|
#16
03-11-2009, 04:54 AM
|
||||
|
||||
اقتباس:
ربنا يخليكي يايويا نورتنا والله وطبعا يشرفنا وجودك ومتابعتك معانا وجزانا وإياكي اقتباس:
أسعدنا تواجدك معانا
__________________
|
|
#17
03-11-2009, 04:59 AM
|
||||
|
||||
|
حلقات خليكــــــى اجمـــــــل للبنـات وبـ ـ ـ ـ ـ ـس يقدمه لكم ( بنات التغيــر ) همسات قلب & ASMAA ((من منتديات أخرى))  مقدمـــة أخواتى فى الله ... ازيكم وإيه الأخبار ... رجعنلكم بسلسلة جديده .. ليا وليكى ولكل بنت عايزه تتغير بجد ...... علشان كلنا نبقى أجمل بنوتات مسلمات طائعات لله عزوجل ... هنتكلم فى أى حاجه تخص البنات ... يعنى تخصنى وتخصك ... هيبقى عبارة عن حلقات متجدده ... وحوار بين بنوتين ... بنوته اللى هتدل على طريق التغير وبنوته عايزه تتغير بجد وتبقى أجمل المراءة هى نصف المجتمع هى الأم والبنت الزوجة والأبنة هي الاخت هى انتـــى وعشان كده لازم نصلح سلبيتنا الى بتوجهنا ونبعد عن اى تفكير واى منهج يحاول يهمش الاسلام او يشوه شكل وطبيعة المراءة المسلمة خليكى اجمــل مش بس فى شكلك لا بأخلاقك وتدينك بأحترامك لذاتك وحبك للخير ربنا خلقك زهـــرة حفظى وصونـــى وابنى وكونــى اجمل مافى الحيـاه تابعينــا وخليكى معانـــا عشــان تبقـى اجمـل  الحلقـة الأولـــى  _السلام عليكم ورحمة الله وبركاته _وعليكم السلام ورحمة الله وبركاته _ازيك ياقمرايه أخبارك إيه ؟ _الحمد لله كله تمام _الحمد لله... _انا مبسوطه أوى _ يارب دايما... خير؟!! _انا حاسه أنى بقيت مع ربنا أوى .. وأنى علاقتى بيه بقت تمام _ده عظيم جدا .. ربنا يثبتك _يارب... آآآآمين _طيب ممكن نتكلم مع بعض شويه ؟! _أكيد...اتفضلى _انتى بتقولى أنك ولله الحمد بقت علاقتك بربنا تمام؟! _آه.. الحمد لله _طيب وإيه أخبار علاقتك مع المجتمع؟! اخلاقك ... ياترى الناس بتقول عنها إيه؟؟ _والناس مالها ومال أخلاقى؟!! _لاياحبيبت قلبى .. لازم تكون أخلاقى تعجب الناس ...عشان تفضل صورتى جميلة دايما ...!! _وإيه بقى اللى فى أخلاقى مش عاجبك ... ومش عاجب الناس ؟!! _هاقولك ... بس فى الاول قولى طباعك وصفاتك وكل حاجه فيكى تشبه مين ؟ واخداها من مين؟! _من ماما وبابا طبعا ... مش كل واحد بيكون زى مامته وباباه ولا ايه؟!! _تمام ... من ماما وبابا ... طيب ياترى ليه بقى أنت مش زيهم؟! _.... !!! انا مش فهماكى ... مش زيهم ازاى ... ده حتى كل الناس بيقولوا إنى أشبه بابا أوى فى كل حاجه .. !!!! _جميل أنك تكونى زى باباك فى كل حاجه ... بس الأجمل أنك تكونى زيه فى أخلاقه _الحمد لله ... أخلاق بابا تمام _الحمد لله ... أخلاق بابا وأنتى؟؟!! _.........؟!!!!! _طيب ... انتى تعرفى أنك ليكى أب تانى غير ده هو فى الواقع أعظم أب فى الدنيا كلها وهو كمان أب لكل البنات والأولاد ... _... ؟!!! وياترى مين ده ؟! _سيدنا محمد صلى الله عليه وآله وسلم _عليه الصلاة والسلام ... بس ازاى؟! _أقولك ... هو مش زوجات النبى عليه الصلاة والسلام أمهات للمؤمنين؟! _آه ... _طيب واحنا إيه ؟ أنتى وأنا وكل البنتوتات ؟!!! _مؤمنات طبعا ... !!! _يعنى هما ... ؟!! _امهاتنا ...؟!!! _بالظبط ... طيب وسيدنا محمد عليه الصلاة والسلام مش هو زوج الأمهات؟!! _آه ... !!! _طيب لما يكون زوج الأمهات هيكون إيه للبنات؟!! _أبوهــم ... !!! _جميل أوى ... يعنى سيدنا محمد لينا إيه ؟!! _أبونا ...!!! _بالظبط كده ... يعنى احنا كلنا بنات محمد ... معنويا طبعا .... _... !!!! يعنى أنا بنت النبى ؟!! _شوفتى ازاى ؟!! أنتى وأنا وكل بناتنا ... _.... ؟!!!! _طيب ممكن نرجع لكلامنا تانى ... دلوقتى ... أنت عارفه أخلاق النبى عليه الصلاة والسلام كانت إيه ؟!! _ ... ؟! إيه ؟!!! _أقولك ... فى واحد من الصحابة سأل السيدة عائشة رضى الله عنها ( إحدى زوجات النبى ) عن أخلاق الرسول فردت عليه رد رائع وقالت له : (كان خلقه القرآن) ... وشوفى كمان ربنا بيوصف لنا أخلاقه ازاى ... اسمعى كده ... يقول المولى عزوجل فى كتابه (وإنك لعلى خلق عظيم ) ... !!! _..... ؟!!!!! _شوفتى أنك مش بتعملى زى باباك ازاى وأنك مش شبه ؟!! _أيوه... بس ده الرسول وأنا إيـــه جمب الرسول ... بقولك إيه بلاش تتريقى عليا ... _والله أبدا ... أيوه فعلا ده الرسول ... بس بردوه مش الرسول ده بشر؟! _أيوه ... بس بردوه ده الرسول مش بشر عادى ... !!! _طيب أنا هاريحك ... هو مش الرسول ده قدوتنا ؟!!! _آه ....!!!! _ جميل ... ولما يكون حد قدوتك بتعملى إيه ؟!!! _طبعا بعمل كل حاجه هو بيعملها وبحاول أكون زيه فى كل حاجه ... !!! _جميل أوى ... أنتى اللى قولتى ... طيب ليه مش بنقلد رسولنا فى أخلاقه ؟!! _عشان ...؟!!! _إيــه ؟! صعب علينا نقلد أخلاق رسولنا ... ؟!!!! _.......!!!! _ إن كان رسولنا صعب علينا ... انتى ممكن تقلدى اى واحده من الصحابيات أو حتى الصحابة الكرام رضوان الله عليهم أجمعين ... _ أيوه ممكن ... بس دول بردوه صعبين أوى .. وبعدين هو أنا ممكن أكون زيهم ... ولا حتى أقدر أكون زيهم ؟!!! استحـــــــــــــــــــــــــــــاله طبعا ....!!! _ لاء طبعا ... مش استحاله ولاحاجه .... هما دول فى الاول كانوا عاملين ازاى ... وبالتعليم وواحده واحده اتغيروا وبقوا كده ... يعنى مش بين يوم وليلة حصل التغيير ... _ يعنى أنا أقدر ؟!!! _ أكيد طبعا تقدرى ... وتقدرى أوى كمان ... المهم تعملى وتجتهدى وتصبرى أوى وتستحملى كل اللى هيحصل معاكى ... وكل لما تصبرى كل ماربك هيكرمك ويعينك وتكونى أحسن بكتير ... ووقتها هتكون أخلاقك زى أخلاق نبيك أو زى أخلاق أى حد من الصحابه الكرام رضوان الله عليهم .... _ يااااااااااااااااااه ... ياريت ... _ طول ما أنتى مخلصه النية لله ... هتقدرى وهتنجحى ... _ يارب ... _ بصى ياحبيبت قلبى ... إذا كنت انا عايزاكى تغيرى أخلاقك فده عشان انا عايزاكى تكونى أجمل ... وأجمل حاجه فى البنت واللى بيزينها أخلاقها ... أنت مش عايزه تكونى جميلة من جواكى ومن بره كمان؟!! _أكيد طبعا ... وهو فى بنت مش عايزه تكون جميلة واجمل حد كمان؟!! _ جميل أنك عايزه ... طيب ومش عايزه كمان تكونى قريبه من الرسول صلى الله عليه وآله وسلم فى الجنة ؟!! _ أنتى بتقولى إيه ... أكيد طبعا نفسى ... وهو فى حد مش عايز يكون معاه وقريب منه ...!!! _ عظيم ... و لما رسولنا يقولنا ( أقربكم منى مجلسا يوم القيامة أحاسنكم أخلاقا ) ... اعمل إيه ؟!! _ أحسن أخلاقى عشان أكون قريبه منه ...!!! _يعنى احنا متفقين؟!! _امممممممممم ... متفقين _يبقى المفروض أنى أعمل إيه دلوقتى؟! _أحسن أخلاقى ... _بالظبط كده .... وده بسيط جدا... هادور واسأل نفسى أنا المفروض أخلاقى تكون عامله ازاى ... وياترى هاكون حابه نفسى ازاى وأكيد هاوصل .... وبإذن الله هتكون اخلاقى من اخلاق أبويا ... قصدى طبعا الاب المعنوى والاب الحقيقى كمان وأكيد ساعتها هاحس بالفرق وهاحس انى بقيت أجمل .... _طيب بعد إذنك ممكن أسيبك