أقدرش أنزلوه غير لما ده يخلص
لأن ده بيسد فراغ
فبالتالي لما واحد يقعد ينقل مواضيع
بيسد فراغ موجود من جهة المواضيع ديه
بيمتنع الافراد عن تناول نفس الموضوع لن الموضوع وقتها هيبقى مكرر

وبعدين هتلاقى شكرا موضوع روعه
يقوللك هذا بعض ما عندكم وانتظرونى فى موضوعات جامده (منقوله طبعا)
واحتمال تلاقى مصيره فى جرس الفسحه ويبنى مستوطنه هناك
وده اسمه ظاهره الاسترخاء زى مادرسنا فى الفيزيا
ناقشنا الجزئية ديه
وقلنا عليها ممكن يكون كسل او تكبير دماغ زي ما بيقولوا

ولكن انظر للجانب المشرق برده
:D

احيانا اشخاص بتبقى موهبتهم الوحيده نقل المواضيع

فمش نقدر نحرمهم من الموهبه دى والا بكده هنبقى بن***ها
حرام ن*** المواهب فعلاً

وشكرا على الموضوع
[/b]

شكراً ع المرور يا هند

وبصراحة يا جماعة أنا عاوز أقول حاجة بيني وبينكم
أنا حاولت في كل رد من ردودي ع الأعضاء إللي شرفوا موضوعي
إني أفتح مجال النقاش أكتر وأكتر
عشان نقدر نقول إن إحنا ناقشنا الموضوع من جميع جوانبه
وأعتقد إن إحنا يمكن بتنقصنا جزئية المشاركة الجماعية
يعني اللي داخل بيدخل يناقش صاحب الموضوع مباشرة
ليه مش يناقش في الردود برضه؟
يلله منتظر كل من قال ليه عودة
وكل اللي سبلتوه أسئلة في ردي عليه :D

<div class='quotetop'>إقتباس(Dare Angel @ Mar 16 2007, 03:07 PM) [snapback]283915[/snapback]</div>

المنتديات بت*** المواهب وفى نفس الوقت مش بت***ها
يعنى مثلا انا المنتدى ده لما بيتفتح انسى انى اقرا انى اخرج انى اعمل اى حاجه
يعنى بحتل الجهاز 24 ساعه فتركيزى بيتدمر
دى اول جريمه...
ثانيا بالنسبه لكتابه الموضوعات
غالبا اللى بينقل موضوع بيبقى عنده نقص شجاعه ادبيه
او الذوق العام بيبقى طالب حاجه هو مش متمكن اوى منها فبينقل موضوعات
وبعدين هتلاقى شكرا موضوع روعه
يقوللك هذا بعض ما عندكم وانتظرونى فى موضوعات جامده (منقوله طبعا)
واحتمال تلاقى مصيره فى جرس الفسحه ويبنى مستوطنه هناك
وده اسمه ظاهره الاسترخاء زى مادرسنا فى الفيزيا
ولكن انظر للجانب المشرق برده
احيانا اشخاص بتبقى موهبتهم الوحيده نقل المواضيع
فمش نقدر نحرمهم من الموهبه دى والا بكده هنبقى بن***ها

وشكرا على الموضوع
[/b]

كلام جميل كلام معقول مقدرش أقول حاجة عنه
لـــــــــــــــــــــكــــــــــــــــــــــــــن
ليا تعليق عليه
النت يمكن بيعلم البالده شوية بس طبعا لا يدمر التركيز
بالعكس فى احدث دراسة أمريكيه ثبت ان العاب الكمبيوتر بتساعد على تنمية القدرة على التركيز وسرعة البديهة
بس برده الجلوس الزياده بيقصر على العين
نرجع لموضوعنا ولكلام الحاجه هند

انا ليا تعليق على موضع النقل
ممكناسالك سوال ياهند الاول ؟
انتى نميتى مهاراتك فى الخطابه والثقافة العامة منين
مش من الهواء اكيد اكيد قريتى موضيع
حتى لو مقرتيش موضيع كتاب المدرسة نفسه بيضيف ليكى ثقافة

وممكن انقل موضوع واضيف عليه افكارى واعدل عليه
بحيث يطلع بشكل حسن معتقدتش ان عملية النقل مع الاضافة او الاستفاده بتسبب البلده
أكيد تقصدى النقل الاعمه
على العموم انا كمان مش هحرم نفسى من الرد على كلامك ولا تعليقاتك ولا موضيع ابو صلاح
اشوفك تانى قريبا

[ReceptiveGuy]

اظاهر يا إسلام ما حدش بيحب يرد ع المواضيع المتثبتة أو بتفقد قيمتها او كل واحد متعود يسيب رده ويمشي
يلله انبسطت برضه بالمشاركات رغم كل شئ
ولو فيه حد لسه عاوز يكمل نقاش يتفضل