فصل المعلمين المزورين وإحالتهم إلي النيابة العامة

[medo10000]

كانوا سابوا الشغل بلا وجع دماغ هما بياخده كام يعنى مش كفايه الى احنا فيه كمان تزوير ونيابه عامه على ايه يعنى

[mr_mostafa84]

طب اللى مش مزورين ليه مش يكافئوهم و يعلنو نتيجتهم

[teacher120]

انا معاك انه باطل ولازم يتعاقبوا بس احيانا سياسه المسؤولين الى بتخلى الناس تعمل كده والله لا ابرر اى شىء بس بقول للوزاره حرام عليكى لما تخلى شباب بيتقاضوا ملاليم وتطلبى منهم اى سى دى ال و تربوى واحنا عارفين ان التربوى مكلف انا اعرف ناس بقالها سنين متعاقده ومقدروووووش ياخدوا دبلومه لان ظروفهم وحشه ومفيش فلوس لتانى مره مش مبرر بس الحكومه ياريت لما تضع شروط تراعى ظروف الناس وبعدين الاكاديميه كان اولى بها تدريب المعلمين ومنحهم دبلومه التربوى فى الاجازه مثلا

ربنا يهدينا جميعا

[محمدطعيمة]

أنا عارف واحد من اللي كانوا عاملين كده
وعلي فكرة عندما كنا نأخذ الدبلومة التربوي وقبل ظهور ما يسمي بالمعلم المساعد تلك من الأساس كان إخواننا من المعلمين الناصحين الذين يلعبون بالبيضة والحجر يقولون لنا ماذا ستفعلون بها ؟ بلوها واشربوا ميتها

[محمودعامر]

على فكرة اللى عملوه ده أكبر غلط بس عاملوه علشان ياكلوا عيش .
وبعدين ربنا يسترها عليهم ومش يبهدلوهم وقابل ما يحاكموهم يفتكروا قضية تامر حسنى وزور فيا كام مستند والآخر ماخدش فيها حاجة خد سنة مع إيقاف التنفيذ...........................................

بعد جلسة واحدة استغرقت ساعتين استمعت محكمة جنايات القاهرة إلي مرافعتي النيابة والدفاع وقامت بفض الأحراز وأصدرت في حكمها في قضية التزوير المتهم فيها المطرب تامر حسني عباس فرغلي "28 سنة" بتزوير شهادة قيد منسوب صدورها

لكلية تجارة المنصورة واستعمالها في استخراج جواز سفر دون تأدية الخدمة العسكرية وتقليد خاتم شعار الجمهورية وتزوير نموذج سفر منسوب صدوره لآداب حلوان.

عاقبت المحكمة المتهم بالحبس سنة مع الشغل وإيقاف التنفيذ لمدة 3 سنوات من تاريخ صدور الحكم ومصادرة المحررات المزورة.

صدر الحكم برئاسة المستشار مجدي عبدالرحيم غنيم وعضوية المستشارين حسن حسانين ومحمد علي بأمانة سر أحمد الهادي وهشام حافظ وحسام عبدالرسول.

قالت المحكمة للمتهم قبل إصدارها الحكم: إنه كان يجب أن يكون قدوة حسنة باعتباره مطرباً وله جمهور من الشباب وما كان يجب ألا تدفعه رغبته في شهرة أوسع إلي ارتكاب ما يخالف القانون.

شهدت قاعة المحكمة منذ صباح أمس الخميس 11-5-2006 حضوراً أمنياً وإعلامياً مكثفاً حيث اكتظت بالشباب
اقتيد تامر حسني إلي قفص الاتهام في الساعة العاشرة صباحاً مرتدياً زي السجن الأزرق يمسك بيده اليمني المصحف الشريف.. وواجهته المحكمة بالاتهامات فأنكرها وأقسم بالله وبيده المصحف أنه لم يعلم شيئاً عن الأوراق المزورة.

عقب النطق بالحكم خرج تامر من ققص الاتهام وسط حراسة مشددة إلي سيارة الترحيلات تحيط بها المئات من الجمهور.


وصفت النيابة المتهم بأنه شيطان رجيم وطالبت بتوقيع أقصي العقوبة عليه واستعرضت جميع وقائع القضية بداية من محاولته السفر خارج البلاد ليحصل علي شعبية في الخارج بعد أن نالها في الداخل ولكنه أمامه تأدية الخدمة العسكرية فلجأ إلي حيلة وهي اتفق مع غيره علي تقليد خاتمي شعار الجمهورية الخاصين بكلية الآداب جامعة حلوان وشئون التعليم بتجارة المنصورة واصطنعهما علي غرار القوالب الصحيحة واستعملهما بأن بصم بهما محررين مزورين هما نموذج السفر المنسوب صدوره للأولى وشهادة القيد المنسوب صدورها للثانية.
.