عشان أروح أراجع أخلاقى وأشوف أنا ناقصنى إيه فيها وأكمله ... _أكيد ممكن .... راجعى نفسك تانى ووقت لما تكونى محتاجه تعرفى حاجه أو تسألى عن حاجه إن شاء الله هتلاقينى موجوده وهنساعد بعض عشان نكون أجمل بأخلاقنا ... _إن شاء الله ... _السلام عليكم ورحمة الله وبركاته _وعليكم السلام ورحمة الله وبركاته وأنتى... لسه مستنيه إيه ؟!! أمتى هتراجعى نفسك وتشوفيها محتاجه إيه ؟! امتى هتكملى أخلاقك وتكونى أجمل ؟! أنتى لسه قاعده ؟! ... أنتى مش عايزه تكونى قريبه من رسولك ؟!! طيب ... قومى .. شوفى نفسك وراجعى أخلاقك ... كملى الناقص فيها ... وافتكرى دايما إنك بنت النبى صلى الله عليه وآله وسلم واللى قال على نفسه : ( إنما بعثت لأتمم مكارم الأخلاق ) ولازم تعرفى عشان أكون صح وأعيش حياتى صح واتغير بجد ... لازم أخلاقى تكون صح .... أخلاق الفتاة .. هى تاج عفتها  تم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 1111 * 833.انتظرونــــــــــــا
__________________
|
|
#18
04-11-2009, 12:26 PM
|
||||
|
||||
|
يا رب .. كلما طرق هذا الوجه بابك .. افتح له كنوزك .. وسخر له عبادك .. وأبسط له رحمتك .. يا رب .. سخر له أحبابك .. ويسر له أسبابك .. وأجزه خير ثوابك .. يا رب .. كن له حبيبا وقريبا .. ولدعائه مجيبا .. يا رب .. ارضى عنه رضا لا يحزن بعده أبد
__________________
|
|
#19
04-11-2009, 09:58 PM
|
||||
|
||||
 حمـلـــة هنتغيــــر بجــد بقلم / محمــد عيـــد مقـــدمــــة  هدفها من اسمها هنتغير بجد  سياستها تحبيب الشباب فى الاسلام  شعارها هندخل الجنة سوا ستتكون الحملة من حلقات كتير  وكل حلقة عباره عن حوار بين اتنين +الاول وهو اللى هيغيرنا بجد =والتانى وهو الشاب او الفتاه يعنى انا وانت * نبــداء *  ( الحلقـة الأولـى ) + السلام عليكم ورحمه الله وبركاته = وعليكم السلام ورحمه الله وبركاته فينك من زماااااااااااان واحشنى موت +ربنا يكرمك انا ما كنتش مشغول عنك ولكن مشغول بيك والحمد لله جهزنا لموسم ان شاء الله يكون كويس =يارب وما تخفش ان الله لا يضيع اجر من احسن عملا +الحمد لله احنا على طول محسنين الظن بالله بس حاسس انك مش فى الموود بتاعك =اه يعنى شويه كده بس +شويه ايه ؟! مالك ؟ =يا نجم مفيش انا شويه وهفك +انت لسه هتستنى شويه ولو استنيت انا مش هستنى =بص هكلمك بصراحه الفتره اللى انت سبتنى فيها دى كل شويه اتقدم خطوه وارجع تلاته كل لما اقرب من ربنا ارجع تانى يمكن كمان اسؤ من الاول ومش عارف اداوم على الطاعه وكل شويه ازعل ربى حبيبى منى بس والله بحبه ولكن مش عارف ايه اللى بيحصل بيحصل حاجه صغيره خالص تخلينى اهد كل اللى بنيته وعلى فكره انا عارف ان ربنا غفور ورحيم وكريم بس صدقنى انا كده خلاص + خلاص ايه !! =خلاص ... +مش فاهم ..هو ايه اللى خلاص =يعنى خلاص مش هيغفرلى كل شويه لما اجى اتوب اوعده انى مش هعمل كده ولا هبعد عنه تانى وارجع ومره تانيه اقعد احلف وبرده ارجع تانى خلاص استحاله يغفرلى اه ماشى ان ربنا غفور وييغفر لكل خلقه الا انا +احم ..احم ...خلصت =يوووووه ..انت كل شويه تترق + انا هتريق على ايه على اخويا وغير كده هو مش الاسلام بيقول لنا اننا نكره المعصيه ولكن ما نكرهش اللى بيعصى لان ربنا ممكن كان يخلينا مكان اللى بنعصى ومحدش يضمن نفسه حبيبنا النبى قال فيما معناه ان ممكن انا اكون النهارده بالليل مؤمن والصبح ابقى كافر بربنا او العكس وخلى بالك ان الحديث ده قاعده اساسيه فى ديننا علشان كده هنطبقها بصوره عامه بالاضافه لصورتها النصيه =يعنى ايه ؟ +يعنى ان النبى برضه عاوز يوصل لينا رساله انك مهما كنت ايه فى التدين او القرب من ربنا ممكن تهد كل اللى عملته فى لحظه لان لو ركزت هتلاقى النبى قال مؤمن يعنى درجه عاليا فى الايمان ودرجه اعلى من الاسلام ورغم كل ده يهد كل اللى عمله وبرضه مش المقصود بيها انك لازم تطلع عن الدين تماما علشان الحديث ينطبق عليك ولكن انت ممكن تعمل حاجه تبعدك عن ربنا وبكده تبقى هديت برضه اللى انت عملته علشان كده ماينفعش اقول لحد انت كافر لان ربنا هو اعلم بأى حد وغير كده لو قلتها وطلعت غلط يبقى انا عملت كبيره من الكبائر حتى لو كنت شايفه كده فعلا لعل ربنا يرزقه الهدايه ويعتنق الاسلام وتكون خاتمته خير وانا تجى لحظه ابعد فيها عن ربنا وتزيد ذنوبى جامد واموت على كده وتبقى سوء خاتمه والعياذ بالله نرجع لموضوعنا ان المسلم بجد ما يكرهش العاصى زى ما قولنا لان كان ممكن اكون مكانه اكون فى التوبه طمعان وهو مش عارف او تايه ومحدش قاله الصح طريق ازاى يعنى محدش قاله ان انت غلط وكل لما حد يشوفه يقعد يفضحه ده اللى عمل واللى بيسوى وكده يبقى احنا اللى غلط زى ما هو غلطان لان احنا شايفين النور وحاجبينه عنه وبالتالى هو مش شايف حاجه وكمان غلطانين لان المفروض هو ياخد امل وتفاؤل على ايدينا مش نحبطه ونيأسه من ربنا علشان كده النبى حببنا اوى فى العمل ده وقال (لئن يهدى بك الله رجلا خير لك من الدنيا وما فيها ) واوعى تعتبر ان ده مجرد لفظ طلع من النبى علشان التشجيع ولكن النبى لما قاله نيته ان كل حاجه خير هو بيعملها اى حاجه كويسه بيعملها انت بتاخد ثوابها اى حاجه حتى لو قال ابتسم بنيه التصدق وحضرتك فى سابع نومه تاخد ثوابها وخلى بالك لئن يهدى مش يسلم وان كان ان واحد يسلم على ايديك ده شئ جامد جدا وينطبق عليه حتى فى الاجر و كمان اعظم ولكن حبيبنا النبى جاب الحد الادنى =يااااااااااااااه والله بدأت احب النبى من جوه قلبى +يا راجل انت لسه شوفت حاجه ده النبى حبيبنا محمد بص بقى ندخل فى الموضوع بتاعك وان كان كل اللى فات تبع موضوعك بس نكمل حبيبنا النبى صلى الله عليه وسلم =عليه الصلاه والسلام +قال (الايمان يزيد وينقص ) يعنى النبى بيقولك ان اللى بيحصلك لك ده طبيعى انك تبعد عن ربنا لان ده من طبيعه الايمان انه ينقص ولكن من عظمه النبى ان قال يزيد وده فى حكمه عظيمه جدا =ايه هى ؟! +طبعا احنا معترفين ان الايمان له لذه جامده جدا محدش يعرفها غير اللى داقها =مظبوط +لو افترضنا انك وصلت لمرحله كويسه فى التدين ومتمتع بيها مع مرور الوقت هتبتدى لذتها تروح مش لانها وحشه بالعكس ولكن لان دى طبيعة النفس البشريه بتمل لما الحاجه تقعد معاها فتره كبيره =مظبوط +علشان كده ربنا خلى الايمان يزيد وينقص يعنى يعلى وينزل بس فى حكمه جامده آووووووى عاوزه اللى يفهمه وكمان النبى لما حطها حطها علشان الناس اللى بتعمل حجه ان كل لما ينزلوا فى الدين يقول ما هو الايمان بينقص +الحكمه دى تخلينا نسكت خالص وهى لو ركزت تانى فى الحديث (الايمان يزيد وينقص ) هتلاقى يزيد قبل ينقص بمعنى لو مستواك مثلا فى الايمان من عشره وانت جايب 4 من عشره المفروض انه يزيد الاول ولو زاد نفترض انه هيوصل ل 6 من عشره مثلا ولما تجى تنزل هتبقى 5 او حتى 4 من عشره يبقى اصبح انت كما كنت ووبالتالى مخصرتش كتيير ورجعت زى ما كنت و ممكن ترجع افضل مما كنت لانك كنت على 4 ولما نزلت نزلت على ال 5 ولكيد لما ايمانك لما ينزل بمعصيه هتجاهد نفسك وتحاول تانى علشان تطلع وان شاء الله لما تطلع هتوصل مثلا ل 7 وكده = يعنى دى هدفها تجديد الايمان؟ + طبعا بس لما تجى لازم تسعى وتحاول انك تعلى تانى = ياااا على العظمه ربنا عظيم اوى بس برده صدقنى كل مره اقوله انا هرجع واحلف وابكى وارجع تانى اسوء من الاول ومش بعرف اطلع الا بصعوبه + بص عارف الحديث القدسى اللى ربنا بيقول فيه لينا (انا عند حسن ظن عبدى بى ) والله روعه روعه روعه لو نفهمه =سمعته كتيير !!! +كلنا سمعناه ولكن مش كلنا عيشناه وقبل ما اقول لك عاوز اعرف ايه مدى فهمك للكلام العظيم ده =مدى فهمى اننا لازم نحسن الظن بالله +بس !!! =اه بس ؟! +طيب بص بقى سيبك من الحديث خالص وركز معايا لحظه وهنرجع تانى للحديث ايه رأيك لما اقولك انت كريم جدا وعيل جدع اوى =هفرح اوى واحاول بكل الطرق اساعدك +جميل أوى طيب ايه رأيك لو قلت لك انت اخرم شخص شوفته فى حياتى وشخص بخيل جدا = هقوم اضربك طبعا بهزر ولكن لو انت بتكلم بجد انا هقول لنفسى طيب مش هياخد منى اى حاجه تانى وهعمله باسلوب وحش +خلاص خلصنا نرجع للحديث =طيب وايه لازمه الكلام اللى فات +هتعرف دلوقتى بص للحديث ( انا عند حسن ظن عبدى بى ) اول كلمه خالص ( انا عند ) تخيل لما ربنا بنفسه وبجلاله (انا عند حسن ظن عبدى بى ) يعنى مش يرسل بالنيابه عنه ملاك مخصص لكده ويعرف انت عاوز ايه ويبلغ ربنا وهو اعلم تخيل ربنا الله بنفسه يكون عندك ليه انت مين او كمان انا مين نكمل (انا عند حسن ظن عبدى بى ) انت شايف الحرف اللى هيجننه دى حرف ال ( ى ) اللى فى كلمه (عبدى ) تخيل ربنا بينسبنا اليه يعنى وكأنه بيقول الناس دى بتاعتى ويااااااااااااااه لما كمان يظهرها لينا مع اننا عارفين ده بالله عليك تحس بأيه هقولك مثال تخيل كده تقسيمه بين اتنين لاعيبه ابو تريكه وواحد تانى وتخيل لما ابو تريكه يختارك انت اول واحد ايه مدى فرحتك =هكون فرحان جدا طبعا + طيب تخيل لما كل شويه تفتكر الموقف ده وفى الماتش كل شويه يباصى لك الكوره علشان تجيب جون ويجى يحضنك) اكيد هتفرح جدا وكل لما تقابل حد هتقوله على اللى حصل وده طبعا من شده فرحتك =طبعا ... ده انا هنزل صورى معاه فى الجرايد + طيب ولو ربنا قالك انت معايا انت بتاعى يقول لك عبدى يااااااااااااااااااااااااااااااااااااااه عبدى الله على اللفظ والفخر والله انا افخر ان انا تحت اللفظ ده =فعلا والله احنا مين علشان يقول لنا كده عباااااااااااااادى +ولسه ده انتى هتعيط فى الاخر بس اصبر بص الحديث ( انا عند حسن ظن عبدى بى ) هنا القنبله =......؟! + بص كده كلمه (حُسن ) بضم الحاء انت عارف ليه ربنا قالها = ليه ؟! + علشان لما يكون واحد زى حضرتك يقول انا استحاله ربنا يغفر لى ده سوء ظن بربنا ربنا بيقولك هعمل نفسى ما سمعتش ومش هعمل معاه كده على الرغم من انك اسأت الظن بيا طبعا انا متخيل كلام ربنا وهو ما قلش كده هو قال الحديث ده بس ودى كلها معانى او شرح للحديث العظيم اوى ده لكن لما نفس الشخص اللى اساء بيه الظن يقول انا رايح له ومتأكد ان حبيبى هيسامحنى هيسامحك بالفعل لانك احسنت بيه الظن عارف لما تكلف واحد بعمل شئ معين ويقول انا لها او انت جيت للشخص الصح ولله المثل الاعلى بس طبعا مش احنا اللى بنكلفه حاشا لله ولكن هو اللى كلف نفسه وقال سبحانه ( انا عند حسن ظن عبدى بى ) يعنى كان ممكن