سمعت عن حادثة روزويل.........طيب ادخل وشوفها

[toto_hano]

مرسى كتير على الموضوع المميز

[..حدوتة..]

المشاركة الأصلية كتبت بواسطة vampire1188

تسمحيلي اصحللك الخطأ دا بس .. لإن روزويل مش ولاية

رووزيل عبارة عن مدينة موجودة في ولاية نيو ميكسيكو ..

ومابينها ومابين نيفادا اللي موجود فيها ارض الأحلام دي صحراء الاريزونا
اولا شكرا جد ع التصحيح
ونا اسفة ع الخطأ ده

اني واي .. انا في الموضوع دا كله متحفظ فقط على صورة واحده في الموضوع

اللي هيا صورة المنطقة 51 المزعومة اللي متصورة بجووجل ايرث

بيتهيألي لو امريكا فعلا بتخبي الموقع دا ومش عايزة الناس تعرفه ..

اعتقد انها هاتخفيه عن انظار كل الناس .. واولهم ان الموقع دا يتشال من جووجل ايرث
بص فى فرق انك تشوفه من فوق لأأن الصورة عمره مهتكون دقيقة وى
انما لما تفحصه وانت ع الارض يمكن تلاقى حاجة
وبعدين هو لو نزل فيه طبق طائر ولا حتى طبق صينى
هى امريكا هتسيبه كده فى مكانه
اكيد هيتنقل لمكان اكثر امنا وكمان يقدرو يفحصوه فى
معنى كده ان المكان تقريب مالهوش اهمية عندهم
غير الاثر اللى سابه الطبق
او الشئ اللى وقع
ايا كانت هويته
زي ما اسرائيل معتمة على المواقع الحربية كدا في جووجل ايرث برده .. ولا ايه ؟؟!
اسرائيل لو تقدر تعتم على نفسها كل حاجة كانت عملت كده من زمان
وبعدين فكر معايا
لو كل موقع متعتم فى اسرائيل كان موقع حربى
يبقى حنا كعرب سهل اوى نضربها فى م***
طائرة وفيها شوية قنابل
تضرب كل االمواقع المتعتمة
وخلاااااااااااااااااااااص
بخ مفيش اسرائيل

ثانياً .. اعتقد ان في جميع الحالات .. ان من المؤكد ان فيه مواقع سرية عديدة في امريكا غير 51 دا

ودا لإن اول ناس اخترعت المثل اللي بيقول (لا تضع البيض كله في سلة واحده) هما الامريكان !
احنا ماقلناش ان مفيش مواقع تانية فى امريكا

ثالثاً .. لو تفتكروا فيلم the independence day بتاع ويل سميث

اهو في الفيلم دا جابوا سيرة موقع 51 .. واحنا يا مصريين فاكرين ان دا خيال علمي

لكن هوا في حقيقة الأمر ان الامريكان بيتريقوا على الحكاية دي ولكن في صورة علمية

وبقت سيرة موقع 51 زيها زي نكتة المطار السري اللي في امبابة !!

مش شرط على فكرة كل اللى فى الافلام يكون صح
و كله غلط
وممكن دى وسيلة لتكذيب الخبر
بس وسيلة مبتكرة شوية
رابعاً .. انا لا اؤمن الا بالاشياء اللي ربنا صرَّح بيها ..

ربنا قال (وما خلقت الجن والإنس الا ليعبدون) .. يعني مافيش غير جنسين " جن و انس "

وتقديم الجن على الإنس لإن الجن اتخلقوا قبل الانس ..

ولو ربنا كان خلق حاجة قبل كدا كان قال و صرَّح .. لكن ربنا ماصرَّحش .. وبالتالي نوجع دماغنا ليه ؟!

هوا دلوقتي لو بابا جيه وقالي انا يابني خلفتك انتا واخواتك الاتنين ..

هاقعد افكر بقي هوا ياتري يا هل تري بابا خلف حد غيري انا واخواتي الاتنين ؟!

مانا لو دخلت في دايرة التفكير دي يبقي مش هاخلص ودماغي هاتشت وتفرقع

فهوا من المفترض ان احنا مانؤمنش غير باللي ربنا صرَّح بيه واعلنه في القرآن

لإن القرآن دا هوا منهج حياتنا ..

