كل ما تريد معرفته عن العلاج الطبيعى

[aia99]

و ده بينطبق على الكليات الخاصة زى جامعة الدلتا ؟

[DPT-Blue Phoenix]

ال6 سنين على كله و برده الdpt ممكن تاخدها من اى مكان و التوظيف كله بيتوظف مش زى بعض كليات الصيدلة مثلا لأن عدد كتير عكس العلاج الطبيعى و نظام الدراسة هو هو تقريبا بس يمكن فى بعض الزيادات او اول تطورات بتيجى جامعة القاهرة الأول ... انما فى المجمل كله مشابه لبعضه و طبعا اختلاف مثلا انك ممكن تدرس مادرة فى سنة تانية كلية تانية تدرسها فى أولى و العكس و علاج طبيعى خاصة جميلة جدا و ليها تكليف و توظيف بس ((أهم حاجة الفهم و تدرب كتير فى مراكز و كدا من بدرى ممكن من تانية مثلا)) و ربنا يوفقك و لا انت قصدك حاجة تانية ؟!

[besocool15]

هو في قسم للتغذية العلاجية أو السمنة في جامعة كفر الشيخ؟

[DPT-Blue Phoenix]

المشاركة الأصلية كتبت بواسطة besocool15

هو في قسم للتغذية العلاجية أو السمنة في جامعة كفر الشيخ؟

مفيش حاجة فى علاج طبيعى اسمها قسم تغذية علاجية و سمنة ... العلاج الطبيعى 6 اقسام بس 1-عظام 2-اعصاب 3-اطفال 4-مسنين و باطنة و جهاز دورى و تنفسى
5-جراحة و حروق الى فيها الجلدية و التجميل برده 6-النساء و التوليد

انما السنمة و النحافة و التغذية و كدا بعد ما بتخلص بتتاخد كورسات و كدا و بتبقى حاجة جنب التخصص بتاعك ... و طبعا هى حاجة كويسة جدا و انا ناوى اخدها ؟! ليه ؟! مثلا لو انت اتخصصت عظام و مفصل الركبة تعبان انا فعلا هعالج المفصل و كل حاجة بس غالبا بيبقى سبب مشاكل الركبة و الجهاز الحركى دا زيادة الوزن فلازم اخسسه عشان ميرجعش يتعب فهى مجال مكمل لكل التخصصات الى فوق دى ((و السمنة مرض العصر و افضل اساليب علاج ليها هى العلاج الطبيعى))

مثلا فى جهاز بيخرج الدهون الى فى الطبقات التحتية لفوق و بعدين فى موجات فوق الصوتية تحرك الدهون و تفتتها و بعدين بنجى باجهزة كهرومغناطيسية او غيرها و نصرف الدهون خاصة و ندوبها و بعدين بنيجى باجهزة حرارية و نشد الجلد و مكان الترهلات دى و ترجع زى ما كانت و احسن باذن الله ... و الاجهزة دى ليها استعمالات كتير جدا و دى حاجة كدا من ضمنها

[besocool15]

شكرا تعبت معايا بس كنت عايز أسأل عن أل dpt فائدتها ايه و مصاريف في حدود كام

[DPT-Blue Phoenix]

المشاركة الأصلية كتبت بواسطة besocool15

شكرا تعبت معايا بس كنت عايز أسأل عن أل dpt فائدتها ايه و مصاريف في حدود كام

لا مفيش تعب و لا حاجة انا داخل هنا أصلا عشان اعمل توعية للعلاج الطبيعى سواء للطلاب او أى حد عايز يعرف عن المجال لأنه مهم جدا فى العصر دا

الDPT او الدكتوراة المهنية او دكتوراة مهنة العلاج الطبيعى Doctorate of Physical Therapy الشهادة دى شهادة عالمية و تقريبا خلاص بتطبق فى العالم كله دلوقت العلاج الطبيعى خاصة جامعة القاهرة و عميدنا ربه يكرمه راجل منتهى الاحترام ((دكتور علاء بلبع)) كانوا بيحاربوا عشان تطبق الدرجة دى و هى كالتالى ...

أولا الدرجة دى خاصة بكلية العلاج الطبيعى بس و هى لسه متطبقة السنة الى فاتت دى و هى عبارة عن درجة بتتاخد من (2 ل 5 سنين) يعنى على حسب بس هو العادى بتاعها 2 بس ب30 الف جنيه 7500 جنيه للترم بتتاخد المفروض بعد الكلية هى كانت المفروض ب 40 الف جنيه بس رخصوها يعنى الحقيقة فى العلاج الطبيعى انها تعتبر 8 سنين على بعضه 5 سنين دراسة و سنة امتياز و سنتين DPT و على ما احنا هنتخرج و قبل 2020 دكتور علاء وعد انها تبقى بفلوس رمزية و هى ليها نوعين :-

1- الدكتوراه المهنية DPT و دى المفروض ان موادها بتتاخد ضمن سنين الكلية يعنى تخلص معاك شهادة التخرج و مكتوب فى شهادة Doctor of physical therapy
2- Transitional DPT الدكتوراة المهنية الانتقالية و دى هى هى بالظبط بس الفرق انك بتاخدها بعد ما بتخلص ال6 سنين و تخلص تكليفك و دى الى هى متطبقة هنا ؟!

