هما فعلا محتاجين ولا ممثلين بارعين ؟؟؟

[شمس بياض]

اختاه افعلى كما قال اسلام افعلى الخير لوجه الله

وانا مره قريت ان رجل تصدق على غانيه وعلى غنى ومش متذكره الباقيين

يعنى الغانيه مثل الراقصه والمغنيه كده يعنى وقال الحمد لله تصدقت اليوم على غانيه لعلها تتوب

وصدقتى على الغنى لعله يرق للفقراء ويتصدق عليهم
والزهايمر بقى اشتغل عندى ومش فاكره الباقيين

يعنى على غنى او فقير يستاهل ام لايستاهل خليها بقى بينك وبين ربنا

[بسكووته]

انا بردو راىى نفرض حسن النيه ونديهم والله اساسا ياجماعه الزمن ده صعب جدا كل حاجه غاليه والناس تعبانه وعشان كده احنا نديهم ونتوكل على الله ويمكن نفرج عنهم واحنا مش عارفين والرسول صلى الله عليه وسلم قال من ادخل على قلب مسلم فرحه ادخل الله على قلبه فرحه يوم القيامه"
وربنا يرزق المسلمين جميعا وميحتجوش لسؤال الناس

[عاشقـــ الانمى ـــة]

انا فاكرة جملة المستر بتاعى قالها
" المحتاج بجد والله ما يمد يتكثف ايده لحد حتى لو كان هيموت من الجوع"

[امانى الدنيا]

يا بنتى الشحاته دى بقت شغلانه لهم أحسن من الشغل فى شركه أو أى مكان
وحصل موقف قبل كده كنت فى معرضوأول ما دخلنا كان فى واحد رابط ذراعه فقلنا نتبرع
ولما خرجنا لقيناه فك رباط ذراعه وربط راسه !!

يعنى كانت نكته بالنسبالى !!!
وشكرا يا كتكوته على الموضوع!!!

[vampire1188]

لا انا شايف ان الموضوع دا كتر اوي في البلد

لإن انا شخصيا اتعرضتله مرتين .. واخويا اتعرضله 3 مرات ومن نفس الشخص ..

فا هيا فعلا بقت ظاهرة .. وانا عن نفسي لو افترضت مثلا اني ماعييش فلوس ولا حاجة

والله العظيم انا اخدها مشى ولا اني اطلب من حد ماعرفوش

انا اه اطلب من صحابي .. اطلب من قرايبي .. لكن اي حد كدا في الشارع معدي ؟!

وبعدين اللي بيبقي في ظرف زي دا بيبقي بيستحي اصلا ..

دانا في موقف من مواقف اخويا دي .. كان هوا رايح القصر العيني .. وواحد قابله واداله الاسطوانة المشروخة

كانت طبعا الاسطوانة دي ساعتها لسه طالعه .. المهم اداله الفلوس فعلا ..

وبعد كدا بالصدفة البحتة اخويا راح يجيب اكل من كنتاكي ..

لاقا الراجل اللي خد منه الفلوس بيطلب اوردر اكستريم ميل !!

[سـهيـلـة]

اولا موضوعك جميييييييييييل وشكرا
انا عايزة اقول ان فيه ناس فعلا محتاجين وفيه لا
وفعلا المحتاجين بيبان عليهم يعنى احنا مرة كنت مع ماما وفيه ست ركبت معانا كنا فى توناية صغيرة فالست قالت لماما ينفع تدينى ربع جنيه علشان تكمل الاجرة علشان السواق ميزعقلهاش ففعلا كان باين عليها انها غلابانة فبيبان عليهم والله واللى محتاج فعلا مش هيستنى مساعدة من الناس هيروح يشتغل
اعتقد ده رايى
تقبلى مرورى

[mdhawek]

قريت كل الردود تقريبا

كا عندى سؤال مفيش حد سأله

هو انت بتدى الناس فلوس ليه ؟؟؟؟

اذا كان ممثل او محتاج فعلا

و ان شاء الله يكون فى استفاضه كامله فى الموضوع ده

[أسيل رزق]

بصوا الله أعلم بحال الجميع

بس انا قلبى رُهيف أوى وبحاول إنى ماتعاطفش معاهم بسهولة لانى بصراحة مش بدى الشحاتين كلهم

أو يمكن مش بدى الشحات بمعنى الشحات اللى بيمد إيده

انا عندى أدى لواحد بيبيع مناديل على الرصيف ولا إنى ادى لواحد مادد إيده للناس

لان اللى بيمد إيده ده عنده صحة وقدرة إنه يبيع أى حاجة بدل ما يفضل يدلل على نفسه طول النهار

و يمكن حالياً بحس بالشحات المحتاج أوى .. من ساعة ما رحت رسالة وإتعاملت مع الناس حقيقى فى ناس بتكون محتاجة أكتر من الشحاتيين وبيكون عندهم كرامة فوق الوصف يعنى يحفروا فى الجبل ويسموه بيتهم و ياكلوا التراب ويسموه أكلهم ويحمدوا ربنا كمان ألف حمد وشكر..

حقيقى الشحاتين دول ممكن يكونوا أغنى من ناس كتير أوى على الأقل بالشحاتة ممكن يكسبوا 5 جنيه فى اليوم ياكلوا بيها فى ناس مش لاقية تراب الأرض أصلاً

ههههههههههههههههه الشحاتين دول نكتة

مرة شفت شحات فى طلعت حرب بيفك 100 جنيه لواحد

ولا واحدة مرة بيديها اللى فيه النصيب بتقولى هو ده اللى هان عليكى تطلعيه من جيبك أنا عايزة كمان 5 جنيه البديهى قلت فى بالى ( تدينى انتى ال5 جنيه دى ؟!! )

ولا أستاذ العربى فى ثانوى بيحكيلنا على واحد شحات مسكوه كان واحد زميل المستر معدى فى شارع لقى واحد شحات ريحته فظيعة ورجليه مجروحة جرح جامد أوى فضل يتحايل عليه علشان ياخده يوديه المستشفى والراجل مصر مايقمش من مكان و إتحجج إنه مش قادر يقوم .. قاله هيجبلك الإسعاف قاله لا عايز تساعدنى ساعدنى مش عايز إمشى وسيبنى .. المهم الراجل شك فيه تقريباً طلبله الإسعاف وبنجوه وراح معاهم المستشفى هههههههه المفاجأة لاقوه لافف على رجله فسيح ( سمكة فاتحها بالنص ) وحاطط عليها مكركروم وطلع عنده شقة فى المعادى ههههههههه واتحبس

أنا رغيت كتير

كفاية كده .. لو فى حاجة تانية هقولها

و شكراً على الموضوع يا بت

[Last Fantasy]

والله بيتعرفوا المحتاج من اللي مش محتاج وصدقيني أكترهم بيبقوا نصبين

[BaNZeR]

ممثلين بارعين

فكرني بفيلم لعادل امام لما جاله الشحات وقاله ابعد من هنا يا حرامي
تاخد العشرة جنيه تجيب بيهم رصيد واحنا مش لاقيين ناكل

مرة واحد جالنا قالنا نفس حوار المستشفى ده وقال بس انا والله مش شحات
يعني براحتك عايز تدي ماشي
قلناله لأ راح ماشي

ده يظهر فن جديد من الشحاته (اللاشحاتة)