[a7madxxx]

لابد ان نقف جانب الناس دى لأنهم خلاص فاض بيهم الكيل وماحدش هيعمل كده الا مضطر
طبعا انا مش عاجبنى اللى عملوه لكن احنا تعبنا من كل الطلبات اللى عاملين يطلبوها
الحكومة كأنها بتقول احنا بنعقدها وبرده قادرين يجيبوا الشهادات اللى بنطلبها
زى النكته همه لسه معاهم فلوس يشتروا عيش
ولا الموضوع ده مش أسهل من قانون بيع الأثار اللى اتمرر بسهولة واتسلق فى مجلس الشعب

[محمود حسين الزيات]

المشاركة الأصلية كتبت بواسطة a7madxxx

لابد ان نقف جانب الناس دى لأنهم خلاص فاض بيهم الكيل وماحدش هيعمل كده الا مضطر
طبعا انا مش عاجبنى اللى عملوه لكن احنا تعبنا من كل الطلبات اللى عاملين يطلبوها
الحكومة كأنها بتقول احنا بنعقدها وبرده قادرين يجيبوا الشهادات اللى بنطلبها
زى النكته همه لسه معاهم فلوس يشتروا عيش
ولا الموضوع ده مش أسهل من قانون بيع الأثار اللى اتمرر بسهولة واتسلق فى مجلس الشعب

نفس الراى ياباشا

[ahmed_rian]

المشاركة الأصلية كتبت بواسطة شيموشيمو

فعلا المعلم قدوة صاحب رسالة مقدسة لا يجب أن يكون بهذه الصورة


والمشكلة ان ناس كتير بتعمل كدا00000000000مثلا مدرس قائم باعمال النظارة يزور جدول حصص


له ولكل من لا يدرس فى المدرسة من المثبتين ( المدللين) ليكمل النصاب ليحصل على المرحلة الثانية من الكادر

ويرمى الحصص على المتعاقدين 000000000000000000000000000 وعجبى


حسبنا الله ونعم الوكيـــــــــــــــــــــــــــــــــــــــــــــ ــــــــــــــــــــــــل

فعلا كلامك صح
بس هما غلطانين

[roosy]

لا انا شايفه انهم يستهلو كده ومع احترامى لجميع الاراء الا انى شايفه ان التدريس لازم يكزن ليه ناسه اللى هما التربويين
مبنشفش خريج علوم بيبقى دكتور ولا خريج تجاره بيبقى ظابط
اشمعنا التدريس اللى بياخد اى حد والسلام
لأ مدرس سمح لنفسه انه يزور فى ورق رسمى يبقى هيزور فى امتحانات فى نتايج فى اى حاجه تانيه
ليه نتعاطف مع الغلط ونجد ليه ألف مبرر من غشان فليس منا ويروح يدور على شغل فى اى مكان تانى مش مكانه التدريس

[محمد ابوصلاح]

ربنا يسترها عليهم

[ايهاب العراقى]

مش ملاحظين حاجه يا جماعه ؟

ان معظم التزوير حصل فى ( طنطا و قنا )محافظه فى الشمال و محافظه فى الجنوب ؟?

[aliya]

كفيا كلام بقى عن هذا الخبير وياريت نخلينا فى المفيد

[طاهر الشاعر]

تعليق الوزير عليهم: وأضاف الوزير: «بالنسبة للمدرس الذى يقوم بتزوير شهاداته ليتم وضعه فى الكادر، فلابد من فصله نهائياً من المدرسة، ويحول للنيابة.. لأنه بيزور فى الأجيال القادمة ولا يصلح أن يصبح مدرساً».

[أ/ سعيد موسى]

طبعا كلام الوزير سليم 100% ولكن لابد من فصل جميع موظفى الحكومة المرتشون لانه لايصح ان يكون موظف مرتشى وكذلك رجال الاعمال اللذين يزورون فى المستندات لاخذ قروض البنوك وكذلك ..................الخ بذمتكم لو طبقنا هذا الكلام على الجميع بدون استثناء كم تحتاج مصر من السجون لسجن هؤلاء عندئذ سوف نجد هؤلاء المدرسون ملائكه ونعطيهم وسام

[a7madxxx]

المشاركة الأصلية كتبت بواسطة roosy

لا انا شايفه انهم يستهلو كده ومع احترامى لجميع الاراء الا انى شايفه ان التدريس لازم يكزن ليه ناسه اللى هما التربويين
مبنشفش خريج علوم بيبقى دكتور ولا خريج تجاره بيبقى ظابط
اشمعنا التدريس اللى بياخد اى حد والسلام
لأ مدرس سمح لنفسه انه يزور فى ورق رسمى يبقى هيزور فى امتحانات فى نتايج فى اى حاجه تانيه
ليه نتعاطف مع الغلط ونجد ليه ألف مبرر من غشان فليس منا ويروح يدور على شغل فى اى مكان تانى مش مكانه التدريس

مع احترامى لرأيك ولكنه مش مقنع وبالمناسبة أنا تربوى عشان الشكوك ولكن أنا عندى مؤهل عالى وغير تربوى

يساوى ألف (1000) من الدبلومات الفنية والمعلمين اللى ميعرفوش غير الغش وفلوس المجموعة