وزير التعليم:من يثبت إعطاؤه دروسًا خصوصية سيتم فصله

[عاشق البلانكو الابيض]

المشاركة الأصلية كتبت بواسطة أبوبسملة ياسر خليفة الطحاوى

طبعا استاذ محمود

انا بادى دروس

من 13 سنة

من يوم ما تخرجت

وقبل تعيينى

وكمان دروس ثانوية عامة

الحمد لله رب العالمين

انا واثق جداااااااااااااااااا

فى قدراتى كمدرس

بفضل الله
والا مكنتش قربت لمنهج ثانوى عام وانا بره الثانوى

مش تقلق على اخوك استاذ محمود

انا ليا مبدأ فى الحياة

مفيش تعب يجيب تعب

ومفيش راحة تجيب راحة

فمن اراد الراحة

ترك الراحة

اللهم لك الحمد

اوووووووك ربنا يوفقك يا استاذ ياسر
م انا برضو والدى مدرس وبيدى دروس

[أبو إنجى]

ياسلامممممم على الذكاء،،،،،، جاي معالى الوزير يعادى المدرسين ويهددهم من اولها وقبل ايام قليلة من بداية العام الدراسي,,,,,,



يا معالى الوزير لما تبقى تدينا مرتب محترم زى الناس نبقى نبطل دروس خصوصية،،،،،،،،،،يا معالى الوزير أنا بقالى ما يقرب من 14 سنة خدمة ومرتبي لسة تحت 1000 جنية،،،،،،فى نفس الوقت أمين الشرطة اللى خدمته نصف خدمتى بياخد 1500 جنية،،،،،حتى العامل ابو دبلوم فى الكهرباء وخدمته 4 سنين بس مرتبه 1800 جنيه

[أحمد هاشم الزيدي]

ده كلام ناس في الهوا

[أحمد هاشم الزيدي]

المشاركة الأصلية كتبت بواسطة هويدااحمد76

ماشى انت قلت الاستاذ الجامعى انا موافقة مع انى مش بدى دروس
قبضنا زى استاذ الجامعة وبعدها حاسبنا!!!!!!!!!!!!!!!!!!!!

كلام حضرتك صح واللهي أستاذ هويدا

[khgyu]

الوزير بيتكلم عن المدرسين وبيقول ها يفصلهم لانهم بيدوا دروس وبكده ها يقضي على ظاهرة الدروس الخصوصية كلام جميل طيب ها تعمل ايه يا سيادة الوزير مع الاتي :
1ـ خريجين طب وهندسة وصيدلة بدون وظائف وبيدوا دروس رياضيات وكيمياء وفيزياء وأحياء ثانوية عامة
2 ـ موجهين ومديرين عموم ومديري مدارس سابقون وحيتان دروس بكل ما تعنيه كلمة حيتان من معان
3 ـ موظفين حكومة في قطاعات مختلفة وبتدي دروس في الاتصالات والضرائب وحتى البريد وشغالين الله ينور
4 ـ خطباء مساجد وخريجي كليات أزهرية وأساتذة دروس لغة عربية وانجليزية زي القشاط
5 ـ إداريين في التربية والتعليم وفي ديوان بعض المديريات ومعروفين بالاسم وكذلك موجهين أنشطة مثل المسرح والمكتبات والحاسب الالي وشغالين دروس فرنساوي وانجليزي !!!

[أ/رضا عطيه]

أعرف وزير سابق دخل للمعلمين من باب التهديد دون الشعور بألامهم واحتياجتهم وأمالهم

فذهب مع الريح دون أن يذكره معلم واحد بأى خير

الوزير ابن البلد صح

ينزل للمديريات أو الإدارات ويستمع لمطالب المعلمين ويعتبر كرامتهم من كرامته

ياوزيرنا العزيز كن مع مليون ونصف معلم يرفع الله شأنك ويقربك لقلوب مرؤسيك

حتى تجد من يخرج للشوارع ليطالب باستمرارك رغم أنف السلطة الحاكمة

لاتأمن سلطة ولكن كل الحكمة أن ترعى الله فى من هم فى رقبتك

المعلمون ليس كلهم حيتان دروس ياسيدى

فهناك من يحارب الدنيا كلها من أجل توفير وجبة واحدة كل أسبوع يزينها البروتين الحيوانى كباقى أولاد الناس

مللنا البروتين النباتى

نفسنا فى وزير خريج كشكول تحضير فى مدرسة وأعلى ترقية له هو مدير إدارة تعليمية

هذا هو الذى سيشعر بحالنا ومن المؤكد أنك ستجد التباشير قد أعطاة البصمة المميزة للمعلم

شكرا لتفاعل الزملاء الأفاضل

شكرا للجميع

[راغب السيد رويه]

جزاك الله خيرا على الخبر

[أ/رضا عطيه]

جزاكم الله خيرا

[letigrenoir]

روح العب يا غنيم لازملك درس في الفهم لانك مش فاهم انت بتعمل ايه بتستند لقانون الجامعات بفصل الدكتور او الاستاذ اللي بيدي دروس يا عم ادينا مرتبات زي استاذ الجامعة 6000 جنيه وانا هبعتلك الطلبة اللي عندي انت تديهم دروس بدالي وحلال عليك ياعم ويجعله عامر .......... فعلا احنا في زمن الاصلاح

[أ/رضا عطيه]

