نحن بخير لا ينقصنا الا شئ واحد بس هو اية؟؟ قول رأيك

[Rien]

احنا متدينين بس بطريقتنا
ف الحاجات اللى تعجبنا متدينين واللى مش على مزاجنا مش متدينين
وبرضو زى باقى الناس هاقول نفس الكلمة ..
لو رجعنا للدين بجد هايبقى كل ده موجود

[yomna1993]

العودة للدين
لاننا لو رجعنا مبادىء ديننا تاني هنحقق العدل و الحب و الحرية و كل الي احنا عايزينة لان كل ده هو مبادىء الدين
سؤال جميل جدا جزاك الله خير

[GAMALEWEES]

كل حاجة حضرتك قولتها نقصانة بجد
احنا بعدنا عن تعاليم دينا الاسلامى و دة كان اساس ضياع كل حاجة منا
لاننا لما ضيعنا دينا و تعاليمة بقينا سهل اوى اننا نظلم و منحكمش بالعدل و دة ادى لضياع الحرية و عدم وجود حرية فى ابداء الراى و دة ايضا ادى لضياع الحب بين الناس لان عمر ماكل دة هيبقى فى البلد يعنى عمر ماهيوجد الظلم و نقدر نحب بعض و عمر ماهيكون فى حد بيكتم انفسنا علشان منتكلمش و نعبر عن ارا ءنا و هيبقى فى حب و خير و سعادة
كل حاجة بتضيع دينا بيضيع و بلدنا بتضيع لازم نرجع دينا و ننفذ تعاليمة علشان نقدر نرجع زى ايام الرسول صلى الله علية و سلم
شكرا على التوبيك
دمتم فى رعاية الله

[***GUIDE***]

العدل
لان طول ما فى ظلم هيبقى فى شر
فى ظلم فى شر

[علاء سيف]

الى الاخت العزيزة البنوتة الاهلاوية
اشكر عودتك للنقاش وارجو ان تتكرر
وتقريبا كده هكرر كلامى مع انه كان واضح من اول مره
ادعو الله ان يكون حوارنا لنصل لرؤية جديدة مش بس كل واحد عاوز يثبت انه صح ومش سامع غير صوته
بس بدام انت فتحت الموضوع يبقى كلام انيس صح
حتى لا يتفرع الموضوع اوعدك هاحاول اعمللك موضوع عنه وأمثاله هاسميه تجار الثقافة
مش فاهمه يعنى المطلوب ندى معونات للناس دى واحنا اصلا عندنا ناس بتنام جعانه ؟؟!!
بالعكس انا اتفق معاكي تماما ان اهلنا اولى وجاري الفقير اولى من الفقير اللي في اخر الشارع كل ما قصدته اننا ياندي الكل وده مش باحبذه لكن ماقدرش اقول للشخص اللي بيتبرع لا يا مانديش الكل ويبطلوا يتاجروا بمشاعر الناس ارجو اكون وضحت فكرتي
اقصد بالحكومه اى مسؤول معندوش ضمير
أغرب تعريف قريته عن الحكومة يعني الوزير اللي بيشتغل ده لو انت شايفة حد بيشتغل يبقى مش من الحكومة ؟؟؟
الحكومه اللى سارقه البلد واللى بتخلص ع خير البلد ايرادات قناه السويس
كلام عام ومرسل واذكرك بحديث الرسول الصحيح
كفى بالمرء اثما وفي رواية كذبا ان يحدث بكل ما سمع
ولو مش عاجبينك بلاش توزعي عليهم حسناتك


Souhaits
الحاجات اللى تعجبنا متدينين واللى مش على مزاجنا مش متدينين
كلمات في الصميم فعلا
لما نحب الاغاني نقول ابن حزم قال انها مش حرام وفي باقي ابن حزم مانعرفوش مع ان الفقه الظاهري من اكثر المذاهب تشدد وننسى القول
من تتبع رخص العلماء اجتمع فيه الشر كله
اشكر مرورك الكريم

yomna1993 و GAMALEWEES اشكر مروركم الغالي وللحديث بقية ان كان في العمر بقية

[Not Allowed]

الضمير

مهو فية ناس متدينين بس للأسف معندهمش ضمير

أهم شىء فى الدنيا دى الضمير لو بقى موجود كل الى أنت ذكرتة هيبقى موجود بما فيهم التدين

[لهلوبة الثانوية]

العودة للدين طبعااااااااااااااااااااااااا

[علاء سيف]

قصة الفيل والعميان الستة
وقف 6 من العميان امام فيل وارد كل منهم ان يصفه
قال الاول وقد امسك بالناب انه مدبب وحاد وناعم وملتو
والثاني أمسك بالركبة و قال لا هو اسطواني مجعد سميك
والثالث امسك الذيل وقال انه رفيع مرن خشن
وهكذا اختلفوا ياتري من فيهم الصح؟؟
ولا الصح انهم كلهم بيكملوا الرأي الصح ؟؟؟
اظن فهمتوني

[***GUIDE***]

انت عارف حاجة انا غيرت رأى
بعد تفكير احنا بينقصنا كل ما سبق ذكره وكل ما جاء فى الاستطلاع
واستحالة كل الكلام ده يتحقق
لكنه ممكن يتحقق فى مخيلة اى شخص
احنا مش ملائكة ولا عايشين فى مدينة فاضلة
احنا عايشين فى غابة بكل ما تحمل صفات الغابة من معنى

[ممدوح مصطفى الانصارى]

العودة للدين بالتطبيق العملى والتزام
والتطبيق والالتزام يحتاج لضمير
تحياتى لحضرتك استاذ / علاء

[علاء سيف]

العزيز GUIDE
انت عارف حاجة انا غيرت رأى حقك طبعا
بعد تفكير احنا بينقصنا كل ما سبق ذكره وكل ما جاء فى الاستطلاع ماشي برضه
واستحالة كل الكلام ده يتحقق ايه التفاؤل ده؟؟؟؟؟؟؟؟؟؟؟
لكنه ممكن يتحقق فى مخيلة اى شخص تقصد مين ؟؟ ولا كلام عام؟؟
احنا مش ملائكة ولا عايشين فى مدينة فاضلة ولا انا والله
احنا عايشين فى غابة بكل ما تحمل صفات الغابة من معنى لا اتفق معاك
الغابة الحيوانات تقتل لتأكل اما الانسان فيكذب ويقتل و0000 وهو غير مضطربس دة مش معنا كلهم وحشين وان الوحيد اللي كويس
لا معناه تعيش ونحاول نكون احسن ولا ايه رأيك؟؟؟

أ/ ممدوح مصطفى الانصارى يشرفني مرورك الكريم
العودة للدين بالتطبيق العملى والتزام أظن دي أهم حاجة
والتطبيق والالتزام يحتاج لضمير
والضمير يوقظه الدين شكلنا هنرجع من الاول

[سيف عبد العظيم]

الدين ثم الدين

[zizo2_2]

سأقول لكم كما قال دكتور احمد خالد توفيق

انا بخير لا ينقصني سوى الصحة والمال والسعادة

[مس رانيا حسن]

العودة للدين
سيترتب عليها باقى ما ذكر
موضوع رائع
جزاك الله خيرا

[riham_eg]

اللى ناقصنا هو الدين واحكامه ولو فى دين هيكون فى اراده وعزيمه وكرامه وحريه واخلاق وعدل
ولازم يكون الدين ده عند كل الشعب من اكبر واحد لاضغر واحد
او قصدى من اكبر منصب لاصغر فقير فى البلد