من معلمى الدقهلية شكرا لمن شركنا والف شكر لمن تخلى عنا

[معتز والى]

المشاركة الأصلية كتبت بواسطة يناير2011

السلام عليكم ورحمة الله وبركاته انا عضو جديد اتشرف بالانضمام للمنتدى ولكنى من المتابعين للمنتدى من زمان طبعا باشكر كل من ذهب اليوم الى مبنى محافظة الدقهلية واحب اطمنكم ان الاخبار اللى سمعتوها هناك صحيحة وان شاء الله التثبيت قريب جدا واحنا من ادارة نبروه وكان مدير المدرسة فى اجتماع انبارح فى الادارة وقالوا له بلغ المتعاقدين ان اجراءات التثبيت سوف تكتمل اول الاسبوع القادم وسوف يتم زيادة 50% للمرتب

خبر قديم وفيه المسكن الفعال للمتعاقدين

[معتز والى]

صدقونى ياجماعة انا واحد كنت متحمس لما لقيت ما شاء الله اعداد كبيرة ع الفيس بوك موافقه ع الاعتصام
لما رحت يوم اربعاء ( الخسه والنداله) نتصل بالناس نلاقيهم بيردوا علينا من مدارسهم
تفتكروا الواحد يبقى احساسه ايه انه بيطالب بحق واحد عنده لامبالاه وسلبيه وتيجى تتكلم معاه يقولك ( انتوا يعنى جبتوا التثبيت او اللى يسرى عليكم هيسرى علينا )

إحنا نستاهل ضرب ...............

[لمسات]

يا معتز والله عندى ليك اخبار وفيديوهات حلوة للتثبيت ان شاء الله

[ثورة 25 يناير]

معتز ........................الجزم مكملتشى ليه فعلا

[TheBest]

السلام عليكم ورجمة الله وبركاته

زملائى المتعاقدين
اولا : احب اشكر كل الزملاء اللى شوفتهم داخل المحافظة واللى عملوا خطوات ايجابيه اليوم
وبقدم تحياتى القلبيه للزملاء الجدد اللى شوفتهم اليوم واللى كان عندهم دافع كبير جدا انهم يعملوا شئ جديد اليوم ....واللى فعلا عملناه كلنا كفايه انهم عرفوا اننا مش هانسكت وهانوجع دماغهم

وبحى اصدقائى وزملائى اللى استمروا معانا للمره الثانيه والمجموعه اللى مرت على المدارس لتجمع اليوم ده
ربنا يبارك فيهم

[TheBest]

ثانيا:
اما الاخوه احبابنا اللى ماقدروش يجوا .... برضوا انا بشكرهم جدا
كفايه ان احساسهم كان معانا
وانا برشحهم لانشاء حزب جديد تحت شعار ((( حزب الكنبه ))))
لانهم افضل ناس تقعد ومابتتحركش .. ماعندهاش قدره غير انها تقعد على الكنبه وتمسك الريموت:av4056bb 7jp3:
وتقلب فى التلفزيون وبس ... وقولوا ياحرام شوفت الناس عملت ايه


وبكررها مره اخرى (((( حزب الكنبه ))) وهاتلاقوا اعضاء كتير هاتشترك معاكم

[TheBest]

[quote=ثورة 25 يناير;3277234]

المشاركة الأصلية كتبت بواسطة اسامة علام

خلاص براءة
بس ايه رأيك فى اللى حصل النهاردة[/
quote]

أقولك أنا رأيى فى اللى حصل النهاردة . اللى حصل النهاردة مهزلة للمعلم المصرى ومن حقهم يعملوا أكثر من كدة طالما قبلت على نفسى الذل والمهانة استحق أكثر من كدة .
أستاذى الفاضل كل ما حدث اليوم حدث معى فى الاربعاء الماضى عندما تكلمت مع وكيل وزارة التربية والتعليم ووكيل التنظيم والإدارة نفس الأوراق اللى اتحججوا بها اليوم اتحججوا بها الاربعاء الماضى
. انهم يتبعوا معنا طريقة المسكنات . والعجب أنى رأيت البعض يصفق عندما وراهم الأسماء ههههههههههههههههه ماهى الاسماء مامضية من الاسبوع اللى فات إية الجديد ؟؟؟؟؟؟؟
بجد حسبى الله ونعم الوكيل