ربنا يفتح الموضوع ويقول (انا عند ظن عبدى بى ) وبكده لو انا قلت ربنا مش هيغفر لى يبقى انا اللى جنيت على نفسى ربنا يقول لى انت اللى جنيت على نفسك مش هغفر لك اوووووووووووووووه بقى هتبقى كارثه مصيبه جامده جدا وكمان تخيل بقى لما تفهم ربك صح وترجع له يقول لك خلاص انت اللى قولت من الاول انى مش هغفر لك خلاص انتهى = اوووووووه انا ساعتها هنتحر خلاص ايه لازمه الحياه بعد كده انا كده ولا كده داخل النار وخصوصا ان ذنوبى كوارث +كلنا كده ويمكن اكتر منك ولبرضه لو انت قولت انا عارف ان ربنا هيغفرلى ربنا يقولك خلاص انا سامحتك وغفرتلك ولكن بص من العظمه بقى لما ربنا يقول ( انا عن حسن ظن عبدى بى ) يعنى لما حضرتك تقول ربنا مش هيغفر لى ولا هيسامح لى ربنا وكأنه بيقول لاء انا مش كده وهستنى لحد لما تيجى تانى وتقول اكيد حبيبى هيسامحنى وهعتبرك دلوقتى مش عارف يااااااااااااااااااااااه ( يقطع الحديث بكاء صاحبنا ) + بص يا جميل هسألك سؤالين وهنختم بيهم الحوار = (صاحبنا مش عارف ينطق ويقول) ماشى اتفضل ... + انت مين ؟ = انا مين !! انا شخص عاصى كلى ذنوب كل شويه اعمل معاصى كل شويه يزعل ربنا حيااااااته كلها ذنوب فى ذنوب انا شخص بيخترع معاصى لانه مل من الذنوب العاديه شخص كل حياته نقط سودا انا شخص عملت كل الذنوب كلها ما سبتش منها حاجه كل ما تتخيله من ذنوب وكل لما اتوب ارجع تانى اسوء من الاول +بس كفايه لحد كده = بس لسه بدرى ... + عارف وكلنا كده بس ندخل على السؤال التانى وقبل ما ادخل عليه ياريت كل واحد بيقرأ الحلقه دى يسأل نفسه السؤالين السؤال الاول كان انت مين ؟ والسؤال التانى (هو مين ؟) قصدى ربنا حبيبنا سبحانه وتعالى مين هو ؟ ( صاحبنا يعجز عن الكلام ) انا طالما انا قلت انه مش هيغفر لى يبقى انا ما اعرفش هو مين كويس وفعلا لازم اعرفه ومعلش بعد اذنك وبعد اذن كل اصحبنا اللى بيتفرجوا نختم الحلقه لان بجد عاوز اقعد مع نفسى شويه واراجع نفسى وياريت كل واحد يقعد مع نفسه ويراجع نفسه ويقول ايه اللى عمله فى حياته ويراجع نفسه ويعرف مين هو ربه كويس ونعرف ايه النعم اللى انعم بيها علينا +ماشى اكيد كلنا محتاجين الوقفه دى يلا بقى علشان نسيب الفرصه لينا و لكل اصحابنا يلا سبحانك اللهم وبحمدك نشهد ان لا اله الا انت نستغفرك ونتوب اليك = سبحانك اللهم وبحمدك نشهد ان لا اله الا انت نستغفرك ونتوب اليك =يلا السلام عليكم ورحمه الله وبركاته + وعليكم السلام ورحمه الله وبركاته  وبكدة انتهت الحلقة انتظرونا فى الحلقة الجديدة
__________________
|
|
#20
05-11-2009, 10:36 PM
|
||||
|
||||
|
ربنا يكرمكم يا شباب
و لى الشرف انى شاركت معاكم بشئ بسيط اختكم يوكا ,, eng tamtam
|
|
#21
05-11-2009, 11:15 PM
|
||||
|
||||
|
ربنا يوفقكم يارب
مجهود راائع منكم جزاكم الله عنه كل خير
__________________
أجمل شي في الحياة حينما تكتشف وجود أناس قلوبهم مثل اللؤلؤ المكنون في الرقة واللمعان .. والصفاء والنقاء .. قلوبهم تحمل الحب والعطاء .. اللهم احفظهم واكرمهم واجمعنا بهم تحت ظلك يوم لا ظل إلا ظلك .. اللهم ياارب لا تحرمنا من وجودهم فى حياتنا آمييييييييييين يا رب العالمين.
|
|
#22
11-11-2009, 11:38 PM
|
||||
|
||||
|
السلام عليكم ورحمة الله وبركاته
أنايعتذر جداااااا عن عدم تواجدي الفتره السابقه بسبب تعب بسيط بإذن الله لن أنقطع من الآن وأستمر في تنزيل الحلقات معاكم الزاهــــــــدة..
