|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#16
03-07-2009, 10:04 AM
|
||||
|
||||
من الردود اللى عجبانى جداا
اقتباس:
اقتباس:
بس شفت انت حتى رتبتها ازاى قول وفعل احنا اقوالنا كتير اوى الترتيب الصح يأما افعال واقوال او نيات وافعال احنا فى الكا السنه اللى فاتوا تقريبا كانت كل ححياتنا مقتصره ع القواله وانا معاك ان السير ع خطى النبى شىء جميل وهل النبى مأمرناش بالتجديد !!! مأمرناس بالتفكر والتدبر !! جميل انى اتبعه واعمل الفرض واهتم بالسنه بس اللى ميقصرش البنطلون مش اروح اجيب بندقيه واصفيه ربنا نفسه بيقول فى ايه ( واتبعوا احسن ماانزل اليكم من ربكم ) صدق الله العظيم هل الايه دى معناها ان ربنا نزل حاجه لينا وحشه استغفر الله العظيك يعنى لا طبعا اما ربنا ها بيأمرنا بان احنا نعمل اللى فيه مصلحتنا اولا بمعنى انى دلوقتى وع سبيل التبسيط عندنا جرايم السرقه كتير هل عشان ربنا نزل نص صريح ع قطع الايد انى اعمل كده لا لان فى مر صريح تانى بالرحمه فالشريعه بتاعتنا مش مجرد حدود لا ده الرحمه شريعه والرحمه فوق العدل اقتباس:
وشوف كده جزء من ردى ع شيرين(البائسه بالعنجليزى) كنت اتكلمت عن جزء فى فيلم من عماره يعقوبيان اقتباس:
بس هل ده سبب ان ا*** طبيعى انى فى ظل الوقت الراهن الاقى علمانى كل واحد بيتينى وجه نظر هو حر فيها المهم انه ميأزيش غيره وبالرغم من كلامى ده انى بردو بستغرب من انى تعاطفت مع واحد منهم(طه فى الفيلم) هل عشان اتظلم!! ولا ايه انا فعلا مش عارفه بس ياريت نفرق بين التحديث والعلمانيه انا معرفش تعريف للعلمانيه دى بس التحديث شيء طبيعى بيفرضه علينا واقع هكمل رد كمان شويه لان معدتش شايفه حاجه  |
|
#17
03-07-2009, 02:43 PM
|
||||||||
|
||||||||
|
نتكلم فى الاول فى كذا حاجه الاصوليين نفسهم اكيد مش حد يقدر يعترض على انهم من الفئه المتجمده مش حتفيد المجتمع بشئ بس حضر كتير بس خلينا لما نرفض حاجه نكون منطقين و عقلانين يعنى مش نرفض لمجرد الرفض و نعمم المسئله و ده بيخلينا احنا كمان نقع فى الغلط يعنى اقتباس:
بصى يا ستى فى حاجه اسمها بدعه و فى حديث عن الرسول (ص) كل محدثه بدعه و كل بدعه ضلاله و كل ضلاله فى النار صدق رسول الله صلى الله عليه و سلم يعنى الموضوع موجه لينا و ليهم هما بيتشددوا فى الكلام و يضيفوا حاجات زياده عشان بتعرف عنهم التقى و الورع و كده و احنا بردو بنعمل بدع كتير و لما حد يقولنا عليها الاجابه السريعه بلاش تشدد يا شيخنا دينا دين البساطه فمفيش حاجه اسمها حبذها العقل و مفيش نص الى حد ما شبيه بيه و مفيش اجتهاد واضح ليه نقوم احنا ( كعوام المسلمين ) نطبقه من دماغنا ده اسمه بدعه و حبذه العقل انهى عقل بالظبط ما هو يمكن اللى يقبله عقلك مش يقبله عقلى و العكس بالعكس فاحنا مش لازم نحكم عقلنا احنا ( كعوام المسلمين ) فى امور الدين مهما كانت لمجرد اننا (عقلنا القاصر ) شايفه صح ؟؟ اقتباس:
امممممم هل عمرك شوفتى واحده فى بورتومارينا بتتشمس كويسه ؟؟ مش اعتقد ان الاحتماليه كبيره و ان فيه احتماليه اساسا هل عمرك شوفتى واحد ملتحى و ملتزم شكليا وحش حتقوليلى اها كتير بس مش شايفه ان الاكتر عكس كده حتقوليلى دول قدوه حقولك انتى اللى واخداهم قدوه عشان مش وصلتيلهم و ده فى حد ذاته بيدل على رغبه داخليه فى الوصول ليهم انا مش عايزه ندخل فى نقاش التزم شكلا و لا مش التزم خالص و لا فى نقاش مش بالمظهر و الكلام ده بس اللى اعرفه ان التعريف الشامل الكامل ان الدين ما وقر فى القلب و صدقه العمل ببساطه شديده يعنى على طول فى ايات المؤمنين و الذين امنوا و عملوا الصالحات دى يتبعها دى على طول امنت فى قلبك ماشى حلو بس لازم العمل لازم تحقيق على ارض الواقع حيفيد بايه انك مؤمن بربنا و موحد بس بتروح تعمل اعمال للناس عشان شايف انهم بيقطعوا رزقك طاب ما ده شرك بالله حيفيد بايه انك عارف ان الرسول (ص ) هو الرسول و متبعه بس مش بتتبع كلامه و بتقول اشوف اللى على هوايا و فى ايه صريحه ما اتاكم الرسول فخذوه و ما نهاكم عنه فأنتهوا الموضوع سهل و بسيط مش فيه انا شايف و انتى شايفه و مش فيه تدخل عوامل البيئه و التربيه و ما الى ذلك من الامور و فى كلمه مش عجبتنى اقتباس:
اها طبعا بينظر لصورنا زى ما قولتلك فوق هل الحجاب ده مش صوره على الطاعه هل اللحيه و التقصير ده مش صوره من الطاعه هل غض البصر ده مش صوره من الطاعه هل عدم الكدب و النفاق و الرياء مش دى كلها صور لينا بنبينها هل دول ربنا مش بينظر ليهم فى كله عجبتنى اول -- حقٌ على أصحاب الكؤوس أن يتناصحوا -- لا يُعــذر المسلم في تخليه عن الدعوة إلى الله والأمر بالمعروف والنهي عن المنكرحتـى وان كان مقصراً في نفسهفي بعض الأمور , بـل إن الإنسان عليه أن ينهى عن المنكرحتى وان كان هــو واقـع فيــه , فوقوعه في المنكر ذنب وعدم إنكاره على الآخرين ذنب آخر يسأل عنه, ولا شك انعلى من ينصح أن يسعى جاهداً لتغيير ما بنفسهليكون قدوة ومثالاً يحتذى به. ...... كونى مش بعمل ده مش يدينى الحق انى مش اقول للناس تعمل يعنى كون ا مثلا واحده مش محجبه بعيدا عن فرضيه النقاب بدل ما اقول مش منتقبه مش يدينها الحق انها تقول للناس لاء ربنا مش بينظر لصورنا مش لازم تتحجبوا الدين فى القلب  بصى
انا معاكى ان يمكن المظهر يبقى خداع لينا احنا بس ربنا مش بينظر للرياء ده بينظر للمظهر الصح اللى مش فيه رياء و اللى لوجه ربنا فهمتينى ؟؟ معلش حعلق على شويه ردود استحملى اقتباس:
بصى يا ايمى نبدا مع بعض بقاعده عامه ان الاتنين يعتبروا فرض واحد الزماى للرجال و التانى عشان العصر بس خلينا بردو ما دام اخدنا جانب العصر ناخده على الكل بمحاسنه و سيئاته شوفى دلقتى معامله الملتحيين ازاى اى واحد ملتحى فى الجامعه فى البلاك لست و الامن وراه بيتعب فعلا و فى الحاله دى يجوز ليه انه يحلقها و ده اتشرعله لاء الفرض بيبقى واجب فى حاله عدم وجود ضرر للمتبع و نفس الحال على المنتقبات اقتباس:
انه صالح لكل مكان و زمان قابل للاجتهاد قابل للاراء اختلاف اراء العلماء نعمه اختلاف المذاهب من حنفيه لشافعيه لحنبليه نعمه الحريه دى هى المرونه مفيش راى واحد بس غير فى الكبائر اما الباقى فبيحتمل الاراء و هى دى المرونه اللى بيخلينا نقدر نحرم حااجات مش كانت على عصر الرسول (ص) اقتباس:
هههههههه بتاخد على المنطوق اللفظى للكلام هما قصدهم هل هذا التجديد (فى عصرنا ) قام الرسول بفعله (فى عصره ) اقتباس:
امممممممم مش مقتنعه مع حضرتك فى النقطه دى نمسكها فى النقط اللى حضرتك قولتها اولا أتطرق في الأحاديث النبوية: 1-عن عائشة رضي الله عنها قالت :قال رسول الله صلى الله عليه وسلم(( عشر من الفطرة, قص الشارب وإعفاء اللحية والسواك واستنشاق الماء وقص الأظافر وغسل البراجم ونتف الإبط وحلق العانة وانتقاص الماء)) قال زكريا ((أحد رواة الحديث)) قال مصعب, ونسيت العاشر إلا أن تكون المضمضة. رواه مسلم وأحمد والنسائي والترمذي 2-روى البخاري في صحيحه عن ابن عمر رضي الله عنهما قال :قال رسول الله صلى الله عليه وسلم (( أنهكوا الشوارب وأعفوا اللحى)) وأنهكوا بمعنى بالغوا في القص والمراد بالمبالغة في قص ما طال عن الشارب لا حلق الشارب كله فأن ذلك خلاف السنة العملية الثابتة عنه صلى الله عليه وسلم . ولهذا لما سئل مالك عمن يحفي شاربه ؟ قال :أرى أن يوجع ضربا وقال لمن يحلق شاربه :هذه بدعة ظهرت في الناس رواه البيهقي ثانيا هل الاحاديث ذكرت اننا فى وقت معين مش حنحتاج اننا نتميز عنهم و لا كان الامر فى العموم من نص الحديث - حَدَّثَنَا مُحَمَّدُ بْنُ مِنْهَالٍ حَدَّثَنَا يَزِيدُ بْنُ زُرَيْعٍ حَدَّثَنَا عُمَرُ بْنُ مُحَمَّدِ بْنِ زَيْدٍ عَنْ نَافِعٍ عَنِ ابْنِ عُمَرَ عَنِ النَّبِىِّ صلى الله عليه وسلم قَالَ « خَالِفُوا الْمُشْرِكِينَ ، وَفِّرُوا اللِّحَى ، وَأَحْفُوا الشَّوَارِبَ » . وَكَانَ ابْنُ عُمَرَ إِذَا حَجَّ أَوِ اعْتَمَرَ قَبَضَ عَلَى لِحْيَتِهِ ، فَمَا فَضَلَ أَخَذَهُ . هل هنا كان فيه اى نوع من انوع الاستثناء غير اللى قولنا عليها فوق لاء كان امر عام شامل لكل المسلمين فى كل زمان و كل مكان يعنى كان فيه اكتر من امر عشان يتقبل فى الحياه بتاعت العرب وقتها هل هى دلوقتى مش تنفع و نركنها على الرف لاء هنا بتظهر المرونه الحقيقيه للاسلام عشان تلاقيها دلوقتى بردو الانسان محتاجها و حضرتك حاول بس تدور على فوايدها حتلاقيها كتييير بس المجال مش متاح لذكرها كلها دلوقتى  بس الايه واضحه و صريحه ما اتاكم الرسول فخذوه و ما نهاكم عنه فانتهوا اقتباس:
انا كنت كتبت رد كبير على الحكايه دى بس الكمبيوتر شحنه خلصصصصصصصصص و راح بتشل كل ما افتكر المهم يعنى اللى كنت بقوله ان زى اى حاجه محتاجه فى الاول بعد عصور كتير من الانفلات شويه شده زى ما بنستخدم الدكتاتوريه شويه عشان نقدر بعدين نحقق الديموقراطيه  و فى بتاع 11 سبتمبر مين اللى اثبت انهم عرب اساسا يلا كفايه كده اكيد راجعه تانى  فى رعايه الله
__________________
 In God's care HaPpiLy eVeR aFtEr |
|
#18
03-07-2009, 08:14 PM
|