الوزير رجل سياسة

ورجل السياسة مأمور بتنفيذ سياسة ولامجال للرحمة والعواطف

ويبدو أن من هم أصل مدرس (خريج مدرسة حكومية) وحامل شهادة الجودة (كشكول تحضير) ماركة (تباشير حكومى )بأدخنة تسد الصدر

انقرضوا ومن تبقى منهم لم يعد صالح للقيادة

ولذلك كل الحكومات دائما تأتى لنا من دواليب الغير

حين يكون لنا اعتبار فى اختيار القيادة كما يحدث فى كل المجالات

حينها نفكر فى المطالبة بحقوقنا

[az.za]

نفس كلام الوزرا اللى قبله ..... يعنى بيكمل نفس الكلام ..... دون وضع حلول ترضى جميع الاطراف .... يعنى مفيش فايده لسه شغلين فى تهدبد المدرس ...... ولا فين ال ثورة........................

[أ/رضا عطيه]

شكرا لمروركم الكريم

[القط الاسود 13]

ماهو لو المدرسين بيشرحوا فى الفصل بضمير احنا هناخد دروس ليه ؟؟
المفروض يعالجوا المشكلة من اولها
يعنى مثلا انا واخواتى اربعة و كل واحد منا فى سنة و مرحلة دراسية و بدأنا الدروس من اسبوع
و الوالد المسكين بيدفع كل اللى وراه و كل اللى قدامه
فيا ريت المدرسين يشتغلوا بضمير و احنا ساعتها مش هناخد دروس
و آخر حاجة عايزة اقولها ان والدتى مدرسة دراسات اجتماعية و بتتقى الله فى شغلها و فى الطلبة اللى بتدرس لهم و مبتديش دروس خالص

[nogah177]

إلى كل من يعطى او يتعاطى دروس خصوصية :

1 - بص فى صورتك فى المراية و انت تشوف الفقر بين عينيك حتى و ان كان دخلك آلاف مؤلفة

2- اسمع لاولياء الامور و هم يعطوا اولادهم فلوس المجموعة او الدرس و انت تعرف تتهنى بفلوسك

3- اعرف انها ايام معدودة و تنتقل الى ربك و يحاسبك على كل صغيرة و كبيرة و تذكر هذا الحديث لتعرف جزاءك ان شاء الله تعالى

أخرج الإمام مسلم في صحيحه بسنده عن سليمان بن يسار قال: تفرقالناس عن أبي هريرة فقال له ناتل أهل الشام: أيها الشيخ حدثنا حديثا سمعته من رسولالله صلى الله عليه وسلم, قال: نعم سمعت رسول الله صلى الله عليه وسلم يقول:
"إنأول الناس يقضى يوم القيامة عليهرجل استشهدفأتى به فعرفه نعمه فعرفها, قال: فماعملت فيها؟ قال: قاتلت فيك حتى استشهدت, قال: كذبت, ولكنك قاتلت لأن يقال جريء, فقدقيل, ثم أمر به فسحب على وجهه حتى ألقي في النار,
ورجل تعلم العلم, وعلمه, وقرأالقرآن فأتي به فعرفه نعمه فعرفها, قال: فما عملت فيها؟ قال: تعلمت العلم وعلمته, وقرأت فيك القرآن, قال: كذبت ولكنك تعلمت العلم ليقال عالم, وقرأت القرآن ليقال هوقارئ, فقد قيل, ثم أمر به فسحب على وجهه حتى ألقي في النار,
ورجل وسع الله عليه,وأعطاه من أصناف المال كله فأتى به فعرفه نعمه فعرفها, قال: فما عملت فيها؟ قال: ماتركت من سبيل تحب أن ينفق فيها إلا أنفقت فيها لك, قال: كذبت ولكنك فعلت ليقال هوجواد فقد قيل ثم أمر به فسحب على وجهه ثم ألقي في النار".


اللهم كل من استغل ضعف طالب او نقص ضميره _ ان كان عنده _ و تربح من دم اولادنا فاجعل فقره بين عينيه و اذله يا رب العالمين

[أ/رضا عطيه]

أنصح من يقف ضد مطالب المعلمين إرضاءا للسلطة الحاكمة

أنصحه ألا يذهب لدكتور خاص أو عيادة خارجية للعلاج

ويذهب لإحدى المستشفيات الحكومية

ويبقى يقول لنا إيه الأخبار ؟؟


مع إن الأطباء ماشاء الله دخل الواحد منهم بخمس مدرسين

السياسة القذرة المتبعة الأن فى مصر

من أجل ضياع حق المليون والنصف ركز على الألاف منهم (حيتان الدروس )

فهناك ألاف أخرين يتمنون مرتب عامل فى بنك أو الكهرباء أو الضرائب

عندها فمالذى سيدفعه للدروس وقد وفرت له الدولة الحياة الكريمة

أما من يصر عليها فيكون له الضرائب والفصل

الحرب معلنه على المعلمين كلهم بسبب القلة منهم

سياسة قذرة ومتلونة ويحملها لنا أنصار النقيب الإخوانى والحزب الحاكم

مع إنهم من عام واحد كان أول المناصرين لثورة المعلمين

حين كان النقيب والحزب الحاكم ليس منهم !!!!!!!!!!

لاعجب فالسلطة لها بريق النفاق والتقلب والتلون وخاصة إن كان الاستحواذ منهجهم

لنا الله

وشكرا للمرور والمشاركة