مازالت الدعوات مستمرة لمظاهرة يوم 24 أغسطس

[ANAS-T]

المشاركة الأصلية كتبت بواسطة starmedom

سوال واحد فقط مين الي مسؤل عنا النظام السابق ولا الرئيس مرسي هوه فين عمل ايه ؟


حد يجاوبني من المؤيدين له .


سوال اخر الكهرباء مكنتش بتقطع في عهد النظام السابق بكل جبروته ولكن اليوم لازم تقطع كتير
ومتقليش الرئيس مرسي ملهوس دعوه ازاي ادام مسك البلد يبقي مسؤل عنها ولا يصدر الكهرباء والغاز واحنا نموت هنا

مفروض انه مجهز حكومه اول منجح كانت تمسك بس بقاله شهر ولسه ممسكها والله اعلم .

معلش لو كلامي يصدم بس ده الواقع الي انا وانت والناس حاسسين بيه تقدر تقولي عايش ازاي وانقطاع الكهرباء والشغل وخلافه ينفع

والاختلاف في الرئ لا يفسد للود قضية

بالنسبة لتاخير تشكيل الحكومة
لو هنتكلم عن دولة ديموقراطية فروح شوف اى دولة هتلاقى ان الرئيس اول ما يكسب بيشكل حكومة بالكامل من حزبه
يعنى عندك اخر حاجة حصلت فرانسوا اولاند اليسارى فى فرنسا كسب شكل حكومة كلها يساريين من غير ما يفكر كتير
انما هنا ارجع كده شهرين لورا و شوف الابتزاز و السفالة اللى كانت بتتقال لمرسى
لا شكلنا وزارة من برا الجماعة,لا خلى رئيس الحكومة من برا الحرية و العدالة و الكلام الفاضى اللى كان بيتقال من دعاة الديموقراطية المزيفيين
فدا اخرها
علاوة على الخناقة ما بين مؤسسة الرئاسة و المؤ سسة العسكرية (المغتصبة) على بعض الوزارات زى الاعلام و الداخلية و الخارجية
و لكن بردو تاخر تشكيل الحكومة جات فى صالح الرئيس و صالح حكومة قنديل
لان القرض من الازمات زى انقطاع الكهرباء و المياه غرضها افشال الحكومة الجديدة لان هم(حثالة النظام) كانو عاملين حسابهم ان الوزارة هتتشكل علطول فالبتالى نفشلها من اولها و نهيج الشعب ضدها
و لكن استمرار حكومة الجنزورى لحد دلوقتى كشفت ابعاد المؤامرة
و بعدين لازم تفهم ان الرئيس (فرد) بيحارب نظام مستشرى فى كل مؤسسات الدولة بلا استثناء و متعمقة من عقود فبلاش تيجى تطلع العيب من عندو و تنسى اللى كان المتسسب الرئيسى فى حالة الفساد دى امثال "حسنى حمارك"
و بعدين انت عندك حكومة اتشكلت انهاردة فاصبر عليها شوية و اديلها الفرصة

[darch_99]

السيد starmedom للاسف لست موضوعي في طرحك

سوال اخر الكهرباء مكنتش بتقطع في عهد النظام السابق بكل جبروته ولكن اليوم لازم تقطع كتير

تتكلم وكأننا لم نكن نعيش عصر مبارك او كأننا شعب ننسي ولا نتذكر اين الموضوعية بل كانت اسوء ايام في انقطاع الكهرباء وبالذات في رمضان الفارق هنا ان رمضان هذا العام جاء في عز الحر وهل من العدل ان تحاسب رئيس منتخب يدوب ما عدي 30 يوم ولم يشكل حكومة بعد علي فساد 30 سنة دمر فيها مبارك كل شيء حتي الانسان لم يتركه سليم

اين عقلك يا رجل اليس فيكم رجل رشيد ؟ !

ومتقليش الرئيس مرسي ملهوس دعوه ازاي ادام مسك البلد يبقي مسؤل عنها ولا يصدر الكهرباء والغاز واحنا نموت هنا

نعم هو مسئول عنها لكن مين اللي قال انه بيصدر الكهرباء والغاز عندك دليل واحد صوت او صورة اوثيقة او اي شيء يا اخي اتقي الله
وما حدث مع غزة هو زيادة في الوقود القطري
اللي كان قفلة مبارك العميل يعني مغلق طريق وصول الوقود الي عزة اللي احنا بنسمية حصار هو شال الحصار معلش يا جماعة لازم اتكلم بالبلدي علشان بعض الناس تفهم كويس وميبقاش الكلام محتاج تفسير تاني
ارجو بلاش تسمع كلمتين من الفضائيات الفلول وتيجي تحطهم هنا كدة رص من غير ماتتأكد ولو الكلام مش واضح نقول ثاني مرة عشان البية يفهم مع احترامي لسمير غانم وشكرا