||||||
|
||||||
|
اقتباس:
وياريت كلامى يتفهم صح يعنى مش ظهرت فى المجتمعات بتاعه اليومين دول اقرب حاجه ان لما ظهرت فكره الاقتتصاد والمبادلات التجاريه والعلاقات الاقتصاديه ظهرت المشكله الاقتصاديه زى هنا بالظبط العقول اللى بتتقبل الدين او بتحاول تفهم الشريعه مختلفه فكل واحد ليه طريقته فالاسلام طهر بفكره ومنهجه الجميل مش كل الناس اللى اسلموا فهموا الاسلام صح ودليل ع كده وجود المتشددين ايام الرسول والمثال اللى ذكرته بتاع ابى ذر الغفارى ورفض الرسول لانه يمسك الولايه اقتباس:
مش الفكره دى اللى انا اقصدها فى حجات طبيعيه زى الصلاه والصوم والزكاه والحج مش هقلك انا هعرفها لواحدى الفكره بتاعتى انى اكون عارفه ان الرسول عملى طريق امشي عليه وشارولى امشي ازاى هتقابلنى عقبات كتير فى الطريق ده هل كل عقبه هقف اعيط قدامها واقول انا معرفش حل للمشكله دى لا هشغل دماغى واعرف اما الصلاه وكده دى ثوابت غير قابله للنقاش بالمره فاحنا دينا مش دين نصوص بس ولا انى الغى دماغى واخلى العاطفه تقودنى فى احكام وحجات احاول اجتهد فيها واشغل عقلى بشكل سليم وحطى ع بشكل سليم دى خمسين خط احمر اقتباس:
اولا عمر ماتباع العقل بيضيع انا معترضه ع الجمله دى وزى موضحت فوق فى ردى ع الأخ وردى عليكى ان مش اى عقل المفروض العقل اللى بيفكر بشكل سليم اقتباس:
ههههههههه انا مردتش اوضح الجزء ده فوق معرفش ليه بس هحكيلك ع حدوته ظريفه كده هتفهمى انا اقصد ايه هو واحد استضاف مجموعه من الاصوليين وانه هيغديه وكده وفرش ع طبليه او سفره مش فاكره بالظبط هو راح يجيب الاكل لقى السفره او الطبليه مدغدغه ميت حته بيسألهم فى ايه قالوله هو الرسول كان بيعد ع سفره!! الراجل ابتسم واقعد واكلم ع الارض وكده بس استأذن وطلع شويه ورجع قعد معاهم وفى نهايه القاعده وهم مروحين طلعوا لقوا عربياتهم مدغده سألوا عن اللى حصل الراجل قالهم هو الرسول كان بيركب عربيات حدوته لذيذه الصراحه كان الواحد يحطها فوق بس مش مشكله قوليلى رأيك فيها لو اتكعبلتى فى الموضوع ولا حاجه لان فيها المعنى اللى اقصده اول حاجه مبدأ التخريب وبيتضح فى تدميرهم للسفره لمجرد ان الرسول مقعدش عليها تانى حاجه انهم نفسهم ممكن يكونوا بيعملوا حجات الرسول معملهاش وبكده يحرم ع غيره يحلل لنفسه والموضوع عندهم بيتفاقم لاكتر من كده انه يوصل لل*** هم تقريبا م***وش الراجل هنا عشان كان عازمهم بس وفى نفس الوقت بيستخدموا سلاح السلاح ده نفسه مش موجود ايام الرسول يعنى حقهم او بمدأهم يولوعوا فى نفسهم الاول اقتباس:
اعتقد ان وضحت كده فوق بطريقه بسيطه اقتباس:
احم عاجبنى ردك هنا لان هنا الأخ اتكلم عن فكره الاستشهاد بوجه عام استشهاد راجل فى سبيل تحرير بلده كان مفروض يخصص وان العمليه ان فى ناس بتعمل عمليات تخريبيه زى اللى فى الحسين وحجات كتير اعتقد انه وضح تحت بس انا لسه مقرأتش خايفه انزل ابص ع رد ولاء وعاوزه ابئا ارد عليها ع رواقه |
|
#19
04-07-2009, 01:04 AM
|
||||
|
||||
|
جزاك الله خيرا ياياسمين على طرح هذا الموضوع وانا بجد معنديش كلام اقوله بعد اللى انتى قولتيه والاعضاء الافاضل........ ارجو ان تتقبلى مرورى... وشكراااااااا
__________________
لا اله الا انت سبحانك انى كنت من الظالمين |
|
#20
04-07-2009, 11:17 AM
|
||||
|
||||
|
اقتباس:
انتى عارفه ان ثبت ان معظم العمليات التخريبية فى جميع انحاء العالم بتكون من تدبير وتمويل اجهزة مخابرات البلد نفسها وده هيرجعنا لنظرية المؤامرة من جديد يعنى مثلا المخابرات محتاجة شوية دعم وميزانية ومفيش بتقوم المخابرات مدبرة عملية ارهابية على اراضيها وترجع تقول ان قلة الدعم المادى احد اسباب فشل اجهزة الاستخبار وبالتالى بيتم زيادة المخصص المالى ليها وطبعا هما بيكونه مطالبيين بالقبض على الجناه وبيتم ساعاتها القبض على اى خلية نايمة او الصاق التهمة بالجماعات الاسلامية المتشددة يعنى اوقات كتيرة الجماعات الاصولية بتكون براء من اى عملية ثم انا هسالك سوال الاول هو مين اللى طلع علينا مصطلح الاصولية فى الاساس ؟ ردى على السوال ومتابع معاكى
__________________
وداعا
|
|
#21
07-07-2009, 01:16 PM
|
||||
|
||||
|
اقتباس:
هههههههه بتصدق النظريه دى الصراحه انا شايفه ان مهما وصلت قذاره الحكومه متوصلش كده اولا لان اصلا السياحه بتضرب ..وهى مضروبه خلقه اصلا الحمد لله وثانيا الموضوع مش لعبه ومعتقدش ان حياتنا واللى بتتعرض لانواع كتير من ال*** مباشر او غير مباشر بس متوصلش للدرجه دى بردو اقتباس:
اقتباس:
هو عامه انا معرفش مين اللى طلع المصطلح
ومعتقدش انه يفرق معايا وهو عامه تيار موجود فى الشيعه وبئا موضه الايام دى فى جماعات اسلاميه وهو اساس تفكير الجماعات المتطرفه واساسه التقليد مش اكتر بس بردو معتقدش انك عاوز توصل بان الغرب مثلااااا -وبقول مثلااااا -هو اللى طلع اللفظ لان اللفظ نفسه مش بيفرق المهم ان الفكر موجود من ايام الرسول حتى ولغايه دلوقتى وهيفضل قدام كمان شويه يعنى المشكله مش فى المصطلح ولا فى اللى طلعه المشكله اصلا فى ان الفكر موجود من زماااان ولو فى حاجه تانيه وضح عادى منكم نستفيد يعنى |
|
#22
07-07-2009, 01:40 PM
|
||||
|
||||
|
لا تعليق
حسبي الله ونعم الوكيل |
|
#23
08-07-2009, 01:08 AM
|
||||
|
||||
|
السلام عليكم ورحمة الله
بجد الموضوع كبير ومتفرع جدا كلما أردت أن أرد على جزئية تظهر جزئية ثانية فى مشاركة تانية لكن اسمحوا لى بتعليق ولو مؤقتا أولا والله أنا لا أنتمى إلى أى جماعة لا سياسية ولا دينية لأن ديننا لا يرضى لنا الإنقسام والبشرية كلها حزبين فقط ذكرهما الله عز وجل فى كتابه ألا إن حزب الله هم الغالبون ( بس طبعا مش حزب الله بتاع لبنان لا لا لا ) ألا إن حزب الشيطان هم الخاسرون أما تسمية أصوليون هل معناها الرجوع إلى الأصل يعنى فهم القرآن و السنة كما فهمه الصحابة الأطهار الأبرار ؟؟ إن كان كذلك فما العيب فيه ؟؟؟ يُعرف الرجال بالحق ولا يُعرف الحق بالرجال يعنى مثلا من يدخلون فى الإسلام خاصة هذه الأيام مع انتشار الفساد فى بلاد المسلمين إلا من رحم الله ولا حول ولا قوة إلا بالله - هل يدخلون حبا واعجابا بالمسلمين ؟!!!!! لا والله وإنما حبا فى الإسلام نفسه كما كان أيام النبى صلى الله عليه وسلم فشرائع الإسلام وأحكامه لا تتغير ولا تتبدل بتغير الزمن وهذا من إعجاز الله فى دينه أنه صالح لكل زمان ومكان الذى يختلف هو تطبيق الأحكام تبعا لفقه الواقع وفهمه كمثال سيدنا عمر الذى ذكرته حضرتك والإسلام يعتنى بالمظهر والجوهر فنحن لا نحكم على اللحية والنقاب من خلال الملتحين و المنتقبات لا هؤلاء بشر يخطئون ويصيبون وليسوا معصومين منهم الملتزمون ظاهرا وباطنا ومنهم غير ذلك كما أن فى غير الملتحين والمنتقبات أناس فى قمة الأدب والأخلاق ومنهم غير ذلك الا ان فى الوقت الحالى ظهرت صور جديده للسرقه التزييف مثلا وحجات كتير جدت ع العالم بتاعنا هل عشان مجاش فيها نص ابئا اسيب اللى يزيف واللى ياخد قرض ويتكل ع لندن وحلنى عبال ميعرفوا يجبوه لو جه اصلا مين اللى قال إن مجاش فيها نص (انما جزاء الذين يحاربون الله ورسوله ويسعون في الارض فسادا ان ي***وا او يصلبوا او تقطع ايديهم وارجلهم من خلاف او ينفوا من الارض ذلك لهم خزي في الدنيا ولهم في الاخرة عذاب عظيم) ويقاس على هذه الآية من يروه أولو الأمر والقضاة أنه مفسد فى الأرض كتجار المخدرات مثلا أو نحو ذلك والنصوص من القرآن الكريم والسنة الصحيحة الثابتة هو منهج حياة وضعه خالق البشر وهو أدرى بما يصلح الإنسان أو يفسده والإسلام ليس دينا جافا وإنما أمرنا بالعلم والتعلم وعمارة الأرض والتفوق فى كل المجالات أما التعصب الأعمى والتكسير والتقفيل هذا يدل على نقص العلم وعدم ملكية هذا الشخص لمادة الحوار والإقناع للطرف الآخر أما المخربون والمتطرفون فهم جماعات جاهلة استغلها أعداؤنا لمحاربة ديننا الصحيح لتشويه صورته وتحقيق مكاسب معينة لهم مستغلين جهل هؤلاء الشباب بالدين الصحيح وسماحته وحرصه على مصلحة البلاد والعباد وآسفة على الإطالة تقبلى مرورى
__________________
لا تظلمن إذا كنـت مقتدرا فالظلــم ترجع عقباه إلى الندم تنام عينك والمظلـوم منتبـه يدعو عليك وعيـــن الله لم تنم |
|
#24
08-07-2009, 02:29 PM
|
|||||||
|
|||||||
|
مبدأيا موضوع جامد بصراحة يا ياسمين
اقتباس:
اقتباس:
التفكير والعقل هو اللى بيميزنا عن الكائنات البهيمية وطبعا العقل هو مدار التكليف بدليل ان الرسول (ص) قال (رفع القلم عن ثلاثمنهم المجنون حتى يفيق ) بس اللى هنختلف فيه ان الدين مش بالعقل لان سيدنا على قال "لو كان الدين بالعقل لكان أعلى الخف أولى بالمسح من أسفله" العلماء فسروه بأن الدين مش بظاهر العقل يعنى مش اى حد له عقل يقول اى حاجة انما لازم يبقا فى تمعن علشان نوصل للهدف اللى اتخلقنا علشانه يعنى التفكير وسيلة للوصول الى هدف معين وليس التفكير هدف ومن هنا كان اختلافنا على اسم الجروب ( خلقنا من اجل التفكير ) لان معناه اننا خلقنا من اجل وسيلة وطبعا مينفعش لاننا خلقنا لهدف معين وهو العبادة اما التفكير فهو قنطرة للوصول للهدف :::::::::::::::::::::: اقتباس:
الدين يسر ودا معروف للعامة والخاصة بس مش معنى كدا اننا ناخد كل حاجة بالساهل فى نصوص قرأنية واحاديث نبوية لازم تراعى عند استخدام اليسر مهو مش علشان نيسر الدين نخالف النصوص لان الدين مبنى على قواعد واصول مينفعش نخالفتها ولو خالفناها نبقا من اهل البدع ومنبقاش ميسرين اقتباس:
مين قال كدا الحديث بيقول((إن الله لا ينظر إلى صوركم وأموالكم، ولكن ينظر إلى قلوبكم). بس مش معنى كدا اننا نسيب الظاهر ديننا بيحث على سلامة الظاهر والباطن بدليل ان سلامة الظاهر دافع قوى وركيزة اساسية لسلامة الباطن يعنى لو هنشوف حد ملتحى اللحية بتمنعه عن حاجات كتير كذلك الزى الاسلامى للمرأة سواء نقاب او حجاب وملاقيش حد يقوللى طب ما فى ناس طالقة اللحية وبتعمل وبتسوى دول قلة قليل ضعاف ايمان مرضى قلوب يعنى لازم نصلح الظاهر والباطن لان مينفعش واحدة تمشى متبرجة وعاملة فتنة فى المجتمع وتقوللى طالما القلب ابيض والنية سليمة يبقا عادى اقتباس:
اقتباس:
اقتباس:
تفرق كتير يا ياسمين ومين فينا سيدنا عمر فى طريقة تفكيره مين قال اننا فى مجاعة حقك مسروق منك فتقومى تسرقى حد غيرك مش منطقى طبعا ثم هو ايه اللى بيقام عليه الحد فى مصر ال*** سنتين تلاتة واتطلع وا*** تانى مع ان ربنا قال ( ولكم فى القصاص حياة يا أولى الالباب ) الزنا مش بيطبق حد لان الحد للمحصن الرجم ولغير المحصن الجلد ومفيش حاجة بتحصل ونتى شايفة المجتمع بقا عامل ازاى لان مفيش حد رادع مفيش ترهيب انما لو فى حد مكانش ده بقا حالنا فسيدنا عمر عمل حاجة مع وجود سبب قوى ودافع منيع انما احنا مبنقيمش حد ليه متعرفيش بس مصر دولة اسلامية مخالفة لبعض النصوص يعنى هتلاقى واحد ربنا يمسيه بالخير بيقول (ليس كل ما يحرمه الشرع يجرمه القانون ) مع ان المفروض يبقا فى نفى للنفى ونفى النفى اثبات :::::::::::::::::::: عارف انى طولت بس براحتى بس موضوع رائع يا ياسمين هيا دى المواضيع اللى نتناقش فيها مش زى مواضيع تانية ربنا يوفقك ان شاء الله ونسمع اخبار حلوة عن النتيجة دمتم فى رعاية الله
__________________
 ......استودعكم الله الذى لاتضيع ودائعه.... ....closed 4 ever
|
|
#25
10-07-2009, 11:15 AM
|
||||
|
||||
|
الأخت الغالية ياسمين
إن إطلاق الأحكام بشكل عام و شمول الناس و أطلاق مسمى طائفة عليهم ده حكم غير عادل و لو كل إنسان اختلف معي في الرأي و لم يكن على هوى نفسي وصفته و نعته بمسميات لأفترق الناس و ضعف المجتمع و تشتت أفراده أسال بعض الأسئلة البسيطة هل وجدت منهم من يدعوا لأمر جديد لم يقم به المسلمون من قبل ؟ هل منهم من أتهم الناس بالكفر أو أجاز ***هم ؟ هل منهم من وضع حديث جديد أو نحى القرآن و السنة جانباً ؟ هل منهم من حرم الكومبيوتر او الطائرة أو دعا لنبذ التكنولوجيا الحديثة ؟ أختي العزيزة قد تظنين أني منتمي لجماعة معينة لكن هذا غير صحيح هدانا الله و إياك الله يا أختاه خالق نفوسنا و هو أعلم بها و بضعفها و تزكيتها وبعث الرسل لهذا قال تعالى )كان الناس أمّة واحدة فبعث الله النبيين مبشّرين ومنذرين وأنزل معهم الكتاب بالحق لِيَحكُم بين الناس فيما اختلفوا فيه( ومن رحمة الله بنا أن الله يبعث لنا أئمة يهدون للخير و هم العلماء و عيزك تسألي عن تصدي الأمام أحمد بن حنبل للفتنة و محمد بن عبد الوهاب لما كان يفعله الشيعة بالبيت الحرام و مكة يا أختاه لو لفتحنا الباب للأهواء في ديننا لأصبح لدينا عدة مصاحف مثلما فعل غيرنا و اختلفت الملل و انجرفنا عن شريعة الإسلام و هي وحدة الأمة على الكتاب و السنة |
|
#26
10-07-2009, 01:06 PM
|
||||
|
||||
|
تصدقى وانا كمان وحشتنى مواضيعى
 وكفاره ليكى يختى انتى كمان متحسسنيش انى الوحيده هنا اللى بالمنظر ده ******** وحشتك مواضيع طب اتفسحى معاها شوية ياختى انا مخلصة قبلك بيومين ******* اه التشدد انا هقول حاجه يمكن لسه من شويه حاسه بيها وكنت مخنوقه منها مش مسأله التشدد يعنى انا مش لما اطلع اولع فى كام اتوبيس واحدف بالطوب يبئا كده هغير حاجه والكلام ده بيبقى منظم من جهات معينه عشان يثيروا الناس ويقلبوا البلد ************ اه طبعا ده بيبقى تنظيم و اوقات تسرع و سوء فهم بس المعظم تنظيم اللى عايز يغير اكيد هيفكر و يستخدم عقله ما دام بيفكر فى التغير ********* بس كنت لسه شايفه الحته الاخيره من فيلم عماره يعقوبيان هو شغال ع ميلودى افلام دلوقتى تقريبا انا قمت عشان اتخنقت من موقف واحد