ماذا يحدث لو ..؟؟؟!!!

[hopeless sara]

المشاركة الأصلية كتبت بواسطة eng/el doktor

لا متخافيش ........متراقبين إن شاء الله
يعنى بعد إجاباتك الحلوه دى والتى إن دلت فإنما تدل على قوة شخصيتك والقدره على تحمل المسئوليه تخافى من انك إتحملتى المسئوليه دى
إنت مقولتيش حاجه غلط ف أول سؤال ولا حاجه بالعكس
قبولك لمسئوليه كبيره زى دى حاجه حلوه جدا ........
بالنسبه للدكتور سواء هو بيقفش أو مبيفش إنتى تختارى اللحظه المناسبه اللى تلفتى نظره للغلط ده من غير ما تقوليله إنت غلط
يعنى تعملى نفسك بتسألى عن الحته اللى فيها الغلط دى وهو هيآخد باله
بالنسبه بقى لموضوع حاسبات وهندسه ده ......
بجد بجد يعنى حاولى تغيرى الفكره دى ف اليومين اللى قبل الدراسه دول .
لانك بجد لما تدخلى الكليه وزانتى مش مؤمنه بيها إنها أحسن كليه ف مصر (طبعا أنا بتكلم بصفه عامه لاى كليه) مش التنسيق هو اللى وداكى فيها وانتى رضيتى وخلاص وقولتتى قضا أخف من قضا
ممكن بعد كده تستهونى بالكليه لانها مش كبيره ف نظرك أصلا عشان تنسيقها اقل من هندسه
بجد لازم تتأكى مليون ف الميه بإن ربنا سبحانه وتعالى كان قادر يحنن قلب اللى صححلك الفزيا أو الرياضه أو أو
وكنت هتزيدى الدرجتين أو الدرجه اللى ناقصينك
وكنتى هتفرحى وتتبسطى والحاجه الساقعه والجاتو
ولا قدر الله تانى سنه الحاجه الساقعه هتبقى قهوه ساده.......
إعلم أن ما أخطأك لم يكن ليصيبك وما أصابك لم يكن ليخطئك
هيأى نفسك إنك داخله أقوى كليه ف مصر عشان تستعدى نفسيا والإستعداد ده بيترجم لحماس وبالتالى تفوق وتقدم قد لا يوجد له مثيل ف الكليات التانيه اللى كنتى تتمنيها بعد كده
جزاكى الله خير

مرسييييي اوى ع ردك ..ربنا يجبر بخاطرك

و بالنسبه ل حكايه هندسه و حاسبات ..انا مانكرش ان كان حلمى ادخل هندسه مش علشان هى قمه و الحادات دى لا و الله بس انا كان ف مجال معين انا كنت حاباه ..بس لما جاتلى حاسبات انا فرحت اوييييييييييييييييييي بيها بجد
و لما رحت الكليه ف الاول و اللى سمعته بجد حببنى فيها زياده
و بجد انا خلاص شلت هندسه من دماغى لان اللى يفكر ف الماضى و هو ف حاضر مختلف و مستقبل تانى خالص و احسن ده مبحبوش

و فعلا كلامك كله مظبوط و ربنا يوفقنا كلنا ان شاء الله