انا مش مصدق الخبر ده 70 حالة طلاق بين إداريى التعليم بسبب "الحافز"

[haitham12]

المشاركة الأصلية كتبت بواسطة mahmood1888

هذا الكلام به مبالغه واستخفاف بعقول البشر واهانه للاسر المصريه العريقه

منتهى الاستخفاف بالعقول
يعني لة كانت الزوجات لم يحصلن على الكادر كانت ظروفهم هتبقى احسن؟؟؟؟؟؟؟؟؟

[صفاء عزمى]

كلام كدب وعام الماضى لا كان مفيش كادر هل كان هناك لاق ومن يطلق سوف يخرب بيته

[the rabbit]

والله ياأخواني أنا لست ضد كادر أو حافز الاداريين ولكن أنا ضد الحقد المكبوت في صدور المصريين .فالاداري هو أخي وأخيك وكلهم أهلنا ولكن لماذا لم يطالب الادارييون بحقوقهم الا عندما تقرر كادر المعلم . أهو برضه شئ يدل على الحقد الذي يكمن في صدورنا نحن كمصريين . ولقد لمست هذا في كل من هم يعملون معي كأداريين حتى في نظرات أعينهم ومنهم من هو أقرب الناس لي
ولا أستطيع الا أن أقول ( اللهم طهر قلوبنا من الغل )

[جمال سراج]

المشاركة الأصلية كتبت بواسطة the rabbit

والله ياأخواني أنا لست ضد كادر أو حافز الاداريين ولكن أنا ضد الحقد المكبوت في صدور المصريين .فالاداري هو أخي وأخيك وكلهم أهلنا ولكن لماذا لم يطالب الادارييون بحقوقهم الا عندما تقرر كادر المعلم . أهو برضه شئ يدل على الحقد الذي يكمن في صدورنا نحن كمصريين . ولقد لمست هذا في كل من هم يعملون معي كأداريين حتى في نظرات أعينهم ومنهم من هو أقرب الناس لي

المشاركة الأصلية كتبت بواسطة the rabbit

ولا أستطيع الا أن أقول ( اللهم طهر قلوبنا من الغل )

كلامك بالتاكيد جميل وصحيح
ولكن نتمنى الا يكون هناك حقدا من الاداريين على المدرسين من جهة اخرى كما هو الحاصل الان
نتمنى ان يحصل الادايون على حقوقهم بطرق مشروعة ونتمنى ان تنتهى هذه المشكلة
ربما يسهم ذلك فى تطهير النفوس رغم ان الغل والحقد دا ظاهرة انسانية ليس لها دخل لا بكادر ولا بغيرة
فى القران مثلا تعرفوا حضرتكم قصة ابو 99 نعجة اللى عاوز يكملها 100 ب الواحدة بس اللى مع اخوه
مش بس كدا شوفوا الاعجاز البلاغى فى القران
( وعزنى فى الخطاب)
يعنى عمال يزن عليه - طمع وجشع وحقد وغل
ربنا يهدى النفوس ويطهر قلوبنا ويبارك لكل الناس اللى بياخد 1000 واللى بياخد 100 واللى بياخد 50
يا سادة صدقونى هى مش بالكترة هى بالبركة
يا سادة الرزق مش فلوش وبس
الرزق صحة ودى بالدنيا كلها - الرزق بركة فى الولاد وصلاح لهم وهداية ودى ملهاش حل وملهاش تعويض ولو بفلوس الدنيا كلها
الرزق حب الناس وعملك للخير دايما وذكرك لربنا كتير ودا خير زاد لنا جميعا يوم لقاءه
دمتم بكل خير

[جواد عوض]

لا وسعت منك المرة دى يا اخ فوزى عبد الفتاح
واسعة اوى المرة دى
مع انى مؤمن بمبدا المساواة وانكم تاخدوا مستحقاتكم كاملة
بس لية 70 حالة طلاق مش 71 ولا 69 ؟؟؟؟؟؟؟؟؟؟؟؟؟؟؟؟؟؟؟؟؟؟

[توفيق رفعت عجيز]

المشاركة الأصلية كتبت بواسطة the rabbit

والله ياأخواني أنا لست ضد كادر أو حافز الاداريين ولكن أنا ضد الحقد المكبوت في صدور المصريين .فالاداري هو أخي وأخيك وكلهم أهلنا ولكن لماذا لم يطالب الادارييون بحقوقهم الا عندما تقرر كادر المعلم . أهو برضه شئ يدل على الحقد الذي يكمن في صدورنا نحن كمصريين . ولقد لمست هذا في كل من هم يعملون معي كأداريين حتى في نظرات أعينهم ومنهم من هو أقرب الناس لي
ولا أستطيع الا أن أقول ( اللهم طهر قلوبنا من الغل )

عموما حضرتك بتتهم الاداريين انهم حاقدون علي المدرسين طيب خلينا نصدقك بس لما تذهب عند البقال ويقولك ماهو من يوم الكادر والحاجة مولعة يبقي البقال حاقد وكل الناس حاقدين وبعدين هو عيب ان الاداريين بيطالبوا بحافز الاخمسين في الميه اسوة بالمحليات
الاداري اتظلم بسبب الكادر كثيرا ليس بسبب استبعادة من الكادر ولكن انظر الي المكافأة لن تزيد جنية واحد بحجة الكادر وانظر الي حافز المحليات ايلي اتحرم منه الإداريين والمدرس بحجة الكادر.