هوا دا اللي هانتحاسب عليه يوم القيامة كلمة كلمة وحرف حرف
بخصوص الجزء ده
نا مش هرد على حضرتك
لأنى مش هكرر الكلام للى اتكتب
وانا متفقة معاه تماما

وع العموم شكرا لمرورك الرائع
ومش معن الللى انا كتبته انى مؤمنة بالحاجات دى
احنا بس بنتناقش

[..حدوتة..]

المشاركة الأصلية كتبت بواسطة banzer

معلش ياريت حضرتك متخلطش الكلام ببعضيه


ومعنى الآية مختلف تماماً

ربنا بيقول: (وما خلقت الجن والإنس الا ليعبدون)

يعني وظيفة الجن والانس اللى ربنا خلقهم عشانها هي العبادة
بص على الآية - مش قصدي تحريف ولا حاجة - لو قلتها كده
(وما خلقت إلا الجن والانس ليعبدون)
ايه رأيك في التبديل ده
الآية الأولى كان مقتصر العبادة على الجنسين دول
أما الآية المعدلة فمعناها اللى تقصده إنه ربنا اقتصر الخلق على الاتنين دول
وإلا يبقى في معنى الآية بتفسير حضرتك يبقى مفيش ملايكة ؟ صح ولا غلط ؟

وايوه انا أؤمن بالقرآن

مش القرآن برده قال
"ويخلق ما لا تعلمون"
"وفي أنفسكم وفي الآفاق"
وحاجات تانية مش حاضرة في ذهني كتير تدل على أن علم الله واسع والكون لا يقتصر على كوكب الارض فقط وإنما علينا ان نعرف أكثر وأكثر من العالم الخارجي

انا عن نفسي

لا أصدق ما لا أراه بعيني ولكني لا أرفض فكرة أن يكون هناك كائنات فضائية تعيش مثلنا

ولو بطريقة مختلفة

انا جاتلي فكرة حصنع انسان آلي
الانسان الالي مش دايماً بيكون شكله زي الانسان
بس سموه انسان عشان بيبقى ليه قدراته الخاصة

عملت انسان آلي زي الانسان وليه قدرة إنه يلعب معانا كورة ويقف جون ويصد الكورة

بعد كده فكرت في فكرة جديدة
رحت عملت انسان آلي جديد (نظراً لعملي الشاق تحت البحر) يساعدني في الأمور البحرية
ممكن اعمله على هيئة انسان او على هيئة سمكة او حوت او حتى كلب بحر
ومككن اعمله بشكل جديد خالص انسيابي اكتر
طيب مين اللى بيحدد

انا
انا اللى صنعته وانا اللى شكلته
طبعاً انا معملتش حاجة ولا صنعت حاجة

بس اقصد
ربنا خلق الخلق
ما بين الملائكة والجن والانس والمخلوقات الأخرى
جعل هيئة الملائكة عظيمة جداً
وجعل الجن والانس متقاربان إلى أن الجن لديه قدرات خاصة
وهناك مخلوقات اخرى تشبه الانسان واخرى بعيدة تماماً

فمشيئة الله في خلق الكائنات الفضائية أكيد شكلها حيكون (كما أراد الله)

فليه نحدد النسبة بـ 2% فقط

شكل الانسان لم يتحدد تبعاً للبيئة او لنظام اكله
وبالتالي لا ترتبط الكائنات الفضائية بالانسان في شيء
وبالتالي لا يوجد سبب بين التشابه والاختلاف

----وجهة نظر----

شكرا جدا لمرورك
وحضرتك فعلا قولت الرد اللى انا كنت هكتبه
شكرا مرة تانية

[..حدوتة..]

المشاركة الأصلية كتبت بواسطة ***star***

انا اعرف حادثه روزويل من زمان....بس حكايه الفيديوهات اشك في امرها....وكمان الكائن في شبه كبير جدا من الأنسان.....طيب اشمعني الأنسان بالتحديد....ليه مكنش خروف مثلا...او اي كائن تاني... الفيديوهات مبيناه انسان معدل جينيا....وده يخلي الأمر مشكوك فيه....لأن لو كان فيه كائنات فضائيه فعلا فمن رأيي نسبه تشابهها مع الأنسان مش هيزيد عن 2 %.......

