ما رأيكم في فكرة عمل ماراثون جري في كل منطقة تحت شعار في حب الأزهر

[خالد فضل صادق]

ياعم اجرى انت بعيد

[الحق ضاع]

احنا بندور على حقوقنا الضايعة وناس بتدور على الجرى والكلام الفاضى ............................ يا اخى اجرى ورا حقك المسروق منك وبعد كدة العب براحتك ......................

[الحق ضاع]

خلوا بالكم فيه ناس عايزينكم تناموا عن حقوقكم وتلهيكم باى شئ اخر يا ريت تنتبهوا

[Mr...Ahmed]

طب وانت بتجرى والنبى ابقى شوفلنا الفلوس اللى أكلوها علينا

[الأثري المالكي]

أولا شكرا لجميع الأعضاء الكرام على الردود الجميلة
ثانيا احنا فعلا لنا حقوق ضائعة
وعشان نجيب حقنا لازم نبتكر أفكار جديدة
يبقى نعمل ماراثون مطالبة بحقوقنا
وزي ما قال الأستاذ احمد راشد الموضوع دا هيلفت نظر الصحافة والاعلام لينا ولمطالبنا

[اشرف ابو العز]

المدرس الازهرى بيجرى طول عمرة من ساعة م اشتغل بالازهر .........يعنى بصراحة مش عايز جرى ....نفسة اتقطع !!!!!!!!

[عوكل11]

وبالمرة نركب عجل علشان مصر

[أ/ مجدى رشاد سلامة]

والله موضوع يستحق الضحك والسخرية ، ليس من صاحب الفكرة ولكن من الفكرة نفسها

وشكرا للعضو صاحب التعليق التالى :

( والمشايخ هتجري ازاي؟ انا متخيل رئيس المنطقة لو طلبت منه نجري هيقولي ما تجري الشوارع قدامك او ممكن يقولي استنى استطلع راي فضيلة وكيل الازهر عشان يعلن ان الماراثون سيتم تحت رعاية فخامته وبرعاية مباشرة منه .. دا اذا لم يطردني اصلا من مكتبه ويحولني للتحقيق مع جزا محترم من ابو 3 ايام .. موضوعك للاسف عامل زي واحد عايز يجمل ويزين بيته من بره وهو من جوه على الطوب الاحمر مع احترامي لحضرتك وللفكرة طبعا )

أضحكتنى كثيرا ً

********************

[Mr. Hatem Ahmed]

المشاركة الأصلية كتبت بواسطة اشرف ابو العز

المدرس الازهرى بيجرى طول عمرة من ساعة م اشتغل بالازهر .........يعنى بصراحة مش عايز جرى ....نفسه اتقطع !!!!!!!!

كلام مظبوط

المشاركة الأصلية كتبت بواسطة عوكل11

وبالمرة نركب عجل علشان مصر

حلوة دي

[مصطفى إسماعيل أحمد]

يا جماااااااااعة الخير والله إحنا ممكن نحول الفكرة لصالحنا بما أننا أصحاب حقوق ضآئعة وليس هناك من يقف بجانبنا ممكن نستغل هذه الفكرة وبدل ما يكون المارثون تحت شعار حب الأزهر يكون تحت شعار المطالبة بالحق الضائع وصدقونى الصحافة ووسآئل الإعلام هتلفت الإنظار إليكم وهتنقل صوتنا للمسؤلين وهيسمعوا صوتنا بعد الفضايح إيلى هينقلها الإعلام للناس كلها وممكن نجد تعاطف من الشارع المصرى للمعلم الأزهرى وأخيراً لكـ الله يا معلم الأزهر

[عادل عبدالواح]

المارثون هعمله يوم ما امشي من الازهر مع خالص تحياتي

[عادل عبدالواح]

الله عليك هو ده الشغل فعلا احنا مالناش حقوق من اصله الازهر قضي علينا وجمد تفكيرنا

[سالم السوهاجي]

مستعدين لذلك لكن عندما يطبق العدل والمساواة في كل منطقة في كل شيء

[الغزالى2050]

بعد الســــــــــــــــــــــــــــــــــــــــــــلام عليكم ورحمة الله وبركاته الاخ العضو المحترم هو السادة المدرسين فايقين من الانتدابات الااذا كانت فكرةسعادتك خاصة بالسادة اصحاب الفضيلة المعمميين اقصد رؤساء المناطق والوكلاء واصحاب اللجنة الاداريةوكفاية كدة كويس عشان ما نرتكبش سيئات وشكراااااااااااااااااااااااااااا

[المستر بهاء]

المشاركة الأصلية كتبت بواسطة أ/ سعيد موسى

بالامانه فكرة جميله لكنها صعبه التنفيذ

من حلف بالامانه فليس منا صدق رسول الله