[عاشقة الموج]

الطلاق لن يحل مشكلة الكادر هذا قصر نظر للمشكلة
و لنكن موضوعيون فى بحث أى مشكلة تهمنا فالكادر لا يقدم
و لايأخر بالنسبة للموقف الحالى للغلاء العالمى وكل الذى نحاول
قوله للأخوة الإداريين ربنا يحل مشكلة ال 50 % ويصبح الحافز 75 %
ليهنئ الرجال و النساء من إدارى التعليم
بلا زعل أو كلام غير حقيقى ........

[جمال سراج]

على فكرة ودون التقليل من شان اى انسان فالكل يحترم كونه انسانا باى حال
عاوز بس اقول رايى
الدنيا لا تقف عند احد او لاحد منا
يعنى الاداريين لو ما اشتغلوش مثلا - دى مفيش فيها اى مشكلة والدنيا مش هتقف - لان اى حد ممكن بسهولة جدا يقوم بعملهم
كمبيوتر واحد بمدرسة ومدرس شغال عليه يقدر يعمل صادر ووارد ومرتبات وكشوف ونتيجة واى حاجة
فى كل دول العالم الوقتى واقصد المتحضر واحنا مش اقل منهم مفيش حاجة اسمها اداريين بطريقة اداريينا كدا
وحتى هنا فى المدارس الخاصة المدرسين بيقوموا بعمل الاداريين
وفى كتير من المدارس العامة تلاقى كتير ميبعملش كتير من شغله
مثلا تلاقى فيه لجنة من المدرسين لتسليم الكتب واخرى لتسجيل كشوف الطلاب الجدد واخرى لاسمتارات الولاد واخرى للمشتريات وغيرها وغيرها
اعتقد ان دا كله عمل ادارى
ايه المشكلة فى عمل كشوف المرتبات او الحوافز او غيرها - الكلام دا مش حسبة برما دا دفتر ومن خلاله كل شهر النقل وكل سنة مرة اضافة العلاوة او غيرها

انا مش بقول الكلام دا عشان اقلل من شان احد - لان الكلام دا موجود فى اداريى التربية والتعليم وغير التربية والتعليم
كما ان الاهمال حتى لو وصل للمدرسين ممكن الاستعانة بمدرسين تانيين - كل حاجة بقت كتير اليومين دول والعمل مستمر والحياة شغالة

يعنى باختصار كل واحد يشوف شغله بالحسنى وبما يرضى الله بعيدا عن الاحقاد
لحد ما ربنا يحلها ويحصل الاداريين على حقوقهم بالذوق ان شاء الله مش بالتهديد والوعيد والانعرة الشغالة والمبالغة والتلفيق للواقع ونشر اخبار مش صحيحة
يارب ياخدوا 1000% عشان يهدوا
بس ادعوا ان الغلاء اللى احنا فيه ميزدش عن كدا
تحياتى

[توفيق رفعت عجيز]

المشاركة الأصلية كتبت بواسطة مستر/جمال سراج

على فكرة ودون التقليل من شان اى انسان فالكل يحترم كونه انسانا باى حال
عاوز بس اقول رايى
الدنيا لا تقف عند احد او لاحد منا
يعنى الاداريين لو ما اشتغلوش مثلا - دى مفيش فيها اى مشكلة والدنيا مش هتقف - لان اى حد ممكن بسهولة جدا يقوم بعملهم
كمبيوتر واحد بمدرسة ومدرس شغال عليه يقدر يعمل صادر ووارد ومرتبات وكشوف ونتيجة واى حاجة
فى كل دول العالم الوقتى واقصد المتحضر واحنا مش اقل منهم مفيش حاجة اسمها اداريين بطريقة اداريينا كدا
وحتى هنا فى المدارس الخاصة المدرسين بيقوموا بعمل الاداريين
وفى كتير من المدارس العامة تلاقى كتير ميبعملش كتير من شغله
مثلا تلاقى فيه لجنة من المدرسين لتسليم الكتب واخرى لتسجيل كشوف الطلاب الجدد واخرى لاسمتارات الولاد واخرى للمشتريات وغيرها وغيرها
اعتقد ان دا كله عمل ادارى
ايه المشكلة فى عمل كشوف المرتبات او الحوافز او غيرها - الكلام دا مش حسبة برما دا دفتر ومن خلاله كل شهر النقل وكل سنة مرة اضافة العلاوة او غيرها