وليه التشاؤم ده ... خلى الواحد متفائل شويه
انا هندى تفائل انهم هايثبتونا


شهر 7 اللى جاى ....... ابشروا

[العطافى الراضى]

أسألك الرحيلا

من أروع أغانى نجاة

أنصحكم بسماعها

[أحمد محمد نافع]

ما زلتم منقسمين شاطرين توبخوا بعض الأستاذ اللي بيتكلم على التصفيق كان موجود وشاف الوضع المرة الجايه روح وحدك وورينا شطارتك

[معتز والى]

المشاركة الأصلية كتبت بواسطة أحمد محمد نافع

ما زلتم منقسمين شاطرين توبخوا بعض الأستاذ اللي بيتكلم على التصفيق كان موجود وشاف الوضع المرة الجايه روح وحدك وورينا شطارتك

احييك جدا على مجهودك اللى مشفتوش
ربنا يوفقك مع حزبك الجديد
حزب الكنب

[معتز والى]

المشاركة الأصلية كتبت بواسطة TheBest

ثانيا:
اما الاخوه احبابنا اللى ماقدروش يجوا .... برضوا انا بشكرهم جدا
كفايه ان احساسهم كان معانا
وانا برشحهم لانشاء حزب جديد تحت شعار ((( حزب الكنبه ))))
لانهم افضل ناس تقعد ومابتتحركش .. ماعندهاش قدره غير انها تقعد على الكنبه وتمسك الريموت:av4056bb 7jp3:
وتقلب فى التلفزيون وبس ... وقولوا ياحرام شوفت الناس عملت ايه


وبكررها مره اخرى (((( حزب الكنبه ))) وهاتلاقوا اعضاء كتير هاتشترك معاكم

عسل والله يااستاذ

[أ/أحمدعبد العال]

المشاركة الأصلية كتبت بواسطة معتز والى

احييك جدا على مجهودك اللى مشفتوش
ربنا يوفقك مع حزبك الجديد
حزب الكنب

لوسمحت يا استاذ معتز الاستاذ احمد نافع كان موجود وعمل اشياء كثيرة تحسب له وطالب بحقه بنفسه وهو مش ذنبه انك متعرفوش سلامي للاساتذة احمد نافع والسيد محمد ومحمد شكري واحمد زايد واحمد سعفان

[معتز والى]

تخيلوا لو أن البرئ كان عمل الوقفه يوم الاحد
تفتكروا كان ايه اللى هيحصل
تحبوا تعرفوا
كان العيد هيبقى الاتنين

[معتز والى]

المشاركة الأصلية كتبت بواسطة أ/أحمدعبد العال

لوسمحت يا استاذ معتز الاستاذ احمد نافع كان موجود وعمل اشياء كثيرة تحسب له وطالب بحقه بنفسه وهو مش ذنبه انك متعرفوش سلامي للاساتذة احمد نافع والسيد محمد ومحمد شكري واحمد زايد واحمد سعفان

طيب ما هو كان لازم كل واحد مننا يطالب بحقه من الاربعاء 23

[معتز والى]

كل واحد راح الاربعاء 30 بيقول انه راح وعمل وانجز
الاربعاء 30 كان تنفيذ مش مطالبه
الناس اللى راحت الاربعاء 23 هما دول اللى حركوا المديريه والمحافظ
اللى مجاش واتحجج وقال هنروح الاربعاء 30 هو قال كده عشان يخبى خيبته
الناس راحت وسابت مدارسها عشان تطلب حقوقها والبهوات اللى راحوا مدارسهم سببوا ان مديروا الادارات تقول تحقيق لكن لو كانو لقونا ايد واحده والله ما كان حد فكر يقول حتى هبعت محقق
بس الحمد لله ع الانجاز اللى حققه شباب 23 مش 30