بس او يعتبر هو ده اللىى عجبنى فى الفيلم طه الطالب بتاع سياسه واقتصاد اللى اترفض من الدوله عشان ابوه بيشتغل بواب اللى خلاه ينضم لجماعه متشدده ولما المباحث قبضت عليه واتعذب ***** فعلا قذاره كنت متعاطفه معاه وكنت شايفه ان طلبه من رئيس التنظيم بتاعه بانه عاوز ينتقم الانتقام من الحكومه اللى بهدلته وهتكت عرضه الناس دى بردو مش كلهم مسيريين او مشدودين من رقابيهم لا فى ناس منهم رغبتهم فى الانتقام من البلد عمتهم والجميل اللى فى الموضوع انى كنت حضره الفيلم ده سينما -عارفه انه كان للكبار بس انا كنت داخله اتفرج ع ترانسبورتر والاتنين كانوا بيتعرضوا ورا بعض واحلى حاجه ان عدد الاطفال كانوا اكتر من الكبار مع ان المفروض ان اللى معديين 18 هم اللى يدخلوا يلا عامه مجتش ع دى- نرجع لموضوعنا الناس فى اخر الفيلم وبعد انضمام طه لجماعه دينيه وانه بدا يدرب تدريب وكأن البلد انشقت نصين ضد بعض وكأننا مش ولاد بلد واحده الجمهور فى الاخر سقف لطه لما *** الظابط بالرغم انى فى الوقت ده كنت فرحانه جداا انه خلص ع الظابط القذر ده بس دلوقتى لما فكرت مش عارفه هل انا معاه ولا مع طه مع الهمجيه اللى اتبعها كل واحد فيهم مع العلم ان الظابط هو اللى بدأ الصراحه الجزئيه دى اان تقريبا تفكيرى بيتشل قدامها !! لو حد عنده رأى فى الحدوت دى يقول ****** يابنتى هو انا مشوفتش الفيلم بس على حسب مانتى حكيتى هو فعلا ذنب الظابط و الطريقة الغلط فى نظام الدولة بجد دولة خربانة يعنى و ده برده تنظيم عشان نفضل نرجع لورا و متقدمش خطوة لقدام الشباب محتاجين حد يفهمهم مش يدخلهم فى الغلط و ف الاخر عايزين يعاقبوه ********** ولو شفتى ردودى فوق انا مش بقول ان المنقبه اصوليه اه شوفتها انا بقول اللى بيقول ع النقاب فرض واللى بيكفر اللى مش لابسينه اما مدام والدتك شايفه انك وانتى (مش محجبه) انها حريتك فده المطلوب انا شايفه ان ده شيء لازمنى يبقى اوكيه هعمله بمأنى مش هضايق حد بيه او هتدخل فى حريات حد فهمانى؟؟ ***** اه فهمتك و معاكى فى النقطة دى لو دى وجهة نظرك ***** ده شكل من اشكال المرونه بردو انا بدام مصلحتى فى كده فاوكيه ايه المانع مش هاجى اقول لحد بيعملى خدمه انت ولد امشي يا .. الاختلاط حرررااام وجاز عتريس من فؤاده باطل والتار ولا العار والافلام الهندى دى ***** بالظبط كدا لان الظروف هى اللى بتحكمنا ولازم نبقى مرنين و تفكيرنا ميقفش عند حد معين و التشدد الجامد ده هو اللى بيخلق المشاكل بعد كدا تبقى البنت مثلا داخلة الجامعة و فيه اختلاط و حياة غير الحياة اللى كانت عيشاها خالص و ساعتها بتبقى عايزة تكتشف العالم الجديد و تقع الفاس فى الراس ***** جميل انا اول مره اعرف الحكايه دى يلا ومنكم نستفيد يابطاطا يادى بطاطا اللى مسكهالى فى كل حتة دى  بس انا مش معاكى ان معظم المسلمين فاهمين الدين صح والدليل الخيبه التقيله بتاعتنا لاء يا ياسو انا مقولتش معظمهم فاهمين صح انا بقول ان فيه ناس و الدليل اننا بنتناقش هنا اهوه يبقى فى ناس فاهمة صح مش كلهم ولا معظمهم كنت مره فى تاكسى والراجل مشغل شريط كاسيت داعيه من اللى يحسسوكى انك هتتحدفى فى جهنم كان بيتكلم عن الاساءه للرسول وكأنه بيتكلم عن الحرب المشكله ان الطريق نص ساعه والاخ شغال شتيمه فى الغرب وانا قاعده مستنيه انه يدى حل مفيد بدل الزعيق ده ولكن لا حياه لمن تنادى **** ياسو لازم يتكلم عن اساءة الرسول كانها حرب عشان هى فعلا حرب ده رسولنا يا ياسمين بس الغلط ان مفيش حل بيتحط و ان احنا السبب ضعفا و اى حد يقدر يشتم و يهزئ فينا بقينا عرضة لاى اهانة هو ده اللى لازم اللى نتكلم فيه سبب المشكلة و الحلول اللى توصلنا لحل المشكلة *** من ناحيه طولتى فانتى طولتى بس افدتينى فى نقطتين منوره يا شيرين وعادى انا بحب الردود اللى فيها كلام ********** ده نورك يا ياسو طب كويس والله انى قدرت افيدك بحاجة و مدام بتحبى التطويل احنا فى الخدمة
__________________
 يظن حين أتحدث عن ذكرياته اننى لازلت احبه .. و يظن حين اكتب عنه بعين الرضا اننى لازلت اتمنى عودته .. ولا يدرك اننى منذ أن فارقته " عددته ميتاً ".. فحديثى عنه لا يعد الا امتثالا بحديث المصطفى " اذكروا محاسن موتاكم "
|
|
#27
17-07-2009, 10:14 PM
|
||||
|
||||
|
شوفتى اهو انتى اتاسرتى بفلم مبالك بالحقيقه انها ابشع مما كنتى تتخيلى