واشكرك علي المعلومات الجميله

استاذى العزيز
اللى انا بحترمه جدا
انا والله مستغربة كلام حضرتك
ازاى يكون التشابه مش هيزيد عن 2%
ده الخالق واحد
وبعدين دى حاجة متعلمينها من زمان
وكان سؤال علل مهم
ليه كل الكائنات بتتشابه فى البنية الاساسية ليها
وطبعا كانت الاجابة
ان ده بيرجع لأصلها المشترك
يعنى ايه؟؟؟؟؟؟؟؟؟
يعنى الخالق واحد
وميرسيه جدا لمرورك

[..حدوتة..]

المشاركة الأصلية كتبت بواسطة dr.aaa

بسم اللله الرحمن الرحيم

أولا الحادثة دي مشهورة جدا وتقريبا مفيش حد بيفهم أو مبيفهمش
ومتكلمشي فيها واعطى تفسيرات وشروحات وكلام فاضي كتيير عنها
ثانيا ليه ربنا خلق الكون مجرات كتييير وكل مجرة فيها شموس ( نجوم ) لا تحصى ولا تعد وطبعا كل نجم حوله مجموعة من الكواكب
يا ترى لو جينا مع بعض حسبنا عدد الشموس دي ومن ضمنها الشمس وطبعا على اقل تقدير ان كل شمس حولها 9 كواكب زي الشمس بالضبط وطبعا فيه احتمال 1 : 8 من كل 9 كواكب وجود كوكب عليه حياه ثم لو اعتبرنا نسبة زي نسبة الانسان للحيوان على سطح الارض يبقى الاحتمال قد ايه بوجود كائنات عاقلة احسبوها انتم اذا عرفتوا بسي من الواضح على الارض ان نسبة الانسان اقتربت انها تفوق كل الحيوانات اعقد ان المعادلة صعبة ومعقدة بكلامي ده يبقى نسبة وجود كائنات عاقلة غير الانسان نسبة كبيرة جدا قد تفوق
80 % لكن طبعا مفيش اي شئ يثبت صحة كلامي بوجود الكائنات دي لكن لو كانت موجودة بالفعل وعندها نفس احتمالاتنا فاكيد زي ما احنا بنحاول نلاقيها هي كمان بتحاول تلاقينا فمن المعقول ان ممكن يكونوا هما إذكى مننا وقدرو يخترعوا شئ يقدر ينقلهم لينا لكن طبعا حظهم النحس انهم وقعوا في ايد اكبر قوى في العالم امريكا واللي دائما بتحب تحتفظ بكل حاجة لنفسها لكن ليه اختاروا امريكا بالذات
طبعا لا احد يعلم لكن من وجهة نظري الشخصية انهم لم يختاروا شئ وانما الاختيار كان لدى أمريكا ارادت ان تلهينا في اشياء ليس لها اهمية
عن اشياء اخرى كثير مهمة والا لماذا لايوجد شئ يوضح اذا ما كان حادث روزويل حقيقي ام لا اما اذا كان حقيقي فانا اعتقد انه لكنا حتى الان سمعنا عن الاف مثل هذه الحادثة ولكنها اختفت واقتصرت على روزويل اذا لا وجود لها ومن الطبيعي سيظهر الخبراء ويقولوا انه لا يمكن تذوير فيلم مثل هذا ولكن اسمعوا
من راى منا المسلسل الشهير taken فانه يتصور هذه الحادثة الغريبة بطريقة الخيال العلمي انظروا الى الكائنات التي وجدت في المسلسل فانها الا حد كبير تشبه هذا الكائن في الفيديو ستقولوا لي ان الفيلم قديم جدا واقول انا عادي جدا فمن السهل عليهم عمل فيلم قديم جدا لا يوجد فيه ذرة شك انه قديم وهذ ليس بفضل التخلف في العصور القديمة ولن بفضل التكنولوجيا فبعضنا عنده موبايل يستطيع التغيير من شكل التصوير كأن يختار الابيض والاسود وهذا موجوود فعلا
ثم انتقل بكم الى الكائن من شاهد افلام الديناصورات وانا لا اتذكر منها سوى جيرسيك بارك الان فالديناصورات به واقعية لدرجة التصديق لا توجد لدى المشاهد له اي ذرة شك في ان هذه المخلوقات التي امامه حقيقة الا انه في حد علمه يعلم علم اليقين انها انقرضت منذ الاف السنين والان ساخرج من هنا برايي الخاص
انا لا اشك ولو بنسبة ضئيلة بعدم وجود مخلوقات عاقلة مثل الانسان في كواكب اخرى فانه في حقيقة الامر اعتقد انها موجود وواقعية
لكن حادثة روزويل بالكامل ملفقة ومذيفة وانا بوجهة نظري ان الولايات المتحدة الامريكية لو ارادت اخفاء اي شئ ولو بسيط لاخفته بحيث لايعلمه من اكتشفه بنفسه
واتمنى ان تكون وجهة نظري قد وصلت
وعلى فكرة كل واحد منا ليه وجهة نظر مختلفة