[eman201]

اتعجب لمن يدافعون عن مرسى ويلتمسون له العذر مع ان قراراته توديه السجن اللى اعطى لنفسه نياشيين مبارك ما اخدهاش في 30 سنة مرحبا بالثورة على الإخوان والعبيد 24-8-2012

[اسماعيل محسن]

طول مااحنا بنسمع امثال عكاشة وغيره مش هنتقدم ازاي دولة تقوم على الكذب والافترا منين هو صدر الغاز لغزة وائتلاف المهندسين الكهربائيين كانو بيتظاهروا ضد اكاذيبه وان كل ده بسب رؤؤس النظام وفسادها في استخدام الكهرباء على مدار 11 سنة بس طبعا احنا مش هنصدق ده لكن لازم نصدق مسيلمة العصر في كلامه هو وامثاله واللي ماشيين وراهم مش هيرتاحو غير لما يشوفو مصر خرابة خلونا نفوق بقى ونسد ودانا عن القرف ده ونحكم عقولنا شوية

[a7med bondok]

الجنزوري مستشار انى صائم انى صائم

[nogah177]

جميلة حكاية النياشين دى

لسه عايشين فى زمن الحرامى اللص المسجون ( مبارك ) اصلهم ميعرفوش غير كده اللصوصية و الكذب دول كانوا قدواتهم و كانوا حبايبهم اللى كانوا هيموتوا نفسهم عليه يوم ما اتنحى و اتحاكم

فوقوا مبارك مسجون لانه قاتل و حرامى

الزمن التغير

[زهر السعاده]

اولا اولا اللى قطعوا الكهربا عملوا كده ليه اما صدقوا بقه يعنى مرسى كسب عشان يطلعوا عليه افتراءات وانه قططع الكهربا
وبعدين مرسى يعنى كان ماشى بحكومه انتقاليه وهو اصلا مهواش اللى عملها
وموضوع الكهربا على الكل وبجد بقه من الغلط جـــــــــــدا ان نقول مرسى هو السبب
والله هو مرسى هو اللى شد الفيشه مثلا ولا حاجه
<< اما بيصدقوا عشان يضحكوا على عقول لاالغلابه ماشى
وبعدين وزير الكهربا قال هيؤرجعها خهلاص انتهينا

وبعديبن موضوع الجنزورى
هو حر هو مستشاره يعنى هو مساعده يعنى براحته هو شايف ده هيقدر يساعده خلاااااص
يعنى لو حد من الاخوان قال انه مش عاجبه ايه المشكله هو مش هيبقى مستشار الشخص اللى من الاخوان ده
بدام عينه يبقى خلااااص هو ادرى او اذا كانت هناك ضغوطات تمارس عليه

لان مش عاوزين ننســـــــــــــــــــــــــــــــــــــى ان تأخير موضوع الحكومه ان طنطاوى مصر يبقى وزير الدفاع ومرسى عاوز رئيس الحرس الجمهورى
<< ومتنسوش ان المجلس العسكرى فى ايده كل حاجه

وبعدين براحه بقه ع الراجل شويـه كنا زمان نقول الرئيس المعظم المبجل المحترم مبارك دلوقتى بقينا نمهل الرئيس وقت للأسف احنا شعب الديمقراطيه متنفعش معاه


ولينا فى الاخر بالنتايج والشغل يعنى منعدش نكبر اوووووى موضوع الوزارت وخلاص

[زهر السعاده]

المشاركة الأصلية كتبت بواسطة eman201

اتعجب لمن يدافعون عن مرسى ويلتمسون له العذر مع ان قراراته توديه السجن اللى اعطى لنفسه نياشيين مبارك ما اخدهاش في 30 سنة مرحبا بالثورة على الإخوان والعبيد 24-8-2012

بكــــــــــــــــــــــــــــــــــــــــــــــــ ـــــــــــــل فخــــــــــــــــــــــــــــــــــــــــــــــــ ـــــــــــــــــر
ادافـــــــــــــــــــــــــع عن الرئيس الدكتور محمد مرســــــــــــــــــــــــــــــــى


يعنى متتعجبيش محبيـــــــــــــــــــــــــــــــــه كثــــــــــــــــر جــــــــــــــــــــــدااااااااااااااااا

[hragaey]