__________________
|
|
#23
11-11-2009, 11:48 PM
|
||||
|
||||
|
خــاطـــره بقـلم / زهرة الياسمين -------- نفســــى اتـــوب نفسى أتوب وارجع لربنا نفسى اعمل حاجه احس ان انا مؤمنه نفسى احس بقيمة نفسى نفسى اقول للناس كلها انا تائبه لكن.... فى حاجه دايما بتخلينى متأخره فى حاجه بتبعدنى بتخلينى فى المؤخره كل ما أحاول اتقدم خطوه برجع تانى ل وره سئلت نفسى كتير هوه انتى مؤمنه قالت لى آآه مؤمنه بس بعيد عن ربنا قلتلها ليه ما تقربيش منه ايه اللى بيبعدك قالت لى تقصيرى وحبى للدنيا قلتلها ايه المانع لما نوفق بين دينا والدنيا دى حاجه جميله انى اعيش فى حب ربنا قالتلى وانا معاكى يلا نغير نفسنا قلتلها يلا نبدأ نغير ونتغير كلنا واتواعدنا اننا نتغير ونغير ونعمل لنفسنا اجمل مظهر هوه ده حوارى مع نفسى والنهايه كانت هنتغير بجد وهنغيــر بقلم / زهرة الياسمين
__________________
|
|
#24
12-11-2009, 12:15 AM
|
||||
|
||||
|
المشاركة الأصلية كتبت بواسطة عمرو الشاعر  خاطــرة بقلمى / عمـرو الشاعـر ---------- نفســـــى اتغيـــر تعبت تعبت من التفكيــــر.. نفسـى القــى لحالـى بديــل  لوفكرت يــارب أعصيك ومشيت فى طريق الشـــر أرجع واندم من جوايا ومش لاقى لنفسى مفـــر  ظلمــت نفسـى يارب كتير ونفســى اتغيـــــــر شوفت ناس وقبلت ناس خلونى اتحيــــر  كل مره بقول تغيــر وأبعد خالــص عن طعــتك وكأن الدنيــا ياصحبى معاك ورهـن أشرتك ونسيت انهـا فانيه ولاتستاهل حتى ثانيه وانت بعيد عن ربك  لورجليك فى يوم شيـــلاك عمــر الدنيـا ماهتستنـــاك  بكره تكـــــون مكـان ماتكــــون مترxمتر و حفـره x ضلمة  وكـــون غيـر الكـــون من دلوقت يارب معــاك
 بعهــدك هلوم نفســى الى بعدت عن رضـاك 
__________________
|
|
#25
12-11-2009, 12:17 AM
|
||||
|
||||
 الطــريــق الصـــــح  شيل الدين من الدنيا هتتحول فى ثوانى لغابه  بس ازاى الناس هتقرب لو شايفنه كآبه عارف ليه بيجلنا امل ويروح كالعاده  شايفين الطريق الصح مفيهوش سعاده  نار او جنه الدنيا تعيشها انت بتختار بأرادتك  لو ربنا قالك ده غلط قالها علشان مصلحتك اللى بيضحك للدنيا الدنيا هتضحك له زياده  حب وخلى الكل يحب ياناس ده الحب عباده  عارف ليه بيجلنا امل ويروح كالعاده شايفين الطريق الصح مفيهوش سعاده  ايوه اكره أى غلط و ما تكرهش الغلطان كان ممكن تبقى انت مكانه تكون فى التوبه طمعان  أو تايه ومحدش دله الصح طريقه ازاى أدعى له ربنا يهديه ويغير عمره الجاى  عارف ليه بيجلنا امل ويروح كالعاده شايفين الطريق الصح مفيهوش سعاده  
__________________
|
|
#26
12-11-2009, 02:55 AM
|
|||
|
|||
|
جزاك الله كل خير
|
|
#27
12-11-2009, 11:08 AM
|
||||
|
||||
|
إتأخرت انا مش كده؟؟؟
ما شاء الله تبارك الله اللهم زد وبارك انا فرحانه اوى ان الموسم الرائع بدأ وزعلانه انى ماكنتش معاكم بس اهم حاجه ان الموسم انطلق وباين عليه اجمد من اللى قبله منتظرين على أحر من الجمر ربنا يوفقكم ويعينكم
|
|
#28
12-11-2009, 06:41 PM
|
||||
|
||||
|
جزاكم الله خيرا
وتم تثبيتالموضوع
__________________
|
|
#29
13-11-2009, 01:24 AM
|
|||
|
|||
الله معاكم واحنا كمان
شباب يححبلكم الخير حنتغير بجد
|
|
#30
13-11-2009, 05:29 AM
|
||||
|
||||
موضوع للنقاش ( الحلقة الاولى)
 حلقات موضوع للنقاش يقدمه لكم / Mega Mend  مقدمــة كل يوم ثلاثاء ان شاء الله تعالى موضوع جديد للنقاش مع القلم اللمع فى سماء المنتدى / Mega Mend  الحلقــة الأولــــى  لغـــــز المــســلـم و الـــطـبق الـطــايـــــر وإليكم هذا الأختبــار المـــــــــــــادة : علم الفضاء عدد الأسئلـــة : 2 وقت الأمتحان : 7 دقـــــائــق رئيس اللجنـة : Moderetor ------------------------------------------------------------------------------- ميجـــــــا ميـند .. يــــوزع ورقـــــــة الأســـــئلة ------------------------------------------------------------------------------- السؤال الأول : أستخرج الخطأ الموجود بالصورة الأتية ?  محــدش يغـــش من اللى جنبه .... مــــــــــفهـوم ------------------------------------------------------------------------------- الأعضــاء : يا ميجا ميند غشــشـنا .. مفيش مشــــرفات موجودة .... ميجا ميند : حاضر ... علشــان تعـرفوا مـين بـينـفـع وقـت الزنـقة .... جـ ا ر ى ت حـ مـ يـ ل ا ل أ جـ ا ب ة  انظر إلى النقط الحمراء .... هل تعرف ما هذا ؟ انها أطبــــــــــــاق الــــدش ------------------------------------------------------------------------------- أذن أيـــــــن الخــــــطـــــأ هل ترى كيف يطل الفقر من جدران هذه البيوت منطقة فقيرة نسى جميع أفرادها هموم الحياة و مشاكلها ... ولم ينسوا طبق الدش نسوا الماضى و المستقبل المظلم ... ولم ينسوا القنوات الفضائية قمة التناقض و السذاجة ------------------------------------------------------------------------------- هدوء من فضلكم ... انتم رايحيــــن فين ... لسه فى سؤال تانى ------------------------------------------------------------------------------- السؤال الثانى : كم عدد أطباق الدش الموجودة فى هذه الصورة ؟  تم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 576 * 302. للأســـف لـن أستــطيع أن أعـطيـكم أجــابة ... فأنا لا أعرف العدد ------------------------------------------------------------------------------- أنتهى الأمتـــحان ...ولم ينــــــــــتهى الكـــــــلام ------------------------------------------------------------------------------- هـــــــــدوء من فـــــــــضلـــــــكم انا هقول حـكــــاوى و عبـــــر ... أســمع و اعتــبر هل عرفت أحد أسباب تخلف المسلمين .... و أنحدار منحنى الأخلاق ماذا تنتظر من بيوت مسلمين لا يطفأ فيها التلفزيون إلا عند النوم ماذ تنتظر من بث 24 ساعة لكل أنواع الفجور (كليبات – رقص – أغانى – افلام حب وهيام – مسلسلات – أعلانات – برامج – لقاءات مع نجوم الفن – مقالب – مسرحيات – ومفيش مانع من حشو كام برنامج دينى فى النص) ------------------------------------------------------------------------------- فى بيوتنا جميعاً هذه الأداة ( الموت كنترول ) قصدى ( الريموت كنترول ) والله الأصح ( الموت كنترول ) لأنه يميت القلب و العقل  ماذا تنــــــتــــظر من فتـــــاة تمسك هذا الريموت ليل نهار لتتابع نجمها المفضل .. او بشغف تتنتظر حلقة المسلسل التركى أو من شـــاب يمسك بهذا الريموت .. وينتقل من قناة إلى أخرى بحثاً عن فتيات الفيديو كليب أو مـــن أب يعود من عمله .. يتناول الغذاء .. ثم لا يبارح مكانه من امام الشاشة أو من أم تحفظ مواعيد المسلسلات و البرامج و لا تحفظ جزء عم كفاااااااااااااااااااااااااااااااااااااااااااااية بعد كل هذ ا تنتظر ان يكون لله مكان فى قلوب المسلمين بعد كل هذا تنتظر ان يتقدم المسلمون بعد كل هذا تريد تحرير الأقصى صدقت يا رسول الله ... نحن غثاء السيل ... نحن اجساد يسكنها أشباح الغفلة ------------------------------------------------------------------------------- ياااااااااااااااااااااااااااااالله رسولك الكريم كان يلقيه الكفار بالحجارة ..... ويضعون امعاء الجيف على ظهره وهو يصلى ...... دمعت عيناه لفراق الصحابة وقد تخضبت الأرض بدمائهم .....(يا حبيبى يا رسول الله ) تحمل وكافح لتصل لنا الرسالة يا ويلتى يا ويلتى ... نحن اصبحنا من يهدى الكفار الحجارة ليقذفوا بها أخواننا يا ويلتى ياويلتى .. نحن نشتكى من طول صلاة التراويح ... لان الجيف فى قلوبنا و ليست على ظهورنا يا ويلتى يا ويلتى ... نحن تدمع عيوننا لمشهد رومانسى فى فيلم أو موت البطل يا ويلتى يا ويلتى ... نحن ايضاً نكافح لكى تصل رسالتنا عبر الموبايل .. للتصويت لنجوم ستار اكاديمى ------------------------------------------------------------------------------- ياااااااااااااااااااااااااااااااااااااالله تنزل للسماء الدنيا فى الثلث الاخير من الليل .. وتنادى (من يدعوني فأستجيب له ،منيسألني فأعطيه ، من يستغفرني فأغفر له) يا ويلتى يا ويلتى .... ونحن ساهرون حتى مطلع الفجر .. نتابع فيلم بطولة الفنان فلان و الفنانة علانة أى جــــــــــــــــــــــــــنـون هـذا ------------------------------------------------------------------------------- يااااااااااااااااااااااااااااااااااااالله تقول فى كتابك ( وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى ) يا ويلتى يا ويلتى ... ونحن نشتكى الهموم و المشاكل و نحاول البحث عن السبب ..وننسى اهم سبب .. سبب أننا أعرضنا عن ذكرك ------------------------------------------------------------------------------- يااااااااااااااااااااااااااااااااالله يا ويلتى يا ويلتى ..... ونحن لا نستحى من المعصية ليل نهار ------------------------------------------------------------------------------- ياااااااااااااااااااااالله اغفر لنا و لا تؤخذنا بما يعمل السفهاء منا يا رب أرنا يوم فى أصحاب الفضائيات ... لقد أضلوا شباب الأسلام ... ------------------------------------------------------------------------------- ياااااااااااااااااااااااااااااالله ارحم دموعى التى تنهمر أثناء مناجاتى لك فى هذا الموضوع . أرحم ضعفى و ذلى و قلة حيلتى يارب ليس لى سواك  انتهــى الموضوع وتم فتح باب النقــاش 
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:22 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