انا مش بقول الكلام دا عشان اقلل من شان احد - لان الكلام دا موجود فى اداريى التربية والتعليم وغير التربية والتعليم
كما ان الاهمال حتى لو وصل للمدرسين ممكن الاستعانة بمدرسين تانيين - كل حاجة بقت كتير اليومين دول والعمل مستمر والحياة شغالة

يعنى باختصار كل واحد يشوف شغله بالحسنى وبما يرضى الله بعيدا عن الاحقاد
لحد ما ربنا يحلها ويحصل الاداريين على حقوقهم بالذوق ان شاء الله مش بالتهديد والوعيد والانعرة الشغالة والمبالغة والتلفيق للواقع ونشر اخبار مش صحيحة
يارب ياخدوا 1000% عشان يهدوا
بس ادعوا ان الغلاء اللى احنا فيه ميزدش عن كدا
تحياتى

يا مستر جمال ارجوك لا تزيد حالة الاحتقان بين اعضاء المنتدي من مدرسين وإداريين وعلي فكرة أنا امين معمل وعمري ما بصيت علي مرتب حد من الزملاء وبعدين هحقد علي 80 جنية للدرجة الثالثة و120 للثانية هحقد علي ايه وبمناسبة أن المدرس ممكن يقوم بعمل الاداري علي الكمبيوتر كلام جميل وكلام معقول بس يا تري المدرس هيروح يشيل الكتب ويدفع موصلات من جيبة واحياناً مبيعرفشي يستردها هيروح الادارة يسلم كشوف المرتبات ويجيب الالصادر وخلافة ويروح المديرية يجيب اوراق الاجابة ويروح يجيب اي ادوات وخلافة اعتقد مثلا وانا اتحدث عن نفسي كأمين معمل هل سيرضي مدرسي مادة العلوم بفروعها أن يتحملوا عهده معامل العلوم ونستغني عن امناء المعامل الجواب للاعضاء مدرسي العلوم؟
وبعدين يا ريت نبعد عن الفاظ انهم يحقدون وفي قلوبهم غل وما إلي ذلك هيحقدون علي ايه بس

[عزمى محمد]

عرفتم الدولة عاوزه ايه التعليقات بتعتنا توضح ذلك والحدق يفهم

[محمد على ابوزياد]

المشاركة الأصلية كتبت بواسطة توفيق رفعت عجيز

وقفة احتجاجية للأطفال ضحايا طلاق الإداريين بسبب حافز الإثابة

70 حالة طلاق بين إداريى التعليم بسبب "الحافز"

الأثنين، 1 يونيو 2009 - 19:04

ما مدى مسئولية غالى عن طلاق الإداريين؟
كتب حاتم سالم
كشف فوزى عبد الفتاح منسق لجنة إضراب الإداريين عن وقوع 70 حالة طلاق داخل أسر إداريى التربية والتعليم خلال الثلاثة أشهر الماضية نتيجة الأزمة المالية التى يمر بها الإداريون لعدم صرف حافز الإثابة لهم بسبب رفض وزير المالية.

وأوضح فوزى عبد الفتاح أنه سينظم وقفة احتجاجية تضم الأطفال ضحايا حالات الطلاق المتكررة داخل أسر الإداريين، مشيرا إلى أنه يهدف من خلال تلك الوقفة إلى إيصال رسالة إلى الحكومة بأن "تعنتها مع الإداريين وعدم منحهم حقوقهم المالية تسبب فى تفكك أسرهم و تشريد أطفالهم".

وأشار عبد الفتاح إلى أن غالبية حالات الطلاق داخل أسر الإداريين وقعت لأن عددا منهم متزوج من معلمات قد صرفن أموال كادر المعلمين، فى حين لم يحصل أزواجهن على حافز الإثابة، وهو ما أدى إلى زيادة دخول المعلمات عن الإداريين، مما أحدث صراعات بينهم انتهت بالطلاق.


بروتوكول نشر التعليقات

ياخى اتق الله فى الخبر
من اين مصادرك لهذا الخبر

[توفيق رفعت عجيز]

المشاركة الأصلية كتبت بواسطة محمد على ابوزياد

ياخى اتق الله فى الخبر
من اين مصادرك لهذا الخبر

عموما ربنا يجعلني واياك من المتقين وبمناسبة الخبر الخبر منقول عن جريدة اليوم السابع وانا مجرد ناقل ولست مدعيا لهذا الخبر او هو من نسج خيالي .

[سامي10]

ههههههههههههههه
يعني الكادر زود المدرس ايه يعني دول ملاليم
بسي برده الحمد لله علي كل حال