المشاركة الأصلية كتبت بواسطة darch_99

السيد starmedom للاسف لست موضوعي في طرحك

سوال اخر الكهرباء مكنتش بتقطع في عهد النظام السابق بكل جبروته ولكن اليوم لازم تقطع كتير

لا مكنتش بتقطع كدة ومحدش مات ومفيش مشاكل من انقطاع الكهرباء اطلاقا ساعتها

تتكلم وكأننا لم نكن نعيش عصر مبارك او كأننا شعب ننسي ولا نتذكر اين الموضوعية بل كانت اسوء ايام في انقطاع الكهرباء وبالذات في رمضان الفارق هنا ان رمضان هذا العام جاء في عز الحر وهل من العدل ان تحاسب رئيس منتخب يدوب ما عدي 30 يوم ولم يشكل حكومة بعد علي فساد 30 سنة دمر فيها مبارك كل شيء حتي الانسان لم يتركه سليم

اين عقلك يا رجل اليس فيكم رجل رشيد ؟ !

يا نهار منيل يا عالم انتو قلتو على شفيق مشارك فى معركة الجمل وهو 12 ساعة بس فى الوزارة وده 30 يوم
فين العقل

ومتقليش الرئيس مرسي ملهوس دعوه ازاي ادام مسك البلد يبقي مسؤل عنها ولا يصدر الكهرباء والغاز واحنا نموت هنا

نعم هو مسئول عنها لكن مين اللي قال انه بيصدر الكهرباء والغاز عندك دليل واحد صوت او صورة اوثيقة او اي شيء يا اخي اتقي الله
وما حدث مع غزة هو زيادة في الوقود القطري
اللي كان قفلة مبارك العميل يعني مغلق طريق وصول الوقود الي عزة اللي احنا بنسمية حصار هو شال الحصار معلش يا جماعة لازم اتكلم بالبلدي علشان بعض الناس تفهم كويس وميبقاش الكلام محتاج تفسير تاني
ارجو بلاش تسمع كلمتين من الفضائيات الفلول وتيجي تحطهم هنا كدة رص من غير ماتتأكد ولو الكلام مش واضح نقول ثاني مرة عشان البية يفهم مع احترامي لسمير غانم وشكرا

واخيرا مين اللى قال بيصدر الكهربا والغاز
مين اللى قال انه بيعمل
محصلش
كلمتين بيحفظهم لكم

نعمل ايه وانت مبقراش
نعمل ايه وانت مشفتش اعتراف غزة نفسها بما وصل لها
يعنى لا مصدق كلام مصر ولا مصدق غزة

هههههههههههههههههههههههههه

[Moaazshehab]

كلام عبيط صحيفه الفجر صحيفه ساقطه وفاشله

[Moaazshehab]

كل من يدعو الي ثوره ضد الاخوان , يسامحني في اللفظ بس هو عباره عن شخص جاهل بأمور السياسيه والواقع الذي نعيشه ,, المجلس العسكري وازلام نظام مبارك هم الحاكم الفعلي لمصر ومرسي يواجه مؤسسات كلها تعمل ضده ,, مشكله زي الكهرباء مفعتله بنسبه كبيره جدا ,,, كل ده تركه وسخه من نظام مبارك

الافضل ان نثور لاسقاط حكم العسكر والاطاحه بكلاب المجلس العسكري ثمن نفكر في محاسبه الاخوان اذا اخطاءو

[Moaazshehab]

عادل حموده كلب مبارك وعبد عند المخابرات المصريه وعم الثائر اللي فرحان وبيشير من جريده ,, ربنا يهدينا ويهديك

[واحدة وبس]

بصوا يا جماعة ماينفعش من غير ادلة نتكلم كده وخلاص وسبب انقطاع الكهرباء ده اتقال فيه كتيييييييييييير فكفاية ولا كلام بدون دليل حتي عشان مش نظلم حد او نطلع اشاعات

[eman201]

بعد مرور 18 شهر علي ثورتنا المجيدة........ تغيرت المطالب وإرتفع سقف الطموحات !!!!

بدلاً من عيش .. حرية .. عدالة إجتماعية .....................أصبحت .....

كهربا .. ميه .. أي فلوس للعيدية !!!!!!!!!!!!

[modym2020]

من هو عمر عفيفى حتى يتحدث ؟!!
لا يستحق منا أدنى اهتمام ؟؟!!
ولم أجد فى الموضوع نقد بناء لكن فقط كرها فى مرسى
وذلك ليس من العدل
علينا ان نصبر حتى يأخذ وقته كاملا .. ويشكل حكومة ونرى مدى التغيير والاصلاح
بعدها ان تتحدث .. استمع اليك