حضرتك موجود فى الموضوع اللى يرد على كلامك

خبراء الخدع السينمائية في (هوليوود)،أعلنوا أنه من المستحيل أن يكون هذا الفيلم مجرد خدعة سينمائية لأنه ما من خبير، في العالم أجمع يمكنه اصطناع الأنسجة والخلايا على هذا النحو المذهل .. بل وأعلنوا أنه لو كان هذا الفيلم خدعة فإنهم على أتم الاستعداد لتعيين صانعه مديرا لكل استوديوهات الخدع السينمائية، بأجر قد يحمل سبعة أصفار وليس ستة .. وعندما حان دور الطب الشرعي كان أمر مبهرا

وشكراا جدا ع المرور

[..حدوتة..]

المشاركة الأصلية كتبت بواسطة travel

بجد موضوعك مميز جدااا

معرفش اسمك بصراحة
هرد بذمة وضمير لما ارجع من الامتحانات باذن الله

شكراا على الموضوع

شكرا ياقمر
وانا اسمى هبة
مستنية ردك
وربنا يوفقك فى الامتحانات
فى رعاية الله

[..حدوتة..]

المشاركة الأصلية كتبت بواسطة mohamed madkour

والله موضوع جميل انا شفت فيلم امريكى كانوا عاملينة على الكلام دة برضوا

بس كانوا بيقولوا فى نور فى السماء باين وبينور على طول ومش عارف اية وكان فية كائنات فضائية شبة الى فى الفيديو دة

وقالوا فى اخر الفيلم ان الفيلم دة بيحكى عن قصة حقيقة وحتى الان النور ظاهر فى السما فى ولاية قريبة من تكساس

معرفش الكلام دة حقيقى ولا لا الله اعلم

شكرآ ليكى وتقبلى مرورى

شكرا جدا على مرورك
احنا برضه مانعرفش الكلام ده حقيقى ول لأ

[..حدوتة..]

المشاركة الأصلية كتبت بواسطة toto_hano

مرسى كتير على الموضوع المميز

العفو
وشكراا لمرورك ياقمر
يارب يكون الموضوع عجبك

موضوع جميل
اعتقد انى قريت كتاب عن الموضوع ده قبل كده
وحصل جدل كبير بخصوص الحادثة دى
بس محدش قدر يثبت او ينفى صحتها
ولو انى عندى شك فى صحتها
بس عمتا الموضوع مميز وانا حملت الفيديو وشوفته (كائن لطيف )

[..حدوتة..]

المشاركة الأصلية كتبت بواسطة _guide_

موضوع جميل
اعتقد انى قريت كتاب عن الموضوع ده قبل كده
وحصل جدل كبير بخصوص الحادثة دى
بس محدش قدر يثبت او ينفى صحتها
ولو انى عندى شك فى صحتها
بس عمتا الموضوع مميز وانا حملت الفيديو وشوفته (كائن لطيف )

ميرسيه لمرورك
ما حكاية اثباتها من نفيها ..........مش ده اللى احنا هنعمله
احنا على قدنا خالص
بس انا حبيت اعرض الموضوع
والكائن اللطيف ده بيفكرنى بet
فى رعاية الله