ولاكن احييكى على مجرد الفكرة بجد اشكرك تعرفى ان الظلم ممكن يخلق اى حاجه ولو كانت ضد شرع الله تعرفى ان البلد دى فيها فرد بيقبض مرتبه يعنى نقول = 250= الف جنيه وفيه واحد بيقبض =120 = جنيه وده عايش وده عايش بس ارجع للموضوع ليس هناك عدل فى هذا البلد لو ان كل فرد تذكر انه سيرى = منكر ونكير= لعمل لهذا اليوم قبل ان يراى الله عزوجل اسف على الاطاله اشكرك على الموضوع الرائع ده تقبلى مرورى
__________________
 كم كنت اتمنى ان اراكى يوماااااااااااااااااا
|
|
#28
18-07-2009, 06:13 AM
|
||||
|
||||
الاول احب احيى كل اللى شاركوا فى الموضوع...
و زى ما كتير قبلى قال ان الموضوع متفرع ......وكبير و واسع جدا.... و بصراحة مفدرتش اقرا كل المشاركات بس بنيت فكرة عامة عن اراء الاعضاء..... نقطة كدة على جنب: دلوقتى فيه سنى و شيعى و الشيعة ميت طائفة و طائفة و فيه السلفى و فيه الاصولى و فيه الاخوان و فيه و فيه و فيه...... لكن ايام الرسول كان فيه مسمى واحد بس "مسلم" صح و لا ايه.... و طبعا نقطة الجدل فى اى موضوع النقاب و الدقن و اللحية و التفكير... انا ليا واحد صاحبى اكبر منى باكتر من خمس سنين يمكن...و ده اخوان بس مش مربى دقنه و تقعد معاه عمره ما يحسسك انه منتمى لجماعة او فرقة او حزب..... هوا مجرد واحد مسلم شابف ان الاخوان اكتر ناس بيفهموا الدين...مع ان من وجهة نظرى و اللى انا شايفه فيه كتير فيهم مصالح... المهم نرجع لموضوعنا عمر الدين ما كان بالشكل بس او بالفعل بس... يعنى لو واحد قصر الشارب و اطلق اللحية يبقى مسلم صح طب ما اللى انت مش عارفه انه ده بيتفرج على سيكو سيكو و مفرط فى حق بيته و مراته و مضيع مستقبل اولاده و ....و....و القائمة لا تنتهى... و التانى بيأدى كل فرض ربنا امر بيه تقريبا....و بيعمل كل طاعة و بنية خالصة لله وبيدى لكل واحد حقه قبل ما يطلب حق نفسه...و بيحفظ فقه و سيرة و حديث و قران.... بس........مش مبرى لحية و لا لابس جلابية اصلا... الاتنين طبقوا الفرض و السنة لكن الاول فى المظهر و التانى فى الفعل... بس انا من راى المفروض الواحد يبقى حاجة ما بين الاتنين.... طب مثال تانى على جنب ...... واحد اخوان بيكره واحد تانى عشان سلفى.. ده من الدين فى ايه.... و واحد سنى وقف حال واحد فى مصلحة حكومية عشان عرف انه اخوان.... ده من الدين فى ايه.... احنا هانفضل نتناقش بس ده مش هايصلح حال الامة... و الله انا عارف ان كلامى بعيد كل البعد عن التنظيم بس هوا وليد اللحظة.... بالنسبة للنقاب هوا مش فرض و لكنه مستحب فى زمن الفتن لما تكونى بنت و جميلة لازم تحافظى على نفسك ع الاقل متضعيش اى حاجة من الزينة ع الوجه...ده اقل حاجة وز لا فرح و لا مناسبة و لا غيره.... و كمان كلمة لكل شاب ربى نفسك قبل ما تربى دقنك... المشكلة اللى انا شايفهادلوقت ان اللى بيهتموا بالشكل اكتر من اللى بيهتموا بالفعل... و اللى بيهتموا بالنص اكتر من اللى بيهتموا بروح النص.... و بالنسبة لنقطة التفكير...طبعا فى عوامل كتييييييييير لضياع الدين عند معظم الشباب منه انه اتولد مكتوب فى شهادته مسلم.... فبقى يصلى و يصوم و بعدين بخ مفيش....لكن لما تلاقى واحد دخل الاسلام فده عشان فكر استخدم عقله و حكمه اذا كان ده صح و لا غلط... فى النهاية عمر الدين ما دعا للتفجير لكن قال ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الحسنه و قال ادفع بالتى هى احسن .... ربنا قال اعتبروا يا اولى الالباب و قال كذلك يبين الله لكم الآيات لعلكم تفكرون و قال كمان وجعلنا لكم من انفسكم ازواجا لتسكنوا إليها وجعل بينكم مودة ورحمة إن في ذلك لايات لعلكم تفكرون و قال كذلك يبين الله لكم الآيات لعلكم تتفكرون في الدنيا والآخرة و كمان الَّذِينَ يَذْكُرُونَ اللَّهَ قِيَاماً وَقُعُوداً وَعَلَى جُنُوبِهِمْ وَيَتَفَكَّرُونَ فِي خَلْقِ السموات و الارض ربنا ماخلقتهذا باطلا فقنا غذاب النار..... هوا مش كل ده بيدعو للتفكر....و اصلا سيدنا محمد لومفكرش فى ان الكون ده ليه اله واحد... ماكانش ده حالنا دلوقت...و طبعا كلنا عارفين قصة سيدنا ابراهيم.... كل ده مش يخليك انك تستخدم عقلك...انت كده بتقول لغير المسلم متفكرش و متادورش ع الصح و الغلط.. يعنى بكل بساطة لا تبحث فى الاسلام... ده مجرد راى واحد عقله على قده و الكلام كله ملخبط.... ما نات من غير التفكير برده مش هاتؤمن بوجود ربنا و لا ايه.... فى كلام كتير فى دماغى بس انا نعسان دلوقت فربنا يقدم اللى فيه الخير... و معلش الردطويل و غير منظم بالمرة بس كان وليد اللحظة يعنى كلام بين الاصحاب ... و فى الاخر ربنا يهدينا كلنا لعبادته كما ينبغى و كما يريد.... و ليس كما نظن...