-طيب ليه احنا مخلنهاش ضمن سنين الدراسة و ارتحنا ؟! لأنها بفلوس لسه و لسه هتحتاج وضع منهج جديد و توزيعها على السنين و كمان باضافتها الكلية هتبقى 7 او 8 سنين على بعضها ... انما العائق هى انها بفلوس فبنحاول نرخصها باكبر قدر

دى مهمة؟! مهمة جدا جدا جدا جدا لأن بعد سنة 2020 المفروض ان منظمة الصحة العالمية لن تعترف باى خريج علاج طبيعى ممعهوش الشهادة دى و بالتالى مش هتعرف تسافر و لا تشتغل بره و المفروض ان الشهادة دى يكون كله بياخدها بحلول سنة 2020 ...

الشهادة دى بقى (((مميزاتها))) ليها ميزتين:-
1-ميزة غير مباشرة و هى ان دكتور العلاج الطبيعى المصرى بقى معادل للشهادة الأمريكية يعنى ايه ؟! يعنى لو انت جالك عقد عمل فى امريكا و نجحت فى الاختبارات تسافر على طول من غير امتحانات معادلة و تحضير معادلة ... على عكس كل كليات القمة و ممكن كمان ميقدروش يعملوا معادلة اصلا و طبعا المعادلة دى بفلوس .. و اصلا العلاج الطبيعى المصرى هو المركز ال3 على العالم بعد كندا و امريكا دا مش معناه انها افضل دراسة لكن معناه اننا بندرس كل المواد الى بتتدرس برا عشان كدا بندرس فى أولى بس 13 مادة ....

2-الميزة المباشرة ... كان من عيوب العلاج الطبيعى انك مش بتعرف تشخص تشخيص ((كلى)) يعنى ايه ؟! يعنى لازم المريض يكون متحولك من ((دكتور بشرى ايا كان تخصصه)) طبعا و دا عيب كبير معظم الدكاترة دول مكنوش يعرفوا العلاج الطبيعى و كان هو كلية واحدة من سنتين بالظبط غير انه حتى لو عارف ممكن ميحولهاش لأن زى ما هو هيعتبر المريض مصدر رزق ليه ؟!

طيب لما بتاخدها ((بتشخص تشخيص كلى بمعنى المريض دلوقت يجيلك انت عيادتك على طول معاك سماعتك و تشخص تشخيص كلى و نحدد المرض + شغلنا الاساسى فى انك تحدد برنامج العلاج و نوع الاجهزة و عدد الجلسات + تعالجه علاج طبيعى+ ليك حق تكتب روشته و توصف ادوية زى الدكتور البشرى بالظبط ... و الموضوع هنا هيتعكس انت بقى الى تحدد لو المريض مثلا محتاج عملية جراحية وهتحوله بشرى و لا لأ فالموضوع اتعكس و احنا الى هنحول الحالات ؟! يعنى الموضوع اتعكس 100% عشان كدا لو دخلت الكلية هتشوف حرب من كلية البشرى و الفقابة بيموتوا نفسهم و دى حقيقة))

يعنى من الاخر فايدتها التشخيص دى كل حاجة عنها من الألف للياء و اى سؤال تانى انا فى الخدمة...

[DPT-Blue Phoenix]

كل الى عايز يعرف معلومات معانا اكتر عن الكلية او عنده اى استفسار يتفضل على الجروب على الفيس هناك كله علاج طبيعى و هيقدروا يفيدوكم https://www.facebook.com/groups/142499085812270/

[hassanmos993]

شكراااااااا على المجهوووود الجامد ده ومنتظرين حضرتك على الجروب تفيدنا اكثر

[DPT-Blue Phoenix]

المشاركة الأصلية كتبت بواسطة hassanmos993

شكراااااااا على المجهوووود الجامد ده ومنتظرين حضرتك على الجروب تفيدنا اكثر

ان شاء الله ربنا يسهل و ربنا معاكم و معانا باذن الله

[doctor.ramy]

مع احترامي لجميع الاراء بس انا شايف ان مافيش مقارنة اصلا . علاج طبيعي هتطلع دكتور تشتغل في المستشفي ليك تكليف في الحكومة تفتح مركزين علاج طبيعي خاص هتبدع في عملك وتسمع دعاء الناس ليك بعد ماتعالجهم وتكبر عيادتك وتبقي دكتور مشهور ان شاء الله . انما طب بيطري هتطلع تشتغل ايه ؟؟

[هاوى إبداع]

جزاكم الله خيرا ع مجهودك
وربنا يجعله ف ميزان حسناتك

[الكولونيل]

جزاك الله خيرا

[DPT-Blue Phoenix]

المشاركة الأصلية كتبت بواسطة هاوى إبداع

جزاكم الله خيرا ع مجهودك

المشاركة الأصلية كتبت بواسطة هاوى إبداع

وربنا يجعله ف ميزان حسناتك

و جزاك مثله ان شاء الله يا دكتور

[روان الفؤاد]

انا جيلي علاج طبيعي وطب بيطري وعلوم ومش عارف اختار وخايف عايز نصيحه بعد اذنك وحبه اقناع

[abdulrahman m.ahmed]

لو سمحت أنا عاوز أعرف كل كليات العلاج الطبيعى الخاصة فمصر ........ ياريت الرد بسرعة ضرورى لو حد يقدر يفيدنى