__________________
 إذا ضاقت بك الدنيا... فقل.. يا رب |
|
#29
18-07-2009, 10:44 AM
|
|||
|
|||
|
الموضوع رائع بجد واحيكى عليه بس فى نقط عايزين نتناقش فيه
1-ديننا ليس بالدين الجامد صرفا ولا بالدين المرن صرفا فأما الجامد فأنتى لا تستطيعى التفكير فى بعض الاشياء فى ديننا مثل كيف خلقنا الله وما هى الروح واسئلة اخرى يمنعنا الاسلام من التفكير فيها انتى تعلميها وانا اعلمها والمسلمين جميعا امأ بالنسبة للمرونة فديننا يتصف بالمرونة احيانا كما فى الفتاوى عندما يختلف الامام الشافعى والامام احمد هذا مرونة ونحن نأخذ بالاصلح لنا 2-الحجاب والنقاب انا معكى ان النقاب ليس بالفرض ولكن ليس معنا هذا ان تمشى المأة عارية فى الشوارع وتقول الله ينظر للنيه فالنية وحدها لا تكفى ولكن ذكر فى احاديث عدة على ضرورة التحشم اى الاحترام وعدم كشف اى من محارم المرأة 3-واخر حاجة عايزة اقولها تعليقا على الموضوع الجميل ده هو شكرى الى كلتبة الموضوع |
|
#30
24-07-2009, 01:30 AM
|
||||
|
||||
|
بس هو فين الفكر اللي معترضة عليه
الابنة الغالية والاخت العزيزة
عنوان المشاركة خادع فاذا كنت تريدي فعلا الفكر السلفي او الاصولي فما هي الافكار او الكتب التي لم تعجبك كل ما عرضتيه مجرد انطباعات عن سلوكيات بعض الملتزمين شكليا من وجهة نظرك وهي سلوكيات شكليه من وجهة نظري حتى مراجعكم فيها افلام ولم المح عنوان كتاب او اسم مفكر ومعظم النقاش انصب على موضوع اللحية والنقاب اما موضوع المرونة والجمود فهناك خلط كبير اتمنى اوضح رأي فيه كل امور الدنيا من معاملات واقتصاد واختراعات اصلهافي الاسلام انها حلال ما لم تتعارض مع نص فالذي يقول بحرمة اي شئ دنيوي يحتاج لدليل وكل امر تعبدي الاصل فيه الحرمة مالم ياتي بنص او دليل فالعبادات توقيفية ولا يدخل العقل بها عقللك فكر به واخترع لدنياك وايات التأمل جأت في المظاهر الكونيه العقل لا دخل له لماذا العشاء 4 ركعات والفجر 2 ولا دخل له بالحرام والحلال مثلا لماذا الزنا حرام؟؟؟ هاتقول لان اختلاط الانساب و00 طيب لو واحدة وواحد لا ينجبوا اصلا يبقى حلال؟؟؟لو واحد لايسكر من الخمر يشرب حلال ؟؟؟ اذا حبيتي تعرفي ان العقل ممكن يضل شوفي جمال البنا العقل السليم يفكر في ما يمكن التفكير به ممكن حد ياكل بأنفه؟؟ كل عضو له وظيفة اما الافكار الاصولية كما تسميها وليس هنا مجال مناقشتها ولكن ما عيب لن يقرر انسان ان يتبع السلف ولماذا نتهمة بانه مجرد مظهر ديننا ليس فيه قشور لباب ديننا كل كان الرسول يعلم الصحابه الجهاد وفي ذات الوقت اداب الطعام ودخول الخلاء لماذا الملتحي غشاش والمنتقبة فاسدة ؟؟؟ والاخرون كويسين بس من جوه؟؟؟والحجاب حجاب القلب ؟؟؟؟ ان كان هناك اطباء يتاجرون بالطب نغلق كليات الطب ؟؟؟؟؟؟؟ مهندس يغش العمارة تقع يبقى بلاش مهندسين؟؟؟؟؟؟؟؟ العيب فينا وليس في اللحيه او النقاب ولو لم تكن اللحيه في ذاتها طيبة ما تستر خلفها غشاش ولا تسترت بالنقاب فاسدة والله اسأل ان يتسع صدركم لهذة السطور والموضوع يستتحق اكتر بس عاوز انام دلوقتي وشكرا |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:54 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
